بنەمای پەرەگراف متمانەیە


دەربارەی پەرەگراف

 

پەرەگراف ماڵپەڕێكی كوردیی ئازاد‌و سەربەخۆیە، لە میانی كاركردنیدا ڕەچاوی بنەما ئەخلاقی‌و پیشەییەكانی كاری ڕۆژنامەوانی دەكات (هاوسەنگی، وردبینی و بەویژدانی).

 

پەرەگراف زیاتر گرنگی بە ڕاپۆرت‌و بەدواداچونی ڕۆژنامەوانی دەدات لە بوارەكانی سیاسی، ئابوری‌و كۆمەڵایەتی، سنوری ڕوماڵی زیاتر هەرێمی كوردستانە سەرباری كاركردن لەسەر پارچەكانی دیكەی كوردستان.

 

لەگەڵ هەبوونی ژمارەیەكی زۆر كەناڵی میدیایی كە زۆربەیان حزبی و سێبەری حزب و كەسایەتییە سیاسییەكانن، پەرەگراف هەبوونی میدیای ئازادو سەربەخۆ بە گرنگ دەزانێت، بە ئامانجی پڕكردنەوەی ئەو  بۆشاییە كاردەكات كە لە میدیای كوردیداهەیە، ئەوەش لە كاتێكدایە هەرێم و پارچەكانی دیكەی كوردستان لە بەردەم گۆڕانكاریی و قۆناغێكی نوێی ناوچەكەدان.

 

سەربەخۆیی و ئازادیی كاركردنی پەرەگراف لەوەوە سەرچاوە دەگرێت كە بەپارەی ستافەكەی دامەزراوەو سەرچاوەی داهاتی ڕیكلام‌و وەرگرتنی پشتیوانی داراییە لەو ڕێكحراوە نێودەوڵەتییانەی پشتیوانیی میدیای سەربەخۆ دەكەن لە سەرتاسەری دونیا.

 

پەرەگراف متمانەی وەرگرانی زۆر بەلاوە گرنگە، هەربۆیە "بنەمای پەرەگراف متمانەیە"ی كردووە بە دروشمی سەرەكی خۆی‌.

 

ڕۆژی 16-1-2017 كاتژمێر 6ی ئێوارە پەرەگراف دەستیكرد بە بڵاوكردنەوەی بابەتەكانی، هاوكات لە هەنگاوێكی دیكەی گرنگدا ڕۆژی 27-11-2018 بەشی ئینگلیزیی پەرەگراف كەوتەكار.