بنەمای پەرەگراف متمانەیە

نەوتی كەركوك لە مامەڵەی تانكەر و بۆریدا

نەوتی كەركوك لە مامەڵەی تانكەر و بۆریدا
بۆریی نەوتی هەرێمی كوردستان كە پێشتر نەوتی كەركوك لە ڕێیەوە هەناردەی توركیا دەكرا. وێنە؛ پەرەگراف.

 

پەرەگراف- كەركوك ناو

 

وەزارەتی نەوتی عێراق سەرقاڵی ئامادەكارییە بۆ هەناردەكردنی نەوتی كەركوك، بۆ هەریەكە لە توركیاو ئێران، لەڕێی بۆریی‌و تانكەرەوە، هەوڵەكان لەكاتێكدایە ئیدارەی پارێزگاكە سەرقاڵی گەڵاڵەكردنی یاداشتێكە بۆ حكومەتی عێراق‌و دەیانەوێت ڕۆڵیان هەبێت لە گفتوگۆی هەناردەكردنی نەوتی پارێزگاكە.

 

پلانەكەی عێراق لەسەر دوو ئاست خۆی دەبینێتەوە، یەكێكیان دروستكردنی بۆرییەكی نوێیە بۆ بەندەری جەیهانی توركیاو لەڕێیەوە نەوتی كەركوك هەناردەبكرێت، ئەوەی دیكەشیان هەناردەكردنی نەوتە بە تانكەر بۆ كۆماری ئیسلامی ئێران، ئەوەش دوای ئەوە دێت كە هەناردەی نەوتی پارێزگاكە لە 16ی ئۆكتۆبەری ڕابردووەوە ڕاگیراوە دوای پاشەكشێی هێزەكانی سەر بە حكومەتی هەرێم كە كۆنتڕۆڵی زۆرینەی كێڵگە نەوتییەكانیان كردبوو.

 

بۆری نوێی نەوت

 

وەزارەتی نەوتی عێراق بەشێوەیەكی كرداریی هەوڵەكانی دەستپێكردوە بۆ دروستكردنی بۆرییەكی نوێی نەوت بۆ بەندەری جەیهانی توركیا، كە بەپێی تەندەری دروستكردنی بۆرییەكە كە كۆتایی مانگی 12ی ساڵی ڕابردوو وەزارەتی نەوتی عێراق بڵاویكردەوە، توانای هەناردەكردنی یەك ملیۆن بەرمیلی ڕۆژانە دەبێت.

 

ئامانج لە دروستكردنی ئەو بۆرییە گواستنەوەی بەشێك لە نەوتی كەركوكە بۆ بەندەری جەیهانی توركیا لەسەر دەریای سپی ناوەڕاست.

 

سەرچاوەیەك لە كەرتی نەوتی كەركوك بۆ (كەركوك ناو) ئاماژەی بەوەدا، بە دروستكردنی ئەو بۆرییە عێراق دەتوانێت دور لە هەرێمی كوردستان نەوتی كەركوك هەناردەبكات، چونكە بۆرییە كۆنەكە لە ڕۆژئاوای زاخۆ لەگەڵ بۆری نەوتبەری هەرێم تێكەڵكراوە، بەڵام بۆرییە نوێیەكە بەسەربەخۆ نەوت دەگوازێتەوە.

 

ئەحمەد عەسكەری، سەرۆكی لیژنەی وزە لە ئەنجومەنی پارێزگای كەركوك بە (كەركوك ناو)ی وت "بە دروستكردنی ئەو بۆرییە عیراق راستەوخۆ نەوتی كەركوك بۆ دەرەوە دەنێرێت و پێویستی بە بۆری نەوتی هەرێم نابێت."

 

ڕێڕەوی پێشنیاركراوی بۆرییە نوێیەكە بە تەنیشت بۆرییەكەی ئێستاوەیە، كە بە ناوچەی فەتحە لە پارێزگای سەڵاحەدین‌و ڕوباری دیجلەو خابوردا تێدەپەڕێت، كە بە سیستمێكی پێشكەوتوو كاردەكات و لەدورەوە كۆنتڕۆڵدەكرێت و دەتوانێت لێچون ئاشكرابكات.

 

بۆرییە نوێیەكە دوای وێستگەی پێوان بە بۆرییەكەی ئێستاوە دەبەسترێت‌و دواتر بەردەوام دەبێت لەخاكی توركیا تا دەگاتە بەندەری جەیهان، ئەوەش بەپێی تەندەرەكە كە وەزارەتی نەوت بڵاویكردۆتەوە.

 

كارەكانی كۆنتڕۆڵ‌و پێوان بە سیستمی نوێ ئەنجام دەدرێن و دوو ژوور بۆ كۆنتڕۆڵ دروستدەكرێن كە یەكێكیان لەوێستگەی یەكەم‌و ئەوەی دیكەیان لە بەندەری جەیهان دەبێت.

 

سەرچاوەكەی كەرتی نەوتی كەركوك كە داوایكرد ناوی نەهێنرێت باسی لەوەكرد، لە ئێستادا بەرهەمی نەوتی كێڵگەكانی كەركوك، نزیكەی 140 هەزار بەمیلی ڕۆژانەیە، هەموی دەدرێت بە پاڵاوگەكانی قەیوان، كەڵەك، دوكان، كەركوك، بەغدا.

 

ئەو ڕێژەیە بەرهەمی نەوتی كێڵگەكانی ئاڤاناو بای حەسەنی تێدا نییە كە لە دوای ڕووداوەكانی 16 ئۆكتۆبەری ساڵی ڕابردووەوە بەرهەمهێنان تێیاندا وەستاوەو بەرهەمی پێشویان 200 بۆ 250 هەزار بەرمیل نەوتی ڕۆژانە بوو.

 

هەرچەندە تائێستا دیار نییە كەی هەناردەی نەوتی كەركوك دەستپێدەكاتەوە، بەڵام چەند مانگێكە وەزارەتی نەوتی عێراق هەوڵەكانی دەستپێكردووە بۆ گەشەپێدانی كێڵگە نەوتییەكانی كەركوك و هەناردەكردنی نەوتەكەی.

 

وەزارەتی نەوتی عێراق ڕۆژی 18 مانگی ڕابردوو یاداشتێكی لێك تێگەیشتنی لەگەڵ كۆمپانیای بی پی (BP)جیهانیی واژۆكرد، بەمەبەستی بەرزكردنەوەی ئاستی بەرهەمی نەوتی كەركوك، ئەوەش بەپێی ماڵپەڕی فەرمی وەزارەتەكە.

 

جەبار لوعەیبی، وەزیری نەوتی عێراق لە مەراسیمی ئیمزاكردنی یاداشتەكەدا سوربونی وەزارەتەكەی بۆ گەشەپێدانی كێڵگەكانی كەركوك ڕاگەیاند، لەپێناو كردنەوەی لاپەڕەیەكی نوێ بۆ كارەكانی كۆمپانیای نەوتی باكور و بەرەوپێشبردنی ڕۆڵی لە بەرزكردنەوەی بەرهەمدا.

 

بەپێی یاداشتەكە، كۆمپانیاكە هەڵدەستێت بە ڕوپێوی‌و ئامادەكردنی توێژینەوە لەپێناو كاركردن لەسەر گەشەپێدانی كێڵگە نەوتییەكانی كەركوك‌و زیادكردنی بەرهەم، بەجۆرێك كە ڕێژەی مام ناوەندی بگاتە 750 هەزار بەرمیلی ڕۆژانە.

 

گواستنەوە بە تانكەر بۆ ئێران

 

لە پاڵ كاركردن بۆ هەناردەی نەوتی كەركوك لە ڕێگەی بۆرییەوە بۆ توركیا، وەزارەتی نەوتی عێراق ساڵی ڕابردوو ڕێككەوتنێكی لەگەڵ ئێران واژۆكرد بۆ هەناردەی بەشێك لە نەوتی كەركوك بە تانكەر بۆ پاڵاوگەی كرماشان.

 

بەپێی ڕێككەوتنەكە، ڕۆژانە لەنێوان 30 بۆ 60 هەزار بەرمیل نەوتی خاوی كەركوك بە تانكەر دەگوازرێتەوە بۆ پاڵاوگەی كرماشان، لە بەرانبەردا هەمان بڕی نەوت بەهەمان كوالێتی لەلایەن ئێرانەوە لە بەندەرەكانی باشوری عێراقەوە لەسەر كەنداو ڕادەستی عێراق دەكرێتەوە.

 

بەوتەی سەرچاوەكەی كەرتی نەوتی كەركوك، هەناردەكردنی نەوتی خاو لە ڕێگەی تانكەرەوە كارێكی گونجاو نییە و تێچوی زۆرە، بەڵام پرسی هەناردەكردنی نەوت بە تانكەر بۆ ئێران "زیاتر سیاسییە وەك پرسێكی تایبەت بە وزە."

 

كۆتایی ساڵی ڕابردوو جەبار لوعەیبی، وەزیری نەوتی عێراق لە بەیاننامەیەكدا ڕایگەیاند ڕێككەوتنەكەیان لەگەڵ ئێران بۆ ماوەی ساڵێكەو دەكرێت نوێبكرێتەوە.

 

چاوەڕواندەكرا هەفتەی ڕابردوو هەناردەكردنی نەوت بە تانكەر بۆ ئێران بچێتە بواری جێبەجێكردنەوە، بەڵام دوو بەرپرسی كەرتی نەوتی عێراقی ڕۆژی دوشەممە بۆ ئاژانسی ڕۆیتەرز هۆكاری دواكەوتنی پڕۆسەكەیان بۆ لایەنی تەكنیكی گێڕایەوە.

 

بەرپرسەكان ئاماژەیان بەوەكردووە، هێزە عێراقییەكان ئامادەكاریی دەكەن بۆ دەستپێكردنی هێرشێك لەم هەفتەیەدا بە ئامانجی دابینكردنی ئاسایش لە سنوری زنجیرە چیاكانی حەمرین، بە ئامانجی بەكارهێنانی ناوچەكە بۆ گواستنەوەی نەوت بە تانكەر بۆ ئێران.

 

ئۆپەراسیۆنەكە سنورێك دەگرێتەوە كە دەكەوێتە نێوان كێڵگە نەوتییەكانی كەركوك و خانەقین لەسەر سنوری ئێران.

 

ئەنجومەنی پارێزگا یاداشتێكی ناڕەزایی بەرزدەكاتەوە

 

لەگەڵ هەوڵەكانی وەزارەتی نەوتی عێراق بۆ هەناردەكردنی نەوتی كەركوك، لیژنەی وزەی ئەنجومەنی پارێزگای كەركوك "یاداشتێكی ناڕەزایی" ئامادەكردوە تا لەلایەن ئەنجومەنەوە ڕەوانەی وەزارەتەكە بكرێت، بەو پێیەی لە ڕێككەوتنەكانی تایبەت بە نەوت "پشتگوێخراون."

 

ئەحمەد عەسكەری سەرۆكی لیژنەكە بە (كەركوك ناو)ی وت "ئێمە لە ڕێككەوتنەكانی تایبەت بە هەناردەی نەوتی كەركوك پشتگوێخراوین، بۆیە یاداشتێكمان ئامادەكردوەو ڕادەستی ئەنجومەنمان كردووە تا ئەویش ڕەوانەی وەزارەتی نەوتی بكات، وێنەیەكیشی لێ بدرێت بە پەرلەمان و حكومەتی عێراق."

 

ئەنجومەنی پارێزگای كەركوك لەدوای ڕوداوەكانی 16 ئۆكتۆبەرەوە دانیشتنێكی چەند خولەكی ئەنجامداوەو بەهۆی ناكۆكی نێوان لایەنە پێكهێنەرەكانییەوە تائێستا نەیتوانیوە كۆبونەوەی دیكە ئەنجام بدات.

 

عەسكەری جەختیكردەوە، كە لەم ڕۆژانەدا یادشتەكە ڕەوانەی بەغدا دەكرێت، ئەگەر وەڵام نەدرێنەوە پەنا دەبەنەبەر دادگای فیدراڵی، چونكە بەپێی دەستور دەبێت وەزارەت هەماهەنگی لەگەڵ پارێزگاكان بكات لە دۆسیەی نەوتدا.

 

ئەمە یەكەمجارە یاداشتێكی لەو شێوەیە ئامادەبكرێت، لەدوای ڕوداوەكانی 16 ئۆكتۆبەرەوە كە بەهۆیەوە هەناردەی نەوتی كەركوك ڕاگیرا.

 

ڕێبوار تەها یەكێك لە نوێنەرانی كەركوك لە پەرلەمانی عێراق بە (كەركوك ناو)ی وت "ئەوەی لای ئێمە گرنگە ئەوەیە داهاتی نەوت بۆ كەركوكییەكان بێت، چۆن هەناردە دەكرێت ئەوە پەیوەندی بە وەزارەتی نەوتەوە هەیە."

 

باسی لەوەشكرد، كە ئەوان لە هەوڵی بەردەوامدان بۆ ئەوەی كەركوك شایستە داراییەكانی خۆی وەربگرێت، هەروەها لەبودجەی ئەمساڵی عێراقدا پشكی پتڕۆدۆلاری بۆ دابنرێت.

 

ئه‌م بابه‌ته 574 جار خوێنراوه‌ته‌وه‌‌

نەوتی كەركوك لە مامەڵەی تانكەر و بۆریدا

2018-02-12 15:47:46

 

پەرەگراف- كەركوك ناو

 

وەزارەتی نەوتی عێراق سەرقاڵی ئامادەكارییە بۆ هەناردەكردنی نەوتی كەركوك، بۆ هەریەكە لە توركیاو ئێران، لەڕێی بۆریی‌و تانكەرەوە، هەوڵەكان لەكاتێكدایە ئیدارەی پارێزگاكە سەرقاڵی گەڵاڵەكردنی یاداشتێكە بۆ حكومەتی عێراق‌و دەیانەوێت ڕۆڵیان هەبێت لە گفتوگۆی هەناردەكردنی نەوتی پارێزگاكە.

 

پلانەكەی عێراق لەسەر دوو ئاست خۆی دەبینێتەوە، یەكێكیان دروستكردنی بۆرییەكی نوێیە بۆ بەندەری جەیهانی توركیاو لەڕێیەوە نەوتی كەركوك هەناردەبكرێت، ئەوەی دیكەشیان هەناردەكردنی نەوتە بە تانكەر بۆ كۆماری ئیسلامی ئێران، ئەوەش دوای ئەوە دێت كە هەناردەی نەوتی پارێزگاكە لە 16ی ئۆكتۆبەری ڕابردووەوە ڕاگیراوە دوای پاشەكشێی هێزەكانی سەر بە حكومەتی هەرێم كە كۆنتڕۆڵی زۆرینەی كێڵگە نەوتییەكانیان كردبوو.

 

بۆری نوێی نەوت

 

وەزارەتی نەوتی عێراق بەشێوەیەكی كرداریی هەوڵەكانی دەستپێكردوە بۆ دروستكردنی بۆرییەكی نوێی نەوت بۆ بەندەری جەیهانی توركیا، كە بەپێی تەندەری دروستكردنی بۆرییەكە كە كۆتایی مانگی 12ی ساڵی ڕابردوو وەزارەتی نەوتی عێراق بڵاویكردەوە، توانای هەناردەكردنی یەك ملیۆن بەرمیلی ڕۆژانە دەبێت.

 

ئامانج لە دروستكردنی ئەو بۆرییە گواستنەوەی بەشێك لە نەوتی كەركوكە بۆ بەندەری جەیهانی توركیا لەسەر دەریای سپی ناوەڕاست.

 

سەرچاوەیەك لە كەرتی نەوتی كەركوك بۆ (كەركوك ناو) ئاماژەی بەوەدا، بە دروستكردنی ئەو بۆرییە عێراق دەتوانێت دور لە هەرێمی كوردستان نەوتی كەركوك هەناردەبكات، چونكە بۆرییە كۆنەكە لە ڕۆژئاوای زاخۆ لەگەڵ بۆری نەوتبەری هەرێم تێكەڵكراوە، بەڵام بۆرییە نوێیەكە بەسەربەخۆ نەوت دەگوازێتەوە.

 

ئەحمەد عەسكەری، سەرۆكی لیژنەی وزە لە ئەنجومەنی پارێزگای كەركوك بە (كەركوك ناو)ی وت "بە دروستكردنی ئەو بۆرییە عیراق راستەوخۆ نەوتی كەركوك بۆ دەرەوە دەنێرێت و پێویستی بە بۆری نەوتی هەرێم نابێت."

 

ڕێڕەوی پێشنیاركراوی بۆرییە نوێیەكە بە تەنیشت بۆرییەكەی ئێستاوەیە، كە بە ناوچەی فەتحە لە پارێزگای سەڵاحەدین‌و ڕوباری دیجلەو خابوردا تێدەپەڕێت، كە بە سیستمێكی پێشكەوتوو كاردەكات و لەدورەوە كۆنتڕۆڵدەكرێت و دەتوانێت لێچون ئاشكرابكات.

 

بۆرییە نوێیەكە دوای وێستگەی پێوان بە بۆرییەكەی ئێستاوە دەبەسترێت‌و دواتر بەردەوام دەبێت لەخاكی توركیا تا دەگاتە بەندەری جەیهان، ئەوەش بەپێی تەندەرەكە كە وەزارەتی نەوت بڵاویكردۆتەوە.

 

كارەكانی كۆنتڕۆڵ‌و پێوان بە سیستمی نوێ ئەنجام دەدرێن و دوو ژوور بۆ كۆنتڕۆڵ دروستدەكرێن كە یەكێكیان لەوێستگەی یەكەم‌و ئەوەی دیكەیان لە بەندەری جەیهان دەبێت.

 

سەرچاوەكەی كەرتی نەوتی كەركوك كە داوایكرد ناوی نەهێنرێت باسی لەوەكرد، لە ئێستادا بەرهەمی نەوتی كێڵگەكانی كەركوك، نزیكەی 140 هەزار بەمیلی ڕۆژانەیە، هەموی دەدرێت بە پاڵاوگەكانی قەیوان، كەڵەك، دوكان، كەركوك، بەغدا.

 

ئەو ڕێژەیە بەرهەمی نەوتی كێڵگەكانی ئاڤاناو بای حەسەنی تێدا نییە كە لە دوای ڕووداوەكانی 16 ئۆكتۆبەری ساڵی ڕابردووەوە بەرهەمهێنان تێیاندا وەستاوەو بەرهەمی پێشویان 200 بۆ 250 هەزار بەرمیل نەوتی ڕۆژانە بوو.

 

هەرچەندە تائێستا دیار نییە كەی هەناردەی نەوتی كەركوك دەستپێدەكاتەوە، بەڵام چەند مانگێكە وەزارەتی نەوتی عێراق هەوڵەكانی دەستپێكردووە بۆ گەشەپێدانی كێڵگە نەوتییەكانی كەركوك و هەناردەكردنی نەوتەكەی.

 

وەزارەتی نەوتی عێراق ڕۆژی 18 مانگی ڕابردوو یاداشتێكی لێك تێگەیشتنی لەگەڵ كۆمپانیای بی پی (BP)جیهانیی واژۆكرد، بەمەبەستی بەرزكردنەوەی ئاستی بەرهەمی نەوتی كەركوك، ئەوەش بەپێی ماڵپەڕی فەرمی وەزارەتەكە.

 

جەبار لوعەیبی، وەزیری نەوتی عێراق لە مەراسیمی ئیمزاكردنی یاداشتەكەدا سوربونی وەزارەتەكەی بۆ گەشەپێدانی كێڵگەكانی كەركوك ڕاگەیاند، لەپێناو كردنەوەی لاپەڕەیەكی نوێ بۆ كارەكانی كۆمپانیای نەوتی باكور و بەرەوپێشبردنی ڕۆڵی لە بەرزكردنەوەی بەرهەمدا.

 

بەپێی یاداشتەكە، كۆمپانیاكە هەڵدەستێت بە ڕوپێوی‌و ئامادەكردنی توێژینەوە لەپێناو كاركردن لەسەر گەشەپێدانی كێڵگە نەوتییەكانی كەركوك‌و زیادكردنی بەرهەم، بەجۆرێك كە ڕێژەی مام ناوەندی بگاتە 750 هەزار بەرمیلی ڕۆژانە.

 

گواستنەوە بە تانكەر بۆ ئێران

 

لە پاڵ كاركردن بۆ هەناردەی نەوتی كەركوك لە ڕێگەی بۆرییەوە بۆ توركیا، وەزارەتی نەوتی عێراق ساڵی ڕابردوو ڕێككەوتنێكی لەگەڵ ئێران واژۆكرد بۆ هەناردەی بەشێك لە نەوتی كەركوك بە تانكەر بۆ پاڵاوگەی كرماشان.

 

بەپێی ڕێككەوتنەكە، ڕۆژانە لەنێوان 30 بۆ 60 هەزار بەرمیل نەوتی خاوی كەركوك بە تانكەر دەگوازرێتەوە بۆ پاڵاوگەی كرماشان، لە بەرانبەردا هەمان بڕی نەوت بەهەمان كوالێتی لەلایەن ئێرانەوە لە بەندەرەكانی باشوری عێراقەوە لەسەر كەنداو ڕادەستی عێراق دەكرێتەوە.

 

بەوتەی سەرچاوەكەی كەرتی نەوتی كەركوك، هەناردەكردنی نەوتی خاو لە ڕێگەی تانكەرەوە كارێكی گونجاو نییە و تێچوی زۆرە، بەڵام پرسی هەناردەكردنی نەوت بە تانكەر بۆ ئێران "زیاتر سیاسییە وەك پرسێكی تایبەت بە وزە."

 

كۆتایی ساڵی ڕابردوو جەبار لوعەیبی، وەزیری نەوتی عێراق لە بەیاننامەیەكدا ڕایگەیاند ڕێككەوتنەكەیان لەگەڵ ئێران بۆ ماوەی ساڵێكەو دەكرێت نوێبكرێتەوە.

 

چاوەڕواندەكرا هەفتەی ڕابردوو هەناردەكردنی نەوت بە تانكەر بۆ ئێران بچێتە بواری جێبەجێكردنەوە، بەڵام دوو بەرپرسی كەرتی نەوتی عێراقی ڕۆژی دوشەممە بۆ ئاژانسی ڕۆیتەرز هۆكاری دواكەوتنی پڕۆسەكەیان بۆ لایەنی تەكنیكی گێڕایەوە.

 

بەرپرسەكان ئاماژەیان بەوەكردووە، هێزە عێراقییەكان ئامادەكاریی دەكەن بۆ دەستپێكردنی هێرشێك لەم هەفتەیەدا بە ئامانجی دابینكردنی ئاسایش لە سنوری زنجیرە چیاكانی حەمرین، بە ئامانجی بەكارهێنانی ناوچەكە بۆ گواستنەوەی نەوت بە تانكەر بۆ ئێران.

 

ئۆپەراسیۆنەكە سنورێك دەگرێتەوە كە دەكەوێتە نێوان كێڵگە نەوتییەكانی كەركوك و خانەقین لەسەر سنوری ئێران.

 

ئەنجومەنی پارێزگا یاداشتێكی ناڕەزایی بەرزدەكاتەوە

 

لەگەڵ هەوڵەكانی وەزارەتی نەوتی عێراق بۆ هەناردەكردنی نەوتی كەركوك، لیژنەی وزەی ئەنجومەنی پارێزگای كەركوك "یاداشتێكی ناڕەزایی" ئامادەكردوە تا لەلایەن ئەنجومەنەوە ڕەوانەی وەزارەتەكە بكرێت، بەو پێیەی لە ڕێككەوتنەكانی تایبەت بە نەوت "پشتگوێخراون."

 

ئەحمەد عەسكەری سەرۆكی لیژنەكە بە (كەركوك ناو)ی وت "ئێمە لە ڕێككەوتنەكانی تایبەت بە هەناردەی نەوتی كەركوك پشتگوێخراوین، بۆیە یاداشتێكمان ئامادەكردوەو ڕادەستی ئەنجومەنمان كردووە تا ئەویش ڕەوانەی وەزارەتی نەوتی بكات، وێنەیەكیشی لێ بدرێت بە پەرلەمان و حكومەتی عێراق."

 

ئەنجومەنی پارێزگای كەركوك لەدوای ڕوداوەكانی 16 ئۆكتۆبەرەوە دانیشتنێكی چەند خولەكی ئەنجامداوەو بەهۆی ناكۆكی نێوان لایەنە پێكهێنەرەكانییەوە تائێستا نەیتوانیوە كۆبونەوەی دیكە ئەنجام بدات.

 

عەسكەری جەختیكردەوە، كە لەم ڕۆژانەدا یادشتەكە ڕەوانەی بەغدا دەكرێت، ئەگەر وەڵام نەدرێنەوە پەنا دەبەنەبەر دادگای فیدراڵی، چونكە بەپێی دەستور دەبێت وەزارەت هەماهەنگی لەگەڵ پارێزگاكان بكات لە دۆسیەی نەوتدا.

 

ئەمە یەكەمجارە یاداشتێكی لەو شێوەیە ئامادەبكرێت، لەدوای ڕوداوەكانی 16 ئۆكتۆبەرەوە كە بەهۆیەوە هەناردەی نەوتی كەركوك ڕاگیرا.

 

ڕێبوار تەها یەكێك لە نوێنەرانی كەركوك لە پەرلەمانی عێراق بە (كەركوك ناو)ی وت "ئەوەی لای ئێمە گرنگە ئەوەیە داهاتی نەوت بۆ كەركوكییەكان بێت، چۆن هەناردە دەكرێت ئەوە پەیوەندی بە وەزارەتی نەوتەوە هەیە."

 

باسی لەوەشكرد، كە ئەوان لە هەوڵی بەردەوامدان بۆ ئەوەی كەركوك شایستە داراییەكانی خۆی وەربگرێت، هەروەها لەبودجەی ئەمساڵی عێراقدا پشكی پتڕۆدۆلاری بۆ دابنرێت.