بنەمای پەرەگراف متمانەیە

ڕۆحانی جارێكی دیكە بە گەروی هورمز هەڕەشە دەكات‌و دەڵێت: ترەمپ یاری بە كلكی شێر دەكات

ڕۆحانی جارێكی دیكە بە گەروی هورمز هەڕەشە دەكات‌و دەڵێت: ترەمپ یاری بە كلكی شێر دەكات
ڕۆحانی بۆ ترەمپ: لەگەڵ كلكی شێر گەمە مەكەن.

 

پەرەگراف

 

حەسەن ڕۆحانی هۆشداریی دەداتە دۆناڵد ترەپ لە هەڵگیرساندنی شەڕ لەگەڵ وڵاتەكەی‌و جارێكی دیكە هەڕەشەی داخستنی گەروی هورمز دەكات لە كاردانەوەی فشارە ئابورییەكانی ئەمەریكادا، دەڵێت، لەگەڵ كلكی شێر گەمە مەكەن.

 

هەڵوێستە بەردەوامەكانی سەرۆك كۆماری ئێران بە داخستنی گەروی هورمز كە گرنگترین ڕێڕەوی بازرگانیی نەوتی جیهانە لەكاتێكدایە بەرپرسانی باڵای ئێران پشتیوانیی دەكەن، دوێنێش عەلی خامنەیی ڕابەری باڵای ئەو وڵاتە پاڵپشتی بۆ ڕۆحانی دەربڕی.

 

"دوژمنان دەبێت بزانن شەڕی ئێران دایكی هەموو شەڕەكانە و ئاشتی لەگەڵ ئێرانیش ئاشتی هەموو ئاشتییەكانە. ئێمە هەرگیز لە هەڕەشە كردن ناترسین و مل بەهەڕەشەش نادەین" حەسەن ڕۆحانی سەرۆك كۆماری ئێران وادەڵێت.

 

ڕۆحانی تەئكیدی كردەوە وڵاتەكەی تەسلیم بە فشارەكانی ئەمەریكا نابێت، دەربارەی داخستنی گەروی هورمز لەلایەن وڵاتەكەیەوە وتی"كاتێك دەڵێین نەوتی ئێمە هەناردە نەكرێت نەوتی كەس هەناردە ناكرێت لایان وایە مەبەستمان داخستنی گەروی هورمزە لە حاڵێكدا وا نییەو ڕێگەی زۆر و گەروی زیاتریشمان بۆ ئەم كارە بەدەستەوەیە، هورمز ئاسانترینیەتی. ئێوە لاتان وایە كە ئێران ئەوەندە لاوازە ڕێگە بدات ئێوە بە خواستی خۆتان بگەن، ئەمە گەمە كردن بە كلكی شێرە. لەم كارە دڵنیا بن پەشیمان دەبنەوە."

 

داخستنی گەروی هورمز تووندترین كاردانەوەی تاران دەبێت بەرامبەر جێبەجێ كردنی سزایەكی ئەمەریكا كە دەیەوێت ڕێگریی بكات لە فرۆشتنی نەوتی ئێران.

 

كاتێك ئێران ئەوكارتە فشارەی خستەبەرباس، ئەمەریكا هەڕەشەی وەڵامدانەوەی سەربازیی كرد ئەگەر ئێران هەنگاوێكی لەوجۆرە بنێت‌و گەرووەكە دابخات. كارێكی لەو جۆرەی تاران دەبێتەهۆی خنكاندنی وڵاتانی كەنداوی عەرەب كە ئەو گەرووە تاكە ڕێڕەویی بازرگانیی دەریاییانە.

 

بەرپرسانی باڵای سوپای ئێران لەناویاندا قاسم سلێمانی فەرماندەی فەیلەقی قودس، پشتیوانییان بۆ حەسەن ڕۆحانی پیشانداوە بۆ داخستنی گەروی هورمز.

 

گەروی هورمز بە "دەم"ی كەنداوی عەرەب(یاخود كەنداوی فارس) دادەنرێت‌و گەورەترین ڕێڕەوی جیهانییە بۆ هاتوچۆی كەشتییە نەوتییەكان، دەوروبەری لەسەدا 30 بازرگانی دەریایی نەوت لەو گەرووەوە ئەنجامدەدرێت.

 

 

هێڵە سوورەكە تێپەڕبوونە بە گەروی هورمزدا.

 

گەروی هورمز شوێنێكی ستراتیژییە بۆ وڵاتانی كەنداوی عەرەب بەوپێیەی تاكە ڕێڕەوی دەرچوونە لە كەنداوەكە، ئەگەر ئەو گەرووە دابخرێت، ئەو وڵاتانە ڕوبەڕوی كێشەی قورسی ئابوری دەبنەوە كە بریتین لە؛ عێراق، كوەیت، سعودیە، بەحرەین‌و قەتەر.

 

دۆناڵد ترەمپ سەرۆكی ئەمەریكا دوای ئەوەی مانگی 5ی ئەمساڵ لە ڕێككەوتنی ئەتۆمیی لەگەڵ ئێران كشایەوە، دەیەوێت لە مانگی 11ی ئەمساڵدا سزاكانی وڵاتەكەی بەسەر ئێراندا بسەپێنێتەوەو لەو چوارچێوەیەدا فرۆشتنی نەوتی ئێران سفر بكات‌و كڕیارانی نەوت ڕازی بكات نەوتی ئێران نەكڕن.

 

ئێران سێیەم گەورە بەرهەمهێنەری نەوتە لە ڕێكخراوی ئۆپیك، ڕۆژانە 2.28 ملیۆن بەرمیل نەوت هەناردەی دەرەوەی وڵاتەكەی دەكات.

 

بۆ پڕكردنەوەی ئەو كورتهێنانەی توشی بازاڕی نەوت دەبێت لە ئەگەری سفركردنەوەی فرۆشتنی نەوتی ئێران‌و ڕێگریی لە بەرزبوونەوەی نرخ، ترەمپ داوای لە سعودیە كردووە ئاستی بەرهەمهێنانی نەوت 2 ملیۆن بەرمیلی ڕۆژانە زیاد بكات، سعودیەش ڕەزامەندی بەو داواكارییە پیشانداوە.

 

ڕۆحانی جارێكی دیكە بە گەروی هورمز هەڕەشە دەكات‌و دەڵێت: ترەمپ یاری بە كلكی شێر دەكات

2018-07-22 16:20:07

 

پەرەگراف

 

حەسەن ڕۆحانی هۆشداریی دەداتە دۆناڵد ترەپ لە هەڵگیرساندنی شەڕ لەگەڵ وڵاتەكەی‌و جارێكی دیكە هەڕەشەی داخستنی گەروی هورمز دەكات لە كاردانەوەی فشارە ئابورییەكانی ئەمەریكادا، دەڵێت، لەگەڵ كلكی شێر گەمە مەكەن.

 

هەڵوێستە بەردەوامەكانی سەرۆك كۆماری ئێران بە داخستنی گەروی هورمز كە گرنگترین ڕێڕەوی بازرگانیی نەوتی جیهانە لەكاتێكدایە بەرپرسانی باڵای ئێران پشتیوانیی دەكەن، دوێنێش عەلی خامنەیی ڕابەری باڵای ئەو وڵاتە پاڵپشتی بۆ ڕۆحانی دەربڕی.

 

"دوژمنان دەبێت بزانن شەڕی ئێران دایكی هەموو شەڕەكانە و ئاشتی لەگەڵ ئێرانیش ئاشتی هەموو ئاشتییەكانە. ئێمە هەرگیز لە هەڕەشە كردن ناترسین و مل بەهەڕەشەش نادەین" حەسەن ڕۆحانی سەرۆك كۆماری ئێران وادەڵێت.

 

ڕۆحانی تەئكیدی كردەوە وڵاتەكەی تەسلیم بە فشارەكانی ئەمەریكا نابێت، دەربارەی داخستنی گەروی هورمز لەلایەن وڵاتەكەیەوە وتی"كاتێك دەڵێین نەوتی ئێمە هەناردە نەكرێت نەوتی كەس هەناردە ناكرێت لایان وایە مەبەستمان داخستنی گەروی هورمزە لە حاڵێكدا وا نییەو ڕێگەی زۆر و گەروی زیاتریشمان بۆ ئەم كارە بەدەستەوەیە، هورمز ئاسانترینیەتی. ئێوە لاتان وایە كە ئێران ئەوەندە لاوازە ڕێگە بدات ئێوە بە خواستی خۆتان بگەن، ئەمە گەمە كردن بە كلكی شێرە. لەم كارە دڵنیا بن پەشیمان دەبنەوە."

 

داخستنی گەروی هورمز تووندترین كاردانەوەی تاران دەبێت بەرامبەر جێبەجێ كردنی سزایەكی ئەمەریكا كە دەیەوێت ڕێگریی بكات لە فرۆشتنی نەوتی ئێران.

 

كاتێك ئێران ئەوكارتە فشارەی خستەبەرباس، ئەمەریكا هەڕەشەی وەڵامدانەوەی سەربازیی كرد ئەگەر ئێران هەنگاوێكی لەوجۆرە بنێت‌و گەرووەكە دابخات. كارێكی لەو جۆرەی تاران دەبێتەهۆی خنكاندنی وڵاتانی كەنداوی عەرەب كە ئەو گەرووە تاكە ڕێڕەویی بازرگانیی دەریاییانە.

 

بەرپرسانی باڵای سوپای ئێران لەناویاندا قاسم سلێمانی فەرماندەی فەیلەقی قودس، پشتیوانییان بۆ حەسەن ڕۆحانی پیشانداوە بۆ داخستنی گەروی هورمز.

 

گەروی هورمز بە "دەم"ی كەنداوی عەرەب(یاخود كەنداوی فارس) دادەنرێت‌و گەورەترین ڕێڕەوی جیهانییە بۆ هاتوچۆی كەشتییە نەوتییەكان، دەوروبەری لەسەدا 30 بازرگانی دەریایی نەوت لەو گەرووەوە ئەنجامدەدرێت.

 

 

هێڵە سوورەكە تێپەڕبوونە بە گەروی هورمزدا.

 

گەروی هورمز شوێنێكی ستراتیژییە بۆ وڵاتانی كەنداوی عەرەب بەوپێیەی تاكە ڕێڕەوی دەرچوونە لە كەنداوەكە، ئەگەر ئەو گەرووە دابخرێت، ئەو وڵاتانە ڕوبەڕوی كێشەی قورسی ئابوری دەبنەوە كە بریتین لە؛ عێراق، كوەیت، سعودیە، بەحرەین‌و قەتەر.

 

دۆناڵد ترەمپ سەرۆكی ئەمەریكا دوای ئەوەی مانگی 5ی ئەمساڵ لە ڕێككەوتنی ئەتۆمیی لەگەڵ ئێران كشایەوە، دەیەوێت لە مانگی 11ی ئەمساڵدا سزاكانی وڵاتەكەی بەسەر ئێراندا بسەپێنێتەوەو لەو چوارچێوەیەدا فرۆشتنی نەوتی ئێران سفر بكات‌و كڕیارانی نەوت ڕازی بكات نەوتی ئێران نەكڕن.

 

ئێران سێیەم گەورە بەرهەمهێنەری نەوتە لە ڕێكخراوی ئۆپیك، ڕۆژانە 2.28 ملیۆن بەرمیل نەوت هەناردەی دەرەوەی وڵاتەكەی دەكات.

 

بۆ پڕكردنەوەی ئەو كورتهێنانەی توشی بازاڕی نەوت دەبێت لە ئەگەری سفركردنەوەی فرۆشتنی نەوتی ئێران‌و ڕێگریی لە بەرزبوونەوەی نرخ، ترەمپ داوای لە سعودیە كردووە ئاستی بەرهەمهێنانی نەوت 2 ملیۆن بەرمیلی ڕۆژانە زیاد بكات، سعودیەش ڕەزامەندی بەو داواكارییە پیشانداوە.