بنەمای پەرەگراف متمانەیە

حكومەت دان بەوەدا دەنێت پاڵاوگە نایاساییەكان سەرچاوەی نەخۆشیی مەترسیدارن

حكومەت دان بەوەدا دەنێت پاڵاوگە نایاساییەكان سەرچاوەی نەخۆشیی مەترسیدارن
پاشەڕۆی پاڵاوگەیەكی نایاسایی لە نزیك شاری هەولێر. وێنە؛ پەرەگراف.

 

پەرەگراف

 

حكومەتی هەرێم دان بەوەدا دەنێت پاڵاوگە نایاساییەكان زیانیان بە ژینگەو تەندروستی مرۆڤ گەیاندووەو سەرچاوەی نەخۆشیی مەترسیدارن، بڕیاریدا ڕێكاری یاسایی بەرامبەریان بگرێتەبەر.

 

ئەوە لەكاتێكدایە چەند ساڵێكە دەیان پاڵاوگەی نایاسایی لە هەرێمی كوردستان بەبێ وەرگرتنی مۆڵەتی فەرمی كاردەكەن، ئەو پاڵاوگانە بچووك‌و كۆنن‌و حكومەت نەیتوانیوە یاسا بەسەریاندا جێبەجێ بكات، لەبەرئەوەی زۆربەیان بەرپرسانی باڵای حزبی‌و حكومییان لە پشتەوەیەو ئەوان سوودمەندی ماددین لە بوونی پاڵاوگەكان.

 

بۆ گفتوگۆو بڕیاردان لەسەر پاڵاوگە بچووكە نایاساییەكان، ئەمڕۆ ئەنجومەنی نەوت و گازی هەرێمی كوردستان كۆبووەتەوە بە سەرۆكایەتی نێچیرڤان بارزانی، سەرۆك وەزیرانی هەرێمی كوردستان و بە ئامادەبوونی قوباد تاڵەبانی جێگری سەرۆك وەزیران‌و وەزیرە پەیوەندیدارەكان، پارێزگاران، سەرپەرشتیاری ئیدارە سەربەخۆكان، وەزیری ناوخۆ، نوێنەری دەستەی دەستپاكی، دیوانی چاودێریی دارایی، داواكاری گشتی‌و نوێنەری ئاسایش.

 

لە كۆبوونەوەكەدا وەزارەتی سامانە سروشتییەكان ڕاپۆرتێكی سەبارەت بە ژمارەی پاڵاوگەكان‌، شوێنەكانیان و مێژووی سەرهەڵدانی ئەو دیارە نایاساییە پێشكەش كردووە.

 

بەپێی هەواڵێكی ماڵپەڕی حكومەتی هەرێم، كۆبوونەوەكە كۆك بووە كە پێویستە بە زوویی چارەسەری ئەو دیارەیە بكرێت، بەتایبەتی كە ئەو پاڵاوگانە بوونەتە هۆكاری زیانگەیاندنێكی گەورە بە تەندروستی و ژینگەی هەرێمی كوردستان.

 

"لە كۆبوونەوەكەدا چەند نموونەیەكی زەق لە هەردوو پارێزگای هەولێر و سلێمانی باسكراون كە بە ‌هۆی پاشەڕۆی ئەو پاڵاوگانەوە زیانی گەورە بەر‌ سەرچاوەكانی ئاو و بەرهەمی كشتوكاڵی گەیشتووەو‌ هۆكاری سەرەكیشن بۆ بڵاوبوونەوەی چەند نەخۆشییەكی مەترسیدار."

 

 

پاشەڕۆی پاڵاوگە نایاساییەكان مەترسین بۆسەر ژینگەو تەندروستی مرۆڤ. وێنە؛ پەرەگراف.

 

كۆبوونەوە بڕیاری داوە وەزارتی سامانە سروشتییەكان بە هاوكاریی وەزارەتی ناوخۆو سەرۆكی یەكە ئیدارییەكان لە دەرفەتێكی نزیكدا بە میكانیزمێكی پێویستی یاسایی، كار بۆ چارەسەركردنی ئەو پرسە بكات‌و حكومەتیش ڕێكاری پێویست بەرامبەر پاراستنی ژینگە و تەندروستی و ژیانی هاووڵاتیان بگرێتەبەر، دواتریش دەرئەنجامی ئەو ڕێكارە یاساییانە بۆ ڕای گشتی بخرێنەڕوو.

 

 

پاشەڕۆی پاڵاوگە نایاساییەكان مەترسین بۆسەر ژینگەو تەندروستی مرۆڤ. وێنە؛ پەرەگراف.

 

بەپێی هەواڵەكە، هەریەكە لە نێچیرڤان بارزانی‌و قوباد تاڵەبانی لە كۆبوونەوەكەدا تەئكیدیان لەوە كردووەتەوە كە پێویستە دەزگا ئیدارەییەكان بەتایبەتی دەزگاكانی جێبەجێكردن وەك وەزارەتی ناوخۆ، ئەنجومەنی ئاسایش و پۆلیس بە هاوكاریی پارێزگارەكان كار لەسەر ئەم بابەتە بكەن لە ‌چوارچێوەی ئەو میكانزمەی لە كۆبوونەوەكەدا خراوەتەڕوو، داوكاری گشتیش ڕاسپێردراوە لەڕووی یاساییەوە هاوكاری ئەو تیمە بێت.

 

"هەروەها دووپاتیان كردەوە كە پاراستنی ژینگە و ژیانی هاووڵاتیان لە كارە لە پێشینەكانی حكوومەتی هەرێمی كوردستانە،‌ چونكە ژیانی خەڵك و پاراستنی ژینگە لە پرسە ئابوورییەكان گرنگترن و پێویستە جیاوازی لەنێوان ژیان و ژینگەی خەڵك، لەگەڵ دابینكردنی سووتەمەنی بكات."

 

ڕوسیا لە قوماری نەوتی هەرێمی كوردستاندا چی دەستكەوت؟

هەرچەندە ڕوسیا بەفەرمی هەڵوێستی خۆی لەبارەی ڕیفراندۆمەوە بە "بێلایەن" ناوبرد، بەڵام بەوتەی دیبلۆماتكارێك، كریملن بە نافەرمی پەیامی پاڵپشتی بە بارزانی گەیاندبوو.

وەزارەتی ناوخۆ بۆ پەرەگراف: بە هێزی ئەمنیی‌و سەربازیی پاڵاوگە نایاساییەكان دادەخەین

خاوەنی پاڵاوگە نایاساییەكان بڕیاری حكومەت جێبەجێ ناكەن‌و پاڵاوگەكانیان داناخەن، وەزارەتی ناوخۆ هێزی ئەمنیی‌و سەربازیی بۆ داخستنیان بەكاردەهێنێت.

ئەو باندەی پارەكەی نەخۆشخانەی شاریان دزی 7 كەسن‌و دەستگیركران

ئەو باندە چەكدارەی پارەكەی نەخۆشخانەی شاریان لە سلێمانی ڕفاند سەرجەمیان دەستگیركران‌و پارەكە دۆزرایەوە.

پارەكەی نەخۆشخانەی شار چۆن دزرا؟

مووچەی پزیشك‌و كارمەندانی تەندروستیی نەخۆشخانەی شار لە سلێمانی لەلایەن چەند چەكدارێكی دەمامكدارەوە دزرا.

حكومەت دان بەوەدا دەنێت پاڵاوگە نایاساییەكان سەرچاوەی نەخۆشیی مەترسیدارن

2018-07-25 19:37:03

 

پەرەگراف

 

حكومەتی هەرێم دان بەوەدا دەنێت پاڵاوگە نایاساییەكان زیانیان بە ژینگەو تەندروستی مرۆڤ گەیاندووەو سەرچاوەی نەخۆشیی مەترسیدارن، بڕیاریدا ڕێكاری یاسایی بەرامبەریان بگرێتەبەر.

 

ئەوە لەكاتێكدایە چەند ساڵێكە دەیان پاڵاوگەی نایاسایی لە هەرێمی كوردستان بەبێ وەرگرتنی مۆڵەتی فەرمی كاردەكەن، ئەو پاڵاوگانە بچووك‌و كۆنن‌و حكومەت نەیتوانیوە یاسا بەسەریاندا جێبەجێ بكات، لەبەرئەوەی زۆربەیان بەرپرسانی باڵای حزبی‌و حكومییان لە پشتەوەیەو ئەوان سوودمەندی ماددین لە بوونی پاڵاوگەكان.

 

بۆ گفتوگۆو بڕیاردان لەسەر پاڵاوگە بچووكە نایاساییەكان، ئەمڕۆ ئەنجومەنی نەوت و گازی هەرێمی كوردستان كۆبووەتەوە بە سەرۆكایەتی نێچیرڤان بارزانی، سەرۆك وەزیرانی هەرێمی كوردستان و بە ئامادەبوونی قوباد تاڵەبانی جێگری سەرۆك وەزیران‌و وەزیرە پەیوەندیدارەكان، پارێزگاران، سەرپەرشتیاری ئیدارە سەربەخۆكان، وەزیری ناوخۆ، نوێنەری دەستەی دەستپاكی، دیوانی چاودێریی دارایی، داواكاری گشتی‌و نوێنەری ئاسایش.

 

لە كۆبوونەوەكەدا وەزارەتی سامانە سروشتییەكان ڕاپۆرتێكی سەبارەت بە ژمارەی پاڵاوگەكان‌، شوێنەكانیان و مێژووی سەرهەڵدانی ئەو دیارە نایاساییە پێشكەش كردووە.

 

بەپێی هەواڵێكی ماڵپەڕی حكومەتی هەرێم، كۆبوونەوەكە كۆك بووە كە پێویستە بە زوویی چارەسەری ئەو دیارەیە بكرێت، بەتایبەتی كە ئەو پاڵاوگانە بوونەتە هۆكاری زیانگەیاندنێكی گەورە بە تەندروستی و ژینگەی هەرێمی كوردستان.

 

"لە كۆبوونەوەكەدا چەند نموونەیەكی زەق لە هەردوو پارێزگای هەولێر و سلێمانی باسكراون كە بە ‌هۆی پاشەڕۆی ئەو پاڵاوگانەوە زیانی گەورە بەر‌ سەرچاوەكانی ئاو و بەرهەمی كشتوكاڵی گەیشتووەو‌ هۆكاری سەرەكیشن بۆ بڵاوبوونەوەی چەند نەخۆشییەكی مەترسیدار."

 

 

پاشەڕۆی پاڵاوگە نایاساییەكان مەترسین بۆسەر ژینگەو تەندروستی مرۆڤ. وێنە؛ پەرەگراف.

 

كۆبوونەوە بڕیاری داوە وەزارتی سامانە سروشتییەكان بە هاوكاریی وەزارەتی ناوخۆو سەرۆكی یەكە ئیدارییەكان لە دەرفەتێكی نزیكدا بە میكانیزمێكی پێویستی یاسایی، كار بۆ چارەسەركردنی ئەو پرسە بكات‌و حكومەتیش ڕێكاری پێویست بەرامبەر پاراستنی ژینگە و تەندروستی و ژیانی هاووڵاتیان بگرێتەبەر، دواتریش دەرئەنجامی ئەو ڕێكارە یاساییانە بۆ ڕای گشتی بخرێنەڕوو.

 

 

پاشەڕۆی پاڵاوگە نایاساییەكان مەترسین بۆسەر ژینگەو تەندروستی مرۆڤ. وێنە؛ پەرەگراف.

 

بەپێی هەواڵەكە، هەریەكە لە نێچیرڤان بارزانی‌و قوباد تاڵەبانی لە كۆبوونەوەكەدا تەئكیدیان لەوە كردووەتەوە كە پێویستە دەزگا ئیدارەییەكان بەتایبەتی دەزگاكانی جێبەجێكردن وەك وەزارەتی ناوخۆ، ئەنجومەنی ئاسایش و پۆلیس بە هاوكاریی پارێزگارەكان كار لەسەر ئەم بابەتە بكەن لە ‌چوارچێوەی ئەو میكانزمەی لە كۆبوونەوەكەدا خراوەتەڕوو، داوكاری گشتیش ڕاسپێردراوە لەڕووی یاساییەوە هاوكاری ئەو تیمە بێت.

 

"هەروەها دووپاتیان كردەوە كە پاراستنی ژینگە و ژیانی هاووڵاتیان لە كارە لە پێشینەكانی حكوومەتی هەرێمی كوردستانە،‌ چونكە ژیانی خەڵك و پاراستنی ژینگە لە پرسە ئابوورییەكان گرنگترن و پێویستە جیاوازی لەنێوان ژیان و ژینگەی خەڵك، لەگەڵ دابینكردنی سووتەمەنی بكات."