بنەمای پەرەگراف متمانەیە

چیتر خەڵك ناچنە توركیا
شەڕی ڕۆژئاوا زیاتر لە نیوەی گەشتیارانی ڕاگرت

چیتر خەڵك ناچنە توركیا
فڕۆكەخانەی هەولێر


پەرەگراف

شەڕی ڕۆژئاوای كوردستان، ئاگرەكەی لەوێ و بەشێكی هەڵوێستەكەی لە هەرێمی كوردستانە، لەو ڕۆژەوە هاوكات لەگەڵ بایكۆتی شمەكی توركی، خەڵكێكی زۆریش گەشتەكانی بۆ ئەو وڵاتە هەڵوەشاندووەتەوە.

ئۆپەراسیۆنی سەربازی توركیا و چەكدارانی ئۆپۆزسیۆنی سوریا دژی هێزەكانی سوریای دیموكرات(هەسەدە) لە ڕۆژئاوا، ناڕەزایی بەرفراوانی لە نێو كورددا لێكەوتۆتەوە، ئەوان لەگەڵ خۆپیشاندان و ڕەتكردنەوەی لەشكركێشییەكەدا، بە دوای ڕێگایەكەوەن سزای ئەنقەرە بدەن.

هەرزوو، لەگەڵ یەكەم تەقەی توركیا دژی كوردانی ڕۆژئاوا، لە هەرێمی كوردستانەوە جموجۆڵی زیانگەیاندن بە ئابوری ئەو وڵاتە دەستیپێكرد، لە هەنگاوی سەرەتاشدا خەڵك دەیانەوێت نەچنە گەشتی شارەكانیان و شمەكەكانیشیان بایكۆت بكەن.

زێخوین سلێمان، خاوەنی كۆمپانیای سریاس تۆر، كە لە بواری گەشتیاریدا كاردەكات و ئۆفیسی لە شاری زاخۆیە، بەپێی بەدواداچونەكانی ئەو، لە دەستپێكی شەڕەكەوە ڕێژەی گەشتیاری بۆ توركیا سەدا 70 كەمیكردووە.

"سەدا 70 سەردانی توركیا كەمیكردووە و ئەوانەیشی تكتی ئەو وڵاتەیان بڕیوە بە پاس و فڕۆكە هەڵیانوەشاندۆتەوە" سلێمان بۆ پەرەگراف وای وت.

بەر لەوەی ئاگری شەڕ بگاتە ڕۆژئاوا، كۆمپانیاكەی زێخوین ڕۆژانە چەندین پاسی پڕ لە گەشتیاری ڕەوانەی شارە جیاوازەكانی توركیا كردووە، بەڵام ئێستا هەم ژمارەی پاسەكان كەمیانكردووە و هیچ كاتێكیش پڕنابن وەك جاران.

شارە گەشتیارییەكانی توركیای دراوسێی هەرێمی كوردستان، ساڵانێكە بوونەتە شوێنی بەسەربردنی پشوی خێزانی و چێژوەرگرتن لە سروشتی ئەو وڵاتە بۆ هاوڵاتیانی كورد.

"ئەوانەیشی ئێستا دەچنە توركیا بەشێكی زۆری ئەوانەن بە ناچاری و بۆ نەخۆشی دەڕۆن" بەوتەی خاوەنی ئەو كۆمپانیایە.

لەڕێی هەڵمەتەكانی دژ بە توركیا، چونی گەشتیار و كات بەسەربردن لەو وڵاتە وەك عەیبە نیشاندەدرێت، خەڵكێكی زۆر پێیانوایە ئەو پارەیەی لەوێ خەرجدەكرێت، وەك ئەوە وایە بدرێت بە فیشەك لە شەڕی كورددا بەكاربهێنرێت.

بەپێی بەدواداچونەكانی پەرەگراف، هەر لە سەروبەندی ئۆپەراسیۆنەكەوە، نرخی تكتی فڕۆكە و كۆمپانیا فڕۆكەوانییەكانی توركیا بە ڕێژەی زیاتر لە نیوە دابەزین.

زێرەڤان بەكر، گەنجێكی دانیشتوی دهۆكەو دەڵێت ئەگەر گەشتیاریش بچێتە توركیا، ئەوا بەهۆی چەندین پرسەوە كێشەی بۆ دروستدەكرێت، پێشتر بەهۆی ڕیفراندۆمی سەربەخۆیی و ئێستاش بەهۆی شەڕی ڕۆژئاواوە.

"بەشێك لە گەشتیاران كە لە هەولێرەوە دەچنە فڕۆكەخانەی سەبیحە لە ئیستەنبوڵ، بەتایبەتی ئەوانەی گەنج بن، ڕێگرییان لێدەكەن و پاسپۆرتیان وەردەگرن، یان بە فڕۆكەیەكی تر ڕەوانەی هەولێر دەكرێنەوە" بەوتەی زێرەڤان.

ئۆپەراسیۆنەكەی توركیا، كە نزیكەی دوو هەفتەیە بەردەوامیی هەیە، بە پاساوی دروستكردنی ناوچەی ئارامە لە باكور و خۆرهەڵاتی سوریا، بەڵام لەو شەڕەدا، سەدان مەدەنی لە نێویاندا منداڵانی كوردی كردووەتە قوربانی.

كاروان دۆسكی، خەڵكی هەرێمی كوردستانە و پێشتر بەهۆی نەخۆشی دایكییەوە سەردانی ئامەدی كردووە، لە ئێستادا ئەوەشی نەماوە، چونكە جگە لە هۆكاری شەڕ، لە توركیاش ڕەوشی ئەمنی باش نیە و كێشەیان بۆ دروستدەكرێت.

ئەو گەنجە بە پەرەگراف-ی وت "هەر گەشتیاریكی كورد بچێتە توركیا دەیان كێشەی بۆ دروستدەكەن، ئەگەر ناچارنەبین ناچین".

خەڵكێكی زۆر كە پێویستە بۆ نەخۆشی بچنە دەرەوەی هەرێم، وەك دۆسكی ئاگاداریانە، ئێستا لە بری توركیا دەچنە ئێران.

بەپێی ئەو زانیارییانەی پەرەگراف لە دەروازەی ئیبراهیم خەلیل، دەرگای سنوری نێوان توركیا و هەرێمی كوردستان دەستیكەوتووە، ڕێژەی چون و هاتنی گەشتیار سەدا 70 كەمیكردووە.

هەر لەو ئامارانەی دەروازەكەدا هاتووە؛ لە مانگی ڕابردودا و بەر لە شەڕی ڕۆژئاوا، ڕێژەی چون و هاتن لە ئیبراهیم خەلیلەوە گەیشتۆتە زیاتر لە 161 هەزار كەس، كە زۆرینە هەڵگری ڕەگەزنامەی عێراقی بون و بەرەو توركیا ڕۆیشتون.

شەڕی توركیا بۆسەر ڕۆژئاوای كوردستان، هەرچەندە بە نێوەندگیری ئەمریكا دەبوو بە كاتیی ڕابگیرێت، بەڵام بەپێی دوایین پەیامی هەسەدە، توركیا بەردەوامە لە پەلاماردانی شار و كوشتنی خەڵكی مەدەنی.

ئۆپەراسیۆنەكەی توركیا، جگە لە كاردانەوەی كورد لە هەموو دنیادا، لەسەر ئاستی هەرێمی و نێودەوڵەتیش ناڕەزایی لێكەوتەوە، چەندین وڵاتی ئەوروپا وەك سزایەك فرۆشتنی چەكیان بەو وڵاتە ڕاگرت.

لە هەرێمی كوردستان، تۆڕە كۆمەڵایەتیەكان پڕ بووە لە هاوسۆزی و پشتگیری بۆ ڕۆژئاوا، لەڕێی گروپێكیشەوە كە ئەندامەكانی زیاترە لە 100 هەزار كەس، هانی خەڵك دەدرێت چیتر شمەكی توركی نەكڕن و چێژ لە شارە توركییەكان نەبینن بۆ گەشت.

یەك لەدوای یەك دەرگاكان بەڕووی هەرێمی كوردستاندا دادەخرێن

پێدەچێت لە ئایندەیەكی نزیكدا جیهان شوێنی خەزنكردنی نەوتی زیادەی نەبێت

سعودیە بازاڕی نەوتی تووشی شۆك كرد؛ كاریگەریی لەسەر كوردستان دەبێت؟

سعودیە شەڕی نرخی ڕاگەیاند بەرامبەر ڕوسیاو بە هەنگاوێكی كتوپڕ بازاڕی نەوتی جیهانیی تووشی شۆك كرد

دهۆك هەر فڕۆكەخانەی نەدی؛ ساڵانێكە پڕۆژەكە ڕاگیراوە و دەیان خێزانیش بەهۆیەوە بوون بە كرێچی

فڕۆكەخانەی دهۆك، ساڵانێكە بووەتە خەونێكی بەتاڵی خەڵك و كەسیش نازانێت چارەنوسی چی لێدێت.

كەی دامەزراندن دەستپێدەكاتەوە؟

محەمەد بە هەزار چەرمەسەری خوێندنی زانكۆی تەواو كرد، لەوەش زیاتری چەشت بەدوای ئیشدا و لە بوارەكەی خۆیدا هیچی دەستنەكەوت، بۆیە ناچار..

چیتر خەڵك ناچنە توركیا

2019-10-19 22:22:23


پەرەگراف

شەڕی ڕۆژئاوای كوردستان، ئاگرەكەی لەوێ و بەشێكی هەڵوێستەكەی لە هەرێمی كوردستانە، لەو ڕۆژەوە هاوكات لەگەڵ بایكۆتی شمەكی توركی، خەڵكێكی زۆریش گەشتەكانی بۆ ئەو وڵاتە هەڵوەشاندووەتەوە.

ئۆپەراسیۆنی سەربازی توركیا و چەكدارانی ئۆپۆزسیۆنی سوریا دژی هێزەكانی سوریای دیموكرات(هەسەدە) لە ڕۆژئاوا، ناڕەزایی بەرفراوانی لە نێو كورددا لێكەوتۆتەوە، ئەوان لەگەڵ خۆپیشاندان و ڕەتكردنەوەی لەشكركێشییەكەدا، بە دوای ڕێگایەكەوەن سزای ئەنقەرە بدەن.

هەرزوو، لەگەڵ یەكەم تەقەی توركیا دژی كوردانی ڕۆژئاوا، لە هەرێمی كوردستانەوە جموجۆڵی زیانگەیاندن بە ئابوری ئەو وڵاتە دەستیپێكرد، لە هەنگاوی سەرەتاشدا خەڵك دەیانەوێت نەچنە گەشتی شارەكانیان و شمەكەكانیشیان بایكۆت بكەن.

زێخوین سلێمان، خاوەنی كۆمپانیای سریاس تۆر، كە لە بواری گەشتیاریدا كاردەكات و ئۆفیسی لە شاری زاخۆیە، بەپێی بەدواداچونەكانی ئەو، لە دەستپێكی شەڕەكەوە ڕێژەی گەشتیاری بۆ توركیا سەدا 70 كەمیكردووە.

"سەدا 70 سەردانی توركیا كەمیكردووە و ئەوانەیشی تكتی ئەو وڵاتەیان بڕیوە بە پاس و فڕۆكە هەڵیانوەشاندۆتەوە" سلێمان بۆ پەرەگراف وای وت.

بەر لەوەی ئاگری شەڕ بگاتە ڕۆژئاوا، كۆمپانیاكەی زێخوین ڕۆژانە چەندین پاسی پڕ لە گەشتیاری ڕەوانەی شارە جیاوازەكانی توركیا كردووە، بەڵام ئێستا هەم ژمارەی پاسەكان كەمیانكردووە و هیچ كاتێكیش پڕنابن وەك جاران.

شارە گەشتیارییەكانی توركیای دراوسێی هەرێمی كوردستان، ساڵانێكە بوونەتە شوێنی بەسەربردنی پشوی خێزانی و چێژوەرگرتن لە سروشتی ئەو وڵاتە بۆ هاوڵاتیانی كورد.

"ئەوانەیشی ئێستا دەچنە توركیا بەشێكی زۆری ئەوانەن بە ناچاری و بۆ نەخۆشی دەڕۆن" بەوتەی خاوەنی ئەو كۆمپانیایە.

لەڕێی هەڵمەتەكانی دژ بە توركیا، چونی گەشتیار و كات بەسەربردن لەو وڵاتە وەك عەیبە نیشاندەدرێت، خەڵكێكی زۆر پێیانوایە ئەو پارەیەی لەوێ خەرجدەكرێت، وەك ئەوە وایە بدرێت بە فیشەك لە شەڕی كورددا بەكاربهێنرێت.

بەپێی بەدواداچونەكانی پەرەگراف، هەر لە سەروبەندی ئۆپەراسیۆنەكەوە، نرخی تكتی فڕۆكە و كۆمپانیا فڕۆكەوانییەكانی توركیا بە ڕێژەی زیاتر لە نیوە دابەزین.

زێرەڤان بەكر، گەنجێكی دانیشتوی دهۆكەو دەڵێت ئەگەر گەشتیاریش بچێتە توركیا، ئەوا بەهۆی چەندین پرسەوە كێشەی بۆ دروستدەكرێت، پێشتر بەهۆی ڕیفراندۆمی سەربەخۆیی و ئێستاش بەهۆی شەڕی ڕۆژئاواوە.

"بەشێك لە گەشتیاران كە لە هەولێرەوە دەچنە فڕۆكەخانەی سەبیحە لە ئیستەنبوڵ، بەتایبەتی ئەوانەی گەنج بن، ڕێگرییان لێدەكەن و پاسپۆرتیان وەردەگرن، یان بە فڕۆكەیەكی تر ڕەوانەی هەولێر دەكرێنەوە" بەوتەی زێرەڤان.

ئۆپەراسیۆنەكەی توركیا، كە نزیكەی دوو هەفتەیە بەردەوامیی هەیە، بە پاساوی دروستكردنی ناوچەی ئارامە لە باكور و خۆرهەڵاتی سوریا، بەڵام لەو شەڕەدا، سەدان مەدەنی لە نێویاندا منداڵانی كوردی كردووەتە قوربانی.

كاروان دۆسكی، خەڵكی هەرێمی كوردستانە و پێشتر بەهۆی نەخۆشی دایكییەوە سەردانی ئامەدی كردووە، لە ئێستادا ئەوەشی نەماوە، چونكە جگە لە هۆكاری شەڕ، لە توركیاش ڕەوشی ئەمنی باش نیە و كێشەیان بۆ دروستدەكرێت.

ئەو گەنجە بە پەرەگراف-ی وت "هەر گەشتیاریكی كورد بچێتە توركیا دەیان كێشەی بۆ دروستدەكەن، ئەگەر ناچارنەبین ناچین".

خەڵكێكی زۆر كە پێویستە بۆ نەخۆشی بچنە دەرەوەی هەرێم، وەك دۆسكی ئاگاداریانە، ئێستا لە بری توركیا دەچنە ئێران.

بەپێی ئەو زانیارییانەی پەرەگراف لە دەروازەی ئیبراهیم خەلیل، دەرگای سنوری نێوان توركیا و هەرێمی كوردستان دەستیكەوتووە، ڕێژەی چون و هاتنی گەشتیار سەدا 70 كەمیكردووە.

هەر لەو ئامارانەی دەروازەكەدا هاتووە؛ لە مانگی ڕابردودا و بەر لە شەڕی ڕۆژئاوا، ڕێژەی چون و هاتن لە ئیبراهیم خەلیلەوە گەیشتۆتە زیاتر لە 161 هەزار كەس، كە زۆرینە هەڵگری ڕەگەزنامەی عێراقی بون و بەرەو توركیا ڕۆیشتون.

شەڕی توركیا بۆسەر ڕۆژئاوای كوردستان، هەرچەندە بە نێوەندگیری ئەمریكا دەبوو بە كاتیی ڕابگیرێت، بەڵام بەپێی دوایین پەیامی هەسەدە، توركیا بەردەوامە لە پەلاماردانی شار و كوشتنی خەڵكی مەدەنی.

ئۆپەراسیۆنەكەی توركیا، جگە لە كاردانەوەی كورد لە هەموو دنیادا، لەسەر ئاستی هەرێمی و نێودەوڵەتیش ناڕەزایی لێكەوتەوە، چەندین وڵاتی ئەوروپا وەك سزایەك فرۆشتنی چەكیان بەو وڵاتە ڕاگرت.

لە هەرێمی كوردستان، تۆڕە كۆمەڵایەتیەكان پڕ بووە لە هاوسۆزی و پشتگیری بۆ ڕۆژئاوا، لەڕێی گروپێكیشەوە كە ئەندامەكانی زیاترە لە 100 هەزار كەس، هانی خەڵك دەدرێت چیتر شمەكی توركی نەكڕن و چێژ لە شارە توركییەكان نەبینن بۆ گەشت.