بنەمای پەرەگراف متمانەیە

لیژنەی لێكۆڵینەوە لە سووتانی گەنمی جووتیاران و قەرەبووكردنەوەیان دەستبەكار دەبێت

لیژنەی لێكۆڵینەوە لە سووتانی گەنمی جووتیاران و قەرەبووكردنەوەیان دەستبەكار دەبێت

پەرەگراف - هەڤاڵ زەنگەنە

ئەنجوومەنی نوێنەرانی عێراق، لیژنەیەكی بۆ لێكۆڵینەوە لە سووتانی گەنمی جووتیاران و قەرەبووكردنەوەیان پێكهێنا. لیژنەكە بەمنزیكانە دەستبەكار دەبێت و دوو پەرلەمانتاری كوردیش ئەندام تێیدا.

ئەنجوومەنی نوێنەرانی عێراق ڕۆژی 13ی حوزەیران، لە پاش گفتوگۆیەكی چڕ لەسەر بابەتەكە، بڕیاری دا لیژنەیەكی هاوبەش لە لیژنەكانی ئەمن و ئاسایش و كشتوكاڵ و پارێزگا و هەرێمەكان، بۆ بەدواداچوون و لێكۆڵینەوە لە ڕووداوی سووتانی گەنمی جووتیارانی عێراق بە هەرێمی كوردستانیشەوە پێك بهێنێت.

شێروان میرزا، ئەندامی ئەنجوومەنی نوێنەرانی عێراق لە لیژنەی دارایی، بە پەرەگرافی ڕاگەیاند "ئەندامانی لیژنەكە دیاری كراون و بڕیارە بەم نزیكانە دەستبەكار بێت و سەردانی شوێنەكان بكات".

ئەو ئەندامەی ئەنجوومەنی نوێنەرانی عێراق وتیشی "لەنێو لیژنەكەدا دوو پەرلەمانتاری كورد هەن، كە بریتین لە حەسەن ئاڵی لە فراكسیۆنی یەكێتی و د. ناسر هەركی لە فراكسیۆنی پارتی".

جووتیارانی ڕەنجبەخەساری هەرێم لە دوای سووتانی دەغڵودانەكانیان كە بەری ڕەنجی ساڵێك بوو، بە دروستكردنی لیژنەیەك بۆ قەرەبووكردنەوەی زیانەكانیان لەلایەن ئەنجوومەنی نوێنەرانی عێراقەوە، ترووسكایی ئومێدیان بۆ گەڕاوەتەوە.

تەنیا لە ڕۆژی 13/6/2019 ئاگر لە پێنج گوندی سنووری ناحیەی قەرەهەنجیر كەوتەوە، "بەهۆیەوە 80%ی كۆی دانەوێلەی چێندراو لەو گوندانە سووتاوە"، ئەوەش بە وتەی هاوكار مەدحەد، خاوەنی یەكێك لە زەوییەكان.

هاوكار بۆ پەرەگراف وتی "چەند پارچە زەوییەكیان هی ماڵی ئێمە بووە كە دەكەوێـتە گوندی (گوڵم كەوە) و سەرچاوەی بژێویی سێ خێزان بووە، بە سووتانی زیانی 10 ملیۆن دینارمان لێ‌ كەوتووە".

لەبارەی چۆنێتیی كاركردنی لیژنەكەوە شێروان میرزا بە پەرەگرافی وت "لیژنەكە بۆ لێكۆڵینەوە لەسەر هۆكاری ئاگر كەوتنەوەكان و چۆنیەتی قەرەبووكردنەوەی زیانلێكەوتووان، سەردانی شوێنەكان دەكات و دواتر ڕاسپاردەكانی دەكات بە ڕاپۆرتێك لە پەرلەمان دەنگی لەسەر دەدرێـت و دەدرێـتە حكومەت".

"دوای راسپاردەكانی پەرلەمان، حكومەت لیژنەیەك بۆ قەرەبووكردنەوەی جووتیاران پێك دەهێنێـت ئەوەش لەسەر ئەو بودجەیەی كە بۆ حاڵەتی كتوپڕ و ڕووداوە سروشتییەكان دانراوە"، شێروان میرزا وای وت.

لە عێراقدا تا ڕۆژی 24/5/2019، زیاتر لە 111 هەزار دۆنم زەویی كشتوكاڵی سووتاوە. زۆرترین حاڵەتیش لە مووسڵ و دیالە و بە پلەی سێیەم لە كەركووك بووە.

بەپێی ئامارێكی بەرگریی شارستانیی عێراقیش، لە ڕۆژی 8ی ئایار تا 14ی حوزەیران، لە سەرتاسەری عێراق 303 ڕووداوی ئاگركەوتنەوە تۆمار كراون كە بەهۆیانەوە 46 هەزار و 396 دۆنم دەغڵودان سووتاون.

پەرەگراف بۆ زانینی ئاماری دەغڵودانی سووتاو لە سنووری هەرێمی كوردستان، پەیوەندیی بە زۆرێك لە بەرپرسانی وەزارەتی كشتوكاڵ و بەڕێوەبەرە گشتییەكانی وەزارەتەكەوە كرد، بەشێكیان وەڵامی پەیوەندییەكەیان نەدایەوە و بەشێكیشیان زانیارییان لەسەری نەبوو.

نامەیەكی ترەمپ بۆ ئەردۆغان سەبارەت بە دانوستان لەگەڵ هەسەدە ئاشكرا دەبێت

ترەمپ لە نامەیەكدا كە ئاراستەی ئەردۆغانی كردووە، داوای لێ‌ دەكات كە پیاوێكی "توند و گێل" نەبێت و بە دانوستان لەگەڵ هەسەدە ڕازی ببێت.

پۆلیسی سلێمانی: ڕووداوی گیانلەدەستدانی دوو ڕۆژنامەنووسەكە و منداڵەكەیان خۆكوژی بووە

پۆلیسی سلێمانی ڕایگەیاند، ڕووداوی گیانلەدەستدانی دوو ڕۆژنامەنووسەكە و منداڵەكەیان "خۆكوژی" بووە و سبەینێ وردەكاریی ڕووداوەكە بڵاو دەكەنەوە.

سەرۆكایەتییەكانی هەرێم خۆیان لە قەرەی توركیا نادەن

سەرۆكایەتییەكانی هەرێمی كوردستان، بە ڕوونی ئیدانەی لەشكركێشی توركیا ناكەن بۆ سەر ڕۆژئاوا

كۆمپانیای فۆلكس ڤاگنی ئه‌ڵمانی دروستكردنی كارگه‌یه‌كی له‌ توركیا ڕاگرت

به‌هۆی هێرشه‌كانی توركیا بۆ سه‌ر ڕۆژئاوای كوردستان، كۆمپانیای فۆلكس ڤاگنی ئه‌ڵمانی بۆ دروستكردنی ئۆتۆمبێل، بڕیاری دا دروستكردنی كارگه‌یه‌كی له‌ توركیا ڕابگرێت.

لیژنەی لێكۆڵینەوە لە سووتانی گەنمی جووتیاران و قەرەبووكردنەوەیان دەستبەكار دەبێت

2019-06-18 11:11:28

پەرەگراف - هەڤاڵ زەنگەنە

ئەنجوومەنی نوێنەرانی عێراق، لیژنەیەكی بۆ لێكۆڵینەوە لە سووتانی گەنمی جووتیاران و قەرەبووكردنەوەیان پێكهێنا. لیژنەكە بەمنزیكانە دەستبەكار دەبێت و دوو پەرلەمانتاری كوردیش ئەندام تێیدا.

ئەنجوومەنی نوێنەرانی عێراق ڕۆژی 13ی حوزەیران، لە پاش گفتوگۆیەكی چڕ لەسەر بابەتەكە، بڕیاری دا لیژنەیەكی هاوبەش لە لیژنەكانی ئەمن و ئاسایش و كشتوكاڵ و پارێزگا و هەرێمەكان، بۆ بەدواداچوون و لێكۆڵینەوە لە ڕووداوی سووتانی گەنمی جووتیارانی عێراق بە هەرێمی كوردستانیشەوە پێك بهێنێت.

شێروان میرزا، ئەندامی ئەنجوومەنی نوێنەرانی عێراق لە لیژنەی دارایی، بە پەرەگرافی ڕاگەیاند "ئەندامانی لیژنەكە دیاری كراون و بڕیارە بەم نزیكانە دەستبەكار بێت و سەردانی شوێنەكان بكات".

ئەو ئەندامەی ئەنجوومەنی نوێنەرانی عێراق وتیشی "لەنێو لیژنەكەدا دوو پەرلەمانتاری كورد هەن، كە بریتین لە حەسەن ئاڵی لە فراكسیۆنی یەكێتی و د. ناسر هەركی لە فراكسیۆنی پارتی".

جووتیارانی ڕەنجبەخەساری هەرێم لە دوای سووتانی دەغڵودانەكانیان كە بەری ڕەنجی ساڵێك بوو، بە دروستكردنی لیژنەیەك بۆ قەرەبووكردنەوەی زیانەكانیان لەلایەن ئەنجوومەنی نوێنەرانی عێراقەوە، ترووسكایی ئومێدیان بۆ گەڕاوەتەوە.

تەنیا لە ڕۆژی 13/6/2019 ئاگر لە پێنج گوندی سنووری ناحیەی قەرەهەنجیر كەوتەوە، "بەهۆیەوە 80%ی كۆی دانەوێلەی چێندراو لەو گوندانە سووتاوە"، ئەوەش بە وتەی هاوكار مەدحەد، خاوەنی یەكێك لە زەوییەكان.

هاوكار بۆ پەرەگراف وتی "چەند پارچە زەوییەكیان هی ماڵی ئێمە بووە كە دەكەوێـتە گوندی (گوڵم كەوە) و سەرچاوەی بژێویی سێ خێزان بووە، بە سووتانی زیانی 10 ملیۆن دینارمان لێ‌ كەوتووە".

لەبارەی چۆنێتیی كاركردنی لیژنەكەوە شێروان میرزا بە پەرەگرافی وت "لیژنەكە بۆ لێكۆڵینەوە لەسەر هۆكاری ئاگر كەوتنەوەكان و چۆنیەتی قەرەبووكردنەوەی زیانلێكەوتووان، سەردانی شوێنەكان دەكات و دواتر ڕاسپاردەكانی دەكات بە ڕاپۆرتێك لە پەرلەمان دەنگی لەسەر دەدرێـت و دەدرێـتە حكومەت".

"دوای راسپاردەكانی پەرلەمان، حكومەت لیژنەیەك بۆ قەرەبووكردنەوەی جووتیاران پێك دەهێنێـت ئەوەش لەسەر ئەو بودجەیەی كە بۆ حاڵەتی كتوپڕ و ڕووداوە سروشتییەكان دانراوە"، شێروان میرزا وای وت.

لە عێراقدا تا ڕۆژی 24/5/2019، زیاتر لە 111 هەزار دۆنم زەویی كشتوكاڵی سووتاوە. زۆرترین حاڵەتیش لە مووسڵ و دیالە و بە پلەی سێیەم لە كەركووك بووە.

بەپێی ئامارێكی بەرگریی شارستانیی عێراقیش، لە ڕۆژی 8ی ئایار تا 14ی حوزەیران، لە سەرتاسەری عێراق 303 ڕووداوی ئاگركەوتنەوە تۆمار كراون كە بەهۆیانەوە 46 هەزار و 396 دۆنم دەغڵودان سووتاون.

پەرەگراف بۆ زانینی ئاماری دەغڵودانی سووتاو لە سنووری هەرێمی كوردستان، پەیوەندیی بە زۆرێك لە بەرپرسانی وەزارەتی كشتوكاڵ و بەڕێوەبەرە گشتییەكانی وەزارەتەكەوە كرد، بەشێكیان وەڵامی پەیوەندییەكەیان نەدایەوە و بەشێكیشیان زانیارییان لەسەری نەبوو.