بنەمای پەرەگراف متمانەیە

ئەمریكا بڕیاری ڕەوانەكردنی هێزێكی گەورەی بۆ ڕۆژهەڵاتی ناوەڕاست دا

ئەمریكا بڕیاری ڕەوانەكردنی هێزێكی گەورەی بۆ ڕۆژهەڵاتی ناوەڕاست دا

پەرەگراف

وەزیری بەرگریی ئەمریكا بڕیاری ڕەوانەكردنی هەزار سەربازی دیكەی بۆ ڕۆژهەڵاتی ناوەڕاست دا. پاتریك شاناهان دەڵێت: بە دوای شەڕكردن لەگەڵ ئێراندا ناگەڕێن.

پاتریك شاناهان، وەزیری بەرگریی ئەمریكا بە وەكالەت، لە بەیاننامەیەكدا ئاشكرای كرد "لەسەر خواستی فەرماندەیی ناوەندیی ئەمریكا (سێنتكام) و پاش ڕاگۆڕینەوە لەگەڵ فەرماندەیی هێزە چەكدارەكان و كۆشكی سپی، ڕەزامەندیم لەسەر ناردنی 1000 سەرباز بۆ ڕۆژهەڵاتی ناوەڕاست دەربڕیوە".

پاتریك شاناهان دەڵێت "ئەمریكا بە دوای شەڕ لەگەڵ ئێراندا ناگەڕێت، ئامانج لە ناردنی هێزی نوێ‌ بۆ دڵنیابوونە لە ئاسایش و سەلامەتیی هێزەكانی ئەمریكا لە ناوچەكە".

وەزیری بەرگریی بەوەكالەتی ئەمریكا جەخت لەوە دەكاتەوە "هێرشەكانی ئەم دواییەی ئێران پشتڕاستكردنەوەی ئەو زانیارییانەیە كە ئێمە لەبارەی مەترسیی هێزەكای ئێران و گرووپە هاوپەیمانەكانی بۆ سەر بەرژەوەندییەكانی ئەمریكا لە ناوچەكە هەمان بوو".

بەرپرسَكی ئەمنیی ئەمریكا كە نەیویستووە ناوی ئاشكرا بكرێت، بە ڕۆیتەرزی ڕاگەیاندووە "ئەو هێزە تازەیەی ڕەوانە دەكرێت لە بوارەكانی سیخوڕی و كۆكردنەوەی زانیاریی هەوایی و لێكۆڵینەوە و ناسینەوە كار دەكەن، كە دەتوانن هاوكار بن لە دەستنیشانكردنی مەترسییەكان و بەدەستهێنانی وێنە و زانیاریی هەستیار".

لە دوای هێرش بۆ سەر دوو كەشتییە نەوتهەڵگەرەكەی ناو دەریای عوممان لە ڕۆژی پێنج شەممەی ڕابردوو، نیگەرانییەكان لەبارەی ئەگەری پێكدادانی نێوان ئەمریكا و ئێران زیاتر بوون.

وەزارەتی بەرگریی ئەمریكا (پنتاگۆن) ژمارەیەك وێنەی نوێی وەكو بەڵگەی هێرشی ئێران بۆ سەر دوو كەشتییە نەوتهەڵگرەكە بڵاوكردەوە.

پنتاگۆن لەسەر یەكێك لەو وێنانە كە تێیدا پارچەیەكی زیادەی لكێنراو بە یەكێك لەو دوو كەشتییەوە دەردەكەوێت كە هێرشیان كرایە سەر، ڕوونكردنەوەی داوە و دەڵێت "ئەو پارچەیە پاشماوەی موگناتیسیی ئەو بۆمبە موگناتیسییەیە كە بەهۆی نەتەقینەوەی، هێزی دەریایی سوپای پاسداران لە كەشتیی كۆكۆرا كریسۆسی كردەوە".

پێشتر ئەمریكا گرتەیەكی ڤیدیۆیی بڵاوكردەوە كە تێیدا بەلەمێكی بچووك دەردەكەوێت كە چەند كەسێكی لەسەرەو لە یەكێك لەو كەشتییانە نزیك دەبێتەوە كە هێرشی كراوەتەسەر. سوپای ئەمریكا وتی "ئەو بەلەمە ئێرانییەو هەوڵی لێكردنەوەی‌ مینێكی نەتەقیو لە پەیكەری كەشتی نەوتهەڵگری ژاپۆنی كۆكۆرا كریسۆس دەدات"، كە یەكێك لەو دوو كەشتییە نەوتهەڵگرەیە لە كەنداوی عومان هێرشیان كرایە سەر.

بەڵام ئێران لە زاری چەند بەرپرسێكی باڵای وڵاتەكەیەوە چەند جارێك ڕەتیكردووەتەوە دەستی لەو هێرشەدا هەبێت.

نامەیەكی ترەمپ بۆ ئەردۆغان سەبارەت بە دانوستان لەگەڵ هەسەدە ئاشكرا دەبێت

ترەمپ لە نامەیەكدا كە ئاراستەی ئەردۆغانی كردووە، داوای لێ‌ دەكات كە پیاوێكی "توند و گێل" نەبێت و بە دانوستان لەگەڵ هەسەدە ڕازی ببێت.

پۆلیسی سلێمانی: ڕووداوی گیانلەدەستدانی دوو ڕۆژنامەنووسەكە و منداڵەكەیان خۆكوژی بووە

پۆلیسی سلێمانی ڕایگەیاند، ڕووداوی گیانلەدەستدانی دوو ڕۆژنامەنووسەكە و منداڵەكەیان "خۆكوژی" بووە و سبەینێ وردەكاریی ڕووداوەكە بڵاو دەكەنەوە.

سەرۆكایەتییەكانی هەرێم خۆیان لە قەرەی توركیا نادەن

سەرۆكایەتییەكانی هەرێمی كوردستان، بە ڕوونی ئیدانەی لەشكركێشی توركیا ناكەن بۆ سەر ڕۆژئاوا

كۆمپانیای فۆلكس ڤاگنی ئه‌ڵمانی دروستكردنی كارگه‌یه‌كی له‌ توركیا ڕاگرت

به‌هۆی هێرشه‌كانی توركیا بۆ سه‌ر ڕۆژئاوای كوردستان، كۆمپانیای فۆلكس ڤاگنی ئه‌ڵمانی بۆ دروستكردنی ئۆتۆمبێل، بڕیاری دا دروستكردنی كارگه‌یه‌كی له‌ توركیا ڕابگرێت.

ئەمریكا بڕیاری ڕەوانەكردنی هێزێكی گەورەی بۆ ڕۆژهەڵاتی ناوەڕاست دا

2019-06-18 12:24:37

پەرەگراف

وەزیری بەرگریی ئەمریكا بڕیاری ڕەوانەكردنی هەزار سەربازی دیكەی بۆ ڕۆژهەڵاتی ناوەڕاست دا. پاتریك شاناهان دەڵێت: بە دوای شەڕكردن لەگەڵ ئێراندا ناگەڕێن.

پاتریك شاناهان، وەزیری بەرگریی ئەمریكا بە وەكالەت، لە بەیاننامەیەكدا ئاشكرای كرد "لەسەر خواستی فەرماندەیی ناوەندیی ئەمریكا (سێنتكام) و پاش ڕاگۆڕینەوە لەگەڵ فەرماندەیی هێزە چەكدارەكان و كۆشكی سپی، ڕەزامەندیم لەسەر ناردنی 1000 سەرباز بۆ ڕۆژهەڵاتی ناوەڕاست دەربڕیوە".

پاتریك شاناهان دەڵێت "ئەمریكا بە دوای شەڕ لەگەڵ ئێراندا ناگەڕێت، ئامانج لە ناردنی هێزی نوێ‌ بۆ دڵنیابوونە لە ئاسایش و سەلامەتیی هێزەكانی ئەمریكا لە ناوچەكە".

وەزیری بەرگریی بەوەكالەتی ئەمریكا جەخت لەوە دەكاتەوە "هێرشەكانی ئەم دواییەی ئێران پشتڕاستكردنەوەی ئەو زانیارییانەیە كە ئێمە لەبارەی مەترسیی هێزەكای ئێران و گرووپە هاوپەیمانەكانی بۆ سەر بەرژەوەندییەكانی ئەمریكا لە ناوچەكە هەمان بوو".

بەرپرسَكی ئەمنیی ئەمریكا كە نەیویستووە ناوی ئاشكرا بكرێت، بە ڕۆیتەرزی ڕاگەیاندووە "ئەو هێزە تازەیەی ڕەوانە دەكرێت لە بوارەكانی سیخوڕی و كۆكردنەوەی زانیاریی هەوایی و لێكۆڵینەوە و ناسینەوە كار دەكەن، كە دەتوانن هاوكار بن لە دەستنیشانكردنی مەترسییەكان و بەدەستهێنانی وێنە و زانیاریی هەستیار".

لە دوای هێرش بۆ سەر دوو كەشتییە نەوتهەڵگەرەكەی ناو دەریای عوممان لە ڕۆژی پێنج شەممەی ڕابردوو، نیگەرانییەكان لەبارەی ئەگەری پێكدادانی نێوان ئەمریكا و ئێران زیاتر بوون.

وەزارەتی بەرگریی ئەمریكا (پنتاگۆن) ژمارەیەك وێنەی نوێی وەكو بەڵگەی هێرشی ئێران بۆ سەر دوو كەشتییە نەوتهەڵگرەكە بڵاوكردەوە.

پنتاگۆن لەسەر یەكێك لەو وێنانە كە تێیدا پارچەیەكی زیادەی لكێنراو بە یەكێك لەو دوو كەشتییەوە دەردەكەوێت كە هێرشیان كرایە سەر، ڕوونكردنەوەی داوە و دەڵێت "ئەو پارچەیە پاشماوەی موگناتیسیی ئەو بۆمبە موگناتیسییەیە كە بەهۆی نەتەقینەوەی، هێزی دەریایی سوپای پاسداران لە كەشتیی كۆكۆرا كریسۆسی كردەوە".

پێشتر ئەمریكا گرتەیەكی ڤیدیۆیی بڵاوكردەوە كە تێیدا بەلەمێكی بچووك دەردەكەوێت كە چەند كەسێكی لەسەرەو لە یەكێك لەو كەشتییانە نزیك دەبێتەوە كە هێرشی كراوەتەسەر. سوپای ئەمریكا وتی "ئەو بەلەمە ئێرانییەو هەوڵی لێكردنەوەی‌ مینێكی نەتەقیو لە پەیكەری كەشتی نەوتهەڵگری ژاپۆنی كۆكۆرا كریسۆس دەدات"، كە یەكێك لەو دوو كەشتییە نەوتهەڵگرەیە لە كەنداوی عومان هێرشیان كرایە سەر.

بەڵام ئێران لە زاری چەند بەرپرسێكی باڵای وڵاتەكەیەوە چەند جارێك ڕەتیكردووەتەوە دەستی لەو هێرشەدا هەبێت.