بنەمای پەرەگراف متمانەیە

بارزانی: نابێت خوێنی كورد بە دەستی كورد بڕژێت

بارزانی: نابێت خوێنی كورد بە دەستی كورد بڕژێت

پەرەگراف

مەسعوود بارزانی دەڵێت: ئەگەر بەهانە بە دەست ئێران و توركیاوە نەدرێت، نە تۆپباران دەكرێت و نە فڕۆكە بۆردوومان دەكات. پەیامێكیش ئاراستەی ئەوانە دەكات كە وەكو خۆی دەڵێت "دەیانەوێت هەرێم تووشی موشكیلە بكەن و نەهێڵن ئەو خەڵكە بە ئاسوودەیی بژین".


مەسعوود بارزانی، سەرۆكی پارتیی دیموكرات، سەردانی دەڤەری باڵەكایەتی كرد و لە وتارێكدا بۆ خەڵكی ناوچەكە وتی "ئێمە نیگەرانین لەو بارودۆخە نالەبارەی لەسەر سنوورەكان دروست بووە".

سەرۆكی پارتی ئاماژەی بەوە كرد "دەبێت كێشەی سەر سنوورەكانی هەرێم بە شێوەیەك چارەسەر بكرێت چیتر دانیشتووانی ئەو ناوچانە باجی ئەو بارودۆخە نەدەن".

بارزانی جەختی لەوە كردەوە كە دەبێت "موراعاتی بارودۆخی هەرێم بكرێت، چونكە تەنیا شوێنێكە ئومێدێكی تێدا مابێت". ئەم پەیامەی بارزانی وەكو خۆی وتی، ڕوو لەوانە بوو كە "دەیانەوێت هەرێم تووشی موشكیلە بكەن و نەهێڵن ئەو خەڵكە بە ئاسوودەیی بژین".

هەروەها وتیشی، خەریكی چارەسەركردنی ئەو كێشەیەن بە جۆرێك كە "نابێت خوێنی كورد بە دەستی كورد بڕژێت. ئەوە مەبدەئی پارتییە".

ئەم قسانەی بارزانی پاش ئەوە دێت، هەفتەیەك لەمەوبەر موراد قەرەیلان، فەرماندەی بڕیارگەی ناوەندی پاراستنی گەل (باڵی سەربازیی پەكەكە)، لەبارەی جێگریكردنی سەنگەری پێشمەرگە لە بەرانبەر سەنگەرەكانی هەپەگە دواو و تی "بەگوێرەی زانیارییەكانی بەردەستمان، پێشمەرگە و هێزە سەربازییەكانی باشوور لە چەندین شارەدێ و شارۆچكە جێگیر بوون و جێگیریش دەبن. ئێمە دەڵێین ئەوە پێویست دەكات؟ ئێمە دەستكەوتەكانی باشوری كوردستان وەكو دەستكەوتەكانی خۆمان و ئەو گەلە دەبینین، ڕەنجی گەلە قارەمانەكەمان لە باشور و پێشمەرگە گیانفیداكان، هیچ كات نابێتە ئامانجی ئێمە، ئێمە بیركردنەوەیەكی خراپی لەو شێوەیەمان نییە، ئەوە بابەتێكی نەتەوەیی گرنگە".

لەبارەی ئەگەر ڕوودانی شەڕی ناوخۆش، قەرەیلان ئەوە بە ماڵوێرانیی بۆ گەلی كورد و شەرمێكی گەورە بۆ سەركردەكانی كورد ناو برد، لەو ڕووەوە وتەیەكی مەسعوود بارزانیی بەبیر هێناوەتەوە كە شەڕی ناوخۆی "حەرام" كردووە.

"ئەمە شتێك نییە بیریشی لێبكەیتەوە، تەنانەت نامەوێت بە خەیاڵیشما بێنم، زمانیشمان ناگەڕێت بڵێن شەڕی ناوخۆ. ئەگەر شتێكی وەها ڕوو بدات بۆ گەلەكەمان دەبێتە ماڵوێرانی، بۆ سیاسەتی كورد و سەركردایەتیی كوردیش شەرمەزارییەكی گەورەیە، لە سەدەی ٢١ـەمدا هەموو كەسێك بە گفتۆگو كێشە گەورەكانیان چارەسەردەكەن"، قەرەیلان وای وت.

هاوكات قەرەیلان هۆشداریی دا كە "مافی كەس نییە سەنگەری پێشمەرگە لە بەرامبەر گەریلا دابنێت، پێویستە ئەم بابەتە بە ئاسانی و وەك شتێكی ئاسایی سەیر نەكرێت و بەرپرسیارانە مامەڵەی لەگەڵدا بكرێت".

چوار خۆپیشاندەر لە بەغدا كوژران

لە خۆپیشاندانەكانی ئەمڕۆی بەغدا "چوار" خۆپیشاندەر كوژراون. فەرماندەی ئۆپەراسیۆنەكانی بەغدا دەڵێت: 16 ڕۆژە بەكارهێنانی بۆمبی فرمێسكڕێژ ڕاگیراوە.

ئەمریكا سزای بەسەر 22 كۆمپانیا و كەسایەتیی دیكەدا سەپاند

وەزارەتی بازرگانیی ئەمریكا، 22 كۆمپانیا و كەسایەتیی خستە لیستی ڕەشەوە.

نێچیرڤان بارزانی سەبارەت بە سێ‌ بابەت گفتوگۆی لەگەڵ د. بەرهەم ساڵح كردووە

سەرۆكی هەرێمی كوردستان، لەگەڵ سێ‌ سەرۆكایەتییەكەی عێراق كۆبووەوە. 

سێ‌ ماددەی یاسای هەڵبژاردنی ئەنجوومەنی پارێزگاكانی عێراق لە بەرژەوەندیی كورد "هەڵوەشێندرانەوە"

سێ‌ ماددەی یاسای هەڵبژاردنی ئەنجوومەنی پارێزگاكانی عێراق كە لەلایەن كوردەوە تانەیان لەسەر تۆمار كرابوو، بە بڕیاری داداگای باڵای فیدراڵیی عێراق "هەڵوەشێندرانەوە".

بارزانی: نابێت خوێنی كورد بە دەستی كورد بڕژێت

2019-08-12 13:50:16

پەرەگراف

مەسعوود بارزانی دەڵێت: ئەگەر بەهانە بە دەست ئێران و توركیاوە نەدرێت، نە تۆپباران دەكرێت و نە فڕۆكە بۆردوومان دەكات. پەیامێكیش ئاراستەی ئەوانە دەكات كە وەكو خۆی دەڵێت "دەیانەوێت هەرێم تووشی موشكیلە بكەن و نەهێڵن ئەو خەڵكە بە ئاسوودەیی بژین".


مەسعوود بارزانی، سەرۆكی پارتیی دیموكرات، سەردانی دەڤەری باڵەكایەتی كرد و لە وتارێكدا بۆ خەڵكی ناوچەكە وتی "ئێمە نیگەرانین لەو بارودۆخە نالەبارەی لەسەر سنوورەكان دروست بووە".

سەرۆكی پارتی ئاماژەی بەوە كرد "دەبێت كێشەی سەر سنوورەكانی هەرێم بە شێوەیەك چارەسەر بكرێت چیتر دانیشتووانی ئەو ناوچانە باجی ئەو بارودۆخە نەدەن".

بارزانی جەختی لەوە كردەوە كە دەبێت "موراعاتی بارودۆخی هەرێم بكرێت، چونكە تەنیا شوێنێكە ئومێدێكی تێدا مابێت". ئەم پەیامەی بارزانی وەكو خۆی وتی، ڕوو لەوانە بوو كە "دەیانەوێت هەرێم تووشی موشكیلە بكەن و نەهێڵن ئەو خەڵكە بە ئاسوودەیی بژین".

هەروەها وتیشی، خەریكی چارەسەركردنی ئەو كێشەیەن بە جۆرێك كە "نابێت خوێنی كورد بە دەستی كورد بڕژێت. ئەوە مەبدەئی پارتییە".

ئەم قسانەی بارزانی پاش ئەوە دێت، هەفتەیەك لەمەوبەر موراد قەرەیلان، فەرماندەی بڕیارگەی ناوەندی پاراستنی گەل (باڵی سەربازیی پەكەكە)، لەبارەی جێگریكردنی سەنگەری پێشمەرگە لە بەرانبەر سەنگەرەكانی هەپەگە دواو و تی "بەگوێرەی زانیارییەكانی بەردەستمان، پێشمەرگە و هێزە سەربازییەكانی باشوور لە چەندین شارەدێ و شارۆچكە جێگیر بوون و جێگیریش دەبن. ئێمە دەڵێین ئەوە پێویست دەكات؟ ئێمە دەستكەوتەكانی باشوری كوردستان وەكو دەستكەوتەكانی خۆمان و ئەو گەلە دەبینین، ڕەنجی گەلە قارەمانەكەمان لە باشور و پێشمەرگە گیانفیداكان، هیچ كات نابێتە ئامانجی ئێمە، ئێمە بیركردنەوەیەكی خراپی لەو شێوەیەمان نییە، ئەوە بابەتێكی نەتەوەیی گرنگە".

لەبارەی ئەگەر ڕوودانی شەڕی ناوخۆش، قەرەیلان ئەوە بە ماڵوێرانیی بۆ گەلی كورد و شەرمێكی گەورە بۆ سەركردەكانی كورد ناو برد، لەو ڕووەوە وتەیەكی مەسعوود بارزانیی بەبیر هێناوەتەوە كە شەڕی ناوخۆی "حەرام" كردووە.

"ئەمە شتێك نییە بیریشی لێبكەیتەوە، تەنانەت نامەوێت بە خەیاڵیشما بێنم، زمانیشمان ناگەڕێت بڵێن شەڕی ناوخۆ. ئەگەر شتێكی وەها ڕوو بدات بۆ گەلەكەمان دەبێتە ماڵوێرانی، بۆ سیاسەتی كورد و سەركردایەتیی كوردیش شەرمەزارییەكی گەورەیە، لە سەدەی ٢١ـەمدا هەموو كەسێك بە گفتۆگو كێشە گەورەكانیان چارەسەردەكەن"، قەرەیلان وای وت.

هاوكات قەرەیلان هۆشداریی دا كە "مافی كەس نییە سەنگەری پێشمەرگە لە بەرامبەر گەریلا دابنێت، پێویستە ئەم بابەتە بە ئاسانی و وەك شتێكی ئاسایی سەیر نەكرێت و بەرپرسیارانە مامەڵەی لەگەڵدا بكرێت".