بنەمای پەرەگراف متمانەیە

بەغدا.. شاندێكی پەرلەمانی كوردستان بەدواداچوون بۆ كێشەی جووتیارانی هەرێم و ناوچە دابڕێندراوەكان دەكات

بەغدا.. شاندێكی پەرلەمانی كوردستان بەدواداچوون بۆ  كێشەی جووتیارانی هەرێم و ناوچە دابڕێندراوەكان دەكات
دروێنەی گەنم لە كەركووك. فۆتۆ؛ كەركووك ناو

پەرەگراف

جێگرە كوردەكەی سەرۆكی ئەنجوومەنی نوێنەرانی عێراق دەڵێت: خەرجكردنی پارەی گەنمی جووتیاران مسۆگەر بووە و بەڵێنیش دراوە ڕێژەی وەرگرتنی گەنم لە جووتیارانی هەرێم زیاد بكرێت.

شاندێكی لیژنەی كشتوكاڵی پەرلەمانی كوردستان، بۆ بەدواداچوونی كێشەی جووتیارانی هەرێم و ناوچە دابڕێندراوەكان، لە بەغدایە. شاندەكە لەگەڵ د. بەشەیر حەداد، جێگری سەرۆكی ئەنجوومەنی نوێنەرانی عێراق، كۆبووەوە.

د. بەشیر حەداد لە كۆنگرەیەكی ڕۆژنامەوانیدا وتی "گفتوگۆیان لەبارەی شایستە دارایییەكانی جووتیاران، وەرگرتنی گەنمی جووتیارانی هەرێم، كێشەی گوندی سەرگەڕان و سووتانی گەنمی جووتیارانی ناوچە دابڕێنراوەكان كردووە".

لەبارەی پارەی گەنمی ساڵەكانی ڕابردووی جووتیارنی هەرێم، جێگری سەرۆكی ئەنجوومەنی نوێنەرانی عێراق جەختی لەوە كردەوە "لەگەڵ سەرۆكوەزیرانی عێراق گفتوگۆیان كردووە و ئەو پارەیە مسۆگەر بووە، بەڵام خەرجكردنی ڕەنگە چەند هەفتەیەك بخایەنێت".

د. بەشیر حەداد وتیشی "بەڵێنی ئەوە لە وەزارەتی كشتوكاڵی عێراقی وەرگیراوە بۆ ئەمساڵ ڕێژەی وەرگرتنی گەنم و جۆ لە جووتیارانی هەرێم زیاد بكات. هەروەها بەڵێنیش دراوە لە پێداویستییە كشتوكاڵییەكانی وەكو پەینی كیمیایی و بنەتۆو و ئامێر، پشكی هەرێم زیاد بكرێت".

ئەمە لە كاتێكدایە بۆ ئەمساڵ بڕیاری وەرگرتنی 340 هەزار تەن گەنمی جووتیارانی هەرێم دراوە، بەڵام بەرپرسانی پەیوەندیداری هەرێم دەڵێن پێشبینی دەكرێت گەنمی ئەمساڵی هەرێم زیاتر لە یەك ملیۆن تەن بێت.

جێگری سەرۆكی ئەنجوومەنی نوێنەرانی عێراق دەڵێت "لەبارەی كێشەكانی گوندی پەڵكانە و سووتاندنی گەنمی جووتیارنی كورد لە ناوچە دابڕێندراوەكان، قسە لەگەڵ عادل عەبدولمەهدی كراوە و بەدواداچوونی ورد لەگەڵ پارێزگاری بەوەكالەتی كەركووك بۆ ئەو كێشانە دەستی پێ‌ كردووە".

هەر لە كۆنگرە ڕۆژنامەوانییەكەدا عوسمان كانی كوردەیی، سەرۆكی لیژنەی كشتوكاڵ و ئاودێریی پەرلەمانی كوردستان، ڕایگەیاند "داوایان كردووە شایستە داراییەكانی ساڵەكانی 2014 و 2015 و 2016ی جووتیارنی هەرێم خەرج بكرێت و ماف و پێداویستییەكانی جووتیارنی هەرێم دابین بكرێت".

سه‌رۆكوه‌زیرانی عێراق له‌باره‌ی فه‌رمانی ده‌ستگیركردنی نه‌جمه‌دین كه‌ریمه‌وه‌ ده‌دوێت

سه‌رۆكوه‌زیرانی عێراق ڕایگه‌یاند: ڕێوشوێنی یاسایی به‌رانبه‌ر نه‌جمه‌دین كه‌ریم، پارێزگاری پێشووی كه‌ركووك، ده‌گرینه‌ به‌ر كه‌ له‌لایه‌ن دادگاوه‌ داوا كراوه‌.

باره‌گای بارزانی وه‌ڵامێكی توندی مه‌حموود سه‌نگاویی دایه‌وه‌

باره‌گای بارزانی وه‌ڵامی قسه‌كانی مه‌حموود سه‌نگاویی دایه‌وه‌ و به‌ "مافیا و تاڵانچی و بكوژ" ناوی ده‌بات.

وته‌بێژی یه‌كێتی: وته‌كانی مه‌حموود سه‌نگاوی گوزارشت له‌ هه‌ڵوێست‌ و سیاسه‌تی یه‌كێتی ناكات

مه‌حموود سه‌نگاوی هێرشی توند ده‌كاته‌ سه‌ر مه‌سعوود بارزانی و به‌ "پیاوێكی زۆر بچووك" ناوی ده‌بات.

ئەمریكا بڕیاری ڕەوانەكردنی هێزێكی گەورەی بۆ ڕۆژهەڵاتی ناوەڕاست دا

وەزیری بەرگریی ئەمریكا بڕیاری ڕەوانەكردنی هەزار سەربازی دیكەی بۆ ڕۆژهەڵاتی ناوەڕاست دا.

بەغدا.. شاندێكی پەرلەمانی كوردستان بەدواداچوون بۆ كێشەی جووتیارانی هەرێم و ناوچە دابڕێندراوەكان دەكات

2019-05-22 13:03:50

پەرەگراف

جێگرە كوردەكەی سەرۆكی ئەنجوومەنی نوێنەرانی عێراق دەڵێت: خەرجكردنی پارەی گەنمی جووتیاران مسۆگەر بووە و بەڵێنیش دراوە ڕێژەی وەرگرتنی گەنم لە جووتیارانی هەرێم زیاد بكرێت.

شاندێكی لیژنەی كشتوكاڵی پەرلەمانی كوردستان، بۆ بەدواداچوونی كێشەی جووتیارانی هەرێم و ناوچە دابڕێندراوەكان، لە بەغدایە. شاندەكە لەگەڵ د. بەشەیر حەداد، جێگری سەرۆكی ئەنجوومەنی نوێنەرانی عێراق، كۆبووەوە.

د. بەشیر حەداد لە كۆنگرەیەكی ڕۆژنامەوانیدا وتی "گفتوگۆیان لەبارەی شایستە دارایییەكانی جووتیاران، وەرگرتنی گەنمی جووتیارانی هەرێم، كێشەی گوندی سەرگەڕان و سووتانی گەنمی جووتیارانی ناوچە دابڕێنراوەكان كردووە".

لەبارەی پارەی گەنمی ساڵەكانی ڕابردووی جووتیارنی هەرێم، جێگری سەرۆكی ئەنجوومەنی نوێنەرانی عێراق جەختی لەوە كردەوە "لەگەڵ سەرۆكوەزیرانی عێراق گفتوگۆیان كردووە و ئەو پارەیە مسۆگەر بووە، بەڵام خەرجكردنی ڕەنگە چەند هەفتەیەك بخایەنێت".

د. بەشیر حەداد وتیشی "بەڵێنی ئەوە لە وەزارەتی كشتوكاڵی عێراقی وەرگیراوە بۆ ئەمساڵ ڕێژەی وەرگرتنی گەنم و جۆ لە جووتیارانی هەرێم زیاد بكات. هەروەها بەڵێنیش دراوە لە پێداویستییە كشتوكاڵییەكانی وەكو پەینی كیمیایی و بنەتۆو و ئامێر، پشكی هەرێم زیاد بكرێت".

ئەمە لە كاتێكدایە بۆ ئەمساڵ بڕیاری وەرگرتنی 340 هەزار تەن گەنمی جووتیارانی هەرێم دراوە، بەڵام بەرپرسانی پەیوەندیداری هەرێم دەڵێن پێشبینی دەكرێت گەنمی ئەمساڵی هەرێم زیاتر لە یەك ملیۆن تەن بێت.

جێگری سەرۆكی ئەنجوومەنی نوێنەرانی عێراق دەڵێت "لەبارەی كێشەكانی گوندی پەڵكانە و سووتاندنی گەنمی جووتیارنی كورد لە ناوچە دابڕێندراوەكان، قسە لەگەڵ عادل عەبدولمەهدی كراوە و بەدواداچوونی ورد لەگەڵ پارێزگاری بەوەكالەتی كەركووك بۆ ئەو كێشانە دەستی پێ‌ كردووە".

هەر لە كۆنگرە ڕۆژنامەوانییەكەدا عوسمان كانی كوردەیی، سەرۆكی لیژنەی كشتوكاڵ و ئاودێریی پەرلەمانی كوردستان، ڕایگەیاند "داوایان كردووە شایستە داراییەكانی ساڵەكانی 2014 و 2015 و 2016ی جووتیارنی هەرێم خەرج بكرێت و ماف و پێداویستییەكانی جووتیارنی هەرێم دابین بكرێت".