بنەمای پەرەگراف متمانەیە

جوڵەی وەستاو

جوڵەی وەستاو پەیكار عوسمان

 

ئێمە بەردەوام خۆمان دووبارە ئەكەینەوە، چونكە سود لە مێژوو وەرناگرین، بۆیەش سود لە مێژوو وەرناگرین، چونكە هەمیشە لە دەرەوەی مێژوودا ئەمێنینەوەو قەت ناچینە ناوەوە.

 

'ناچینە ناوەوە' بەو مانایەی كە پەیوەندی ئێمە بە مێژووەوە بڕیارێكی پێشوەختە یەكلای ئەكاتەوە، نەك دراسەو لێكۆڵینەوەو بیركردنەوە.

 

مێژوو پاكەتێكە ئێمە یان بە داخراوی ئەیپەرستین، یان بە داخراوی ئەیخەینە تەنەكەی خۆڵەوەكەوە.

 

نایكەینەوە بزانین چی تێدایە بڕیار ئەدەین كە چی تێدایە، سەیری ناوەكەی ناكەین تەسەوری ناوەكەی ئەكەین، ئەمانەش نامانگەیەنن بەوەی كە لە پاكەتەكەدایە، ئەمانگەیەنن بەو حەزەی كە لە خۆماندایە.

 

بەم پڕۆسەیە ناتوانین حەقیقەتێك لە پاكەتەكە بهێنینە دەرەوە، بەڵكو وەهمێكی خۆمانی بۆ ئەبەینە ژوورەوە.

 

ئیتر بەر شتێكی نوێ ناكەوین، بیرێكی كۆن ئەدەین بە شتەكەدا. ئیتر بەهرەمەند نابین لە ناوەڕۆكی شتەكان، بەڵكو سواغیان ئەدەین بە ناوەڕۆكی خۆمان. ئیتر شتەكان جوڵەیەك نادەن بە ئێمە، ئێمە وەستانێك ئەدەین بەوان. ئیتر مەوزوع كۆمان ناكاتەوە نامەوزعیەت دابەشمان ئەكات.

 

سەیركە تەجروبەی ١٧ی شوبات، بەرەیەك تەخوین و ناشرینی ئەكاو بەرەیەك بەرزو پیرۆزی ئەكا، ئەم دوو ئاڕاستەیەش هیچی وامان نادەنێ بە كەڵكی ئەمڕۆ بێت، بۆیە خۆمان دووبارە ئەكەینەوەو خەریكە سەرای مەحكەمە بكەینەوە بە سەرای ئازادی!

 

ئاخر سەرای ئازادی بە هەموو جوانییەكانیەوە تەجروبەیەك نیە بۆ دووبارەكردنەوە، چونكە جوڵانەوەیەكی وەستاو بوو، ئێمەش بۆ دەرچوون لەم هەموو چەقبەستنە پێویستمان بە جوڵانەوەیەكی جوڵاوە، كردەیەك كە خۆی وەستاوبێ ناتوانێ هیچ لە دۆخی چەقبەستوو بگۆڕێ!

(خۆ باشە سەكۆیەك هەبێ، بەڵام سەكۆیەك بۆ جوڵە نەك بۆ وەستان، ئەم وەستانەبوو پێشتر سەرای كرد بە قەوانێكی سواو.)

 

هیچ هونەری تیانیە كۆمەڵێ پۆلیس بچنە ئەوێ كە ئەسڵەن خۆیان گۆڕانن، ئەمە شتێكی دووبارەیەو پێشتر لە سەرا كرا، هونەر ئەوەیە لە مەحكەمەوە جوڵە بكرێ بۆ بەڕێوەبەرایەتی پۆلیس و لەوێ گوڵ بدەن بە هەموو پۆلیسەكان.

 

ڕۆژێك بۆ ژینگەو دەرچوون بۆ دار ڕواندن. ڕۆژێك بۆ وەرزش و دەرچوون بۆ ماراسۆن. ڕۆژێك بۆ هونەرو دەرچوون بەرەو شوێنێك بۆ شانۆ كاریكاتێر مۆسیقا.. لە هەولێرو شوێنەكانی تریش بە هەمان شێوە.

 

ڕۆژێك پەیمانی شەڕەف بە حیزبەكان ئیمزابكرێ، یەكەم بۆ ناتوندوتیژیی دووەم بۆ كۆتاییهێنان بە موهاتەرات.

 

ڕۆژانی وەستانیش بكرێتە ڕۆژی جوڵەی عەقڵ، لەبری قسەی حەماسی و هاتوهاوار، موحازەرەو گفتوگۆی فیكری ئەنجامبدرێ.

 

ناڕەزایی مەدەنی ئەبێ ببێتە مەیدانی خستنەوەگەڕی ئینسان، نەك ئیزافەكردنی وەستانێك بۆ ئینسانێكی خۆی وەستاو.

 

ناڕەزایی مەدەنی تەنیا هاتنە دەرەوە نیە، چوونە ماڵەوەشە، ئەسڵەن بایكۆت لە چوونە ژوورەوەدا زیاتر بەرجەستە ئەبێ وەك لە هاتنە سەر جادەدا.

 

هیوام بەردەوامی و فراوانبوون و سەركەوتنە، بەڵام ئەگەر دەسەڵاتی بەڵتەجی شاری كرد بە معەسكەر، یان ئەگەر سەكۆكە بووە مەیدانی ئیستهلاكی حیزب و ڕاگەیاندن و كاندید، یان ئەگەر لەبری جوڵە هەستت بە دووبارەبوونەوەو وەستان كرد.

 

ئەوكات مەچۆرەوە بۆ دەوام، بەڵام مەشچۆرەوە بۆ مەحكەمە، پۆرتی هەموویان بشكێنەو بایكۆتی خۆت ببەرە ماڵەوە!

 

بەوە هەم ناڕەزایی خۆتت درێژەپێداوە، هەم ئاوت كردوە بە توندوتیژی دەسەڵاتدا، هەم میزت كردوە بە هەلپەرستیی ئۆپۆزسیۆندا.

 

هەتا یەك ناڕازی لە هەولێرو دهۆك لەسەر جادەبن، ناڕەزایی سلێمانی و چواردەوری گرنگ و وزەبەخشە.

 

بەڵام 'خوانەخواستە' ئەگەر شتەكە لە هەموو شوێنەكان كۆتایی هات و بەس مەحكەمە مایەوە، ئەویش لەبری جوڵان و چالاكی جۆراوجۆر، خەریكی وەستان و خۆدوبارەكردنەوەبوو، ئەوكات بەزمی بەزم چەنێك وەزعەكەت بۆ ئەگۆڕێ، بەزمی مەحكەمەش هەر ئەوەندە.

 

جوڵەی وەستاو

2018-04-01 14:16:04

 

ئێمە بەردەوام خۆمان دووبارە ئەكەینەوە، چونكە سود لە مێژوو وەرناگرین، بۆیەش سود لە مێژوو وەرناگرین، چونكە هەمیشە لە دەرەوەی مێژوودا ئەمێنینەوەو قەت ناچینە ناوەوە.

 

'ناچینە ناوەوە' بەو مانایەی كە پەیوەندی ئێمە بە مێژووەوە بڕیارێكی پێشوەختە یەكلای ئەكاتەوە، نەك دراسەو لێكۆڵینەوەو بیركردنەوە.

 

مێژوو پاكەتێكە ئێمە یان بە داخراوی ئەیپەرستین، یان بە داخراوی ئەیخەینە تەنەكەی خۆڵەوەكەوە.

 

نایكەینەوە بزانین چی تێدایە بڕیار ئەدەین كە چی تێدایە، سەیری ناوەكەی ناكەین تەسەوری ناوەكەی ئەكەین، ئەمانەش نامانگەیەنن بەوەی كە لە پاكەتەكەدایە، ئەمانگەیەنن بەو حەزەی كە لە خۆماندایە.

 

بەم پڕۆسەیە ناتوانین حەقیقەتێك لە پاكەتەكە بهێنینە دەرەوە، بەڵكو وەهمێكی خۆمانی بۆ ئەبەینە ژوورەوە.

 

ئیتر بەر شتێكی نوێ ناكەوین، بیرێكی كۆن ئەدەین بە شتەكەدا. ئیتر بەهرەمەند نابین لە ناوەڕۆكی شتەكان، بەڵكو سواغیان ئەدەین بە ناوەڕۆكی خۆمان. ئیتر شتەكان جوڵەیەك نادەن بە ئێمە، ئێمە وەستانێك ئەدەین بەوان. ئیتر مەوزوع كۆمان ناكاتەوە نامەوزعیەت دابەشمان ئەكات.

 

سەیركە تەجروبەی ١٧ی شوبات، بەرەیەك تەخوین و ناشرینی ئەكاو بەرەیەك بەرزو پیرۆزی ئەكا، ئەم دوو ئاڕاستەیەش هیچی وامان نادەنێ بە كەڵكی ئەمڕۆ بێت، بۆیە خۆمان دووبارە ئەكەینەوەو خەریكە سەرای مەحكەمە بكەینەوە بە سەرای ئازادی!

 

ئاخر سەرای ئازادی بە هەموو جوانییەكانیەوە تەجروبەیەك نیە بۆ دووبارەكردنەوە، چونكە جوڵانەوەیەكی وەستاو بوو، ئێمەش بۆ دەرچوون لەم هەموو چەقبەستنە پێویستمان بە جوڵانەوەیەكی جوڵاوە، كردەیەك كە خۆی وەستاوبێ ناتوانێ هیچ لە دۆخی چەقبەستوو بگۆڕێ!

(خۆ باشە سەكۆیەك هەبێ، بەڵام سەكۆیەك بۆ جوڵە نەك بۆ وەستان، ئەم وەستانەبوو پێشتر سەرای كرد بە قەوانێكی سواو.)

 

هیچ هونەری تیانیە كۆمەڵێ پۆلیس بچنە ئەوێ كە ئەسڵەن خۆیان گۆڕانن، ئەمە شتێكی دووبارەیەو پێشتر لە سەرا كرا، هونەر ئەوەیە لە مەحكەمەوە جوڵە بكرێ بۆ بەڕێوەبەرایەتی پۆلیس و لەوێ گوڵ بدەن بە هەموو پۆلیسەكان.

 

ڕۆژێك بۆ ژینگەو دەرچوون بۆ دار ڕواندن. ڕۆژێك بۆ وەرزش و دەرچوون بۆ ماراسۆن. ڕۆژێك بۆ هونەرو دەرچوون بەرەو شوێنێك بۆ شانۆ كاریكاتێر مۆسیقا.. لە هەولێرو شوێنەكانی تریش بە هەمان شێوە.

 

ڕۆژێك پەیمانی شەڕەف بە حیزبەكان ئیمزابكرێ، یەكەم بۆ ناتوندوتیژیی دووەم بۆ كۆتاییهێنان بە موهاتەرات.

 

ڕۆژانی وەستانیش بكرێتە ڕۆژی جوڵەی عەقڵ، لەبری قسەی حەماسی و هاتوهاوار، موحازەرەو گفتوگۆی فیكری ئەنجامبدرێ.

 

ناڕەزایی مەدەنی ئەبێ ببێتە مەیدانی خستنەوەگەڕی ئینسان، نەك ئیزافەكردنی وەستانێك بۆ ئینسانێكی خۆی وەستاو.

 

ناڕەزایی مەدەنی تەنیا هاتنە دەرەوە نیە، چوونە ماڵەوەشە، ئەسڵەن بایكۆت لە چوونە ژوورەوەدا زیاتر بەرجەستە ئەبێ وەك لە هاتنە سەر جادەدا.

 

هیوام بەردەوامی و فراوانبوون و سەركەوتنە، بەڵام ئەگەر دەسەڵاتی بەڵتەجی شاری كرد بە معەسكەر، یان ئەگەر سەكۆكە بووە مەیدانی ئیستهلاكی حیزب و ڕاگەیاندن و كاندید، یان ئەگەر لەبری جوڵە هەستت بە دووبارەبوونەوەو وەستان كرد.

 

ئەوكات مەچۆرەوە بۆ دەوام، بەڵام مەشچۆرەوە بۆ مەحكەمە، پۆرتی هەموویان بشكێنەو بایكۆتی خۆت ببەرە ماڵەوە!

 

بەوە هەم ناڕەزایی خۆتت درێژەپێداوە، هەم ئاوت كردوە بە توندوتیژی دەسەڵاتدا، هەم میزت كردوە بە هەلپەرستیی ئۆپۆزسیۆندا.

 

هەتا یەك ناڕازی لە هەولێرو دهۆك لەسەر جادەبن، ناڕەزایی سلێمانی و چواردەوری گرنگ و وزەبەخشە.

 

بەڵام 'خوانەخواستە' ئەگەر شتەكە لە هەموو شوێنەكان كۆتایی هات و بەس مەحكەمە مایەوە، ئەویش لەبری جوڵان و چالاكی جۆراوجۆر، خەریكی وەستان و خۆدوبارەكردنەوەبوو، ئەوكات بەزمی بەزم چەنێك وەزعەكەت بۆ ئەگۆڕێ، بەزمی مەحكەمەش هەر ئەوەندە.