بنەمای پەرەگراف متمانەیە

چی گۆڕاوە؟

چی گۆڕاوە؟ كامەران سوبحان

 

(شەش خاڵ، بۆ بەشداریكردن لە پەراوێزی گفتوگۆیەكی ئامانجداردا!)

 

١-بارودۆخی ئێستای كوردستان، گۆڕاوە، هی نۆ ساڵ لەمەوبەر نییە، كاتێ نەوشیروان مستەفاو هاوڕێكانی، توانییان بە گوژمێكی سیاسیی گەورە، سەرنجی ناوەندی سیاسیی و ڕاگەیاندنی ناوخۆ و نێودەوڵەتی بەلای خۆیاندا ڕابكێشن و بۆیەكەمینجار، گوزرێكی توند بدەن لەو دەسەڵاتە كوردییەی كە لە غرورێكی گەورە و بێ منەتیدا بوو.!

 

٢-ئەو (دیالۆگە و چەلەحانێ) بەرفراوانەی كە ئێستا لە ناوەندی سیاسیی گۆڕان و دەرەوەی گۆڕان هەیە، هێمای گەورەی ئەو گۆڕانكارییەیە كە لە خەون و داوای هاوڵاتی هەیە بەرامبەر بەم هێزە سیاسییە. كە زاراوەی(دیالۆگ و چەلەحانێ)بەكاردێنین، مەبەستەكە ڕوونە، هەندێ قسەی بێ مانا و وتی وتی، لەناوەوەو دەرەوەی ئەم هێزەدا هەیە (چەلەحانێ)یەكی بێ مانا و بێ ئامانجە، جیاوازە لە داواو داواكاریی سەدان هەڵسوڕاو و نووسەر و ڕۆژنامەنووس، لەدەرەوەی ئەم بزوتنەوەیە و خەونی گەورەیان لەسەر مانەوەی گۆڕان، لەسەر پرنسیپ و بیروباوەڕەكانی هەڵچنیووە.!

 

٣-تا ئێستا ئەم هێزە، لە جوڵەكانی دەرەوەی خۆی و ئەو ئامانجەی بۆی درووست بووە لای نەداوە. بەڵام جوڵەی ناوخۆیی، شەكەتكراوە بە كۆمەڵێ پرسیارو ڕەخنە و جیاوازیی، گەر نەتوانن، ئەم چەمكانە لە پرۆسەیەكی رەخنەیدا كۆبكرێتەوە، پێگەو چارەنووسی بزوتنەوەكە، بەرەو هێزێكی ناچالاك و وەستاو دەبات!

 

٤-سەبارەت بە خاڵی یەكەم و بارودۆخی ئێستای كوردستان، ئێستا ٢٠٠٩ نییە، دەبێ مانۆڕ و گەمەی سیاسیی ئەم هێزە جیاواز بێت، لەو مانۆڕ و هەنگاوانەی كە لەسەرەتادا هاویشتی، ڕەنگە قۆناغی ئێستا زیاتر پێویستی بە لۆژیك و بیركردنەوەی ستراتیژیی بێت، پێچەوانەی ئەو درووشمانەی پێشووتری. ئەم گۆڕانكارییە، خەریكە لە ئاڕاستەی سیاسیی ئەم هێزەدا دەبینرێت، بەڵام لە ئاستی میدیاییدا، لاوازە و نالۆژیك و نا ڕوونە!

 

٥-پێكهاتەی بونیادی بزوتنەوەكە، مایەی لەسەر وەستانە، بەو پێیەی هەمو ئایدیا و بیركردنەوەو تێڕوانینێكی سیاسیی لەم سەری راستەوە بۆ ئەو سەری چەپ و نەتەوەیی و ئاینیی تێدایە. هەر هەوڵێك بۆ لە قاڵبدانی ئایدیای ئەم هێزە، وەستان و پاشەكشەی پێدەكات!

 

٦-هەڵكشان و داكشانی حیزب، لە هەمو دونیا، حاڵەتێكی ئاساییە. گرنگترین كارێ "گۆڕان" بیكات، كاركردنە بۆ چۆنایەتیی نەك چەندایەتی. ڕاستە ژمارە گەورەكان، گۆڕانكاریی گەورە درووست دەكەن، بەڵام ناكرێت هەر خولێكی پەرلەمانی ستافێ بنێریتە دەزگای یاسادانان و پاشتر بەهۆی ناتەبایی كاركردنیان، نەپەرژێنە سەر پەیام و كاركردن و درووشمەكانی هەڵبژاردنیان!

 

ئه‌م بابه‌ته 171 جار خوێنراوه‌ته‌وه‌‌

چی گۆڕاوە؟

2018-07-25 16:02:41

 

(شەش خاڵ، بۆ بەشداریكردن لە پەراوێزی گفتوگۆیەكی ئامانجداردا!)

 

١-بارودۆخی ئێستای كوردستان، گۆڕاوە، هی نۆ ساڵ لەمەوبەر نییە، كاتێ نەوشیروان مستەفاو هاوڕێكانی، توانییان بە گوژمێكی سیاسیی گەورە، سەرنجی ناوەندی سیاسیی و ڕاگەیاندنی ناوخۆ و نێودەوڵەتی بەلای خۆیاندا ڕابكێشن و بۆیەكەمینجار، گوزرێكی توند بدەن لەو دەسەڵاتە كوردییەی كە لە غرورێكی گەورە و بێ منەتیدا بوو.!

 

٢-ئەو (دیالۆگە و چەلەحانێ) بەرفراوانەی كە ئێستا لە ناوەندی سیاسیی گۆڕان و دەرەوەی گۆڕان هەیە، هێمای گەورەی ئەو گۆڕانكارییەیە كە لە خەون و داوای هاوڵاتی هەیە بەرامبەر بەم هێزە سیاسییە. كە زاراوەی(دیالۆگ و چەلەحانێ)بەكاردێنین، مەبەستەكە ڕوونە، هەندێ قسەی بێ مانا و وتی وتی، لەناوەوەو دەرەوەی ئەم هێزەدا هەیە (چەلەحانێ)یەكی بێ مانا و بێ ئامانجە، جیاوازە لە داواو داواكاریی سەدان هەڵسوڕاو و نووسەر و ڕۆژنامەنووس، لەدەرەوەی ئەم بزوتنەوەیە و خەونی گەورەیان لەسەر مانەوەی گۆڕان، لەسەر پرنسیپ و بیروباوەڕەكانی هەڵچنیووە.!

 

٣-تا ئێستا ئەم هێزە، لە جوڵەكانی دەرەوەی خۆی و ئەو ئامانجەی بۆی درووست بووە لای نەداوە. بەڵام جوڵەی ناوخۆیی، شەكەتكراوە بە كۆمەڵێ پرسیارو ڕەخنە و جیاوازیی، گەر نەتوانن، ئەم چەمكانە لە پرۆسەیەكی رەخنەیدا كۆبكرێتەوە، پێگەو چارەنووسی بزوتنەوەكە، بەرەو هێزێكی ناچالاك و وەستاو دەبات!

 

٤-سەبارەت بە خاڵی یەكەم و بارودۆخی ئێستای كوردستان، ئێستا ٢٠٠٩ نییە، دەبێ مانۆڕ و گەمەی سیاسیی ئەم هێزە جیاواز بێت، لەو مانۆڕ و هەنگاوانەی كە لەسەرەتادا هاویشتی، ڕەنگە قۆناغی ئێستا زیاتر پێویستی بە لۆژیك و بیركردنەوەی ستراتیژیی بێت، پێچەوانەی ئەو درووشمانەی پێشووتری. ئەم گۆڕانكارییە، خەریكە لە ئاڕاستەی سیاسیی ئەم هێزەدا دەبینرێت، بەڵام لە ئاستی میدیاییدا، لاوازە و نالۆژیك و نا ڕوونە!

 

٥-پێكهاتەی بونیادی بزوتنەوەكە، مایەی لەسەر وەستانە، بەو پێیەی هەمو ئایدیا و بیركردنەوەو تێڕوانینێكی سیاسیی لەم سەری راستەوە بۆ ئەو سەری چەپ و نەتەوەیی و ئاینیی تێدایە. هەر هەوڵێك بۆ لە قاڵبدانی ئایدیای ئەم هێزە، وەستان و پاشەكشەی پێدەكات!

 

٦-هەڵكشان و داكشانی حیزب، لە هەمو دونیا، حاڵەتێكی ئاساییە. گرنگترین كارێ "گۆڕان" بیكات، كاركردنە بۆ چۆنایەتیی نەك چەندایەتی. ڕاستە ژمارە گەورەكان، گۆڕانكاریی گەورە درووست دەكەن، بەڵام ناكرێت هەر خولێكی پەرلەمانی ستافێ بنێریتە دەزگای یاسادانان و پاشتر بەهۆی ناتەبایی كاركردنیان، نەپەرژێنە سەر پەیام و كاركردن و درووشمەكانی هەڵبژاردنیان!