بنەمای پەرەگراف متمانەیە

لەبارەی عادل عەبدولمەهدییەوە

لەبارەی عادل عەبدولمەهدییەوە یاسین تەها

 

زۆربەی لایەنە پەیوەندیدارەكانی عێراق كۆڵێك هیوایان بە عادل عەبدولمەهدی هەیە. ناوبراو ئیداری و سیاسییەكی قورس و بیرمەندو نوسەرێكی ئابوری و ستراتیژیی ناسراوی عێراقە. سەدرییەكان بە دەستەگوڵی خۆیانی دەزانن بەوپێیەی لەئێستادا سەربەخۆیەو مەرجەكانی نەجەفی تێدایە. حەكیم و مەجلیسی ئەعلا پێیانوایە ئەوان براوەن بەڕاسپاردنی، چونكە پێشتر سەركردەیەكی دیاری ڕیزەكانی ئەم ڕەوتە بووە.

 

پارتی و یەكێتی شاگەشكەن بە هەڵبژاردنی، چونكە هاوڕێی نزیكی بنەماڵەی تاڵەبانی و بارزانییەو پێشتر چەندین جوتە پێڵاوی سەردەمی خەباتی لە چیاكانی كوردستاندا دڕاندووە. ئێران بە كەسێكی "وەلائی"ـی دەزانێت، چونكە نزیكترین كەس بوو لە محەمەد باقر حەكیم و عەبدولعەزیزی برای. باكگراوەندە كۆنەكەشی لە دەورانی چەپ لای ڕەوتی مەدەنی خۆشەویستی كردووە، ڕەگەزنامە فەڕەنسییەكەی و هەردوو بڕوانامە ماستەرەكەی لەبواری كارگێڕی و ئابووری لە پاریس، نزیكی دەكاتەوە لە ئەمەریكی و ئەوروپییەكان. خەڵكی باشوری عێراق پێی دڵخۆشن بەوپێیەی لە ئەسڵدا بنەماڵەكەی خەڵكی ناسریەن و بەقسەی خۆیان "شروگی"یەو ئەزانێت لەخەموژانی شۆرەكاتی ئاو.

 

بەڵام سەرباری هەموو ئەمە، ڕێگای ناوبراو پڕە لەدڕك و داڵ و قۆناغێكی سەخت چاوەڕێی دەكات، تەنها یەك ساڵیش مۆڵەتی پێداروە بۆ ئەوەی وێنەیەكی جیاواز لە خەراباتێكی گەورەدا پێشكەش بكات.

 

عەبدولمەهدی لە 12 مانگدا دەبێت بەرەنگاری زۆر دۆسیە ببێتەوە لەوانەش؛ قەرزەكانی سەر عێراق، جێبەجێكردنی یاسای حەشد، كێشەی كەركوك و ناوچەی جێناكۆك، چەكی عەشایەر لەباشوور، كێشەی وشكەساڵی و كەمئاوی، شەڕە قۆچی ئەمەریكاو ئێران لەسەر خاكی عێراق، مەترسیی پاشماوەكانی داعش، مافیاتی فەسادو گەندەڵی حیزب و وەزارەتەكان، ئاوەدانكردنەوەی شارە كاولەكانی پاش شەڕ، كێشەی بێكاری و خزمەتگوزاری‌و زۆر دۆسیەی تری ئاڵۆز.

 

هاتنی عەبدولمەهدی و پێشوازیكردنی عەبادی لێی كۆتاییهێنا بە 15 ساڵ حوكمڕانی حیزبی دەعوەی ئیسلامی( 3 خول)، بەڵام ئەگەر شكست بهێنێت ڕەنگە لەگەڵیدا سیستمی سیاسی پاش 2003 بەتەواوی هەرەس بكات و ئەمیش كۆتا سەرۆك وەزیرانی ئەم تایپە حوكمڕانییە بێت، چونكە بارودۆخ چیتر بەبەرییەوە نەماوە.

 

زۆربەی لایەنەكان یەكدەنگ بوون لە كاندیدكردنی عەبدولمەهدی، بەڵام ناوبراو هیچ كوتلەو هاوپەیمانێتییەكی ڕاستەوخۆی نییە لەپەرلەمانی بەغدا تا پشتیوانی بكات، تا ئێستاش بەڕوونی نازانرێت لەمەولا كێ پاڵپشتی یاسایی بۆ هەنگاوەكانی مسۆگەر دەكات؟ جگە لەوەش تەمەنی هەڵكشاوە بۆ سەروو 75 ساڵ و وەك پێشتر حەوسەڵەی نەماوە. جاران لەتافی گوڕی خۆیدا هەمیشە وازنامەیەكی نوسراوی لەگیرفاندا بوو تا لەكاتی پێویستدا پێشكەشی بكات و لە شاشەكان لەگیرفانی دەریدەهێنا، چ جای ئێستا كە هەم تەمەن و تەندروستی و هەم بارودۆخەكەی سەختترە. سەرباری ئەم ڕاستییەش هێشتا گەشبینی بۆ سەردەمی ئەو زاڵترە بەسەر هەموو ئەگەرێكیتردا، بەتایبەت كە برادەری نزیكی سەرۆك كۆمارە و پێكەوەگونجانی زۆر هەیە لەنێوانیان و لەدوای ڕاسپاردنی پەیتا پەپتا پاڵپشتی ناوخۆیی و دەرەكیی دادەبارێت بەسەریدا.

ئه‌م بابه‌ته 699 جار خوێنراوه‌ته‌وه‌‌

لەبارەی عادل عەبدولمەهدییەوە

2018-10-04 15:18:17

 

زۆربەی لایەنە پەیوەندیدارەكانی عێراق كۆڵێك هیوایان بە عادل عەبدولمەهدی هەیە. ناوبراو ئیداری و سیاسییەكی قورس و بیرمەندو نوسەرێكی ئابوری و ستراتیژیی ناسراوی عێراقە. سەدرییەكان بە دەستەگوڵی خۆیانی دەزانن بەوپێیەی لەئێستادا سەربەخۆیەو مەرجەكانی نەجەفی تێدایە. حەكیم و مەجلیسی ئەعلا پێیانوایە ئەوان براوەن بەڕاسپاردنی، چونكە پێشتر سەركردەیەكی دیاری ڕیزەكانی ئەم ڕەوتە بووە.

 

پارتی و یەكێتی شاگەشكەن بە هەڵبژاردنی، چونكە هاوڕێی نزیكی بنەماڵەی تاڵەبانی و بارزانییەو پێشتر چەندین جوتە پێڵاوی سەردەمی خەباتی لە چیاكانی كوردستاندا دڕاندووە. ئێران بە كەسێكی "وەلائی"ـی دەزانێت، چونكە نزیكترین كەس بوو لە محەمەد باقر حەكیم و عەبدولعەزیزی برای. باكگراوەندە كۆنەكەشی لە دەورانی چەپ لای ڕەوتی مەدەنی خۆشەویستی كردووە، ڕەگەزنامە فەڕەنسییەكەی و هەردوو بڕوانامە ماستەرەكەی لەبواری كارگێڕی و ئابووری لە پاریس، نزیكی دەكاتەوە لە ئەمەریكی و ئەوروپییەكان. خەڵكی باشوری عێراق پێی دڵخۆشن بەوپێیەی لە ئەسڵدا بنەماڵەكەی خەڵكی ناسریەن و بەقسەی خۆیان "شروگی"یەو ئەزانێت لەخەموژانی شۆرەكاتی ئاو.

 

بەڵام سەرباری هەموو ئەمە، ڕێگای ناوبراو پڕە لەدڕك و داڵ و قۆناغێكی سەخت چاوەڕێی دەكات، تەنها یەك ساڵیش مۆڵەتی پێداروە بۆ ئەوەی وێنەیەكی جیاواز لە خەراباتێكی گەورەدا پێشكەش بكات.

 

عەبدولمەهدی لە 12 مانگدا دەبێت بەرەنگاری زۆر دۆسیە ببێتەوە لەوانەش؛ قەرزەكانی سەر عێراق، جێبەجێكردنی یاسای حەشد، كێشەی كەركوك و ناوچەی جێناكۆك، چەكی عەشایەر لەباشوور، كێشەی وشكەساڵی و كەمئاوی، شەڕە قۆچی ئەمەریكاو ئێران لەسەر خاكی عێراق، مەترسیی پاشماوەكانی داعش، مافیاتی فەسادو گەندەڵی حیزب و وەزارەتەكان، ئاوەدانكردنەوەی شارە كاولەكانی پاش شەڕ، كێشەی بێكاری و خزمەتگوزاری‌و زۆر دۆسیەی تری ئاڵۆز.

 

هاتنی عەبدولمەهدی و پێشوازیكردنی عەبادی لێی كۆتاییهێنا بە 15 ساڵ حوكمڕانی حیزبی دەعوەی ئیسلامی( 3 خول)، بەڵام ئەگەر شكست بهێنێت ڕەنگە لەگەڵیدا سیستمی سیاسی پاش 2003 بەتەواوی هەرەس بكات و ئەمیش كۆتا سەرۆك وەزیرانی ئەم تایپە حوكمڕانییە بێت، چونكە بارودۆخ چیتر بەبەرییەوە نەماوە.

 

زۆربەی لایەنەكان یەكدەنگ بوون لە كاندیدكردنی عەبدولمەهدی، بەڵام ناوبراو هیچ كوتلەو هاوپەیمانێتییەكی ڕاستەوخۆی نییە لەپەرلەمانی بەغدا تا پشتیوانی بكات، تا ئێستاش بەڕوونی نازانرێت لەمەولا كێ پاڵپشتی یاسایی بۆ هەنگاوەكانی مسۆگەر دەكات؟ جگە لەوەش تەمەنی هەڵكشاوە بۆ سەروو 75 ساڵ و وەك پێشتر حەوسەڵەی نەماوە. جاران لەتافی گوڕی خۆیدا هەمیشە وازنامەیەكی نوسراوی لەگیرفاندا بوو تا لەكاتی پێویستدا پێشكەشی بكات و لە شاشەكان لەگیرفانی دەریدەهێنا، چ جای ئێستا كە هەم تەمەن و تەندروستی و هەم بارودۆخەكەی سەختترە. سەرباری ئەم ڕاستییەش هێشتا گەشبینی بۆ سەردەمی ئەو زاڵترە بەسەر هەموو ئەگەرێكیتردا، بەتایبەت كە برادەری نزیكی سەرۆك كۆمارە و پێكەوەگونجانی زۆر هەیە لەنێوانیان و لەدوای ڕاسپاردنی پەیتا پەپتا پاڵپشتی ناوخۆیی و دەرەكیی دادەبارێت بەسەریدا.