بنەمای پەرەگراف متمانەیە

یەكێتیی نوێ، شێری ماڵێ و ڕێویی دەرێ

یەكێتیی نوێ، شێری ماڵێ و ڕێویی دەرێ

نووسینی: ڕێبوار كەریم وەلی

پێش كۆنگرەی چواریش، بۆ ماوەیەكی درێژ، چەند جەمسەرێكی نفوز و بڕیار لەناو یەكێتیدا، ھەبوون. كۆنگرە توانی ھەمووی لەناو ماڵباتی تاڵەبانی و برایم ئەحمەددا و، لە چوارچێوەی فۆرمولی ھاوسەرۆكیدا، كۆبكاتەوە. لێرەوە ئیشی كۆنگرە تەواو بوو.
*
یەكێتی بەڕواڵەت نوێ بۆوەو كڕۆكەكەشی بە حیسابی خۆیان، گۆڕینی ڕێڕەوی یەكێتی بوو لە پاشكۆیەتییەوە بۆ شەراكەت و تەنانەت ململانێی سەخت لەگەڵ پارتیدا. ئەوە بەو ڕێك -كەوتنەی كە بۆ پێكھێنانی حكومەتیش كردیان، تەنھا وەك شیعار مایەوە.
*
ئەوەی پارتی گرەوی لەسەر كرد و نەچووە بنباری داننان بە سەركردایەتیی نوێ، تا ڕاددەیەك ھاتە دی. ئێستا ھەردوو ھاوسەرۆك بە دوو ئاڕاستەی جیا كاردەكەن، یەكیان ڕووی لە ھەولێر و ئەوەی دیكەشیان سلێمانی. پارتی مەیلی حوكمڕانیی یەكێتی و بەتایبەتیش كوڕانی تاڵەبانی وەك كارتێكی سەركەوتوو بەكار ھێنا.
"تەفرەقە بكە و حكوم بكە"!
*
ئەگەرچی لاھور شێخ جەنگی كۆنتڕۆڵی سەركردایەتیی یەكێتی و قائیدەی حزبەكەی كردووە، بەڵام ئەوەی لە سلێمانی دەڕێسرێت لە ھەولێر دەبێتەوە خوری! ئەوەش مانای وایە سیستمی ھاوسەرۆكی زۆر بڕ ناكات.
*
یەكێتیی نوێ مەبەستی بوو كە سیاسەت و بڕیارەكانی یەكێتی بباتەوە سلێمانی و، ھەرلەوێشەوە گوشار لە پارتی بكات. ھەنگاوەكان بە ئاڕاستەی لامەركەزییەت و تەنانەت بەھەرێمكردنی سلێمانی و، ئینجا كشانەوە لە حكومەتیش، ئەو كارتانە بوون كە بەشێكی یەكێتی لە دژی بەشێكی پارتی بەكاریان ھێنا. سەریان نەگرت؛ كوڕانی تاڵەبانی و ماڵباتی برایم ئەحمەد دەزانن دووركەوتنەوەیان لە ھەولێر و پارتی وا دەكات لە سلێمانی بە ئاسانی قووت بدرێن.
*
مەسەلەی یەكێتی ئێستا پتر لەوەی گرفت بێت لەگەڵ جۆری حوكمڕانیی پارتی لە ھەولێر، بریتییە لەبەكارھێنانی پارتی لە ململانێی ناوخۆیی. ئاست و جۆری بەرخوردیان لەگەڵ پارتیدایە كە وایكردووە سەرسەختترین نەیارەكانی پارتی لەناو بنەماڵەی برایم ئەحمەد لەوە تێگەیشتوون كە لاوازبوونی پارتی لەسەر حیسابی نەمانی ئەوان دەبێت.
*
ھاوكێشەی نوێ وایكردووە كە تا ئێستا ھیچیەك لە میكانیزمەكانی فشاری سەركردایەتیی نوێ لە پەرلەمان و دەرەوەی پەرلەمان سەرنەگرن. ئەوە بۆ پارتی و بەتایبەتیش بۆ بزووتنەوەی گۆڕانیش بەخێر شكاوەتەوە. چونكە گۆڕان لەو تەوژمە نوێیە دەترسا و پێیوابوو لە سلێمانی لە قاڵب دەدرێ، بەڵام ئێستا دەرچەی ھەیە و خۆی بە قیتارەكە ھەڵواسیوە.
*
پوختەی كەلام. درێژەكێشانی وەزعی ناوخۆی یەكێتی، سیحری كۆنگرەكەیانی بەتاڵ كردۆتەوە. ئەوەی ئێستا دابەشكردنی ڕۆڵ نییە، بگرە فەشەلی سیستمی ھاوسەرۆكییە. كورد گوتەنی نیشانەی نەكوڵانی دوو سەرە لە مەنجەڵێكدا.

یەكێتیی نوێ، شێری ماڵێ و ڕێویی دەرێ

2020-08-31 18:32:28

نووسینی: ڕێبوار كەریم وەلی

پێش كۆنگرەی چواریش، بۆ ماوەیەكی درێژ، چەند جەمسەرێكی نفوز و بڕیار لەناو یەكێتیدا، ھەبوون. كۆنگرە توانی ھەمووی لەناو ماڵباتی تاڵەبانی و برایم ئەحمەددا و، لە چوارچێوەی فۆرمولی ھاوسەرۆكیدا، كۆبكاتەوە. لێرەوە ئیشی كۆنگرە تەواو بوو.
*
یەكێتی بەڕواڵەت نوێ بۆوەو كڕۆكەكەشی بە حیسابی خۆیان، گۆڕینی ڕێڕەوی یەكێتی بوو لە پاشكۆیەتییەوە بۆ شەراكەت و تەنانەت ململانێی سەخت لەگەڵ پارتیدا. ئەوە بەو ڕێك -كەوتنەی كە بۆ پێكھێنانی حكومەتیش كردیان، تەنھا وەك شیعار مایەوە.
*
ئەوەی پارتی گرەوی لەسەر كرد و نەچووە بنباری داننان بە سەركردایەتیی نوێ، تا ڕاددەیەك ھاتە دی. ئێستا ھەردوو ھاوسەرۆك بە دوو ئاڕاستەی جیا كاردەكەن، یەكیان ڕووی لە ھەولێر و ئەوەی دیكەشیان سلێمانی. پارتی مەیلی حوكمڕانیی یەكێتی و بەتایبەتیش كوڕانی تاڵەبانی وەك كارتێكی سەركەوتوو بەكار ھێنا.
"تەفرەقە بكە و حكوم بكە"!
*
ئەگەرچی لاھور شێخ جەنگی كۆنتڕۆڵی سەركردایەتیی یەكێتی و قائیدەی حزبەكەی كردووە، بەڵام ئەوەی لە سلێمانی دەڕێسرێت لە ھەولێر دەبێتەوە خوری! ئەوەش مانای وایە سیستمی ھاوسەرۆكی زۆر بڕ ناكات.
*
یەكێتیی نوێ مەبەستی بوو كە سیاسەت و بڕیارەكانی یەكێتی بباتەوە سلێمانی و، ھەرلەوێشەوە گوشار لە پارتی بكات. ھەنگاوەكان بە ئاڕاستەی لامەركەزییەت و تەنانەت بەھەرێمكردنی سلێمانی و، ئینجا كشانەوە لە حكومەتیش، ئەو كارتانە بوون كە بەشێكی یەكێتی لە دژی بەشێكی پارتی بەكاریان ھێنا. سەریان نەگرت؛ كوڕانی تاڵەبانی و ماڵباتی برایم ئەحمەد دەزانن دووركەوتنەوەیان لە ھەولێر و پارتی وا دەكات لە سلێمانی بە ئاسانی قووت بدرێن.
*
مەسەلەی یەكێتی ئێستا پتر لەوەی گرفت بێت لەگەڵ جۆری حوكمڕانیی پارتی لە ھەولێر، بریتییە لەبەكارھێنانی پارتی لە ململانێی ناوخۆیی. ئاست و جۆری بەرخوردیان لەگەڵ پارتیدایە كە وایكردووە سەرسەختترین نەیارەكانی پارتی لەناو بنەماڵەی برایم ئەحمەد لەوە تێگەیشتوون كە لاوازبوونی پارتی لەسەر حیسابی نەمانی ئەوان دەبێت.
*
ھاوكێشەی نوێ وایكردووە كە تا ئێستا ھیچیەك لە میكانیزمەكانی فشاری سەركردایەتیی نوێ لە پەرلەمان و دەرەوەی پەرلەمان سەرنەگرن. ئەوە بۆ پارتی و بەتایبەتیش بۆ بزووتنەوەی گۆڕانیش بەخێر شكاوەتەوە. چونكە گۆڕان لەو تەوژمە نوێیە دەترسا و پێیوابوو لە سلێمانی لە قاڵب دەدرێ، بەڵام ئێستا دەرچەی ھەیە و خۆی بە قیتارەكە ھەڵواسیوە.
*
پوختەی كەلام. درێژەكێشانی وەزعی ناوخۆی یەكێتی، سیحری كۆنگرەكەیانی بەتاڵ كردۆتەوە. ئەوەی ئێستا دابەشكردنی ڕۆڵ نییە، بگرە فەشەلی سیستمی ھاوسەرۆكییە. كورد گوتەنی نیشانەی نەكوڵانی دوو سەرە لە مەنجەڵێكدا.