بنەمای پەرەگراف متمانەیە

عەلی باپیر بۆ بارزانی: قەیرانە دروستكراوەكان چارەسەر بكەن، گوێ‌ بە نیگەرانیی‌ ئێمە مەدەن

عەلی باپیر بۆ بارزانی: قەیرانە دروستكراوەكان چارەسەر بكەن، گوێ‌ بە نیگەرانیی‌ ئێمە مەدەن
مەسعود بارزانی‌و عەلی باپیر.

 

پەرەگراف

 

عەلی باپیر وەڵامی مەسعود بارزانی دەداتەوەو لەچەند خاڵێكدا نیگەرانییەكانی كۆمەڵی ئیسلامی بۆ ڕووندەكاتەوەو دەڵێت، ئەگەر بڕیار بەدەستانی ئەم هەرێمە، كێشەو قەیرانە دروستكراوەكان چارەسەر بكەن، باهیچ كەس گوێ‌ بە دووریی‌و نیزیكیی‌و نیگەرانیی‌و ڕازیبوونی ئێمە نەدات.

 

مەسعود بارزانی دوێنێ لەمیانی كۆبوونەوەی لەگەڵ سەندیكاو ڕێكخراوە پیشەیی‌و جەماوەرییەكان، لەبارەی كێشەكانی نێوان پارتی لەگەڵ گۆڕان‌و كۆمەڵ، وتی"نازانم چیمان كردووە بەرامبەر بەمانە تا ئاشتیان بكەینەوە، بەتایبەت كۆمەڵ... لەگەڵ كۆمەڵ بەخوا من نازانم، چەندی بیری لێدەكەمەوە ئەرێ چیمان كردووە كە زەرەری هەبووبێت بۆ كۆمەڵ تێناگەم."

 

لە وەڵامی ئەو وتەیەی بارزانیدا، عەلی باپیر ئەمیری كۆمەڵی ئیسلامی ئەمڕۆ بە چەند خاڵێك نیگەرانییەكانی حزبەكەی ئاڕاستەی مەسعود بارزانی كردو تێیدا باسلە پەكخستنی پەرلەمان‌و دەستی حزب لە ناو دەمەزراوەكانی حكومەت‌و سەروەرنەبوونی یاساو تەشەنەسەندنی گەندەڵی دەكات.

 

دەقی وەڵامەكەی عەلی باپیر

 

{وەڵامێكی دڵسۆزانە بۆ پرسیاری: كۆمەڵ لەچی نیگەرانە؟}

 

دوێنێ‌ جەنابی كاك مەسعود بارزانیی لەكۆبوونەوەیەكیدا لەگەڵ (سەندیكاكان) سەرسوڕمانی خۆی لەنیگەرانیی كۆمەڵی ئیسلامیی پێشاندا!

 

بەباشم زانی بۆ بەرچاوڕوونیی زیاتری بەڕێزیان، چەند خاڵێكی كورت‌و پوخت لەبارەی هۆكارەكانی نیگەرانیی كۆمەڵی ئیسلامییەوە، لەم بارودۆخەی هەرێم، بنووسم:

 

یەكەم:

 

سەرەتا ڕایدەگەیەنین كە ئێمە هیچ كێشەیەكمان لەگەڵ كەس‌و لایەنێكی دیارییكراودا نیەو، گرفت‌و كێشەی ئێمە لەگەڵ شێوازی خراپی بەڕێوەبردنی ئەم هەرێمەیە لەدرێژەی چارەگە سەدەی ڕابردوودا.

 

دووەم:
هۆكارە سەرەكییەكانی نیگەرانیی ئێمەش لەم بارودۆخە ئەمانەن:

1- بەدامەزراوەنەكردنی كاروبارەكان‌و دەستوەردانی حیزب‌و كەس لە كۆی ئیدارەی وڵات‌و شكاندنی شكۆی پەرلەمان‌و پەكخستنی‌و...هتد.

2- بێهێزو پێزكردنی دەستەڵاتی دادوەریی‌و پێشێلكردنی یاسا، لەئەنجامی دەست تێخستنی حیزب‌و كەسەوە، بەمەبەستی دابینكردنی بەرژەوەندییە ناشەرعییەكانیان، وەك: كپ كردن‌و خەفەكردنی دەنگی ئازاو ئازادو، بڵاوكردنەوەی ترس‌و تۆقاندن‌و...هتد.

3- بەپێوەر نەگرتنی مرۆڤبوون‌و هاوڵاتیی بوون بۆ مامەڵە لەگەڵ خەڵكداو فەرق‌و جیایی پێكردنیان، بەهۆی ئینتیمای حیزبیی‌و سیاسیی‌و فیكریی‌و عەشیرەت‌و دەڤەرو....هتدەوە.

4- تەشەنەكردنی ستەم‌و قۆرخكاریی‌و گەندەڵیی‌و، سەرەنجام سەرهەڵدانی چینێكی كەمینەی مشەخۆری ملیاردێرو ساماندار، لەسەر حیسابی خەڵك‌و جەماوەرێكی زۆرینەی نەدارو چەوساوەو هەناسە سارد.

 

سێ‌یەم:

 

ئێمە لەكۆمەڵی ئیسلامییدا لەبەرەكەتی پابەندییمان بەشەریعەتەوە، هەرگیز ڕێمان بەخۆمان نەداوە كە بەهاندەری كینەو بوغز بەرانبەر بەم‌و بەو، یان چاولێكەریی ئەملاولا، هەڵوێست وەربگرین‌و، بەپێویستی دەزانین جگە لەبەزەیی‌و پەرۆش‌و دڵسۆزیی بۆ هەموولایەك، هیچ پاڵنەرێكی دیكەمان نەبێ‌ چونكە: {الدین: النصیحە} رواە مسلم، واتە: دینداریی دڵسۆزیی‌و پەرۆشە بۆ هەموولایەك.

 

لەكۆتاییدا دەڵێم:

ئەوەی هۆكاری نیگەرانیی‌و بێزاریی ئێمەو خەڵكێكی زۆری ئەم هەرێمەیە، ئەوەیە كە بەكورتیی ئاماژەم پێداو، هەموولایەكیش دڵنیا دەكەینەوە، كە ئەگەر بڕیار بەدەستانی ئەم هەرێمە، چاوێكی جیددیی بەخۆیاندا بگێڕنەوەو، كێشەو قەیرانە دروستكراوەكان چارەسەر بكەن، باهیچ كەس گوێ‌ بە دووریی‌و نیزیكیی‌و نیگەرانیی‌و ڕازییبوونی ئێمە نەدات.

 

بەڵام ئەگەر خوا نەكردە بارودۆخ وەك هەیە بەردەوام بێ‌، زۆر مەترسیی ئەوەم هەیە یەكجاریی لێمان تێك بچێ‌، چونكە ستەم‌و بێدادییەكی زۆر هەیەو بەهۆی ستەمیشەوە، وڵات سەرەنجامی تاریك دەبێ‌، خوا فەرموویەتی: (....ۆما كُنَّا مُهْلِكِی الْقُری إِلاَّ ۆأَهْلُها ڤالِمُونَ) القصص -59-، واتە: ئاوەدانییەكانمان نەفەوتاندوە، مەگەر خەڵكەكەیان ستەمكار بووبن.

 

بەهادین نوری: مەسرور بارزانی دەیەوێت خۆی لە بەرپرسیارێتی‌و پۆخڵەواتەكانی پێشوو دووربخاتەوە

"سەد مەخابن ناتوانین بڵێین حكومەتی هەرێم بە سەرۆكایەتی كاك مەسرور سەركەوتنی بەدەست هێناوە، بەڵكو ئەمیش چووە پاڵ كابینەكانی كاك نێچیری ئامۆزای"

تیرەكانی مەسرور بارزانی ڕوویان لە نێچیرڤانی ئامۆزایەتی

كۆتا گوتاری مەسرور بارزانی شتێكی نوێی تێدا نەبوو جگە لە داننان بە قەرزارییەكی زۆرو نەبوونی پارەو لێدانێكی تووندتر لە كابینەكانی پێشو

هاوكارەكەی بۆكچین: دەبێ جیهان لە كوردانی ڕۆژاڤاوە فێربكرێن چۆن تێزەكانی بۆكچین جێبەجێ بكەن

هاوكار و نووسەری ژیاننامەی بیرمەندی ئەمەریكی مۆرای بۆكچین لە گفتوگۆیەكی تایبەت لەگەڵ پەرەگراف، باس لە پەیوەندی نێوان بۆكچین و ئۆجەلان دەكات

بارزانی نیگەرانە؛ پێكهاتەكان لە نێوان سەربەخۆیی‌و دەستی دووی پارتی دا

 مەسعود بارزانی پەیامێكی نیگەرانیی بڵاوكردەوەو تەئكید لە پشتیوانیی پێكهاتەكان دەكات.

عەلی باپیر بۆ بارزانی: قەیرانە دروستكراوەكان چارەسەر بكەن، گوێ‌ بە نیگەرانیی‌ ئێمە مەدەن

2017-08-22 18:55:33

 

پەرەگراف

 

عەلی باپیر وەڵامی مەسعود بارزانی دەداتەوەو لەچەند خاڵێكدا نیگەرانییەكانی كۆمەڵی ئیسلامی بۆ ڕووندەكاتەوەو دەڵێت، ئەگەر بڕیار بەدەستانی ئەم هەرێمە، كێشەو قەیرانە دروستكراوەكان چارەسەر بكەن، باهیچ كەس گوێ‌ بە دووریی‌و نیزیكیی‌و نیگەرانیی‌و ڕازیبوونی ئێمە نەدات.

 

مەسعود بارزانی دوێنێ لەمیانی كۆبوونەوەی لەگەڵ سەندیكاو ڕێكخراوە پیشەیی‌و جەماوەرییەكان، لەبارەی كێشەكانی نێوان پارتی لەگەڵ گۆڕان‌و كۆمەڵ، وتی"نازانم چیمان كردووە بەرامبەر بەمانە تا ئاشتیان بكەینەوە، بەتایبەت كۆمەڵ... لەگەڵ كۆمەڵ بەخوا من نازانم، چەندی بیری لێدەكەمەوە ئەرێ چیمان كردووە كە زەرەری هەبووبێت بۆ كۆمەڵ تێناگەم."

 

لە وەڵامی ئەو وتەیەی بارزانیدا، عەلی باپیر ئەمیری كۆمەڵی ئیسلامی ئەمڕۆ بە چەند خاڵێك نیگەرانییەكانی حزبەكەی ئاڕاستەی مەسعود بارزانی كردو تێیدا باسلە پەكخستنی پەرلەمان‌و دەستی حزب لە ناو دەمەزراوەكانی حكومەت‌و سەروەرنەبوونی یاساو تەشەنەسەندنی گەندەڵی دەكات.

 

دەقی وەڵامەكەی عەلی باپیر

 

{وەڵامێكی دڵسۆزانە بۆ پرسیاری: كۆمەڵ لەچی نیگەرانە؟}

 

دوێنێ‌ جەنابی كاك مەسعود بارزانیی لەكۆبوونەوەیەكیدا لەگەڵ (سەندیكاكان) سەرسوڕمانی خۆی لەنیگەرانیی كۆمەڵی ئیسلامیی پێشاندا!

 

بەباشم زانی بۆ بەرچاوڕوونیی زیاتری بەڕێزیان، چەند خاڵێكی كورت‌و پوخت لەبارەی هۆكارەكانی نیگەرانیی كۆمەڵی ئیسلامییەوە، لەم بارودۆخەی هەرێم، بنووسم:

 

یەكەم:

 

سەرەتا ڕایدەگەیەنین كە ئێمە هیچ كێشەیەكمان لەگەڵ كەس‌و لایەنێكی دیارییكراودا نیەو، گرفت‌و كێشەی ئێمە لەگەڵ شێوازی خراپی بەڕێوەبردنی ئەم هەرێمەیە لەدرێژەی چارەگە سەدەی ڕابردوودا.

 

دووەم:
هۆكارە سەرەكییەكانی نیگەرانیی ئێمەش لەم بارودۆخە ئەمانەن:

1- بەدامەزراوەنەكردنی كاروبارەكان‌و دەستوەردانی حیزب‌و كەس لە كۆی ئیدارەی وڵات‌و شكاندنی شكۆی پەرلەمان‌و پەكخستنی‌و...هتد.

2- بێهێزو پێزكردنی دەستەڵاتی دادوەریی‌و پێشێلكردنی یاسا، لەئەنجامی دەست تێخستنی حیزب‌و كەسەوە، بەمەبەستی دابینكردنی بەرژەوەندییە ناشەرعییەكانیان، وەك: كپ كردن‌و خەفەكردنی دەنگی ئازاو ئازادو، بڵاوكردنەوەی ترس‌و تۆقاندن‌و...هتد.

3- بەپێوەر نەگرتنی مرۆڤبوون‌و هاوڵاتیی بوون بۆ مامەڵە لەگەڵ خەڵكداو فەرق‌و جیایی پێكردنیان، بەهۆی ئینتیمای حیزبیی‌و سیاسیی‌و فیكریی‌و عەشیرەت‌و دەڤەرو....هتدەوە.

4- تەشەنەكردنی ستەم‌و قۆرخكاریی‌و گەندەڵیی‌و، سەرەنجام سەرهەڵدانی چینێكی كەمینەی مشەخۆری ملیاردێرو ساماندار، لەسەر حیسابی خەڵك‌و جەماوەرێكی زۆرینەی نەدارو چەوساوەو هەناسە سارد.

 

سێ‌یەم:

 

ئێمە لەكۆمەڵی ئیسلامییدا لەبەرەكەتی پابەندییمان بەشەریعەتەوە، هەرگیز ڕێمان بەخۆمان نەداوە كە بەهاندەری كینەو بوغز بەرانبەر بەم‌و بەو، یان چاولێكەریی ئەملاولا، هەڵوێست وەربگرین‌و، بەپێویستی دەزانین جگە لەبەزەیی‌و پەرۆش‌و دڵسۆزیی بۆ هەموولایەك، هیچ پاڵنەرێكی دیكەمان نەبێ‌ چونكە: {الدین: النصیحە} رواە مسلم، واتە: دینداریی دڵسۆزیی‌و پەرۆشە بۆ هەموولایەك.

 

لەكۆتاییدا دەڵێم:

ئەوەی هۆكاری نیگەرانیی‌و بێزاریی ئێمەو خەڵكێكی زۆری ئەم هەرێمەیە، ئەوەیە كە بەكورتیی ئاماژەم پێداو، هەموولایەكیش دڵنیا دەكەینەوە، كە ئەگەر بڕیار بەدەستانی ئەم هەرێمە، چاوێكی جیددیی بەخۆیاندا بگێڕنەوەو، كێشەو قەیرانە دروستكراوەكان چارەسەر بكەن، باهیچ كەس گوێ‌ بە دووریی‌و نیزیكیی‌و نیگەرانیی‌و ڕازییبوونی ئێمە نەدات.

 

بەڵام ئەگەر خوا نەكردە بارودۆخ وەك هەیە بەردەوام بێ‌، زۆر مەترسیی ئەوەم هەیە یەكجاریی لێمان تێك بچێ‌، چونكە ستەم‌و بێدادییەكی زۆر هەیەو بەهۆی ستەمیشەوە، وڵات سەرەنجامی تاریك دەبێ‌، خوا فەرموویەتی: (....ۆما كُنَّا مُهْلِكِی الْقُری إِلاَّ ۆأَهْلُها ڤالِمُونَ) القصص -59-، واتە: ئاوەدانییەكانمان نەفەوتاندوە، مەگەر خەڵكەكەیان ستەمكار بووبن.