بنەمای پەرەگراف متمانەیە

بەڕێوەبەری ئێن ئاڕتی بۆ هەڤاڵ ئەبوبەكر: دەبوو بەرگریكاری سەرسەختی ئازادیی بیت

بەڕێوەبەری ئێن ئاڕتی بۆ هەڤاڵ ئەبوبەكر: دەبوو بەرگریكاری سەرسەختی ئازادیی بیت

 

پەرەگراف- سوركێو محەمەد

 

دامەزراوەی میدیایی نالیا داوادەكات سبەینێ پەخشی كەناڵەكانیان دەستپێبكەنەوە بەو پێیەی كۆتا ڕۆژی ڕاگرتنیانە بەپێی بڕیارەكەی وەزارەتی ڕۆشنبیری، بەڕێوەبەری ئێن ئاڕتی بڕیاری ڕاگرتنیان بە نایاسایی ناودەبات‌و پارێزگاری سلێمانی دەخاتەبەردەم بەرپرسیارێتیی‌و دەڵێت، دەبوایە بەرگریكاری سەرسەختی ئازادیی كاری میدیایی بێت.

 

19ی ئەم مانگە لە دووەم ڕۆژی خۆپیشاندانەكاندا بە پاساوی هاندان بۆ خۆپیشاندان‌و توندوتیژی وەزیری ڕۆشنبیری بڕیاری ڕاگرتنی پەخشی كەناڵەكانی ئێن ئاڕتی دا بۆماوەی هەفتەیەك، بۆ جێبەجێكردنی بڕیارەكەش هێزێكی چەكداری دەمامكدار چوونەناو ئۆفیسی سەرەكی ئێن ئاڕتی‌و پەخشیان ڕاگرت‌و سەرجەم كارمەندەكانیان بۆماوەیەك دەستبەسەر كرد.

 

دامەزراوەی میدیایی نالیا كە خاوەنداریی كەناڵەكانی ئێن ئاڕتی دەكات، ئەمڕۆ بەیاننامەیەكی بڵاوكردەوەو داوادەكات وەزارەتی ڕۆشنبیریی پابەندی بڕیارەكەی ببێت‌و"لە سەعات 7ی ئێوارەی رۆژی 26/12/2017دا، وادەی ڕاگرتنی پەخشەكان تەواودەبێت‌و كەناڵەكانمان دەست بە پەخشكردن بكەنەوەو هیچ پاساوێكیش نەمێنێتەوە بۆ درێژەدان بەم ڕاگرتنی پەخشە."

 

لە دوای ڕاگرتنی پەخشی كەناڵەكانی ئێن ئاڕتی، هەڤاڵ ئەبوبەكر پارێزگاری سلێمانی‌و سەرۆكی لیژنەی ئەمنیی ڕوبەڕوی ڕەخنەی زۆری ڕۆژنامەنوس‌و چالاكوانان بووەوەو داوای هەڵوێستیان لێكرد، بەڵام ناوبراو هیچ هەڵوێستی نەبووە تەنها ئەوەندە نەبێت لە وەڵامی نوسراوێكی "ساختە"دا ڕایگەیاند، ڕاگرتنی ئێن ئاڕتی لەسەر داوای ئەو نەبووە.

 

ئەمڕۆش بەڕێوەبەری ئێن ئاڕتی نامەیەكی كراوەی ئاڕاستەی پارێزگاری سلێمانی كردو تێیدا 5 خاڵی خستوەتەڕوو، داوادەكات پارێزگار مومارەسەی دەسەڵاتی خۆی بكات‌و هێزی ئەمنیی لەبەردەم كەناڵەكەیاندا نەمێنن‌و میدیاكارانیان بۆ لێكۆڵینەوە بانگێشت نەكرێن.

 

مەم بورهان قانع، بەڕێوەبەری ئێن ئاڕتی بە هەڤاڵ ئەبوبەكر دەڵێت"تۆ خۆت ڕۆژنامەنوس‌و كەسێكی ئەكادیمیی بواری میدیایت، دەبو (بۆ داهاتوش دەبێت) لە پرسێكی لەمجۆرەدا رۆڵی گرنگ و كاریگەرت هەبێت و بەرگریكاری سەرسەختی ئازادیی كاری میدیایی بیت، وەكچۆن بە پێی یاسای رۆژنامەگەریی ژمارە (35)ی ساڵی 2007، كەس بۆی نییە دەقیقەیەكیش كەناڵێك لە پەخشكردن رابگرێت، ئیتر نازانین وەزیری رۆشنبیریی و لاوان، ئەم بڕیارەی پاڵپشت بە چ دەقێكی قانونیی دەركردوە! تەنانەت ئێستا بڕیارەكە كراوەتە دیفاكتۆ و دەمانەوێت ئەم بڕیارە نایاساییە، وەكو خۆیشی بێت (كە هیچ پاڵپشتییەكی یاسایی نییە)، جێبەجێبكرێت و سبەینێ‌ دەست بە پەخشكردن بكەینەوە و دۆخی كاركردنی رەوای دامەزراوەكەمان ئاسایی بكرێتەوە."

 

بەڕێوەبەری ئێن ئاڕتی لە نامەكەیدا هەڤاڵ ئەبوبەكر دەخاتە بەردەم بەرپرسیارێتیی مێژویی، پیشەیی، یاسایی، كارگێڕیی‌و ئەخلاقیی.

 

بۆ وەرگرتنی ڕای هەڤاڵ ئەبوبەكر دەربارەی نامەكەی بەڕێوەبەری ئێن ئاڕتی‌و ئەو ڕەخنانەی لەوپرسەدا ئاڕاستەی دەكرێن، پەرەگراف پەیوەندی بە ناوبراوەوە كرد‌، بەڵام ئامادە نەبوو قسەی لەسەر بكات‌و تەنها ئەوەندەی وت"هیچ لێدوانێكم نییەو هەرشتێك هەبوو بە ڕاگەیاندن ئاگادارتان دەكەین."

 

هەڤاڵ ئەبوبەكر لە پشكی بزووتنەوەی گۆڕان ئەو پۆسەی وەرگرتووەو ئەمڕۆش ڕێكخەری گشتی بزووتنەوەكە بێدەنگیی شكاند لەسەر داخستنی كەناڵەكانی ڕاگەیاندن‌و دەستگیركردنی خۆپیشاندەرانی ڕۆژانی ڕابردوو.

 

عومەر سەید عەلی‌ ڕێكخەری‌ گشتی‌ بزووتنەوەی‌ گۆڕان لە لێدوانێكدا بۆ میدیای حزبەكەی ڕایگەیاند، هەر لەسەرەتای ڕوداوەكانەوە لە ‌ئاستی باڵادا تەواوی توانای خۆی خستوەتەكار بۆ ئازادكردنی دەستگیركراوەكان‌و كردنەوەی دامەزراوە میدیاییە داخراوەكان و كاركردنی ڕێكخراوەكانی كۆمەڵی مەدەنی.

 

ڕێكخەری‌ گشتی‌ گۆڕان وتیشی"بزوتنەوەی گۆڕان داوادەكات بەزوترین كات سەرجەم دەستگیركراوی خۆپیشاندانەكان ئازادبكرێن، چونكە هیچ بیانوێك نییە هاوڵاتیان لەسەر داواكردنی مافی خۆیان لە دەرەوەی یاسا دەستگیر بكرێن و دەبێت ڕێز لە بیروڕای ئازاد بگیرێت."

 

عومەر سەید عەلی باسیلەوەشكردووە، دەبێت دەستبەجێ ڕێگا بۆ كاری ئازادیی میدیایی خۆشبكرێت و میدیا داخراوەكان بەزوترین كات بكرێنەوە‌و كاری خۆیان بكەن‌و بە‌پێی یاسای ڕۆژنامەنوسی مامەڵە لەگەڵ میدیا و ڕۆژنامەنوسان بكرێت.

 

ڕۆژانی 18بۆ22ی ئەم مانگە خۆپیشاندانی فراوان پارێزگای سلێمانی‌و ئیدارەكانی گەرمیان‌و ڕاپەڕینی گرتەوە‌و هێزە چەكدارەكان تەقەیان لە خۆپیشاندەران كردو كوژراو و برینداری لێكەوتەوە.

 

خۆپیشاندەران سەرباری داواكردنی پێدانی مووچەكانیان لەكاتی خۆیدا، هاوكات سووربوون لەسەر كۆتایی هاتنی كابینەی ئێستای حكومەت‌و دروشمی"بڕوخێ"یان لەدژ دەوتەوەو داوای دورخستنەوەی دەسەڵاتدارانی ئێستایان دەكرد.

 

بەهۆی ئەو خۆپیشاندانانەوە بەدەیان كەس لەلایەن هێزە ئەمنییەكانەوە دەستگیركران‌و هەندێكیان تائێستاش ئازاد نەكراون، دیارترینیان شاسوار عەبدولواحید سەرۆكی جوڵانەوەی نەوەی نوێ‌و ڕابون مەعروف پەرلەمانتاری كوردستان‌و خۆبەشی هەمان جوڵانەوەن.

 

لە ماوەی چەند ڕۆژی خۆپیشاندانەكاندا بە دەیان ڕۆژنامەنوس‌و كامێرامانی كەناڵەكان ڕوبەڕوی توندوتیژی بوونەوەو هەندێكیشیان بۆماوەیەك دەستبەسەر كران، لە دووەم ڕۆژی خۆپیشاندانەكاندا، كەناڵێكی تەلەفزیۆنی‌و دوو ڕادیۆ لە شاری ڕانیە سووتێندران.

 

سەندیكای ڕۆژنامەنوسان ئیدانەی توندوتیژییەكانی كردو ڕۆژێك دوای ڕاگرتنی پەخشی ئێن ئاڕتی ڕایگەیاند"ئەنجومەنی سەندیكا سەركۆنەی راگرتنی پەخشی كەناڵی ئێن ئاڕتی دەكات و داوا دەكات بەزووترین كات رێگەیان پێبدرێتەوە دەست بەكاری ئاسایی خۆیان بكەنەوە، كە ئەم هەڵسوكەوتە بەدەر بووە لەیاسا بەركارەكانی كوردستان‌و بەتایبەتی یاسای رۆژنامەگەری ژمارە 35ی ساڵی 2007، هەروەها داوای پاراستنی سەلامەتی گیانی سەرجەم ڕۆژنامەنووسان دەكات."

 

دەقی نامەكەی ئەمڕۆی بەڕێوەبەری ئێن ئاڕتی بۆ هەڤاڵ ئەبوبەكر

 

بەرێز/ پارێزگاری سلێمانی و سەرۆكی لیژنەی ئەمنیی پارێزگاكە

 

دوای سڵاو..

 

بە پێی بڕیاری ژمارە (5002)ی وەزارەتی رۆشنبیریی و لاوان بێت، كە ئیمزای وەزیری بەسەرەوەیە، دەبێت لە سەعات 7ی ئێوارەی سبەینێ‌ (26/12/2017)، دەستبكرێتەوە بە پەخشكردنی سەرجەمی كەناڵەكانی دامەزراوەكەمان (دامەزراوەی میدیایی نالیا). بۆیە‌، هەقە:

 

1- بەڕێزت وەكو پیاوێك كە لە پێگەیەكی كارگێڕیی بەرزی ئەم پارێزگایەدایت، سەرسەختانە كاربكەیت بۆ ئەوەی لە وادەی دیاریكراودا دەستبكەینەوە بە پەخشكردن.

 

2- تۆ سەرۆكی لیژنەی ئەمنیی ئەم پارێزگایەیت، هەقە مومارەسەی دەسەڵاتی خۆت بكەیت و ئیتر هێزی ئەمنیی لەبەردەم كەناڵەكەدا نەمێنێت و میدیاكارانی كەناڵەكەشمان بۆ لێكۆڵینەوە بانگێشت نەكرێن.

 

3- ئەم چەند دێڕەم بۆ بەڕێزتان، وەكو دوو هاورێی كۆن و دوو هاوپیشەی میدیایی نییە (لە رابردودا)، بەڵكو بە سیفەتی پۆست و ئەركە كارگێرییەكانمانە.

 

4- تۆ خۆت رۆژنامەنوس و كەسێكی ئەكادیمیی بواری میدیایت، دەبو (بۆ داهاتوش دەبێت) لە پرسێكی لەمجۆرەدا رۆڵی گرنگ و كاریگەرت هەبێت و بەرگریكاری سەرسەختی ئازادیی كاری میدیایی بیت، وەكچۆن بە پێی یاسای رۆژنامەگەریی ژمارە (35)ی ساڵی 2007، كەس بۆی نییە دەقیقەیەكیش كەناڵێك لە پەخشكردن رابگرێت، ئیتر نازانین وەزیری رۆشنبیریی و لاوان، ئەم بڕیارەی پاڵپشت بە چ دەقێكی قانونیی دەركردوە! تەنانەت ئێستا بڕیارەكە كراوەتە دیفاكتۆ و دەمانەوێت ئەم بڕیارە نایاساییە، وەكو خۆیشی بێت (كە هیچ پاڵپشتییەكی یاسایی نییە)، جێبەجێبكرێت و سبەینێ‌ دەست بە پەخشكردن بكەینەوە و دۆخی كاركردنی رەوای دامەزراوەكەمان ئاسایی بكرێتەوە.

 

5- لەم پرسەدا، لەبەردەم بەرپرسیارێتییەكی مێژویی و پیشەیی و یاسایی و كارگێریی و ئەخلاقیی دان.

 

رێزم..

مەم بورهان قانع
بەڕێوەبەری ئێن ئاڕ تی
25/12/2017

 

ئه‌م بابه‌ته 1519 جار خوێنراوه‌ته‌وه‌‌

یەكگرتووی ئیسلامی لە حكومەتی هەرێم نەكشایەوە

یەكگرتوو بڕیاریدا لە حكومەت نەكشێتەوە، ئەوە لەكاتێكدایە ئەو حزبە زیاتر لە مانگێكە داوای پێكهێنانی حكومەتێكی نوێی ڕاگوزەری كردووە بۆ چاكسازی‌و باشكردنی بژێوی ژیانی خەڵك.

پەكەكە پێكهێنانی حكومەتێكی نوێ بە چارەسەری كێشەكانی هەرێم دادەنێت

پەكەكە پێكهێنانی حكومەتێكی نوێ بە چارەسەری كێشەكانی هەرێمی كوردستان دادەنێت و خۆپیشاندانەكانی خەڵك بە "ڕاپەڕین"‌و جێگای سەربەرزیی ناودەبات‌.

جوڵانەوەی نەوەی نوێ: تەندروستی شاسوار عەبدولواحید لە مەترسیدایە

جوڵانەوەی نەوەی نوێ داواكارییەكی بەپەلە ئاڕاستەی عێراق‌و وڵاتانی بیانی‌و ڕێكخراوە نێودەوڵەتییەكان دەكات‌و ڕایدەگەیەنێت، تەندروستی شاسوار عەبدولواحید لە مەترسیدایە‌.

میدیای نێودەوڵەتی لە ڕووماڵی خۆپیشاندانەكانی هەرێمدا باسلە گەندەڵیی دەسەڵاتی كوردی دەكەن

میدیاو توێژەرانی بیانی ڕوماڵی خۆپیشاندانەكانی هەرێمی كوردستان دەكەن‌و باسلە گەندەڵیی دەسەڵاتی كوردی‌و فشارەكانی سەر ڕاگەیاندن‌و ڕۆژنامەنوسان دەكەن.

بەڕێوەبەری ئێن ئاڕتی بۆ هەڤاڵ ئەبوبەكر: دەبوو بەرگریكاری سەرسەختی ئازادیی بیت

2017-12-25 18:30:53

 

پەرەگراف- سوركێو محەمەد

 

دامەزراوەی میدیایی نالیا داوادەكات سبەینێ پەخشی كەناڵەكانیان دەستپێبكەنەوە بەو پێیەی كۆتا ڕۆژی ڕاگرتنیانە بەپێی بڕیارەكەی وەزارەتی ڕۆشنبیری، بەڕێوەبەری ئێن ئاڕتی بڕیاری ڕاگرتنیان بە نایاسایی ناودەبات‌و پارێزگاری سلێمانی دەخاتەبەردەم بەرپرسیارێتیی‌و دەڵێت، دەبوایە بەرگریكاری سەرسەختی ئازادیی كاری میدیایی بێت.

 

19ی ئەم مانگە لە دووەم ڕۆژی خۆپیشاندانەكاندا بە پاساوی هاندان بۆ خۆپیشاندان‌و توندوتیژی وەزیری ڕۆشنبیری بڕیاری ڕاگرتنی پەخشی كەناڵەكانی ئێن ئاڕتی دا بۆماوەی هەفتەیەك، بۆ جێبەجێكردنی بڕیارەكەش هێزێكی چەكداری دەمامكدار چوونەناو ئۆفیسی سەرەكی ئێن ئاڕتی‌و پەخشیان ڕاگرت‌و سەرجەم كارمەندەكانیان بۆماوەیەك دەستبەسەر كرد.

 

دامەزراوەی میدیایی نالیا كە خاوەنداریی كەناڵەكانی ئێن ئاڕتی دەكات، ئەمڕۆ بەیاننامەیەكی بڵاوكردەوەو داوادەكات وەزارەتی ڕۆشنبیریی پابەندی بڕیارەكەی ببێت‌و"لە سەعات 7ی ئێوارەی رۆژی 26/12/2017دا، وادەی ڕاگرتنی پەخشەكان تەواودەبێت‌و كەناڵەكانمان دەست بە پەخشكردن بكەنەوەو هیچ پاساوێكیش نەمێنێتەوە بۆ درێژەدان بەم ڕاگرتنی پەخشە."

 

لە دوای ڕاگرتنی پەخشی كەناڵەكانی ئێن ئاڕتی، هەڤاڵ ئەبوبەكر پارێزگاری سلێمانی‌و سەرۆكی لیژنەی ئەمنیی ڕوبەڕوی ڕەخنەی زۆری ڕۆژنامەنوس‌و چالاكوانان بووەوەو داوای هەڵوێستیان لێكرد، بەڵام ناوبراو هیچ هەڵوێستی نەبووە تەنها ئەوەندە نەبێت لە وەڵامی نوسراوێكی "ساختە"دا ڕایگەیاند، ڕاگرتنی ئێن ئاڕتی لەسەر داوای ئەو نەبووە.

 

ئەمڕۆش بەڕێوەبەری ئێن ئاڕتی نامەیەكی كراوەی ئاڕاستەی پارێزگاری سلێمانی كردو تێیدا 5 خاڵی خستوەتەڕوو، داوادەكات پارێزگار مومارەسەی دەسەڵاتی خۆی بكات‌و هێزی ئەمنیی لەبەردەم كەناڵەكەیاندا نەمێنن‌و میدیاكارانیان بۆ لێكۆڵینەوە بانگێشت نەكرێن.

 

مەم بورهان قانع، بەڕێوەبەری ئێن ئاڕتی بە هەڤاڵ ئەبوبەكر دەڵێت"تۆ خۆت ڕۆژنامەنوس‌و كەسێكی ئەكادیمیی بواری میدیایت، دەبو (بۆ داهاتوش دەبێت) لە پرسێكی لەمجۆرەدا رۆڵی گرنگ و كاریگەرت هەبێت و بەرگریكاری سەرسەختی ئازادیی كاری میدیایی بیت، وەكچۆن بە پێی یاسای رۆژنامەگەریی ژمارە (35)ی ساڵی 2007، كەس بۆی نییە دەقیقەیەكیش كەناڵێك لە پەخشكردن رابگرێت، ئیتر نازانین وەزیری رۆشنبیریی و لاوان، ئەم بڕیارەی پاڵپشت بە چ دەقێكی قانونیی دەركردوە! تەنانەت ئێستا بڕیارەكە كراوەتە دیفاكتۆ و دەمانەوێت ئەم بڕیارە نایاساییە، وەكو خۆیشی بێت (كە هیچ پاڵپشتییەكی یاسایی نییە)، جێبەجێبكرێت و سبەینێ‌ دەست بە پەخشكردن بكەینەوە و دۆخی كاركردنی رەوای دامەزراوەكەمان ئاسایی بكرێتەوە."

 

بەڕێوەبەری ئێن ئاڕتی لە نامەكەیدا هەڤاڵ ئەبوبەكر دەخاتە بەردەم بەرپرسیارێتیی مێژویی، پیشەیی، یاسایی، كارگێڕیی‌و ئەخلاقیی.

 

بۆ وەرگرتنی ڕای هەڤاڵ ئەبوبەكر دەربارەی نامەكەی بەڕێوەبەری ئێن ئاڕتی‌و ئەو ڕەخنانەی لەوپرسەدا ئاڕاستەی دەكرێن، پەرەگراف پەیوەندی بە ناوبراوەوە كرد‌، بەڵام ئامادە نەبوو قسەی لەسەر بكات‌و تەنها ئەوەندەی وت"هیچ لێدوانێكم نییەو هەرشتێك هەبوو بە ڕاگەیاندن ئاگادارتان دەكەین."

 

هەڤاڵ ئەبوبەكر لە پشكی بزووتنەوەی گۆڕان ئەو پۆسەی وەرگرتووەو ئەمڕۆش ڕێكخەری گشتی بزووتنەوەكە بێدەنگیی شكاند لەسەر داخستنی كەناڵەكانی ڕاگەیاندن‌و دەستگیركردنی خۆپیشاندەرانی ڕۆژانی ڕابردوو.

 

عومەر سەید عەلی‌ ڕێكخەری‌ گشتی‌ بزووتنەوەی‌ گۆڕان لە لێدوانێكدا بۆ میدیای حزبەكەی ڕایگەیاند، هەر لەسەرەتای ڕوداوەكانەوە لە ‌ئاستی باڵادا تەواوی توانای خۆی خستوەتەكار بۆ ئازادكردنی دەستگیركراوەكان‌و كردنەوەی دامەزراوە میدیاییە داخراوەكان و كاركردنی ڕێكخراوەكانی كۆمەڵی مەدەنی.

 

ڕێكخەری‌ گشتی‌ گۆڕان وتیشی"بزوتنەوەی گۆڕان داوادەكات بەزوترین كات سەرجەم دەستگیركراوی خۆپیشاندانەكان ئازادبكرێن، چونكە هیچ بیانوێك نییە هاوڵاتیان لەسەر داواكردنی مافی خۆیان لە دەرەوەی یاسا دەستگیر بكرێن و دەبێت ڕێز لە بیروڕای ئازاد بگیرێت."

 

عومەر سەید عەلی باسیلەوەشكردووە، دەبێت دەستبەجێ ڕێگا بۆ كاری ئازادیی میدیایی خۆشبكرێت و میدیا داخراوەكان بەزوترین كات بكرێنەوە‌و كاری خۆیان بكەن‌و بە‌پێی یاسای ڕۆژنامەنوسی مامەڵە لەگەڵ میدیا و ڕۆژنامەنوسان بكرێت.

 

ڕۆژانی 18بۆ22ی ئەم مانگە خۆپیشاندانی فراوان پارێزگای سلێمانی‌و ئیدارەكانی گەرمیان‌و ڕاپەڕینی گرتەوە‌و هێزە چەكدارەكان تەقەیان لە خۆپیشاندەران كردو كوژراو و برینداری لێكەوتەوە.

 

خۆپیشاندەران سەرباری داواكردنی پێدانی مووچەكانیان لەكاتی خۆیدا، هاوكات سووربوون لەسەر كۆتایی هاتنی كابینەی ئێستای حكومەت‌و دروشمی"بڕوخێ"یان لەدژ دەوتەوەو داوای دورخستنەوەی دەسەڵاتدارانی ئێستایان دەكرد.

 

بەهۆی ئەو خۆپیشاندانانەوە بەدەیان كەس لەلایەن هێزە ئەمنییەكانەوە دەستگیركران‌و هەندێكیان تائێستاش ئازاد نەكراون، دیارترینیان شاسوار عەبدولواحید سەرۆكی جوڵانەوەی نەوەی نوێ‌و ڕابون مەعروف پەرلەمانتاری كوردستان‌و خۆبەشی هەمان جوڵانەوەن.

 

لە ماوەی چەند ڕۆژی خۆپیشاندانەكاندا بە دەیان ڕۆژنامەنوس‌و كامێرامانی كەناڵەكان ڕوبەڕوی توندوتیژی بوونەوەو هەندێكیشیان بۆماوەیەك دەستبەسەر كران، لە دووەم ڕۆژی خۆپیشاندانەكاندا، كەناڵێكی تەلەفزیۆنی‌و دوو ڕادیۆ لە شاری ڕانیە سووتێندران.

 

سەندیكای ڕۆژنامەنوسان ئیدانەی توندوتیژییەكانی كردو ڕۆژێك دوای ڕاگرتنی پەخشی ئێن ئاڕتی ڕایگەیاند"ئەنجومەنی سەندیكا سەركۆنەی راگرتنی پەخشی كەناڵی ئێن ئاڕتی دەكات و داوا دەكات بەزووترین كات رێگەیان پێبدرێتەوە دەست بەكاری ئاسایی خۆیان بكەنەوە، كە ئەم هەڵسوكەوتە بەدەر بووە لەیاسا بەركارەكانی كوردستان‌و بەتایبەتی یاسای رۆژنامەگەری ژمارە 35ی ساڵی 2007، هەروەها داوای پاراستنی سەلامەتی گیانی سەرجەم ڕۆژنامەنووسان دەكات."

 

دەقی نامەكەی ئەمڕۆی بەڕێوەبەری ئێن ئاڕتی بۆ هەڤاڵ ئەبوبەكر

 

بەرێز/ پارێزگاری سلێمانی و سەرۆكی لیژنەی ئەمنیی پارێزگاكە

 

دوای سڵاو..

 

بە پێی بڕیاری ژمارە (5002)ی وەزارەتی رۆشنبیریی و لاوان بێت، كە ئیمزای وەزیری بەسەرەوەیە، دەبێت لە سەعات 7ی ئێوارەی سبەینێ‌ (26/12/2017)، دەستبكرێتەوە بە پەخشكردنی سەرجەمی كەناڵەكانی دامەزراوەكەمان (دامەزراوەی میدیایی نالیا). بۆیە‌، هەقە:

 

1- بەڕێزت وەكو پیاوێك كە لە پێگەیەكی كارگێڕیی بەرزی ئەم پارێزگایەدایت، سەرسەختانە كاربكەیت بۆ ئەوەی لە وادەی دیاریكراودا دەستبكەینەوە بە پەخشكردن.

 

2- تۆ سەرۆكی لیژنەی ئەمنیی ئەم پارێزگایەیت، هەقە مومارەسەی دەسەڵاتی خۆت بكەیت و ئیتر هێزی ئەمنیی لەبەردەم كەناڵەكەدا نەمێنێت و میدیاكارانی كەناڵەكەشمان بۆ لێكۆڵینەوە بانگێشت نەكرێن.

 

3- ئەم چەند دێڕەم بۆ بەڕێزتان، وەكو دوو هاورێی كۆن و دوو هاوپیشەی میدیایی نییە (لە رابردودا)، بەڵكو بە سیفەتی پۆست و ئەركە كارگێرییەكانمانە.

 

4- تۆ خۆت رۆژنامەنوس و كەسێكی ئەكادیمیی بواری میدیایت، دەبو (بۆ داهاتوش دەبێت) لە پرسێكی لەمجۆرەدا رۆڵی گرنگ و كاریگەرت هەبێت و بەرگریكاری سەرسەختی ئازادیی كاری میدیایی بیت، وەكچۆن بە پێی یاسای رۆژنامەگەریی ژمارە (35)ی ساڵی 2007، كەس بۆی نییە دەقیقەیەكیش كەناڵێك لە پەخشكردن رابگرێت، ئیتر نازانین وەزیری رۆشنبیریی و لاوان، ئەم بڕیارەی پاڵپشت بە چ دەقێكی قانونیی دەركردوە! تەنانەت ئێستا بڕیارەكە كراوەتە دیفاكتۆ و دەمانەوێت ئەم بڕیارە نایاساییە، وەكو خۆیشی بێت (كە هیچ پاڵپشتییەكی یاسایی نییە)، جێبەجێبكرێت و سبەینێ‌ دەست بە پەخشكردن بكەینەوە و دۆخی كاركردنی رەوای دامەزراوەكەمان ئاسایی بكرێتەوە.

 

5- لەم پرسەدا، لەبەردەم بەرپرسیارێتییەكی مێژویی و پیشەیی و یاسایی و كارگێریی و ئەخلاقیی دان.

 

رێزم..

مەم بورهان قانع
بەڕێوەبەری ئێن ئاڕ تی
25/12/2017