بنەمای پەرەگراف متمانەیە

پێشمەرگەیەكی پارتی وەك شایەتحاڵ 31ی ئاب دەگێڕێتەوە
"بینای پەرلەمان ناونرابوو گەراجی دەبابە"

پێشمەرگەیەكی پارتی وەك شایەتحاڵ 31ی ئاب دەگێڕێتەوە


پەرەگراف- سوركێو محەمەد

پێشمەرگەیەكی سوپای دووی پارتی كە بەشداری شەڕی 31ی ئابی ساڵی 1996ی كردووە لەگەڵ هێزەكانی سوپای ئەوكاتی حكومەتی عێراق دژی یەكێتی نیشتمانی كوردستان بۆ گرتنی شاری هەولێر، وردەكاری چۆنێتی هاوكارییەكانی سوپای عێراق و گرتنی شاری هەولێر بەهاوكاری سوپا، دەگێڕێتەوە.

ئەوپێشمەرگەیە كە ئێستا لەڕیزەكانی پارتی دیموكراتی كوردستاندا نەماوە، لەبەر هەستیاری بابەتەكە ئامادەنییە ناو و وێنەی و تەنانەت ناوی فەوجەكەشی ئاشكرا بكرێت كە سەربە لیوایەكی سوپای دووی پارتی بووە.

هاتنی سوپای عێراق

"دوانیوەڕۆی ڕۆژی 30ی ئابی ساڵی 1996 قەرەباڵغییەكی زۆرم بینی هێزێكی زۆر بەسەیارەی سەربازییەوە لەبەردەم ناوچەی پارتی بوون لەكەڵەكی یاسین ئاغا....، نەم دەزانی چییە، پرسیاریشم كرد زۆر لە پێشمەرگەكانی پارتی نەیاندەزانی چییە، هەندێك كەس كە بەرپرس بوون، دەیانزانی و وتیان حكومەت هاتووە، پێشتر نەمان بیستبوو شتێكی وا ڕوودەدات، وتیان ئەوە سوپای عێراق هاتووەو لەگەڵیان ڕێكەوتوین و بەیانی هێرشدەكەین و هەولێر دەگرینەوە" ئەمە یەكەم ساتی بینینی هێزەكانی سوپای عێراقە لەلایەن ئەو پێشمەرگەیەوە كە ڕەبایەكەیان نزیك كەڵەكی یاسین ئاغا بووەو بەڕێكەوت بەهۆی چوونی بۆ كەڵەكی یاسین ئاغا بەمەبەستی كڕینی جگەرە، سوپای عێراقی بینیوە كە بۆ هاوكاریكردنی هێزەكانی پارتی هاتوون دژی یەكێتی و هێرشكردنیان پێكەوە بەمەبەستی گرتنی شاری هەولێر كە ئەوكات یەكێتی تێدا بووە.

ئەو پێشمەرگەیە ئاماژە بەهەستی خۆی و پێشمەرگەكانی دیكەی پارتی دەكات لەساتی بینینی هاتنی سوپای عێراقدا و دەڵێت"زۆرمان پێخۆش بوو، گەشبووینەوەو وەك جەژن وابوو كەس نەبوو پێی خۆش نەبێت، تۆ هەولێر بگریتەوەو بچیتەوە ناو كەسوكارت چۆن پێت خۆش نییە؟ من دوو ساڵ بوو كەسوكارمم نەبینی بوو زۆرم پێخۆش بوو".

پاش بینینی ئەوهێزەی سوپای عێراق لەكەڵەكی یاسین ئاغا، پێشمەرگەكەی پارتی هێزێكی زۆری دیكە دەبینێت كە لەبەری موسڵەوە هاتوون"مودەڕەعەو دەبابەو سەرباز، لەكەڵەكی كۆنەوە بەرەو كەڵەكی تازە دەهات، هێزی پارتیشی زۆر لێبوو هی لیواكانی سوپای دوو".

ئەو سوپایەی عێراق كەهاتۆتە كەڵەكی یاسین ئاغا شوێنی بۆ دیاریكراوەو لەوێ ماوەتەوە، ئەو پێشمەرگەیەی سوپای دووی پارتیش نەچۆتەوە بۆلای فەوجەكەی خۆی و لەگەڵ پێشمەرگەی فەوجەكانی دیكەدا تێكەڵ بووەو ڕۆیشتووە"من لە جەماعەتی خۆم جیابوومەوەو سواری سەیارەبووین بەڕێكەوتین بەرەو موسڵ، تا بەرتلە(ناوچەیەكە لای موسڵ) ئاگاداربوم، چونكە پێش ڕاپەڕین تائەوێ ڕۆشتبوم و شارەزابووم، ئیتر دوای ئەوە نەمزانی شوێنەكان كوێن، سوڕاینەوە بەرەو قوشتەپە، ڕێپیشاندەری سوپای عێراقیمان لەگەڵدابوو بەجل و بەرگی مەدەنییەوەو سەیارەكانمان ئاڵای پارتی و عێراقی پێوەبوو، لەدڵەوە كەبەرو سنوری حكومەت ڕۆشتین موڕتاح نەبوم و دەترسام، دەموت شتێكمان لێنەكەن! وەكو خەون وابوو".

"سوپا لەپێشەوە بوو، ئێمە بەبێ شەڕ دەڕۆشتینە شوێنەكان"

دواتر دونیا تاریك دەبێت و بەرپرسانی هێزەكەی پارتی بە پێشمەرگەكان دەڵێن دەچینە قوشتەپە و پردێ، لە سەعات چواری شەودا دەگەنە پردێ لەسنوری قوشتەپە كە بۆیان دیاریكراوە و پێیان دەڵێن، یەكێتی و لایەنەكانی موعارەزەی عێراقی و حزبی شیوعی لە سێنارەن "كە ئێمە گەشتینە پردێ هێزێكی زۆری سوپای عێراقی لێبوو چاوەڕێی ئێمەیان دەكرد، خواردنیان داینێ و خزمەتێكیان كردین، هەرئەوشەوە تۆپباران لەلایەن سوپای عێراقەوە دەستی پێكرد دژی یەكێتی، ئێمە بەرامبەر سێنارەبووین لە قوشتەپە كە ئەخیر شوێنی یەكێتی بوو، قوشتەپەش بەدەست یەكێتییەوە بوو، سوپا تۆپباران و بەكۆپتەریش بۆردومانی دەكرد، دواتر وتیان كێ شارەزایە لەگەڵ دەبابەكان سەركەوێت و بەیانی زوو دەڕۆین بەرەو هەولێر، سوپای عێراق ڕێ پیشاندەریان دەویست، ئامرفەوجەكەمان(ناوی نابەم) وتی ئەوە دەچینەوە هەولێر و ئەگەر شەهید و كوشتارمان نەبوو خەڵك ئەزێت مەدەن و لەخەڵك مەدەن و خۆتان بپارێزن، لیوایەك زیاتر دەبوین، بەرپرسی ئەو میحوەرە نەسرەدین مستەفابوو كە ئێستا وەفاتی كردووە".

لەبەرەبەیانی 31ی ئابی 1996دا لە قوشتەپە دوای بۆردومانەكانی سوپا، شەڕ دەستپێدەكات لەنێوان پارتی و سوپای عێراق لەلایەك و یەكێتی و حزبی شیوعی و چەند لایەنێكی ئۆپۆزسیۆنی عێراقی لەلاكەی دیكە"یەكێتی مقاوەمەی چاكی كرد، وتیان خۆتان بەكوشت مەدەن گرتنی هەولێر مسۆگەرە، جەیشی عێراق لەپێشەوە بوو پاكی دەكردەوە ئێمەش لەدواوە دەڕۆشتینە شوێنەكان بەبێ شەڕكردنی خۆمان، زۆر قەناعەتیشمان نەبوو هەولێر دەگرینەوە، چونكە شەڕی یەكێتیمان بینی بوو دەمانزانی شەڕكەرن و ئازان" ئەمە بەوتەی پێشمەرگەكەی پارتی.

ئەوپێشمەرگەیەی سوپای دووی پارتی دەشڵێت"بەچاوی خۆم بینیم 10 بۆ 12 كەس لە ئۆپۆزسیۆنی عێراقی لە قوشتەپە گیران نازانم پارتی گرتبوونی یان سوپای عێراق، بەڵام بەچاوی خۆم بینیم سوپا ڕەمیكردن و فیشەكی پێوەنان بە بیكەیسی لەسەر شەقامە سەرەكییەكە، سوپای عێراق پێشمەرگەشی گرتبوو لە یەكێتی و شیوعی، بەڵام ئەوانەشیان نەدایەوە بەپارتی و ناردیانن بۆ موسڵ و لەوێ زیندانییان كردن، نەیان كوشتن".

"دزی و تاڵانی"

بەوتەی ئەو پێشمەرگەیەی پارتی لەقوشتەپە شیوعی و یەكێتی و ئۆپۆزسیۆنی عێراقی "شەڕی چاكیان كردووە"، بەڵام ئەوان بەبێ شەڕكردنی خۆیان چونەتە ناو قوشتەپە، سوپای عێراقیان نەدەبینی ئەوەندە لەپێشیانەوەبوون بە دەبابەو ئۆتۆمبێلی سەربازی و پیادەوە، پێشمەرگەكانی پارتیش لەدواوەبوون"دەچوینەسەر حازری".

"لەقوشتەپە كەوتینە دزی و تاڵانی و كوڕئەوكوڕەبوو شت بەرێت، بەچاوی خۆم بینیم فەڕش و شتی مزگەوتیان هێنایەدەرەوە، دووكان بەساخی نەما، خەڵك نەیدەوێرا بێتەدەرەوە، ئەو بەرپرسانەی پارتی كە سەیارەی خۆیان پێبوو پڕیانكرد لەشت" پێشمەرگەكەی پارتی وادەڵێت.

لەبەرەبەیانێكی زووی ڕۆژی 31ی ئابدا قوشتەپە لەهێزەكانی یەكێتی پاك دەكرێتەوەو پێشمەرگەیەكی یەكێتی بە دیل دەگیرێت لەلایەن پارتییەوە، بەڵام نایكوژن و بە دەست بەسراوی لەگەڵ خۆیان دەیبەن و بەڕێدەكەون بەرەو دارەتوو.

"كە بەڕێكەوتین بەرەو دارەتوو، لەو سەیتەرەی ئێستای پارتی كە لەقوشتەپەوە داخڵی هەولێر دەبێت، سوپای عێراق كە لە پێشمانەوە بوون لە بەرامبەر یەكێتیدا شكاو هەمووی گەڕایەوە دواوە، ئێمەش كە بینیمانن ڕامانكرد نزیكەی 15 خولەك ڕامانكرد، كوڕ ئەو كوڕەبوو ڕاكات، ئێمە شەڕمان نەكرد، دواتر هێزێكی دیكەی سوپای عێراق هاتن بۆ هاوكاری و هێرشیانكردەوە ئێمەش لە دوایانەوەبوین و هاتین هەتا مەلعەبی ئازادی لەناو هەولێر، ئیتر بەرنامەكە لەوێدا كۆتایی هات و بەرپرسانی سەربازیی پارتی هاتنە ئەوێ و هەولێر گیرا" پێشمەرگەكەی پارتی وادەڵێت.

"وامەكەن شەڕی دەستەویەخە ڕووبدات"

ئەوپێشمەرگەیەی پارتی باسلەوەدەكات دوای گرتنی هەولێر بەرپرسان و لیواكانی سەربە سوپای دووی پارتی لە نزیك یاریگای ئازادی لەگەڕەكی ئازادی شاری هەولێر یەكیان گرتۆتەوەو كۆبوونەتەوە، "بەرپرسانی پارتی لەوێ وەستابوون جەمال مۆرتكە بەرپرسی سوپای دوو و ئامر لیواكانی سوپای دوو زۆریان لەوێ بوون، ڕێگەی باداوان كە دەچوەوە سەر دەشتی كۆیە هێشتبویانەوە بۆ یەكێتی كە لێوەی دەرچن و بڕۆن، خۆم گوێم لێبوو جەمال مۆرتكە بە جیهازەكە وتی: وامەكەن بینا بەرزەكانمان لێبگرن و شەڕی دەستەویەخە ڕووبدات ڕێگەیان بۆ بكەنەوە بابڕۆن، دەنگۆی ئەوەش هەبوو هێرۆخان و فواد مەعسوم لەناو سكرتاریەتدا گیراون لە هەولێر، ئیتر نازانم وابوو یان نا".

لەهەمان ڕۆژدا و لە كاتی تاڵانكردنی ماڵی بەرپرسێكی یەكێتیدا كە نازانرێت ئەو بەرپرسە كێ بووە، ئەو پێشمەرگەیەی پارتی، پێشمەرگەكەی یەكێتی ئازاد دەكات كە لە قوشتەپە دەستگیریان كرد بوو لەگەڵ خۆیان بردبوویان، "چوم بە ئامر فەوجەكەمانم وت: لەخوا بەزیاد بێت نە كوژراومان هەیە، نە بریندار و نە دیل، با ئەو دیلە ئازاد بكەم، ئەویش وتی كەیفی خۆتە بڕۆ چی لێدەكەی بیكە، هێنام لەگەڵ خۆم، وتی چیم لێدەكەیت؟ دەستی بەسرابوو بەوایەری تەلەفون، بردم لەوماڵەیا كە خەریكبوو تاڵان دەكرا خۆی گۆڕی و جلی پاكی لەبەركر، زۆر لەخۆشم بەتەمەنتر بوو، وتم كەس دەناسی؟ وتی خزمێكمان هەیە لە باداوان لە هەولێر؟ وتم بڕۆ بێخەمبە نەكەس دەتناسێ نەهیچ، بڕۆ، ئیتر ئازادم كرد و ڕۆیشت".

ئەوپێشمەرگەیەی پارتی وەك خۆی دەڵێت بەهۆی شەڕی ناوخۆوە زیاتر لە دوو ساڵ بووە خێزانەكەیانی نەبینیوە، "خواخوامبوو بچمە ماڵەوە، ماڵمان نزیكبوو، لە كورانی عەنكاوەبووین، دوای ئازادكردنی دیلەكە ڕۆشتمەوە بۆ ماڵەوە زۆر زۆرم پێخۆش بوو، لەدەرگامدا خوشكێكی بچكۆلەم كردیەوەو زۆریان پێخۆش بوو، نەیان دەزانی ماوم یان نا".

بەپێی گێڕانەوەی ئەو پێشمەرگەیەی پارتی لە 31ی ئاب و ڕۆژانی دواتردا پارتیەكان خەڵكیان دەگرت و دەچونەسەر ئەوماڵانەی كە گومانی یەكێتی بوونیان لێدەكردن لەشاری هەولێر، "ئەوانەی یەكێتی بونایەو پشتوپەنایان لە ناو پارتی نەبوایە حاڵیان زۆر خراپ بوو ئەوانەی پشتیان هەبوایە لە ماڵی پشتەكانیان خۆیان حەشاردەدا، بەعس نەبوایە گرتنەوەی هەولێر خەوێك بوو، پێشتر چەند جارێك پارتی بەبێ بەعس هەوڵی گرتنەوەیدا، بەڵام سەركەوتوو نەبوو".

"پارتییەكان تاڵانییان زۆر دەكرد و هەڵیاندەكوتایە سەر خەڵك، تەنانەت دەچوونەسەر ماڵە توركمان و مەسیحیەكان و دەیانوت ئێوە جەلالین و تاڵانیان دەكردن، فرانسۆ حەریری ئەوكاتە نازانم پلەی چی بوو بەس دەگەڕا نەیدەهێشت پارتیەكان خەڵك ئازار بدەن و بچنەسەر ماڵان بۆ تاڵانی، بەڵام بۆی كۆنتڕۆڵ نەدەكرا، بەچاوی خۆم بینیم توڕەبووەو زللەی لە پێشمەرگەی پارتی داوە لەسەر دزی‌و تاڵانی و تەعەداكردن لەخەڵك" پێشمەرگەكەی پارتی وادەڵێت.


"بینای پەرلەمان گەراجی دەبابە بوو"

پێشمەرگەكەی پارتی ئەوەشدەخاتەڕوو خەڵكی هەولێر بەگشتی 31ی ئابیان پێناخۆش بووەو دڵگران بوون لەهاتنی سوپای عێراق، دوای ڕۆژی 31ی ئاب و گرتنی شاری هەولێر، تەواوی دەبابەو مودەڕەعەو هێزەكانی ڕژێمی بەعس كە هاتبوونە هەولێر لە حەوشەی بینای پەرلەمانی كوردستاندا كۆكراونەتەوە.

"پاسەكانی حەی عەسكەری لای پەرلەمانەوە دەڕۆیشتن، حەوشەی پەرلەمان ئەونەی دەبابەو مودەرەعەو جەیش تیابوو، جابی پاسەكە كە دەگەیشتە ئەوشوێنە دەیگوت گەراجی دەبابە دابەزین هەیە، ناویان نابوو گەراجی دەبابە وەك تەنزێك، خەڵكەكە مورتاح نەبوو بەهاتنی بەعس"، پێشمەرگەكەی پارتی وادەڵێت.

پێشمەرگەكەی پارتی ئاماژە بەوەش دەكات، تەنها لە 31ی ئابدا بەعسیان لەگەڵ بووە، بەڵام ئەو سوپایەی عێراق كە لەوكاتەدا هاتوەتە هەولێر، بەوتەی ئەو "تاپڕۆسەی ئازادی لە ساڵی 2003دا سوپاكە لە قەشقەو خوڕخوڕ و بیتانە ماوەتەوە، كەدەچوین بۆ واجب بەناو سوپادا دەڕۆشتین".

"ئەوكات زۆر خۆش بوو، بەڵام ئێستا وەك پەڵەیەكی ڕەش دەیبینم و نازانم پارتی چۆن ئەوەیكرد"ئەمە دواین قسەی پێشمەرگەكەی پارتییە لەبارەی 31ی ئاب.

لە دیدی پارتییەوە

پارتی‌و میدیاكانی نزیك لەو حیزبە، ڕووداوی 31ی ئاب‌و هێنانی سوپای عێراق بۆ ئەوە دەگەڕێننەوە كە بەوتەی ئەوان "سوپای ئێران هاتووەتە خاكی هەرێمی كوردستان‌و هاوكاریی یەكێتی نیشتیمانی كردووە لە شەڕ دژی پارتی بۆ كۆنتڕۆڵكردنی شارو شارۆچكەكانی كوردستان".

هەرچەندە پارتی پاساوی خۆی هەیە، بەڵام مەسعود بارزانی سەرۆكی پارتی دیموكراتی كوردستان، لەم چەند ساڵەی دواییدا لە چەند بۆنەیەكی جیاوازدا پەشیمانیی پیشانداوە لە بارەی ڕووداوی 31ی ئاب‌و تەئكیدی لەوە كردووەتەوە ڕێگە بە دروستبوونەوەی شەڕی ناوخۆ نادەن‌و لە دواین جاردا ناوەڕاستی ئەم مانگە ڕایگەیاند "نابێت خوێنی كورد بە دەستی كورد بڕژێت. ئەوە مەبدەئی پارتییە"، ئەوەش وەك وەڵامێك بۆ ئەو ئەگەرانەی باسدەكران لەبارەی ئەگەری ڕوودانی شەڕ لە نێوان پارتی‌و پەكەكە لە ناوچە سنورییەكان.

وردەكاریی تیرۆركردنی شەرەفكەندی و هاوڕێكانی
ڕزگاربوویەك ساتەكانی ئەو ڕووداوە دەگێڕێتەوە

"ئەوەی كە ئێستا دەینووسم تەنیا یەك ساتە، ڕووداوێكی چەند چركەییە كە دەبوو ئێستا كەسێكی دی باسی منی كردبا"

چیرۆكە نەبیستراوەكانی شەڕی داعش
پێشمەرگە چۆن زانیاریی لەسەر جموجووڵەكانیان دەستدەكەوت؟

ئێوارەیەكی تەمموزی 2016، محەمەد پەیوەندی دەكات بە فەرماندەیەكی پێشمەرگەوە و زانیاريی پێ دەدات لەسەر كۆكردنەوەی هێز لەنێو داعشەوە  بۆ هێرشكردنە سەر پێشمەرگە.

پۆرترەیتی سیاسەتمەدارە ئاشتیخوازەكەی باكوور
ئەحمەد تورك.. ژیانێك بەڕێی زیندانەوە

زۆربەی ساڵەكانی ژیانی لە نێوان زیندان و پەرلەمان و سەرۆكی شارەوانیدا بردووەتەسەر، هەرجارێك زیندانی كرابێت، بۆ هەڵبژاردنی داهاتوو دەنگی زیاتری هێناوە.

كۆنگرەی یەكێتی بازاڕی تەكەتول گەرم دەكات؛ "هەموو باڵەكان" ڕێككەوتنی پێشوەختیان دەوێت

یەكێتی بەرەو دیاریكردنی ڕۆژی گرنگترین كۆبوونەوەی ڕێكخراوەیی هەنگاو دەنێت بۆ خۆنوێكردنەوەو گۆڕانكاریی لە شێوازی بەڕێوەبردن‌و لوتكەی دەسەڵاتی حیزبیی.

پێشمەرگەیەكی پارتی وەك شایەتحاڵ 31ی ئاب دەگێڕێتەوە

2019-08-31 19:00:18


پەرەگراف- سوركێو محەمەد

پێشمەرگەیەكی سوپای دووی پارتی كە بەشداری شەڕی 31ی ئابی ساڵی 1996ی كردووە لەگەڵ هێزەكانی سوپای ئەوكاتی حكومەتی عێراق دژی یەكێتی نیشتمانی كوردستان بۆ گرتنی شاری هەولێر، وردەكاری چۆنێتی هاوكارییەكانی سوپای عێراق و گرتنی شاری هەولێر بەهاوكاری سوپا، دەگێڕێتەوە.

ئەوپێشمەرگەیە كە ئێستا لەڕیزەكانی پارتی دیموكراتی كوردستاندا نەماوە، لەبەر هەستیاری بابەتەكە ئامادەنییە ناو و وێنەی و تەنانەت ناوی فەوجەكەشی ئاشكرا بكرێت كە سەربە لیوایەكی سوپای دووی پارتی بووە.

هاتنی سوپای عێراق

"دوانیوەڕۆی ڕۆژی 30ی ئابی ساڵی 1996 قەرەباڵغییەكی زۆرم بینی هێزێكی زۆر بەسەیارەی سەربازییەوە لەبەردەم ناوچەی پارتی بوون لەكەڵەكی یاسین ئاغا....، نەم دەزانی چییە، پرسیاریشم كرد زۆر لە پێشمەرگەكانی پارتی نەیاندەزانی چییە، هەندێك كەس كە بەرپرس بوون، دەیانزانی و وتیان حكومەت هاتووە، پێشتر نەمان بیستبوو شتێكی وا ڕوودەدات، وتیان ئەوە سوپای عێراق هاتووەو لەگەڵیان ڕێكەوتوین و بەیانی هێرشدەكەین و هەولێر دەگرینەوە" ئەمە یەكەم ساتی بینینی هێزەكانی سوپای عێراقە لەلایەن ئەو پێشمەرگەیەوە كە ڕەبایەكەیان نزیك كەڵەكی یاسین ئاغا بووەو بەڕێكەوت بەهۆی چوونی بۆ كەڵەكی یاسین ئاغا بەمەبەستی كڕینی جگەرە، سوپای عێراقی بینیوە كە بۆ هاوكاریكردنی هێزەكانی پارتی هاتوون دژی یەكێتی و هێرشكردنیان پێكەوە بەمەبەستی گرتنی شاری هەولێر كە ئەوكات یەكێتی تێدا بووە.

ئەو پێشمەرگەیە ئاماژە بەهەستی خۆی و پێشمەرگەكانی دیكەی پارتی دەكات لەساتی بینینی هاتنی سوپای عێراقدا و دەڵێت"زۆرمان پێخۆش بوو، گەشبووینەوەو وەك جەژن وابوو كەس نەبوو پێی خۆش نەبێت، تۆ هەولێر بگریتەوەو بچیتەوە ناو كەسوكارت چۆن پێت خۆش نییە؟ من دوو ساڵ بوو كەسوكارمم نەبینی بوو زۆرم پێخۆش بوو".

پاش بینینی ئەوهێزەی سوپای عێراق لەكەڵەكی یاسین ئاغا، پێشمەرگەكەی پارتی هێزێكی زۆری دیكە دەبینێت كە لەبەری موسڵەوە هاتوون"مودەڕەعەو دەبابەو سەرباز، لەكەڵەكی كۆنەوە بەرەو كەڵەكی تازە دەهات، هێزی پارتیشی زۆر لێبوو هی لیواكانی سوپای دوو".

ئەو سوپایەی عێراق كەهاتۆتە كەڵەكی یاسین ئاغا شوێنی بۆ دیاریكراوەو لەوێ ماوەتەوە، ئەو پێشمەرگەیەی سوپای دووی پارتیش نەچۆتەوە بۆلای فەوجەكەی خۆی و لەگەڵ پێشمەرگەی فەوجەكانی دیكەدا تێكەڵ بووەو ڕۆیشتووە"من لە جەماعەتی خۆم جیابوومەوەو سواری سەیارەبووین بەڕێكەوتین بەرەو موسڵ، تا بەرتلە(ناوچەیەكە لای موسڵ) ئاگاداربوم، چونكە پێش ڕاپەڕین تائەوێ ڕۆشتبوم و شارەزابووم، ئیتر دوای ئەوە نەمزانی شوێنەكان كوێن، سوڕاینەوە بەرەو قوشتەپە، ڕێپیشاندەری سوپای عێراقیمان لەگەڵدابوو بەجل و بەرگی مەدەنییەوەو سەیارەكانمان ئاڵای پارتی و عێراقی پێوەبوو، لەدڵەوە كەبەرو سنوری حكومەت ڕۆشتین موڕتاح نەبوم و دەترسام، دەموت شتێكمان لێنەكەن! وەكو خەون وابوو".

"سوپا لەپێشەوە بوو، ئێمە بەبێ شەڕ دەڕۆشتینە شوێنەكان"

دواتر دونیا تاریك دەبێت و بەرپرسانی هێزەكەی پارتی بە پێشمەرگەكان دەڵێن دەچینە قوشتەپە و پردێ، لە سەعات چواری شەودا دەگەنە پردێ لەسنوری قوشتەپە كە بۆیان دیاریكراوە و پێیان دەڵێن، یەكێتی و لایەنەكانی موعارەزەی عێراقی و حزبی شیوعی لە سێنارەن "كە ئێمە گەشتینە پردێ هێزێكی زۆری سوپای عێراقی لێبوو چاوەڕێی ئێمەیان دەكرد، خواردنیان داینێ و خزمەتێكیان كردین، هەرئەوشەوە تۆپباران لەلایەن سوپای عێراقەوە دەستی پێكرد دژی یەكێتی، ئێمە بەرامبەر سێنارەبووین لە قوشتەپە كە ئەخیر شوێنی یەكێتی بوو، قوشتەپەش بەدەست یەكێتییەوە بوو، سوپا تۆپباران و بەكۆپتەریش بۆردومانی دەكرد، دواتر وتیان كێ شارەزایە لەگەڵ دەبابەكان سەركەوێت و بەیانی زوو دەڕۆین بەرەو هەولێر، سوپای عێراق ڕێ پیشاندەریان دەویست، ئامرفەوجەكەمان(ناوی نابەم) وتی ئەوە دەچینەوە هەولێر و ئەگەر شەهید و كوشتارمان نەبوو خەڵك ئەزێت مەدەن و لەخەڵك مەدەن و خۆتان بپارێزن، لیوایەك زیاتر دەبوین، بەرپرسی ئەو میحوەرە نەسرەدین مستەفابوو كە ئێستا وەفاتی كردووە".

لەبەرەبەیانی 31ی ئابی 1996دا لە قوشتەپە دوای بۆردومانەكانی سوپا، شەڕ دەستپێدەكات لەنێوان پارتی و سوپای عێراق لەلایەك و یەكێتی و حزبی شیوعی و چەند لایەنێكی ئۆپۆزسیۆنی عێراقی لەلاكەی دیكە"یەكێتی مقاوەمەی چاكی كرد، وتیان خۆتان بەكوشت مەدەن گرتنی هەولێر مسۆگەرە، جەیشی عێراق لەپێشەوە بوو پاكی دەكردەوە ئێمەش لەدواوە دەڕۆشتینە شوێنەكان بەبێ شەڕكردنی خۆمان، زۆر قەناعەتیشمان نەبوو هەولێر دەگرینەوە، چونكە شەڕی یەكێتیمان بینی بوو دەمانزانی شەڕكەرن و ئازان" ئەمە بەوتەی پێشمەرگەكەی پارتی.

ئەوپێشمەرگەیەی سوپای دووی پارتی دەشڵێت"بەچاوی خۆم بینیم 10 بۆ 12 كەس لە ئۆپۆزسیۆنی عێراقی لە قوشتەپە گیران نازانم پارتی گرتبوونی یان سوپای عێراق، بەڵام بەچاوی خۆم بینیم سوپا ڕەمیكردن و فیشەكی پێوەنان بە بیكەیسی لەسەر شەقامە سەرەكییەكە، سوپای عێراق پێشمەرگەشی گرتبوو لە یەكێتی و شیوعی، بەڵام ئەوانەشیان نەدایەوە بەپارتی و ناردیانن بۆ موسڵ و لەوێ زیندانییان كردن، نەیان كوشتن".

"دزی و تاڵانی"

بەوتەی ئەو پێشمەرگەیەی پارتی لەقوشتەپە شیوعی و یەكێتی و ئۆپۆزسیۆنی عێراقی "شەڕی چاكیان كردووە"، بەڵام ئەوان بەبێ شەڕكردنی خۆیان چونەتە ناو قوشتەپە، سوپای عێراقیان نەدەبینی ئەوەندە لەپێشیانەوەبوون بە دەبابەو ئۆتۆمبێلی سەربازی و پیادەوە، پێشمەرگەكانی پارتیش لەدواوەبوون"دەچوینەسەر حازری".

"لەقوشتەپە كەوتینە دزی و تاڵانی و كوڕئەوكوڕەبوو شت بەرێت، بەچاوی خۆم بینیم فەڕش و شتی مزگەوتیان هێنایەدەرەوە، دووكان بەساخی نەما، خەڵك نەیدەوێرا بێتەدەرەوە، ئەو بەرپرسانەی پارتی كە سەیارەی خۆیان پێبوو پڕیانكرد لەشت" پێشمەرگەكەی پارتی وادەڵێت.

لەبەرەبەیانێكی زووی ڕۆژی 31ی ئابدا قوشتەپە لەهێزەكانی یەكێتی پاك دەكرێتەوەو پێشمەرگەیەكی یەكێتی بە دیل دەگیرێت لەلایەن پارتییەوە، بەڵام نایكوژن و بە دەست بەسراوی لەگەڵ خۆیان دەیبەن و بەڕێدەكەون بەرەو دارەتوو.

"كە بەڕێكەوتین بەرەو دارەتوو، لەو سەیتەرەی ئێستای پارتی كە لەقوشتەپەوە داخڵی هەولێر دەبێت، سوپای عێراق كە لە پێشمانەوە بوون لە بەرامبەر یەكێتیدا شكاو هەمووی گەڕایەوە دواوە، ئێمەش كە بینیمانن ڕامانكرد نزیكەی 15 خولەك ڕامانكرد، كوڕ ئەو كوڕەبوو ڕاكات، ئێمە شەڕمان نەكرد، دواتر هێزێكی دیكەی سوپای عێراق هاتن بۆ هاوكاری و هێرشیانكردەوە ئێمەش لە دوایانەوەبوین و هاتین هەتا مەلعەبی ئازادی لەناو هەولێر، ئیتر بەرنامەكە لەوێدا كۆتایی هات و بەرپرسانی سەربازیی پارتی هاتنە ئەوێ و هەولێر گیرا" پێشمەرگەكەی پارتی وادەڵێت.

"وامەكەن شەڕی دەستەویەخە ڕووبدات"

ئەوپێشمەرگەیەی پارتی باسلەوەدەكات دوای گرتنی هەولێر بەرپرسان و لیواكانی سەربە سوپای دووی پارتی لە نزیك یاریگای ئازادی لەگەڕەكی ئازادی شاری هەولێر یەكیان گرتۆتەوەو كۆبوونەتەوە، "بەرپرسانی پارتی لەوێ وەستابوون جەمال مۆرتكە بەرپرسی سوپای دوو و ئامر لیواكانی سوپای دوو زۆریان لەوێ بوون، ڕێگەی باداوان كە دەچوەوە سەر دەشتی كۆیە هێشتبویانەوە بۆ یەكێتی كە لێوەی دەرچن و بڕۆن، خۆم گوێم لێبوو جەمال مۆرتكە بە جیهازەكە وتی: وامەكەن بینا بەرزەكانمان لێبگرن و شەڕی دەستەویەخە ڕووبدات ڕێگەیان بۆ بكەنەوە بابڕۆن، دەنگۆی ئەوەش هەبوو هێرۆخان و فواد مەعسوم لەناو سكرتاریەتدا گیراون لە هەولێر، ئیتر نازانم وابوو یان نا".

لەهەمان ڕۆژدا و لە كاتی تاڵانكردنی ماڵی بەرپرسێكی یەكێتیدا كە نازانرێت ئەو بەرپرسە كێ بووە، ئەو پێشمەرگەیەی پارتی، پێشمەرگەكەی یەكێتی ئازاد دەكات كە لە قوشتەپە دەستگیریان كرد بوو لەگەڵ خۆیان بردبوویان، "چوم بە ئامر فەوجەكەمانم وت: لەخوا بەزیاد بێت نە كوژراومان هەیە، نە بریندار و نە دیل، با ئەو دیلە ئازاد بكەم، ئەویش وتی كەیفی خۆتە بڕۆ چی لێدەكەی بیكە، هێنام لەگەڵ خۆم، وتی چیم لێدەكەیت؟ دەستی بەسرابوو بەوایەری تەلەفون، بردم لەوماڵەیا كە خەریكبوو تاڵان دەكرا خۆی گۆڕی و جلی پاكی لەبەركر، زۆر لەخۆشم بەتەمەنتر بوو، وتم كەس دەناسی؟ وتی خزمێكمان هەیە لە باداوان لە هەولێر؟ وتم بڕۆ بێخەمبە نەكەس دەتناسێ نەهیچ، بڕۆ، ئیتر ئازادم كرد و ڕۆیشت".

ئەوپێشمەرگەیەی پارتی وەك خۆی دەڵێت بەهۆی شەڕی ناوخۆوە زیاتر لە دوو ساڵ بووە خێزانەكەیانی نەبینیوە، "خواخوامبوو بچمە ماڵەوە، ماڵمان نزیكبوو، لە كورانی عەنكاوەبووین، دوای ئازادكردنی دیلەكە ڕۆشتمەوە بۆ ماڵەوە زۆر زۆرم پێخۆش بوو، لەدەرگامدا خوشكێكی بچكۆلەم كردیەوەو زۆریان پێخۆش بوو، نەیان دەزانی ماوم یان نا".

بەپێی گێڕانەوەی ئەو پێشمەرگەیەی پارتی لە 31ی ئاب و ڕۆژانی دواتردا پارتیەكان خەڵكیان دەگرت و دەچونەسەر ئەوماڵانەی كە گومانی یەكێتی بوونیان لێدەكردن لەشاری هەولێر، "ئەوانەی یەكێتی بونایەو پشتوپەنایان لە ناو پارتی نەبوایە حاڵیان زۆر خراپ بوو ئەوانەی پشتیان هەبوایە لە ماڵی پشتەكانیان خۆیان حەشاردەدا، بەعس نەبوایە گرتنەوەی هەولێر خەوێك بوو، پێشتر چەند جارێك پارتی بەبێ بەعس هەوڵی گرتنەوەیدا، بەڵام سەركەوتوو نەبوو".

"پارتییەكان تاڵانییان زۆر دەكرد و هەڵیاندەكوتایە سەر خەڵك، تەنانەت دەچوونەسەر ماڵە توركمان و مەسیحیەكان و دەیانوت ئێوە جەلالین و تاڵانیان دەكردن، فرانسۆ حەریری ئەوكاتە نازانم پلەی چی بوو بەس دەگەڕا نەیدەهێشت پارتیەكان خەڵك ئازار بدەن و بچنەسەر ماڵان بۆ تاڵانی، بەڵام بۆی كۆنتڕۆڵ نەدەكرا، بەچاوی خۆم بینیم توڕەبووەو زللەی لە پێشمەرگەی پارتی داوە لەسەر دزی‌و تاڵانی و تەعەداكردن لەخەڵك" پێشمەرگەكەی پارتی وادەڵێت.


"بینای پەرلەمان گەراجی دەبابە بوو"

پێشمەرگەكەی پارتی ئەوەشدەخاتەڕوو خەڵكی هەولێر بەگشتی 31ی ئابیان پێناخۆش بووەو دڵگران بوون لەهاتنی سوپای عێراق، دوای ڕۆژی 31ی ئاب و گرتنی شاری هەولێر، تەواوی دەبابەو مودەڕەعەو هێزەكانی ڕژێمی بەعس كە هاتبوونە هەولێر لە حەوشەی بینای پەرلەمانی كوردستاندا كۆكراونەتەوە.

"پاسەكانی حەی عەسكەری لای پەرلەمانەوە دەڕۆیشتن، حەوشەی پەرلەمان ئەونەی دەبابەو مودەرەعەو جەیش تیابوو، جابی پاسەكە كە دەگەیشتە ئەوشوێنە دەیگوت گەراجی دەبابە دابەزین هەیە، ناویان نابوو گەراجی دەبابە وەك تەنزێك، خەڵكەكە مورتاح نەبوو بەهاتنی بەعس"، پێشمەرگەكەی پارتی وادەڵێت.

پێشمەرگەكەی پارتی ئاماژە بەوەش دەكات، تەنها لە 31ی ئابدا بەعسیان لەگەڵ بووە، بەڵام ئەو سوپایەی عێراق كە لەوكاتەدا هاتوەتە هەولێر، بەوتەی ئەو "تاپڕۆسەی ئازادی لە ساڵی 2003دا سوپاكە لە قەشقەو خوڕخوڕ و بیتانە ماوەتەوە، كەدەچوین بۆ واجب بەناو سوپادا دەڕۆشتین".

"ئەوكات زۆر خۆش بوو، بەڵام ئێستا وەك پەڵەیەكی ڕەش دەیبینم و نازانم پارتی چۆن ئەوەیكرد"ئەمە دواین قسەی پێشمەرگەكەی پارتییە لەبارەی 31ی ئاب.

لە دیدی پارتییەوە

پارتی‌و میدیاكانی نزیك لەو حیزبە، ڕووداوی 31ی ئاب‌و هێنانی سوپای عێراق بۆ ئەوە دەگەڕێننەوە كە بەوتەی ئەوان "سوپای ئێران هاتووەتە خاكی هەرێمی كوردستان‌و هاوكاریی یەكێتی نیشتیمانی كردووە لە شەڕ دژی پارتی بۆ كۆنتڕۆڵكردنی شارو شارۆچكەكانی كوردستان".

هەرچەندە پارتی پاساوی خۆی هەیە، بەڵام مەسعود بارزانی سەرۆكی پارتی دیموكراتی كوردستان، لەم چەند ساڵەی دواییدا لە چەند بۆنەیەكی جیاوازدا پەشیمانیی پیشانداوە لە بارەی ڕووداوی 31ی ئاب‌و تەئكیدی لەوە كردووەتەوە ڕێگە بە دروستبوونەوەی شەڕی ناوخۆ نادەن‌و لە دواین جاردا ناوەڕاستی ئەم مانگە ڕایگەیاند "نابێت خوێنی كورد بە دەستی كورد بڕژێت. ئەوە مەبدەئی پارتییە"، ئەوەش وەك وەڵامێك بۆ ئەو ئەگەرانەی باسدەكران لەبارەی ئەگەری ڕوودانی شەڕ لە نێوان پارتی‌و پەكەكە لە ناوچە سنورییەكان.