بنەمای پەرەگراف متمانەیە

ژنانی دوگیان‌و منداڵی تێدایە
تەندروستی 180 هەزار هاوڵاتی موسڵ لە مەترسیدایە

ژنانی دوگیان‌و منداڵی تێدایە
موسڵ، ئایاری 2017، ژنێكی بە تەمەن لەكاتی هەڵاتنیدا لە شەڕی ڕۆژئاوای شارەكە پشوو دەدات. فۆتۆ: رۆیتەرز.

 

پەرەگراف- كەركوك ناو

 

ڕێكخراوی تەندروستی جیهانی، مەترسییەكانی خۆی لەبارەی تەندروستی 180 هەزار هاوڵاتی ناوچەكانی شەڕ لە موسڵ ئاشكرادەكات، لە نێویاندا سەدان ژنی دووگیان‌و هەزاران منداڵ، بۆیە ئامادەكاری پێویست بۆ كاتی ئاوارەبوونیان دەكرێت.

 

بەپێی ڕاپۆرتێكی ڕێكخراوی تەندروستی جیهانی‌و سندوقی نەتەوە یەكگرتووەكان بۆ دانیشتوان دەوروبەری 180 هەزار لە پیاو، ژنان‌و منداڵان هێشتا لە بەری ڕاستی موسڵ ماونەتەوە‌و چاودێری تەندروستییان پێناگات، لەكاتێكدا ڕوبەڕوی چەندین نەخۆشی دەبنەوە.

 

نیگەرانی ڕێكخراوەكان بۆ ئەوەیە، سەدان كەس بەهۆی شەڕ‌و پێكدادانەكانەوە برینداردەبن، جگە لەوانەی تووشی نەخۆشیە گوزراوەكان دەبن بەهۆی ئاوەوە، لەگەڵ سكچوونی توند‌و وشكبوونەوە‌و بەدخۆراكی.

 

ئەلتاف موسانی، نوێنەری ڕێكخراوی تەندروستی جیهانی لە عێراق دەڵێت، بەهاناوەچوونی خێرا‌و چارەسەری سەدمە‌و نەخۆشییە هەناوییەكان، لە پێشەنگی كارەكانیاندایە‌و ئامادەكارییان بۆ ئاوارەبونی خەڵكەكە كردووە.

 

موسڵ، ئایاری 2017، چەندین نەخۆشخانە‌و عیادەی گەڕۆك چارەسەری بریندار‌و هەڵاتوانی شەڕ دەكەن. فۆتۆ: WHO.

 

ڕێكخراوە مرۆییەكان، هۆشداری دەدەن لەوەی ژمارەی قوربانیانی نەخۆشی‌و برینداری زیاتر بن، چونكە تائێستا لەنێو ئاوارەكانی بەری ڕاستی موسڵ (لە شوباتەوە بۆ كۆتایی ئایاری ئەمساڵ) نزیكەی حەوت هەزار حاڵەت تۆماركراون.

 

وەكو ئامادەكارییەك، ڕێكخراوەكان بۆ پاڵپشتی وەزارەتی تەندروستی عێراق سنوری كارەكانیان فراوانتر كردووە، چەندین ئۆتۆمبێلی فریاكەوتن‌و نەخۆشخانەی گەڕۆك‌و كاتیی، بە پێویستییە پزیشكییەكانەوە بۆ پێشوازی لە نەخۆش تەرخانكراون.

 

بەپێی پێشبینییەكان، لە نێو ئەو هاوڵاتییانەی هێشتا لە ناوچەكانی شەڕ ماونەتەوە پێدەچێت هەزاران ژنی دووگیانیان تێدابێت، لەكاتێكدا هیچ چاودێرییەكی پزیشكییان نەبووە‌و ڕەنگە كاتی منداڵبوون، ژیانیان بەوهۆیەوە بكەوێتە مەترسییەوە.

 

ڕاماناسان بالاكریشان، نوێنەری سندوقی نەتەوە یەكگرتووەكان بۆ دانیشتوان دەڵێت، لەبارێكی باشدان بۆ پێشكەشكردنی خزمەتگوزاری تەندروستی‌و چاودێری منداڵبوون لە بەرەكانی پێشەوەی شەڕ، هاوكاری پێویست دابینكراون.

 

بۆ ژنانی دووگیان‌و منداڵبوون، لەڕێی پێنج نەخۆشخانەی منداڵبوون‌و 14 ژوری تایبەت‌و چەندین كلینیكی جێگیر‌و گەڕۆكەوە، لە موسڵ‌و دەوروبەری دەتوانرێت چاودێری‌و خزمەتی پزیشكی پێشكەش بكرێت.

 

 

ئه‌م بابه‌ته 517 جار خوێنراوه‌ته‌وه‌‌

خەونی بچووكەكان.. منداڵانی ئاوارە بە ئومێدی گەڕانەوە رۆژ دەكەنەوە

هیواكانی بەرا ئیبراهیم، زۆر بچوك‌و سادە بوون، ئەو تەنیا دەیەوێت بگەڕێتەوە گەڕەكەكەی خۆی، تا لەوێ‌ جارێكیتر هاوڕێكانی ببینێتەوە‌و پێكەوە یاری بكەن.

پارێزەرێك‌و كوڕەكەی دوای كاتژمێرو نیوێك لە ڕفاندنیان بە 40 هەزار دۆلار ئازادكران

 

پۆلسی كەركوك ئاشكرایدەكات كە پاش كاتژمێرو نیوێك لە ڕفاندنی كوڕو باوكێك لە گەڕەكێكی شارەكە، لە بەرامبەر 40 هەزار دۆلار (4 دەفتەر دۆلار) ئازادكراون.

چیرۆكی ئەو پێشمەرگەیەی دەیەوێت گورچیلەی‌ بفرۆشێت بۆ چارەسەری كوڕەكەی

هەژاری‌و نەخۆشكەوتنی كوڕەكەی، تەنگی بە ژیانی پێشمەرگەیەك هەڵچنیوەو گەیاندویەتییە ئەو بڕوایەی گورچیلەیەكی خۆی‌و خانوەكەی بفرۆشێت لە پێناو ڕزگاركردنی ژیانی كوڕە تاقانەكەی.

ژنانی دوگیان‌و منداڵی تێدایە

2017-06-03 17:46:28

 

پەرەگراف- كەركوك ناو

 

ڕێكخراوی تەندروستی جیهانی، مەترسییەكانی خۆی لەبارەی تەندروستی 180 هەزار هاوڵاتی ناوچەكانی شەڕ لە موسڵ ئاشكرادەكات، لە نێویاندا سەدان ژنی دووگیان‌و هەزاران منداڵ، بۆیە ئامادەكاری پێویست بۆ كاتی ئاوارەبوونیان دەكرێت.

 

بەپێی ڕاپۆرتێكی ڕێكخراوی تەندروستی جیهانی‌و سندوقی نەتەوە یەكگرتووەكان بۆ دانیشتوان دەوروبەری 180 هەزار لە پیاو، ژنان‌و منداڵان هێشتا لە بەری ڕاستی موسڵ ماونەتەوە‌و چاودێری تەندروستییان پێناگات، لەكاتێكدا ڕوبەڕوی چەندین نەخۆشی دەبنەوە.

 

نیگەرانی ڕێكخراوەكان بۆ ئەوەیە، سەدان كەس بەهۆی شەڕ‌و پێكدادانەكانەوە برینداردەبن، جگە لەوانەی تووشی نەخۆشیە گوزراوەكان دەبن بەهۆی ئاوەوە، لەگەڵ سكچوونی توند‌و وشكبوونەوە‌و بەدخۆراكی.

 

ئەلتاف موسانی، نوێنەری ڕێكخراوی تەندروستی جیهانی لە عێراق دەڵێت، بەهاناوەچوونی خێرا‌و چارەسەری سەدمە‌و نەخۆشییە هەناوییەكان، لە پێشەنگی كارەكانیاندایە‌و ئامادەكارییان بۆ ئاوارەبونی خەڵكەكە كردووە.

 

موسڵ، ئایاری 2017، چەندین نەخۆشخانە‌و عیادەی گەڕۆك چارەسەری بریندار‌و هەڵاتوانی شەڕ دەكەن. فۆتۆ: WHO.

 

ڕێكخراوە مرۆییەكان، هۆشداری دەدەن لەوەی ژمارەی قوربانیانی نەخۆشی‌و برینداری زیاتر بن، چونكە تائێستا لەنێو ئاوارەكانی بەری ڕاستی موسڵ (لە شوباتەوە بۆ كۆتایی ئایاری ئەمساڵ) نزیكەی حەوت هەزار حاڵەت تۆماركراون.

 

وەكو ئامادەكارییەك، ڕێكخراوەكان بۆ پاڵپشتی وەزارەتی تەندروستی عێراق سنوری كارەكانیان فراوانتر كردووە، چەندین ئۆتۆمبێلی فریاكەوتن‌و نەخۆشخانەی گەڕۆك‌و كاتیی، بە پێویستییە پزیشكییەكانەوە بۆ پێشوازی لە نەخۆش تەرخانكراون.

 

بەپێی پێشبینییەكان، لە نێو ئەو هاوڵاتییانەی هێشتا لە ناوچەكانی شەڕ ماونەتەوە پێدەچێت هەزاران ژنی دووگیانیان تێدابێت، لەكاتێكدا هیچ چاودێرییەكی پزیشكییان نەبووە‌و ڕەنگە كاتی منداڵبوون، ژیانیان بەوهۆیەوە بكەوێتە مەترسییەوە.

 

ڕاماناسان بالاكریشان، نوێنەری سندوقی نەتەوە یەكگرتووەكان بۆ دانیشتوان دەڵێت، لەبارێكی باشدان بۆ پێشكەشكردنی خزمەتگوزاری تەندروستی‌و چاودێری منداڵبوون لە بەرەكانی پێشەوەی شەڕ، هاوكاری پێویست دابینكراون.

 

بۆ ژنانی دووگیان‌و منداڵبوون، لەڕێی پێنج نەخۆشخانەی منداڵبوون‌و 14 ژوری تایبەت‌و چەندین كلینیكی جێگیر‌و گەڕۆكەوە، لە موسڵ‌و دەوروبەری دەتوانرێت چاودێری‌و خزمەتی پزیشكی پێشكەش بكرێت.