بنەمای پەرەگراف متمانەیە

سێ خوێندكاری زانكۆی سلێمانی هونەرەكەیان دەهێننەسەر شەقام بۆ پاراستنی ژینگە

سێ خوێندكاری زانكۆی سلێمانی هونەرەكەیان دەهێننەسەر شەقام بۆ پاراستنی ژینگە
دیوار بەندییەك بۆ پاراستنی ژینگە لە سلێمانی. وێنە؛ پەرەگراف.

 

پەرەگراف

 

سێ خوێندكاری كۆلێژی هونەر لە زانكۆی سلێمانی دیواری گەڕەكێك دەڕازێننەوە بە وێنەو ڕێنمایی بۆ پاراستن‌و خاوێن ڕاگرتنی ژینگە‌و هۆشداریدان لە مەترسییەكانی سەر ژینگە.

 

پڕۆژەكەی ئەو خوێندكارانە بەشێكە لە پڕۆسەی خوێندنی زانكۆیان، لە وانەیەكدا سەربەستكراون هەرجۆرە كارێك پێیانباشە ئەنجامی بدەن، ئەوانیش وتویانە دەچنە دەرەوەی زانكۆو لەسەر شەقام پڕۆژەیەك دەكەن، ڕەزامەندییان پێدراوەو كەسێك سپۆنسەری ماددی كردوون‌و خۆیان خۆبەخشانە كارەكە ئەنجامدەدەن.

 

خوێندكارەكان كە لەكۆتا قۆناغی خوێندنی زانكۆدان، دیوارێكیان لە گەڕەكی خاك هەڵبژاردووە بۆ كارەكەیان كە دەكەوێتەسەر شەقامێكی گشتیی، پڕۆژەكەیان ناوناوە دیوار بەندییەك بۆ ژینگە.

 

 

ئەیوب ڕەئوف، یەكێك لەو خوێندكارانە باسلەوەدەكات، بڕیاریانداوە بابەتی ژینگەو مەترسییەكانی هەڵبژێرن‌و ڕێنمایی خەڵك بكەن بۆ پاراستنی ژینگە.

 

ئەیوب بۆ پەرەگراف وتی"دەمانەوێت بڵێین ژینگە لە مەترسیدایەو ئەوە بكەین بە كلتور ساڵانە پڕۆژەكان بێنە دەرەوەی زانكۆو هونەر تەنها لە گەلەرییەكاندا نەبێت‌و بێتە دەرەوە."

 

مینا حەسەن خاوەنی بیرۆكەی پڕۆژەكەیە‌و ئەوەدەخاتەڕوو، مەبەستیان بووە كارێكی جیاواز بكەن‌و هونەر تێكەڵی خەڵك بكەن‌و هونەر بەركەوتنی زیاتری هەبێت لەگەڵ خەڵكدا.

 

ئەیوب‌و مینا لەكاتی كاركردن لە پڕۆژەكەیان.

 

"بەجۆرێك كارمان كردووە تەنها ڕەنگ كردنی دیوارەكە یاخود شێواندنی نەبێت‌و ویستومانە لەپشتی كارە هونەرییەكەوە پەیامێك هەبێت، ئەوەش پاراستنی ژینگەیە كە گشتگیرەو پەیوەندیدارە بە هەموو كەسێكەوە" مینا وای وت.

 

خوێندكارەكان چەند وێنەیەكیان هەڵبژاردووە بۆ گەیاندنی پەیامە ژینگەییەكەیان، پێیانوایە وێنەكان پڕاوپڕ مەبەستەكەیان دەگەیەنێت‌و نوسینیش هەیە لە پڕۆژەكەیاندا كە پەیامەكە تەواو دەكات.

 

ئەوان 7 وێنەیان لە ئینتەرنێت هەڵبژاردووە، بەڵام دەقاودەق نەیانكێشاوەتەوەو خۆیان دەستكارییان كردووەو بیرۆكەی خۆیان تێكەڵ كردووە.

 

 

محەمەد حسێن، لەگەڵ ئەیوب‌و مینا پێكەوە لە هەمان قۆناغی خوێندنی زانكۆیەو بەشدارە لە پڕۆژەكەدا، ئەو پڕۆژەكەیان بە گرنگ دەزانێت، "بۆئەوەی ژینگە بچێتە پێشەوەو ببێتە كلتور كە كاری لەسەر بكرێت‌و خوێندكاران بێنەدەرەوەی زانكۆ."

 

كارەكەی ئەو خوێندكارانە كاردانەوەی باشی لای مامۆستاكانیان‌و خەڵكیش دروستكردووەو دەستخۆشییان لێكراوە، ئەوەش مایەی دڵخۆشیی ئەوانە.

 

"پڕۆژەكە كاریگەری هەیە لەسەر ژینگەو دڵمان پێی خۆشە كە خەڵك‌و میدیا پشتیوانیمان دەكەن. پێمانباشە پڕۆژەی لەم شێوەیە دووبارە ببیتەوەو مەرج نییە تەنها لەسەر ژینگە بێت، لەسەر كەمئەندامان‌و منداڵان‌و شتی دیكەش كار بكرێت" محەمەد وای وت.

 

ئەیوب‌و میناو محەمەد دڵخۆشن بە پڕۆژەكەیان‌و دەستخۆشی لێكردنیان لەلایەن خەڵكەوە.

 

هەرچەندە بەهۆی نەبوونی كارگەو كۆمپانیای زۆر گەورە، ژینگەی هەرێمی كوردستان تاڕادەیەك خاوێنە، بەڵام ئەو هۆكارانەش بەدیدەكرێن كە مەترسین لەسەر پیسبوونی ژنگە، وەك؛ زۆریی ژمارەی ئۆتۆمبێل‌و پاشماوەی كەلوپەل بەتایبەت پلاستیكییەكان‌و بوونی پاڵاوگەی نافەرمیی‌و كەمیی هۆشیاریی لای تاك بۆ پاك ڕاگرتنی ژینگە.

 

هاوكات 16ی نیسانی هەموو ساڵێك وەك ڕۆژی ژینگەی كوردستان دیاریكراوە، لەو ڕۆژەدا چەندین چالاكی جۆراوجۆر ئەنجام دەدرێن بەمەبەستی بڵاوكردنەوەی هۆشیاریی زیاتر دەربارەی ژینگە‌و پاك ڕاگرتنی سروشتی جوانی كوردستان‌و خستنەڕووی مەترسییەكانی سەر ژینگە.

 

دیاریكردنی ئەو ڕێكەوتە بۆ ڕۆژی ژینگەی كوردستان، ساڵی 2008 بوو لەلایەن پەرلەمانی كوردستان، ئەوەش لە یادی مەرگەساتی 16ی نیسانی 1987 كە لەو ڕۆژەدا فڕۆكە عێراقییەكان گوندی شێخوەسان‌و بالیسانیان كیمیایی باران كردو 400 هاوڵاتی مەدەنییان شەهیدو بریندار كردو زیانێكی زۆریان بە ژینگەو سروشتی ناوچەكە گەیاند.

 

بۆ بایەخدان بە پرسی ژینگە، دەستەیەك بەناوی پاراستن‌و چاككردنی ژینگەی هەرێم دامەزراوەو بەردەوام داوا لە تاكەكانی كۆمەڵگاو دامودەزگا پەیوەندیدارەكان دەكات هاوكاریان بن بۆ چارەسەركردنی ئەو كێشانەی هەڕەشەن بۆسەر ژینگەی كوردستان.

ئه‌م بابه‌ته 691 جار خوێنراوه‌ته‌وه‌‌

سێ خوێندكاری زانكۆی سلێمانی هونەرەكەیان دەهێننەسەر شەقام بۆ پاراستنی ژینگە

2018-04-17 13:55:19

 

پەرەگراف

 

سێ خوێندكاری كۆلێژی هونەر لە زانكۆی سلێمانی دیواری گەڕەكێك دەڕازێننەوە بە وێنەو ڕێنمایی بۆ پاراستن‌و خاوێن ڕاگرتنی ژینگە‌و هۆشداریدان لە مەترسییەكانی سەر ژینگە.

 

پڕۆژەكەی ئەو خوێندكارانە بەشێكە لە پڕۆسەی خوێندنی زانكۆیان، لە وانەیەكدا سەربەستكراون هەرجۆرە كارێك پێیانباشە ئەنجامی بدەن، ئەوانیش وتویانە دەچنە دەرەوەی زانكۆو لەسەر شەقام پڕۆژەیەك دەكەن، ڕەزامەندییان پێدراوەو كەسێك سپۆنسەری ماددی كردوون‌و خۆیان خۆبەخشانە كارەكە ئەنجامدەدەن.

 

خوێندكارەكان كە لەكۆتا قۆناغی خوێندنی زانكۆدان، دیوارێكیان لە گەڕەكی خاك هەڵبژاردووە بۆ كارەكەیان كە دەكەوێتەسەر شەقامێكی گشتیی، پڕۆژەكەیان ناوناوە دیوار بەندییەك بۆ ژینگە.

 

 

ئەیوب ڕەئوف، یەكێك لەو خوێندكارانە باسلەوەدەكات، بڕیاریانداوە بابەتی ژینگەو مەترسییەكانی هەڵبژێرن‌و ڕێنمایی خەڵك بكەن بۆ پاراستنی ژینگە.

 

ئەیوب بۆ پەرەگراف وتی"دەمانەوێت بڵێین ژینگە لە مەترسیدایەو ئەوە بكەین بە كلتور ساڵانە پڕۆژەكان بێنە دەرەوەی زانكۆو هونەر تەنها لە گەلەرییەكاندا نەبێت‌و بێتە دەرەوە."

 

مینا حەسەن خاوەنی بیرۆكەی پڕۆژەكەیە‌و ئەوەدەخاتەڕوو، مەبەستیان بووە كارێكی جیاواز بكەن‌و هونەر تێكەڵی خەڵك بكەن‌و هونەر بەركەوتنی زیاتری هەبێت لەگەڵ خەڵكدا.

 

ئەیوب‌و مینا لەكاتی كاركردن لە پڕۆژەكەیان.

 

"بەجۆرێك كارمان كردووە تەنها ڕەنگ كردنی دیوارەكە یاخود شێواندنی نەبێت‌و ویستومانە لەپشتی كارە هونەرییەكەوە پەیامێك هەبێت، ئەوەش پاراستنی ژینگەیە كە گشتگیرەو پەیوەندیدارە بە هەموو كەسێكەوە" مینا وای وت.

 

خوێندكارەكان چەند وێنەیەكیان هەڵبژاردووە بۆ گەیاندنی پەیامە ژینگەییەكەیان، پێیانوایە وێنەكان پڕاوپڕ مەبەستەكەیان دەگەیەنێت‌و نوسینیش هەیە لە پڕۆژەكەیاندا كە پەیامەكە تەواو دەكات.

 

ئەوان 7 وێنەیان لە ئینتەرنێت هەڵبژاردووە، بەڵام دەقاودەق نەیانكێشاوەتەوەو خۆیان دەستكارییان كردووەو بیرۆكەی خۆیان تێكەڵ كردووە.

 

 

محەمەد حسێن، لەگەڵ ئەیوب‌و مینا پێكەوە لە هەمان قۆناغی خوێندنی زانكۆیەو بەشدارە لە پڕۆژەكەدا، ئەو پڕۆژەكەیان بە گرنگ دەزانێت، "بۆئەوەی ژینگە بچێتە پێشەوەو ببێتە كلتور كە كاری لەسەر بكرێت‌و خوێندكاران بێنەدەرەوەی زانكۆ."

 

كارەكەی ئەو خوێندكارانە كاردانەوەی باشی لای مامۆستاكانیان‌و خەڵكیش دروستكردووەو دەستخۆشییان لێكراوە، ئەوەش مایەی دڵخۆشیی ئەوانە.

 

"پڕۆژەكە كاریگەری هەیە لەسەر ژینگەو دڵمان پێی خۆشە كە خەڵك‌و میدیا پشتیوانیمان دەكەن. پێمانباشە پڕۆژەی لەم شێوەیە دووبارە ببیتەوەو مەرج نییە تەنها لەسەر ژینگە بێت، لەسەر كەمئەندامان‌و منداڵان‌و شتی دیكەش كار بكرێت" محەمەد وای وت.

 

ئەیوب‌و میناو محەمەد دڵخۆشن بە پڕۆژەكەیان‌و دەستخۆشی لێكردنیان لەلایەن خەڵكەوە.

 

هەرچەندە بەهۆی نەبوونی كارگەو كۆمپانیای زۆر گەورە، ژینگەی هەرێمی كوردستان تاڕادەیەك خاوێنە، بەڵام ئەو هۆكارانەش بەدیدەكرێن كە مەترسین لەسەر پیسبوونی ژنگە، وەك؛ زۆریی ژمارەی ئۆتۆمبێل‌و پاشماوەی كەلوپەل بەتایبەت پلاستیكییەكان‌و بوونی پاڵاوگەی نافەرمیی‌و كەمیی هۆشیاریی لای تاك بۆ پاك ڕاگرتنی ژینگە.

 

هاوكات 16ی نیسانی هەموو ساڵێك وەك ڕۆژی ژینگەی كوردستان دیاریكراوە، لەو ڕۆژەدا چەندین چالاكی جۆراوجۆر ئەنجام دەدرێن بەمەبەستی بڵاوكردنەوەی هۆشیاریی زیاتر دەربارەی ژینگە‌و پاك ڕاگرتنی سروشتی جوانی كوردستان‌و خستنەڕووی مەترسییەكانی سەر ژینگە.

 

دیاریكردنی ئەو ڕێكەوتە بۆ ڕۆژی ژینگەی كوردستان، ساڵی 2008 بوو لەلایەن پەرلەمانی كوردستان، ئەوەش لە یادی مەرگەساتی 16ی نیسانی 1987 كە لەو ڕۆژەدا فڕۆكە عێراقییەكان گوندی شێخوەسان‌و بالیسانیان كیمیایی باران كردو 400 هاوڵاتی مەدەنییان شەهیدو بریندار كردو زیانێكی زۆریان بە ژینگەو سروشتی ناوچەكە گەیاند.

 

بۆ بایەخدان بە پرسی ژینگە، دەستەیەك بەناوی پاراستن‌و چاككردنی ژینگەی هەرێم دامەزراوەو بەردەوام داوا لە تاكەكانی كۆمەڵگاو دامودەزگا پەیوەندیدارەكان دەكات هاوكاریان بن بۆ چارەسەركردنی ئەو كێشانەی هەڕەشەن بۆسەر ژینگەی كوردستان.