بنەمای پەرەگراف متمانەیە

دۆزینه‌وه‌ی "نیویۆرك"ی دێرینی ڕۆژهه‌ڵاتی ناوه‌ڕاست له‌ ئیسرائیل

دۆزینه‌وه‌ی "نیویۆرك"ی دێرینی ڕۆژهه‌ڵاتی ناوه‌ڕاست له‌ ئیسرائیل

په‌ره‌گراف

پاشماوه‌كانی شارێكی پێنج هه‌زار ساڵه‌ له‌ ئیسرائیل دۆزراوه‌ته‌وه‌ كه‌ گه‌وره‌ترین و كۆنترین شاره‌ تا ئێستا له‌ ناوچه‌كه‌دا دۆزرابێته‌وه‌.

له‌م شاره‌دا كه‌ خاوه‌نی شه‌قام و په‌رستگا و بورجی چاودێری بووه‌، شه‌ش هه‌زار كه‌س ژیاون.

له‌ژێر پاشماوه‌كانی ئه‌م شاره‌شدا، شارستانیه‌تێكی حه‌وت هه‌زار ساڵه‌ دۆزراوه‌ته‌وه‌.

شوێنه‌وارناسانی ئیسرائیلی پێیان وایه‌ ئه‌م دۆزینه‌وه‌یه‌ پڕبایه‌خترین دۆزینه‌وه‌ی په‌یوه‌ست به‌ شارستانیه‌تی ئه‌و سه‌رده‌مه‌یه‌.

تیمی لێكۆڵینه‌وه‌ له‌ شوێنه‌واره‌كه‌ ده‌ڵێن "ئه‌م شاره‌، نیویۆركی سه‌رده‌می برۆنزی ناوچه‌كه‌ بووه‌. هه‌زاران كه‌س تێیدا ژیاون. بێگومان ئه‌م دۆزینه‌وه‌یه‌ ده‌بێته‌ هۆی گۆڕانكاری له‌ تێڕوانین و زانیارییه‌كانی ئێمه‌ سه‌باره‌ت به‌ تایبه‌تمه‌ندییه‌كانی ئه‌و سه‌رده‌مه‌ و ژیانی شارنشینی له‌ ئیسرائیل".

به‌پێی قسه‌ی به‌رپرسانی شوێنه‌وار له‌ ئیسرائیل، ڕووبه‌ری ئه‌م شاره‌ كه‌ به‌ عه‌ین ئاشوور ناسراوه‌، 161 هێكتاره‌. نه‌خشه‌سازیییه‌كه‌ی له‌ به‌شی نیشته‌جێبوون و شوێنه‌ گشتییه‌كان و شه‌قام و كۆڵان پێكهاتووه‌.

نزیكه‌ی چوار ملیۆن شتی جیاواز له‌و ناوچه‌ شوێنه‌وارییه‌دا دۆزراونه‌ته‌وه‌، له‌وانه‌: په‌یكه‌ری بچووك و ده‌گمه‌نی مرۆڤ و ئاژه‌ڵان، پارچه‌ی گۆزه‌ و چه‌ندین شتی دیكه‌ كه‌ به‌شێكیان له‌ میسره‌وه‌ هێنراون.

له‌م شاره‌دا ئێسكی سووتاوی ئاژه‌ڵانیش دۆزراوه‌ته‌وه‌ كه‌ نیشانی ده‌دات دانیشتووانه‌كه‌ی مه‌راسیمی قوربانیكردنیان ئه‌نجام داوه‌.

بونیادنانی شاره‌كه‌ له‌م ناوچه‌یه‌دا، بۆ بوونی دوو سه‌رچاوه‌ی ئاو و زه‌ویی به‌پیت و نزیكبوون له‌ ڕێگای بازرگانی ده‌گه‌ڕێته‌وه‌. خه‌ڵكه‌كه‌ی له‌ ڕێگه‌ی كشتوكاڵ و ئاڵوگۆڕی بازرگانی له‌گه‌ڵ ناوچه‌كانی ده‌وروبه‌ر ژیانی خۆیان دابین كردووه‌.

شوێنه‌وارناسان زیاتر له‌ دوو ساڵ و نیو كاریان له‌م شوێنه‌دا كردووه‌ و نزیكه‌ی پێنج هه‌زار گه‌نج هاوكاریان بوون بۆ لابردنی خۆڵی سه‌ر شوێنه‌واره‌كه‌.

ئه‌م شوێنه‌واره‌ گرنگه‌، به‌ ڕێكه‌وت له‌ كاتی دروستكردنی شه‌قامێكدا دۆزراوه‌ته‌وه‌.

دۆزینه‌وه‌ی "نیویۆرك"ی دێرینی ڕۆژهه‌ڵاتی ناوه‌ڕاست له‌ ئیسرائیل

2019-10-08 19:32:54

په‌ره‌گراف

پاشماوه‌كانی شارێكی پێنج هه‌زار ساڵه‌ له‌ ئیسرائیل دۆزراوه‌ته‌وه‌ كه‌ گه‌وره‌ترین و كۆنترین شاره‌ تا ئێستا له‌ ناوچه‌كه‌دا دۆزرابێته‌وه‌.

له‌م شاره‌دا كه‌ خاوه‌نی شه‌قام و په‌رستگا و بورجی چاودێری بووه‌، شه‌ش هه‌زار كه‌س ژیاون.

له‌ژێر پاشماوه‌كانی ئه‌م شاره‌شدا، شارستانیه‌تێكی حه‌وت هه‌زار ساڵه‌ دۆزراوه‌ته‌وه‌.

شوێنه‌وارناسانی ئیسرائیلی پێیان وایه‌ ئه‌م دۆزینه‌وه‌یه‌ پڕبایه‌خترین دۆزینه‌وه‌ی په‌یوه‌ست به‌ شارستانیه‌تی ئه‌و سه‌رده‌مه‌یه‌.

تیمی لێكۆڵینه‌وه‌ له‌ شوێنه‌واره‌كه‌ ده‌ڵێن "ئه‌م شاره‌، نیویۆركی سه‌رده‌می برۆنزی ناوچه‌كه‌ بووه‌. هه‌زاران كه‌س تێیدا ژیاون. بێگومان ئه‌م دۆزینه‌وه‌یه‌ ده‌بێته‌ هۆی گۆڕانكاری له‌ تێڕوانین و زانیارییه‌كانی ئێمه‌ سه‌باره‌ت به‌ تایبه‌تمه‌ندییه‌كانی ئه‌و سه‌رده‌مه‌ و ژیانی شارنشینی له‌ ئیسرائیل".

به‌پێی قسه‌ی به‌رپرسانی شوێنه‌وار له‌ ئیسرائیل، ڕووبه‌ری ئه‌م شاره‌ كه‌ به‌ عه‌ین ئاشوور ناسراوه‌، 161 هێكتاره‌. نه‌خشه‌سازیییه‌كه‌ی له‌ به‌شی نیشته‌جێبوون و شوێنه‌ گشتییه‌كان و شه‌قام و كۆڵان پێكهاتووه‌.

نزیكه‌ی چوار ملیۆن شتی جیاواز له‌و ناوچه‌ شوێنه‌وارییه‌دا دۆزراونه‌ته‌وه‌، له‌وانه‌: په‌یكه‌ری بچووك و ده‌گمه‌نی مرۆڤ و ئاژه‌ڵان، پارچه‌ی گۆزه‌ و چه‌ندین شتی دیكه‌ كه‌ به‌شێكیان له‌ میسره‌وه‌ هێنراون.

له‌م شاره‌دا ئێسكی سووتاوی ئاژه‌ڵانیش دۆزراوه‌ته‌وه‌ كه‌ نیشانی ده‌دات دانیشتووانه‌كه‌ی مه‌راسیمی قوربانیكردنیان ئه‌نجام داوه‌.

بونیادنانی شاره‌كه‌ له‌م ناوچه‌یه‌دا، بۆ بوونی دوو سه‌رچاوه‌ی ئاو و زه‌ویی به‌پیت و نزیكبوون له‌ ڕێگای بازرگانی ده‌گه‌ڕێته‌وه‌. خه‌ڵكه‌كه‌ی له‌ ڕێگه‌ی كشتوكاڵ و ئاڵوگۆڕی بازرگانی له‌گه‌ڵ ناوچه‌كانی ده‌وروبه‌ر ژیانی خۆیان دابین كردووه‌.

شوێنه‌وارناسان زیاتر له‌ دوو ساڵ و نیو كاریان له‌م شوێنه‌دا كردووه‌ و نزیكه‌ی پێنج هه‌زار گه‌نج هاوكاریان بوون بۆ لابردنی خۆڵی سه‌ر شوێنه‌واره‌كه‌.

ئه‌م شوێنه‌واره‌ گرنگه‌، به‌ ڕێكه‌وت له‌ كاتی دروستكردنی شه‌قامێكدا دۆزراوه‌ته‌وه‌.