١٩ شت كە پێویستە خێرا لە ماڵەكەتدا فڕێ بدرێن

01-04-2018 06:25

 

پەرەگراف- ئیلهام محەمەد

 

نهێنیی ماڵێكی پڕ ئاشتیی ماڵێكی خاوێنە، تۆ پێویست ناكات ئەو شتانەی بەكاریان ناهێنیت هەڵیان بگریت، چونكە لەو باوەڕەدا مەبە هەرگیز بەكاریان بهێنیتەوە، بۆیە بهێڵە بڕۆن كە ئەمانەن:

 

١-پێڵاوی كۆن
ئایا پێڵاوەكانت دڕاون؟ فڕێیان بدە، هێشتا باشە، بەڵام پێویست ناكات بۆ هەمیشە لە پێیان بكەیت، بیانبەخشە.

 

٢-شوشەی بەتاڵی خواردنەوەی كحولی
تۆ ئیتر لە زانكۆ نیت، هەروەها ئەو بوتڵی بیرانەی هەڵت گرتوون چیتر یادگاری نین تا كۆیان بكەیتەوە مەگەر یادگاری بەشە ناوخۆییەكەت بن.

 

٣-ئەو جلانەی كە هەرگیز لەبەریان ناكەیت
بیدە بە كەسێك كە لە تۆ زیاتر پێویستی پێی هەبێت، هەتا بتوانێت لەبەریان بكات، هەمان شت بكە بۆ جلوبەرگی مناڵەكانت و كەلوپەلی هاڵۆوین كە چیتر بەكاریان ناهێنیت .

 

٤-یارییە كۆنەكان
لەوانەیە یارییەكان گران بن، بەڵام ئەگەر نەشكاون یان چیتر كەس بەكاریان ناهێنێت بیانبەخشە، كە ئەمەش وەك چاكەیەكە بۆ منداڵە بچوكەكان.

 

٥-تاكە گۆرەوی
فڕێیان بدەو بەردەوام بە! ئەگەر پێشتر ڕاهاتوویت تاكە گۆرەوییەكانت لە سەبەتەیەكدا لە نزیك جلشۆرەكەت دابنێیت بەو هیوایەی كە تاكەكەی تری بدۆزیتەوە، وا باشترە فڕێیان بدەیت.

 

٦-بابەتی جوانكاریی بەسەرچوو
باشنییە بۆتۆ! لەوانەیە دەموچاوت پیس بكات فڕێیان بدە، هەمان شتیش بكە بۆ ئەو بابەتە جوانكارییانەی بەكاریان ناهێنیت.

 

٧-دەرمانی بەسەرچوو
نەخێر، تۆ پێویستت بە ئەو كەپسولانە نییە كە ساڵی ٢٠١٥ بەسەرچوون.

 

٨-فڵچەی ددان شۆردنەكەت
فڵچەی ددان شۆردنەكەت زووتر لەوە كۆن دەبێت كە بیری لێ دەكەیتەوە، پێویستە چەند مانگ جارێك فڵچەكەت نوێ بكەیتەوە، پێش ئەوەی دەمەكەی زبر ببێت، باشترە فڵچەی زیرەك بەكار بهێنیت.

 

٩-شتەكانی ناو بەفر گرەكەت(سەلاجە)
سۆسی خەردەلەكەت پێنج هەفتە جارێك كەڕوو دەكات، ئەگەر باوەڕ ناكەیت بیپشكنە، دواتر باشتر دەزانی باسی چی دەكەم، فڕێی بدەو ئەگەر پێویست دەكات دەستكێش بەكاربهێنە.

 

١٠-كیسەی پلاستیكی خۆڵ
ڕێگە بدە دووبارە بەكار بهێنرێتەوە لە كارگەكاندا ، ئەوانە خراپن بۆ ژینگە.

 

١١-پەپكەی CD وDVD
تەنها نەوەی ساڵی ١٩٩٠ لە بیریانە! ئێستا ساڵی ٢٠١٨یە بیانگۆڕە بۆ هارد درایڤ و شوێنی بەتاڵ بەدەست بێنە لەسەر ڕەفەكەت ، تەنانەت دەتوانی بیانكەیتە جوانكاری بۆ ژوورەكەت.

 

١٢-ئیسفەنجی قاپ شۆردن
پێویستە جار بە جار بگۆڕدرێت، ئیسفەنجی قاپ شۆردنەكەت باشترین شوێنە بۆ گەشەی بەكتریا، هەندێك جار بیشۆ یان دوو هەفتە جارێك بیگۆڕە.

 

١٣-فلتەری ئاو
پێویستە فلتەری ئاوەكەت چەند مانگ جارێك بگۆڕیت كاتێك هەستت كرد تامی ئاوەكە گۆڕاوە.

 

١٤-كارتە كۆنەكانت
ئەوانە تەنها جێدەگرن، هیچ كەسێك پێویستی بە كارتەكانی تۆ نییە كە ٥ ساڵ پێش ئێستا بەكارت دەهێنان .

 

١٥-شەحنی مۆبایلەكەت

تۆ هەرگیز پێویستت بە شەحنی مۆبایلە كۆنەكەت نییە، ئێمە لە سەردەمی مۆبایلی زیرەك دەژین .

 

 

١٦-ڕۆژنامەی كۆن
تەنیا پێویستە ئەوە بزانی كە هەرگیز خەڵاتەكانی تۆپی پێی ٢٠١١ ناخوێنیتەوە.

 

١٧-لیستە كۆنەكان و پسوڵەكان
ڕێگایەكی ئاسانتر هەیە بۆ ڕێكخستنەوەو پێداچونەوەی پارەو خەرجییەكانت، ئەگەر شتێك هەیە بەڕاستی گرنگە وێنەیەكی بگرە یان لە شوێنێك لە كۆمپیوتەرەكەت بیپارێزە.

 

١٨-گۆرەوی و جلی ژێرەوەی كۆن
ئاساییە ئەگەر هەموو گۆرەوییەك كونێكی تێدا بێت، بەڵام ئەگەر زیاترە فڕێیان بدە.

 

١٩-جل هەڵواسەر
ئەو جل هەڵواسەرە هەرزان و كۆنانەی كە جلەكانت پیا هەڵواسیوە لەوانەیە خراپ بێت بۆ جلەكەت و جلەكەت بدڕێت فڕێی بدە و دانەیەكی تازە بكڕە.