پەرەگراف - هێزەكانی سووریای دیموكرات (هەسەدە) دواكەوتنی سەردانەكەی مەزڵووم عەبدیی بۆ دیمەشق بە "هۆكاری تەكنیكی" ڕاگەیاند.
بڕیاربوو ئەمڕۆ شاندێكی باڵای هەسەدە بە سەرۆكایەتیی مەزڵووم عەبدی، فەرماندەی هەسەدە، سەردانی دیمەشق بكات و لەگەڵ ئەحمەد شەرع، سەرۆككۆماری ڕاگوزەری سووریا و بەرپرسانی باڵای دیمەشق كۆببێتەوە.
ناوەندی ڕاگەیاندنی هەسەدە دەڵێت "سەردانەكە بە هۆكاری تەكنینی دواخراوە. لە داهاتوویەكی نزیكدا بە ڕێككەوتنی هەردوو لا و دوای هەماهەنگیی لایەنە پەیوەندیدارەكان، وادەیەكی نوێ بۆ سەردانەكە دیاری دەكرێت".
ناوەندی ڕاگەیاندنی هەسەدە جەخت دەكاتەوە "دواخستنی سەردانەكە تەنیا پەیوەندیی بە ڕێكارە لۆجیستی و تەكنیكییەكانەوە هەیە، هیچ گۆڕانكارییەك لە ئامانجەكانی سەردانەكە و كارنامەی گفتوگۆكاندا ڕووی نەداوە".