ئامارەکانی ماددەی هۆشبەر لە هەولێرو دهۆک؛ شەش مانگی یەکەمی ئەمساڵ 744 کەس دەستگیرکراون

پەرەگراف- بەپێی ئامارەکانی بەڕێوەبەرایەتی نەهێشتنی ماددە هۆشبەرەکان، لە شەش مانگی یەکەمی ئەمساڵدا لە هەولێرو دهۆک 744 کەس دەستگیرکراون کە 482یان بازرگان و 262یان بەکارهێنەر بوون.

هەر بەپێی ئامارەکان، هێزە ئەمنییەکان لەو شەش مانگەدا دەستیان بەسەر 218 کیلۆگرام ماددەی هۆشبەر و ١,٨٩٧ شیت حەبی هۆشبەردا گرتووە.

ئامارەکانی ساڵانی ڕابردوو

بەپێی ڕاگەیەندراوی بەڕێوەبەرایەتیی گشتی نەهێشتنی ماددە هۆشبەرەکان لە هەولێر و دهۆک، لە ساڵی ٢٠٢٣دا ٢,٤٨٢ کەس بە تۆمەتی پەیوەندیدار بە ماددەی هۆشبەر دەستگیرکراون، کە ١,٤١٢ بەکارهێنەر و ١,٠٧٠ بازرگانی تۆمەتبار بوون. هەر لەو ساڵەدا هێزە ئەمنییەکان دەستیان بەسەر ٢,٨٢٥.٣٧٨ کیلۆگرام ماددەی هۆشبەر، ٦,٢٥٦ شیت حەبی هۆشبەردا گرتووە.

لە ساڵی ٢٠٢٤دا، ١,٥٦٨ تۆمەتباریان دەستگیرکردووە، ٧٣٧ بەکارهێنەر و ٨٣١ بازرگانی تۆمەتبار، لە هەمان ساڵدا دەست بەسەر ٥١١.٧٣٦ کیلۆگرام ماددەی هۆشبەر و ٣٠,٢٤٠ حەبی هۆشبەردا گیراوە.

لە ساڵی ٢٠٢٥دا، ژمارەی دەستگیرکراوان بۆ ١,٧٠٨ کەس بەرزبووەوە، کە ١,٠٣٤ بەکارهێنەر و ٦٧٤ بازرگانی تۆمەتبار بوون. لەو ساڵەدا دەست بەسەر ٩٢٢.٩٦٣ کیلۆگرام ماددەی هۆشبەر و ١٢,١٩٤ حەبی هۆشبەردا گیراوە.

تەمەنی دەستگیرکراوان لە ساڵی ٢٠٢٥دا 

زۆربەی ئەو کەسانەی لە ساڵی ٢٠٢٥دا بە تۆمەتی پەیوەندیدار بە ماددەی هۆشبەرەوە دەستگیرکراون، تەمەنیان لە نێوان ١٨ بۆ ٤٠ ساڵدا بووە:

خوار ١٨ ساڵ: ١٪

١٨-٣٠ ساڵ: ٤٦٪

٣٠-٤٠ ساڵ: ٣٦٪

٤٠-٥٠ ساڵ: ١٣٪

٥٠-٦٠ ساڵ: ٤٪

ڕێژەی ژنان ٤٪ی کۆی گشتیی دەستگیرکراوان بووە لە سەرجەم تەمەنە جیاوازەکاندا.