پەرەگراف - شەپۆلێکی گەرما لە ڕۆژانی سێشەممە، چوارشەممە و پێنجشەممە هەرێمى کوردستان دەگرێتەوە. بەرزترین پلەى گەرما لە گەرمیان دەبێت بە ٥٠ پلەى سیلیزى.
بەڕێوەبەرایەتیی گشتیی کەشناسی و بوومەلەرزەزانی هەرێمى کوردستان دەڵێت: ئەم شەپۆلە کە لە ئەنجامی زیادبوونی کاریگەریی نزمەپاڵەپەستۆی وەرزی گەرمی ڕوو لە ناوچەکەمان دەکات، ڕۆژی چوارشەممە دەگاتە بەرزترین ئاستی خۆی و سەنتەری پارێزگاکان و ئیدارە سەربەخۆکان بەرزترین پلەی گەرمای پێشبینیکراویان بەمشێوەیە دەبێت:
گەرمیان: ٥٠
کەرکووک: ٤٨
هەولێر: ٤٧ پلە
زاخۆ: ٤٧ پلە
دهۆک: ٤٦
هەڵەبجە: ٤٦
سلێمانی: ٤٥ پلە
سۆران: ٤٥
ڕاپەڕین: ٤٤ پلە
کەشناسی و بوومەلەرزەزانی هەرێمى کوردستان دەشڵێت "ڕۆژی پێنجشەممە ڕێکەوتی ٣٠-٠٧-٢٠٢٦، کاریگەریی ئەم شەپۆلە کەمێک لاواز دەبێت، نزمبوونەوەیەکی کەم لە پلەکانی گەرما ڕوو دەدات بە نزیکەی (١-٢) پلەی سیلیزی بەراورد بە ڕۆژی چوار شەممە".
هەروەها لە ڕۆژانی چوارشەممە و پێنجشەممە، لە سەنتەری پارێزگاکانی سلێمانی و هەولێر، خێرایى با بۆ سەرووی ٣٠ کم لە کاتژمێرێکدا زیاد دەکات.