گۆڕان شكستی ڕاگەیاندو دەڵێت: داوای لێبوردن دەكەین‌و پێویستمان بە گۆڕانكاری ڕیشەیی هەیە
پەرەگراف
خانەی ڕاپەڕاندنی گۆڕان ڕاگەیەندراوێكی لەبارەی ئەنجامەكانی هەڵبژاردن بڵاوكردەوەو دەڵێت: كاندیدەكانی بزوتنەوەی گۆڕان دەنگی پێویستیان نەھێناوە و سەرنەكەوتوون.
"بە راشكاوی دەڵێین كە پێویستمان بە گۆڕانكاری و بەخۆداچونەوەی ریشەیی بزوتنەوەكە و سیاسەتەكانی ھەیە" خانەی ڕاپەڕاندن وادەڵێت.
دەقی ڕاگەیەندراوی خانەی ڕاپەڕاندنی گۆڕان
ھاوڵاتیانی ھەرێمی كوردستان..
گۆڕانخوازان ..
ئەنجامە بەراییەكانی ھەڵبژاردنی ئەنجومەنی نوێنەرانی عێراق دەری خست؛ كاندیدەكانی بزوتنەوەی گۆڕان دەنگی پێویستیان نەھێناوە و سەرنەكەوتون.
لێرەوە، دوای سوپاس و پێزانینمان بۆ بانگەشەكاران و ھەڵسوڕاوانی دڵسۆز، داوای لێبوردن لە دەنگدەرانی بزوتنەوەی گۆڕان دەكەین و، دان بەوەدا دەنێین كە ھەڵە و كەموكوڕی لە ئێمە بوە كە سەرەڕای هەلومەرجە بابەتیەكان بۆیە متمانەی خەڵكمان بەدەستنەھێناوە.
بە راشكاوی دەڵێین كە پێویستمان بە گۆڕانكاری و بەخۆداچونەوەی ریشەیی بزوتنەوەكە و سیاسەتەكانی ھەیە، چونكە دەنگدەرانمان ھەڵوێستیان وەرگرتوە و زۆرینەیان بایكۆتی ھەڵبژاردنیان كردوە، وەكچۆن زۆرینەی ھاوڵاتیان ھەمان شتیان كردوە.
ئەم واقعە تاڵەش، پێویستی بە بڕیار و ھەڵگرتنی بەرپرسیارێتیە، ئێمە ئامادەین ئەو بەرپرسیارێتیە لەئەستۆ بگرین و، لە نزیكترین كاتدا گۆڕانكاری ریشەیی دەكەین.
خانەی راپەراندن
١١ی١٠ی