پەرەگراف
ئەنجوومەنی سەرپەرشتیی و بەڕێوەبردنی خۆپیشاندانەکانی ڕۆژی شەممە کە بڕیارە لە سەرتاسەری هەرێمی کوردستان ئەنجام بدرێت، ئامانج و داواکاریی خۆپیشاندانەکانی ئاشکرا کرد.
خۆپیشاندانەکە لەلایەن شاسوار عەبدولواحید سەرۆکی جوڵانەوەی نەوەی نوێ بانگەوازی بۆ کراوەو جوڵانەوەکە ئامادەکاریی بۆ دەکات، ئەمڕۆ ئامانجەکانی لە ٩ خاڵدا خستەڕوو:
١- جێگیرکردنی پێدانی مووچە لە ٢٥ ی ھەموو مانگێک به بێ دواکەوتن.
٢- دووبارە دەستکردنەوە بە بەرزکردنەوەی پلەی فەرمانبەران.
٣- دابەزاندنی نرخی بەنزین و نەوت و سووتەمەنیی.
٤- ئەنجام دانی ھەڵبژاردنەکانی پەرلەمانی کوردستان
٥- دۆزینەوەی ھەلی کار و دامەزراندن بۆ سەروو نیو ملیۆن دەرچووی دانەمەزراو و گەنجانی بێکار.
٦- ڕێزگرتن لە خانەنشینان و چارەسەرکردنی شێوازی مووچەدان.
٧- چارەسەرکردنی کێشەی مامۆستایانی وانەبێژ و فەرمانبەرانی گرێبەست و خۆبەخشانی تەندروستیی.
٨- چارەسەرکردنی کێشەی باج و گواستنەوەی کاڵاکانی جوتیاران و دۆزینەوەی بازاڕ بۆیان .
٩- لابردنی باج و پارەی تابلۆ و خۆڵ و سەرانەی سەر کاسبکاران.
هاوکات دوێنێ نەوەی نوێ شوێنی خۆپیشاندانەکانی بەم شێوەیە داریکرد لە سەرجەم شارەکان:
سلێمانی - بەردەرکی سەرا
کەلار - ناوبازاڕ بەردەم قوتابخانەی لەیلا قاسم
کفری - ناوبازاڕ بەردەم مەحکەمەی کۆن
شارەزور - لای پەیکەری نالی
دەربەندیخان - بەردەم پارکی شار
سەیدسادق - ناوبازاڕ فلکەی مرورەکە
هەڵەبجە - فولکەی مرورەکەی ناوبازاڕ
پێنجوێن - هەیکەلە
قەڵادزێ - پارکی شار (پارکە تازەکە)
رانیە - باخی گشتی
چەمچەماڵ - ناو بازاڕ
دوکان - بەردەم باخی گشتی
هەولێر - بەردەم قەڵا
سۆران - پارکی بول بول ناو سەنتەری شار
چۆمان - پارکی چۆمان ناوسەنتەری شار
رەواندوز - مزگەوتی تەکیەی گەیلانی ناوەندی بازار
کۆیە - فلکەی حاجی قادر
قەزای خەبات - فلکەی ماسی
دهوك - پارکا نەوروز
زاخو - پارکا شەهیدا
سێمێل - دەورا قەلەمی
ئاکرێ - بەرامبەری قائیمقامیا ئاکرێ
شێخان - سەنتەرێ بازارێ ناحیا کەلەکچی
ئامێدیێ - سەنتەرێ ناحیا شێلادزێ
بەردەرەش - جوتسایدێ قائیمقامیەتێ