ئەنجامی كۆبوونەوەی ئەنجوومەنی سەركردایەتیی یەكێتی؛ بافڵ تاڵەبانی بە سەرۆك هەڵبژێردرا
پەرەگراف
ئەنجوومەنی سەركردایەتیی یەكێتی بەپێی پەیڕەوی نوێى ناوخۆی حیزبەكە، سیستەمی هاوسەرۆكایەتیی هەڵوەشاندەوە و بافڵ تاڵەبانیی بە سەرۆك هەڵبژارد.
بەپێی ڕاگەیەندراوی ئەنجوومەنی سەركردایەتیی یەكێتی، لە كۆبوونەوەی ئەمڕۆی ئەنجوومەنەكەدا بافڵ تاڵەبانی خۆی بۆ سەرۆكایەتیی یەكێتی كاندید كردووە و ئەنجوومەنەكەیش دەنگیان پێ داوە.
ڕاگەیەندراوی ئەنجوومەنی سەركردایەتیی یەكێتی، هەڵبژاردنەوەی بافڵ تاڵەبانیی بە سەرۆك دوای ئەوەی كە پێشتر بە سەرۆك دیاری كرابوو، بە "نەریتی حیزبایەتی و تەئكیدكردنەوەی ئاسایی" ناو بردووە.
لە كۆبوونەوەكەدا گفتوگۆ دەربارەی دۆخی هەرێم و عێراق كراوە و ڕاگەیەندراوەكە دەڵێت "ئەنجوومەنی سەركردایەتی لە گفتوگۆكانیاندا دەستخۆشییان لە سەرۆك بافڵ و تیمی یاوەری لە بەغدا كرد كە سیاسەتەكانی ماوەی ڕابردوو پێگەی یەكێتیی وەك زەمانی سیاسەتی حەكیمانەی سەرۆك مام جەلال بوژاندووەتەوە و سەنگی سیاسەتی كوردستانی لە عێراق و ناوچەكە بەرزكردووەتەوە".
نوێ دەكرێتەوە...