پەرەگراف
فیدراسیۆنی ڕێكخراوەكانی كۆمەڵی مەدەنی "ئیدانەی توند"ی درێژكردنەوەی تەمەنی خولی پێنجەمی پەرلەمانی كوردستان دەكەن و بە "پێشێلكردنی سەروەریی یاسا، لەباربردنی شەرعیەتی دامەزراوەكان و پاشەكشەی دیموكراسی" لە هەرێمی كوردستان ناوی دەبەن.
ئەو ڕێكخراوانە لە یاداشتێكدا كە ئاراستەی لە یاداشتنامەیەكدا كە ئاراستەی نوێنەرایەتی نەتەوە یەكگرتووەكان، ڕێكخراوە بیانی و نێودەوڵەتییەكان، كونسوڵخانەكان، حكوومەت و پەرلەمانی عێراق و سەرۆكایەتییەكانی هەرێمیان كردووە، دەڵێن "لێكەوتە خراپەكانی دەخەینە ئەستۆی هەر سێ هێزی (پارتی و یەكێتی و گۆڕان) و هەموو ئەو ئەندامانەی پەرلەمان كە ئیمزایان لەسەر پێشنیازەیاسای درێژكردنەوەی تەمەنی خولی پێنجەمی پەرلەمانی كوردستان كردووە".
فیدراسیۆنی ڕێكخراوەكانی كۆمەڵی مەدەنی ئاماژە بەوە دەكەن "ئەگەر گەل سەرچاوەی دەسەڵاتەكان بێت و هەڵبژاردن شەرعیەت بداتە دامەزراوەكان، كەواتە بە درێژكردنەوەی خۆبەخۆی تەمەنی پەرلەمان، هیچكام لە دامەزراوەكانی پەرلەمانی كوردستان و كابینەی نۆیەمی حكومەتی هەرێمی كوردستان و سەرۆكایەتیی هەرێمی كوردستان شەرعیەتی دیموكراسی و هەڵبژاردنیان نامێنێت".
هەروەها لە یاداشتەكەدا هاتووە "حزبە پێكهێنەرەكانی كابینەی نۆیەم بەم هەنگاوە ناشەرعییەیان دەریانخست كە تەنها بە شوێن ئەوەوەن لە هەرەمی دەسەڵاتدا بمێننەوە و چەندێك بۆیان بكرێت هەڵبژاردنە گشتییەكان لە بنچینەدا نەهێڵن، ئەگەر ئەوەشیان بۆ نەچووە سەر، بتوانن هەڵبژاردنێكی شكڵی و ڕواڵەتئامێزی پڕ لە تەزویر و ساختە ئەنجام بدەن كە بردنەوەی خۆیانی تێدا مسۆگەر بێت".