پەرەگراف- ھەردی عوسمان
دوای شەش ڕۆژ مانەوەیان لە زیندانی ئاسایشی سلێمانی، دوو ڕۆژنامەنووسەکەی ماڵپەڕی بوار نیوز ئێوارەی ئەمڕۆ بە کەفالەت ئازاد کران.
سەرتیپ وەیسی و ئیبراهیم سەعید رۆژنامەنووسانی ماڵپەری بوار نیوز، ١٠ی ئەم مانگە لەکاتی گەڕانەوەیاندا لە سلێمانییەوە بۆ هەولێر لەنزیک کۆیە لەلایەن هێزێکی دژەتیرۆری یەکێتییەوە دەستگیر کران و ڕادەستی ئاسایشی سلێمانی کران.
ئازادکردنیان دوای دەستتێوەردانی بافڵ تاڵەبانی سەرۆکی یەکێتی ھات، ئەوەش دوای ئەوەی لەماوەی چەند ڕۆژی دەستبەسەرکردنی ئەودوو ڕۆژنامەنووسەدا یەکێتی ڕوبەڕوی ڕەخنەی تووندی ڕۆژنامەنووس و چالاکان بوەوە.
ئیبراھیم عەلی دوای ئازادکردنیان قسەی بۆ ڕۆژنامەنووسان کردو سوپاسی ئەوانەی کرد کە بەرگرییان لە دۆسیەکانیان کردوەو ھەوڵیانداوە بۆ ئازادکردنیان.