پەرەگراف
د. سامان بەرزنجی وەزیری تەندروستی ھەرێم ڕایگەیاند: هەرێمی کوردستان لەبەردەم مەترسیەکی گەورە و کارەساتی مرۆیی دایە.
ئەو پەیامەی سامان بەرزنجی دوای ئەوەدێت، ئەمڕۆ وەزارەتی تەندروستی ھەرێم ڕایگەیاند: لە بەردەوامی پشکنینەکان و گەڕان بەدوای گومانلێکراوان، چل و یەک تووشبووی ڤایرۆسی کۆرۆنا لە شاری ھەولێر دەستنیشانکران، کە ١٧ ئافرەت و ١٥ پیاو و ٩ منداڵن بە تەمەنی جیاواز.
دوو لەوان لە قەزای سۆران و سێ لە ناحیەی سیدەکان و یەك لە گوندی ھەڵەجەی بچووك وە ئەوانی تر لە ناو شاری ھەولێرن لە گەڕەکەکانی ( کانی گەلی، ئاڵتون سیتی، شێخ احمد، کارێزان، زانکۆ، چنار، مامۆستایان، ١٢١ی گولان، ژیان، زیلان سیتی) کە زۆربەی زۆریان بەرکەوتەی تووشبووەکانی ھەردوو پرسەی ماتەمینی گەرەکی کارێزانی شاری ھەولێرن وە دووی دیکە پێشینەی گەشتیان ھەبووە.
ھاوکات وەزارەتی ناوخۆ ڕایگەیاند، قەدەغەی ھاتووچۆ بەم شێوەیەی ئێستا بەردەوام دەبێت تا ڕاگەیاندنی بەیانێکی نوێ.