لە ڕووداوێكی هاتووچۆدا لە سلێمانی چوار كەس گیانیان لەدەستدا

پەرەگراف

لە رووداوێكی هاتوچۆدا لە نزیك چەمی تانجەرۆی شاری سلێمانی چوار كەس گیانیان لەدەستدا.

سامان نادر بەڕێوەبەری سەنتەری فریاكەوتنی خێرا(١٢٢)ی سلێمانی، رایگەیاند، لە ئەنجامل پێكدادانی بارهەڵگرێك و ئۆتۆمبێلێكی جۆری پیكاب لە نزیك چەمی تانجەرۆ، چوار سەرنشینی ناو پیكابەكە گیانیان لەدەستدا.

ڤیدیۆی ڕووداوەکەی ئەمڕۆی تانجەرۆ

بەپێی ئامارەکانی هاتووچۆی هەرێم، ساڵی ڕابردوو، سێ هەزار و 706 روداوى هاتوچۆ رویانداوە کە تێیاندا 445 کەس گیانیان لەدەستداوە و 7 هەزار و 225 کەسیش برینداربون.

ھەربەپێی ئامارەکان، لە ٢٠٢٢دا ٤٩٩ هەزارو ٣٩٤ سەرپێچی و یەک ملیۆن و ٨٢٥ هەزارو ٩٧٥ سەرپێچیی کامێراکانی هاتووچۆ تۆمارکراون.

بەهۆی ئەو سەرپێچییانەشەوە، 15 هەزارو 111 شۆفێر دراونەتە دادگاو 14 هەزار و 614 ئۆتۆمبێل و هەزارو ٣٠٥ ماتۆڕ دەستیان بەسەرداگیراوە.

دواین ژمارەى ئۆتۆمبێلى تۆمارکراویش گەیشتووەتە ٢ ملیۆن و 41 هەزار و 147 ئۆتۆمبێل، هەروەها 18 هەزار و 819 ماتۆڕسکیلى تۆمارکراو لە هەرێمی کوردستان هەن.