پەرەگراف
لیژنەی باڵای ڕوبەڕوبوونەوەی كۆرۆنا لە هەرێم، لەبارەی كردنەوەی مزگەوتەكان بڕیاریدا لەم كاتەدا نەكرێنەوەو بۆ ئەوەش سێ هۆكاری خستووەتە ڕوو، داوا دەكات ئارام بگرن تا 10-5.
راگەێندراوێك لە لێژنەی باڵای بەرەنگاری كۆرۆنا
دەربارەی داواكاری كردنەوەی مزگەوتەكان
مامۆستایانی ئایینی بەڕێز ھاوڵاتیانی ئازیز
دوای داواكاری ئێوەی بەڕێز دەربارەی كردنەوەی دەرگای مزگەوتەكان لەمانگی رەمەزانی پیرۆز و دوای تاوتوێ كردنی ئەم بابەتە لەنێوان لێژنەی باڵای كۆرۆنا و بەڕێزان وەزیری ناوخۆ و وەزیری تەندروستی وەزیری و ئەوقاف وكاروباری ئایینی وپارێزگارەكان، بەباش نەزانرا دەرگای مزگەوتەكان لەم كاتەدا بكرێتەوە، لەبەر ئەم سێ ھۆكارانەی خوارەوە:
یەكەم: چەند حالەتێكی نوێ ی ڤایرۆسی كۆرۆنا لەشارەكانی ھەرێم تۆمار كراوە، بۆیە نامانەوێ ئۆباڵی زیاترو زۆرتر تەشەنەكردنی پەتاكە بكەوێتە ئەستۆی مامۆستایانی ئایینی و مزگەوتەكان
دووەم: بۆ دروست نەبوونی جیاوازی پاراستنی كۆدەنگی دەرنەچوون لە ئیجماع رای زانایانی ئایینی بەڕێزو ئەنجومەنی باڵای فەتوا بریارەكە سەرجەم مزگەوتەكانی ھەرێمی كوردستان دەگرێتەوە
سێیەم: ئەمە بابەتێكی تەندروستیە نابێت كەس پێ ی وابێ بەسیاسی كراوە، بەپێچەوانەوە خۆجیاكردنەوەو دەرچوون لە بریاری لێژنەی باڵا و دەستە جەمعی ھەرێمی كوردستان دەبێتە جیاوازی و جیاكاری سیاسی و كۆمەڵایەتی.
بۆیە داواكارین ئارام بگرن تاكو ( ١٠⁄ ٥ ) نوێژو عیبادەت و خواپەرستی لە ماڵەكانمان بەرێوەببەین.
لێژنەی باڵای رووبەرو بوونەوەی ڤایرۆسی كۆرۆنا
٣٠⁄٤⁄٢٠٢٠