پەرەگراف
پڕۆسەی دەنگدانی بۆ هەڵبژاردنی سەرۆکایەتی و پەرلەمان لە تورکیا بەردەوامەو هاوسەرۆکی گشتیی پارتی دیموکراتی گەلان (هەدەپە) ڕایگەیاند، دەنگی بۆ گۆڕینی دەسەڵاتی ئێستای تورکیا دا، داوا لە سەرجەم دەنگدەرانی ئەو وڵاتە دەکات دەنگ بدەن و گۆڕانکاری دروست بکەن.
دەنگدان بۆ هەڵبژاردنی سەرکۆمار و 28هەمین خولی پەرلەمان تا کاتژمێر 5ی ئێوارە بەردەوام دەبێت.
لە هەڵبژاردنی پەرلەماندا 24 پارت و 151 کاندیدی سەربەخۆ لەسەرانسەری تورکیادا بەشدارن، سێ کاندیدیش بۆ هەڵبژاردنی سەرۆکایەتی ئەو وڵاتە کێبڕکێ دەکەن و ڕکابەریی بەهێز لە نێوان ڕەجەب تەیب ئەردۆغان و کەمال کڵیچدارئۆغڵۆدایە.
هەدەپە کە دۆسیەی داخستنی لە دادگای دەستووریی تورکیا درێژەی هەیە لە لیستی "پارتی سەوزی چەپ"دا بەشدارە بەشدارە لە هەڵبژاردنی پەرلەمان و بۆ سەرۆکایەتیش دەنگ بە کڵیچدار ئۆغڵۆ دەدات.