بۆ دەربازبوون لە هاوینی ئەمساڵ؛ بودجەی تەنگەتاوى لە هەولێر تەرخانکرا بە بڕی شەش ملیار دینار
پەرەگراف- هەولێر
بودجەی تەنگەتاوى بۆ دەربازبوون لە سێ مانگى هاوینی ئەمساڵ لە هەولێر تەرخانکرا و بڕەکەی شەش ملیار دینارە، پێشتریش ١٤ملیاری دیکە بۆ چارەسەری گرفتەکانی کەمئاوی لەو پارێزگایە تەرخان کرا.
ساڵانە لە هاویندا کێشەی گەورە بەرۆکی ھەولێر دەگرێت بۆ دابینکردنی ئاوی ماڵان، بۆ دەربازبوون لە گرفتەکانی ئاو و وشکەساڵیی بودجەی تایبەت تەرخان دەکرێت و حکومەت نەیتوانیوە چارەسەری ڕیشەیی بکات.
ڕاگەیاندنی پارێزگای ھەولێر بڵاویکردەوە، لەسەر فەرمانى سەرۆکى حکومەت و لە چوارچێوەى چارەسەرکردنى کێشەکانى وشکەساڵى وگرفتى کەم ئاوی لە سنوورى پارێزگاى هەولێر، ڕەزامەندى درا بە تەرخانکردن و خەرجکردنى گوژمەى 20 ملیار دینار بۆ چارەسەرکردنی گرفتی کەمئاوی.
"تەرخانکردن و خەرجکردنى بڕى (6 ملیار دینار) وەک بودجەى تەنگەتاوى بۆ دەربازبوون لە سێ مانگى هاوینى ئەمساڵ بۆ مانگەکانى (7،8، 9) و بۆ هەر مانگێک (2 ملیار دینار)" پارێزگای ھەولێر وادەڵێت.
پێشتریش سەرۆکى حکومەتى هەرێم، ڕەزامەندى دابوو لە سەر تەرخانکردن و خەرجکردنى بڕى 14 ملیار دینار بۆ سەرجەم ئەوپڕۆژ و کارانەى کە لە چوارچێوەى بەرنامە و پلانى پارێزگاى هەولێر لە پێناو چارەسەرکردنى کێشەکانى وشکەساڵى و گرفتى کەمئاوى لەبه‌شێك له گه‌ڕه‌كه‌كانی شارى هه‌ولێر و قەزا و ناحییە و گوند و ناوچەکانى ترى سنوورى پارێزگاى هەولێر پێشکەش بە ئەنجومەنى وەزیرانکرابوون.
ھاوکات پارێزگای ھەولێر لە ئاگاداریه‌کدا داوا دەکات؛ هەر هاوڵاتییەک لە سنووری هەر شەش بەڕێوەبەرایەتى شارەوانییەکەى هەولێر گرفتو کێشەى کەمى ئاوی هەبێت، بۆ چارەسەرکردنى دەتوانێت ڕۆژانە لە کاتژمێر ( 8 )ى بەیانی تاکو کاتژمێر ( 10 )ى شەو پەیوەندی بەوژمارە تەلەفۆنانەوە بکات:-
سنوورى شارەوانى یەک
07515250001
07515260001
سنووری شارەوانی دوو
07515250002
07515260002
سنووری شارەوانی سێ
07515250003
07515260003
سنووری شارەوانی چوار
07515250004
07515260004
سنووری شارەوانی پێنج
07515250005
07515260005
سنوورى شارەوانی شەش
07515250006
07515260006