پەرەگراف
پێنج كەس لە ڕووداوێكی هاتووچۆدا لە سنووری پارێزگای دهۆك گیانیان لەدەست دا.
ئازاد تەها، وتەبێژی پۆلیسی هاتووچۆی دهۆك، ڕایگەیاند "كاتژمێر 10:45 خولەكی بەیانیی ئەمڕۆ لەسەر ڕێگای سەرەكیی قەزای بەردەڕەش - ناحیەی كەڵەك و لە نزیك گوندی قادسی مەزن، ڕووداوێكی هاتووچۆ لە جۆری پێكدادان لەنێوان ئۆتۆمبێلێكی ئۆپترا و تانكەرێكدا ڕووی دا".
وتەبێژی پۆلیسی هاتووچۆی دهۆك دەڵێت "بەهۆی ڕووداوەكەوە پێنج كەس گیانیان لەدەست داوە كە سێ ئافرەت، پیاوێك و منداڵێكن".