دادگای فیدڕاڵی: دەبێت مووچەی مانگی سێی فەرمانبەرانی هەرێم لە ڕێگەی بانكە فیدراڵییەكانەوە بدرێت
پەرەگراف
دادگای باڵای فیدڕاڵیی عێراق ڕایگەیاند، وەزارەتی دارایی عێراق تەواوی ڕێكارەكانی بڕیاری دادگای تایبەت بە مووچەی فەرمانبەرانی هەرێمی كوردستانی جێبەجێ كردووە. دادگاكە جەخت لە بڕیارەكەی خۆی دەكاتەوە كە دەبێت مووچەی مانگی سێی فەرمانبەرانی هەرێم لە ڕێگەی كارتی بانكی لە بانكە فیدراڵییەكانەوە بدرێت.
دادگای باڵای فیدراڵی لە ڕاگەیەندراوێكدا پشتڕاستی دەكاتەوە كە شایستە داراییەكانی فەرمانگەكانی هەرێمی كوردستان بۆ مانگی شوبات لەلایەن وەزارەتی دارایی عێراقەوە نێردراوە، كە بریتییە لە شایستە داراییەكانی كەمئەندامان، مووچەی خانەنشینانی مەدەنی و سەربازی، شایستەی دارایی تایبەت بە كاروباری شەهیدان و ئەنفالكراوان، گرێبەستەكان.
دادگای فیدڕاڵی جەخت لە بڕیارەكەی خۆی و نووسراوەكەی وەزارەتی دارایی عێراقیش دەكاتەوە كە "دەبێت مووچەی مانگی ئازار (سێ) بە شێوەی ئەلیكترۆنی و لە ڕێگەی بانكە فیدراڵییەكانەوە بدرێت".
نوێ دەكرێتەوە...