پەرەگراف
هێزە ئەمنییەكان لە سلێمانی ڕێگری لە خۆپیشاندانی مامۆستایان و ڕۆیشتنیان بۆ دەباشان دەكەن، ژمارەیەك لە ڕێكخەرانی خۆپیشاندانەكەیش دەستگیر كراون.
ژمارەیەكی زۆر لە مامۆستایانی ناڕازیی شار و شارۆچكە جیاوازەكانی هەرێم لەبەردەم پاركی مەلیك مەحموود لە سلێمانی گردبوونەتەوە و دەیانەوێت بە ڕێپێوان بەرەو دەباشان بەڕێ بكەون، شەقامەكەیان بە ئاراستەی دەباشان داخستووە، بەڵام لەلایەن هێزێكی گەورەی ئەمنییەوە گەمارۆ دراون و ڕێگرییان لێ دەكرێت بەرەو دەباشان بڕۆن.
هەر ئەمڕۆ لە سلێمانی ژمارەیەك لە ڕێكخەرانی خۆپیشاندانی مامۆستایان دەستگیر كراون و چەند مامۆستایەكیش كە ویستوویانە بۆ خۆپیشاندانەكان بێنە سلێمانی، لە كەلار دەستگیر كراون.
هەروەها لەلایەن هێزە ئەمنییەكانەوە ڕێگری لە كەناڵەكانی ڕاگەیاندن دەكرێت ڕووماڵی گردبوونەوەی مامۆستایان بكەن و تا ئێستا دەستیان بەسەر كەلوپەلی ڕۆژنامەوانی بەشێك لە میدیاكاندا گرتووە كە ویستوویانە ڕووماڵ بكەن.