سوودانی و نێچیرڤان بارزانی: حكوومهتی فیدراڵ پابەندە بە پیرهوهچوونی داواكاریی هاووڵاتیان به ههرێمی كوردستانیشهوه
پەرەگراف
محەمەد شیاع سوودنی و نێچیرڤان بارزانی لە بەغداد کۆبوونەوەو هەردوولا جهختیان له پابهندیی حكوومهتی فیدراڵ کردهوه بۆ پێشكهشكردنی خزمهتگوزاری و بهپیرهوهچوونی داواكاریی هاووڵاتیان له ههموو عێراق به ههرێمی كوردستانیشهوه، "ههروهها هاوڕا بوون لهسهر پێویستیی پشتگیریی دامهزراوه فیدراڵییهکان و دامهزراوهكانی ههرێمی كوردست".
ڕاگەیەندراوی سەرۆکایەتی هەرێم لەبارەی کۆبوونەوەکە
سهرۆك نێچیرڤان بارزانی و سهرۆك وهزیران ئهلسوودانی كۆبوونهوه
ئێوارهی ئهمڕۆ شهممه 6/4/2024، بهڕێز نێچیرڤان بارزانی سهرۆكی ههرێمی كوردستان، له بهغدا لهگهڵ بهڕێز محهمهد شیاع ئهلسوودانی، سهرۆك وهزیرانی عێراقی فیدراڵ كۆبووهوه.
له كۆبوونهوهكهدا تێڕوانینی هاوبهش بۆ تهواوی پرس و بابهته نیشتمانییهكان و جێبهجێكردنی كارنامهی حكوومهتی فیدراڵیی عێراق له ههموو بوارهكاندا خرایه بهر باس.
لهمبارهیهوه ههردوولا جهختیان له پابهندیی حكوومهتی فیدراڵ کردهوه بۆ پێشكهشكردنی خزمهتگوزاری و بهپیرهوهچوونی داواكاریی هاووڵاتیان له ههموو عێراق به ههرێمی كوردستانیشهوه، ههروهها هاوڕا بوون لهسهر پێویستیی پشتگیریی دامهزراوه فیدراڵییهکان و دامهزراوهكانی ههرێمی كوردستان.
له كۆبوونهوهكهدا داکۆکی له گرنگیی پشتگیریی تهواوی هێز و لایهنه سیاسییهكانی عێراق له ههنگاوهكانی چاكسازیی حكوومهتی فیدراڵ كرایهوه بهمهبهستی بهرهوپێشبردنی گهشهپێدانی تهواو له وڵات و تێپهڕاندنی كێشه و بهربهستهکانی بهردهمی له بواری كارگیڕی و جێبهجێكاریدا.