پەرەگراف
كۆمپانیای هواوی لەپێناو "برەودان بە جیهانی زیرەك و بە ئامانجی كردنەوەی دەروازەیەك بۆ هەماهەنگیی بەدیجیتاڵیكردن"، كۆڕبەندی هەفتەی دیجیتاڵیی لەژێر ناونیشانی (برەودان بە جیهانی دیجیتاڵی) لە سلێمانی كۆتایی پێ هێنا، بڕیاریشە لە داهاتوویەكی نزیكدا هەمان كۆڕبەند لە شارەكانی هەولێر و بەغداد ساز بدات.
كۆڕبەندەكە لە ڕێكەوتی ٢٨-٣٠ نیسانی ٢٠٢٤ لە هۆتێل گراند میلینیۆم لە شاری سلێمانی بەڕێوە چوو. بەپێی ڕاگەیەندراوی كۆمپانیای هواوی، لە كۆڕبەندەكەدا میوانداریی زیاتر لە ٣٠٠ لایەنی سەرەكی لە كاربەدەستەكان، هاوبەشە پیشەسازییەكان و ڕێبەرانی بیروڕاكان كراوە، بۆ گفتوگۆكردن لەسەر "داهاتوویەكی باشتر لەگەڵ سەركەوتنی بەردەوامی بازرگانیICT ".
لە هۆڵی كۆڕبەندەكەدا ٣ شوێنی پێشانگا و ٢ كۆشكی تایبەت و بە تێكڕا ٢٧ شاشەی هەبوون، بە جۆرێك دیزاین كرابوون وەكوو بەستنەوەی زیرەكی لەگەڵ گەشەی نوێ. هواوی دەڵێت، ئامانجی گەشەپێدانی گۆڕانكاریی دیجیتاڵییە لە پیشەسازییەكاندا.
هەروەها كۆمپانیاكە ئاماژەی بەوە كردووە كە بەشێكی نوێی گۆڕانكاریی زیرەك بەڕێوەیە و كۆمپانیای هواوی لە پێشەوەی ئەم سەردەمە نوێیە هاوكاریی لەگەڵ كڕیار و هاوبەشە جیهانییەكان دەكات بۆ تێكەڵكردنی ICT بۆ بەهێزكردنی بەكارهێنانە نوێیەكان.
"بە تیشك خستنە سەر هەردوو پێداویستیی بازرگانی ئێستا و داهاتوو، كۆمپانیای هواوی دیزاینێكی گونجاو و ئاستێكی بەرز پەرە پێ دەدات، پێشینەی دروستكردنی بەهاكان و ڕێنماییكردنی كڕیارەكان لە ڕێگەی گۆڕانكارییە دیجیتاڵ و زیرەكییەكانیانەوە"، كۆمپانیای هواوی وا دەڵێت.
كۆمپانیاكە كە زیاتر لە ٢٠ ساڵ ئەزموونی كاركردن و بەشداریكردنی لە عێراقدا هەیە، جەخت دەكاتەوە كە پابەندە بەوەی بەردەوام بێت لە كاركردن لەگەڵ كاربەدەستان و بەڕێوەبەرانی عێراقی و هاوبەشیی پیشەسازی بۆ بەهەندوەرگرتنی ئاستەنگ و دەرفەتەكان، هەروەها ڕابەرایەتیكردنی جیهانی زیرەكی داهاتوو.
"هواوی بە گەرمی بەخێرهاتنی سەرجەم شارەزا و پسپۆڕ و هاوكاران دەكات، پێكەوە بۆ وەڵامدانەوەی تەكنەلۆژیای زیرەك بەرەو كوێ؟!، ئەو دەرفەتانەی پێشكەش كراون، هەروەها چۆن دەتوانین بە شێوەیەكی كاریگەر تەكنەلۆژیای زیرەك لەگەڵ سیناریۆكانی پیشەسازیی تەكنەلۆژی بگونجێنین"، كۆمپانیای هواوی لە كۆتایی ڕاگەیەندراوەكەیدا وا دەڵێت