پەرەگراف
بەیانیى ئەمڕۆ تەقینەوەیەک لە گەڕەکى موسەڵڵاى کەرکووک ڕووى دا و بەهۆیەوە چوار کەس بریندار بوون کە برینى یەکێکیان سەختە.
تەقینەوەکە لەبەردەم نووسینگەیەکى ئاڵوگۆڕى دراو لە بازاڕى گەڕەکەکە ڕووى داوە. شایەتحاڵێک دەڵێت "تەقینەوەکە بۆمبى چێندراو بووە و لەکاتى کردنەوەى دوکانەکەدا تەقیوەتەوە".
ئەو شایەتحاڵە وتیشى "ئێمە ڕاستەوخۆ دواى تەقینەوکە گەیشتینە شوێنەکە، بینیمان خاوەنى دوکانەکە قاچێکى لەدەست دابوو و برینەکەى سەخت بوو، چەند کەسێکى دیکەش بریندار بوون و ڕەوانەى نەخۆشخانە کران".
هێشتا هێزە ئەمنییەکان ڕوونکردنەوەیان لەبارەى ڕووداوەکەوە نەداوە و لێکۆڵینەوە بەردەوامە.