پەرەگراف
وەزارەتی دارایی عێراق بڕی 412 ملیار دیناری دیكەی بۆ مووچە ڕەوانەی هەرێمی كوردستان كرد كە تەواوكاریی مووچەی مانگی نۆیە. دەبێت بەمزووانە دەست بە دابەشكردنی مووچەی مانگی نۆ بكرێت.
جگە لەم 412 ملیار دینارەی ئەمڕۆ كە بۆ مووچەی هێزە ئەمنییەكان نێردراوە، وەزارەتی دارایی عێراق ڕۆژی چوارشەممەی ڕابردوو بڕی 598 ملیار دیناری دیكەی بۆ مووچەی مانگی ئەیلوولی فەرمانبەران و خانەنشینانی شارستانی و فەرمانبەرانی گرێبەست ڕەوانەی هەرێم كرد.
وەزارەتی دارایی عێراق تەواوی مووچەی مانگی نۆی ڕەوانەی هەرێمی كوردستان كردووە و دەبێت لە نزیكترین كاتدا وەزارەتی دارایی هەرێم مووچە دابەش بكات.
بەپێی دوایین ڕێككەوتنی نێوان حكومەتی هەرێم و حكومەتی عێراق، وەزارەتی دارایی عێراق تا كۆتایی ئەمساڵ مووچەی مووچەخۆرانی هەرێم خەرج دەكات، بەو مەرجەی حكومەتی هەرێم لەو ماوەیەدا ئەو تێبینییانە چارەسەر بكات كە حكومەتی فیدراڵ لەسەر لیستی مووچە هەیەتی.