وەزیری سامانە سروشتییەكان: بەمنزیكانە كێشەكانی بەردەم هەناردەكردنەوەی نەوت ڕوو لە چارەسەركردن دەكات
پەرەگراف
كەمال محەمەد ساڵح، وەزیری سامانە سروشتییەكان بە وەكالەت، لەبارەی "چارەسەركردنی كێشە و ئاستەنگەكانی بەردەم هەناردەكردنەوەی نەوتی هەرێم"ـەوە ڕایگەیاند "بەمنزیكانە ڕوو لە چارەسەركردن دەكات".
وەزیری سامانە سروشتییەكان ئەم قسەیەی لە دیدارێكدا لەگەڵ كونسوڵی چین كردووە، كە تێیدا تاوتوێی "نزیكبوونەوەی گەیشتن بە چارەسەری دۆسێی نەوتی نێوان عێراق و هەرێمی كوردستان" كراوە و كونسوڵی چین هەنگاوەكانی بەرز نرخاندووە و ئامادەیی وڵاتەكەشی بۆ "پاڵپشتیكردنی ئەم هەنگاوانە" نیشان داوە.
ئەمە لە كاتێكدایە دوو مانگی تەواو بەسەر لێكتێگەیشتنی نێوان حكومەتی هەرێمی كوردستان و حكومەتی عێراق تێپەڕ دەبێت، كە تێیدا هەردوو لا لەسەر ڕێگەچارەی كێشەكان بەتایبەتیش هەناردەكردنەوەی نەوت ڕێككەوتوون، كەچی تا ئێستا لەسەر وردەكاریی جێبەجێكردنی ئەو لێكتێگەیشتنە، نەگەیشتوونەتە ئەنجام و نەوت هەناردە نەكراوەتەوە.
نوێ دەكرێتەوە...