بنەمای پەرەگراف متمانەیە

بەدەل بەرواری؛ مامۆستایەكی "بەهەڵوێست" لەودیو شیشەكانی زیندانەوە

بەدەل بەرواری؛ مامۆستایەكی "بەهەڵوێست" لەودیو شیشەكانی زیندانەوە
بەدەل بەرواری

پەرەگراف

دوو مانگی ڕەبەقە لەودیو شیشەكانی زیندانەوە چاوەڕێی ئازادییە؛ بەڵام نە فشاری ئەمنی و سیاسی نە خەمی منداڵەكانی لە هەڵوێستەكانی ساردی ناكەنەوە؛ هێشتا ئەو هاوار بۆ مافی مافخوراوان دەكات.

بەدەل بەرواری؛ ئەو مامۆستایەی خەریكە ژمارەی پێوانەیی لە زیندانی هێزە ئەمنییەكانی پارێزگای دهۆكدا دەشكێنێت لەناو ئەوانەی كە تەنیا بەهۆی خۆپیشاندان بۆ داوای مووچەو چەند تۆمەتێكی نەسەلمێنراو، دەستگیركراون.

"تاكە داواكاریی ئەوەبوو لەڕێی ڕێكخراوەكان و كونسوڵخانەكانەوە هەوڵی ئازادكردنی بدەین، نەك دەسەڵاتداران، چونكە وتی بە ناهەق دەستگیركراوەو هەر ئازاد دەبێت" ئاری كوڕی بەدەل بەرواری، لەسەر دواین دیداری خۆی و باوكی وای وت.

بەرواری لە 19ی ئابی 2020، لە چوارچێوەی هەڵمەتێكی دەستگیركردنی ڕۆژنامەنو‌وس و چالاكوانانی بادیناندا ڕاپێچی زیندان كرا و لەو كاتەوە، دەستبەسەرە و دیارنیە كەی ئازاد دەكرێت.

ئەو خۆپیشاندانەی بەهۆیەوە دەیان كەس كەوتنە زیندان؛ لە زاخۆوە سەریهەڵدا و هەرزوو گۆڕا بۆ بارگرژی و بەهۆی تەقەكردن و پێكداهەڵپژانەوە، چەندین كەس لە مەدەنی و پۆلیس برینداربون، ئەوەش هاوكات بوو لەگەڵ خراپیی گوزەرانی خەڵك و كێشە داراییەكانی حكومەتی هەرێمی كوردستان، لە نێویاندا دواكەوتن و لێبڕینی مووچە.

"باوكم ئەمە پێنجەمین جارە دەستگیربكرێت، بێ بڕیاری دادگا، وائێستا 60 ڕۆژە لە زینداندایە بەهۆی داوای مووچەی خەڵكەوە" ئاری بۆ پەرەگراف وای وت.

بەدەل بەرواری لەو پێنج جارەی خراوەتە زیندان؛ لە هەر یەكێكیاندا 22 ڕۆژ، 16 ڕۆژ، دوو جاری سێ ڕۆژی و ئێستا زۆرترین ماوەیە بە دەستبەسەركراوی ماوەتەوە.

پاساوی هەموو ئەو كاتەی خراوەتە زیندان خۆپیشاندان و ناڕەزایی بووە.

ئاری، كە دوای 30 ڕۆژ لە دەستگیركردنی باوكی‌و بێنەوبەردەیەكی زۆر توانیویەتی بۆ تەنیا چەند خولەكێك بیبینێت، وتی "تا ڕادەیەك ڕەوشی تەندروستی باش بوو.. وتی هەر ڕۆژێك دێت و ئازاد دەبم، خەم لە من مەخۆن".

تائێستا دووجاریش بە تەلەفۆن بەدەل بەرواری توانیویەتی قسە لەگەڵ خێزانەكەیدا بكات.

"ئەوەی جێگەی نیگەرانیمانە لە چاكسازی زركای دهۆك هەموو زیندانییەك ڕۆژانی پێنج شەممە و دووشەممان دەتوانن كەسوكاریان ببینن تەنیا باوكی ئێمە نەبێت" ئاری وادەڵێت.

بەدەل بەرواری باوكی دوو كچ و سێ كوڕە.

"نەبونی باوك كاریگەری زۆری لەسەر ئێمە هەبووە، بە تایبەت لەڕوی داراییەوە، بێ ئەوەی هیچ كەس و لایەنێك هاوكاریمان بكات".

بەدەل عەبدولباقی، ناسراو بە بەدەل بەرواری، ساڵی 1965 لە دهۆك لەدایكبووە و دەرچوی كۆلێژی پەروەردەی بنیات بەشی زمانی كوردییە لە زانكۆی دهۆك، 28 ساڵە مامۆستایە‌و جێگری بەڕێوەبەری خوێندنگەی بەهدینانە لە دهۆك و لێپرسراوی ڕێكخراوی میللییە.

"بەدەل دوو داوای لەسەر بوو، دادگا لە هەردوو دۆسیەكەدا بڕیاری بێتاوانیی دەركرد، بەڵام هەر ئازاد نەكرا" بەوتەی خەتاب عومەر، سەرپەرشتی تیمی پارێزەرانی خۆبەخش لە دهۆك، كە دۆسیەی بەدەل بەرواری وەرگرتووە.

خەتاب بۆ پەرەگراف وتی، دادوەر وتویەتی بەدەل بۆیە ئازاد نەكراوە چونكە داوایەكی ئاسایشی لەسەرە بە تۆمەتی "لە تۆڕە كۆمەڵایەتییەكانەوە هەوڵی تێكدانی شیرازەی كۆمەڵایەتی داوە"، بۆیە بەدەستبەسەركراوی دەمێنێتەوە تا كۆتایی لێكۆڵینەوە.

بەپێی ڕاپۆرتێك كە پێشتر پەرەگراف بڵاویكردەوە، تەنیا لە ماوەی یەك هەفتەدا لە دوای ناوەڕاستی مانگی ئابەوە، لە بادینان نزیكەی 100 كەس دەستگیر كراون.

ئەو بارودۆخەی لە دهۆك گوزەرا، گەنجانی شارەكە بە ڕەشبگیری ناویان برد، چونكە وەك ئەوان دەڵێن؛ بە بێ فەرمانی دادوەر هەڵدەكوتنە سەر خەڵك.

لەدوایین هەنگاوی هێزە ئەمنییەكاندا؛ ئێوارەی 7ی تشرینی یەكەم 2020، ڕۆژنامەنووس و چالاكی مەدنی شێروان شێروانی، لەلایەن هێزێكی ئەمنییەوە لە ماڵەكەی خۆیدا لە هەولێر دەستگیركرا. پێچەوانەی ڕێكارە یاساییەكانیش، تا ئێستا پارێزەرو خێزانەكەی نازانن ناوبراو لەكوێیە و لەسەرچی دەستگیر كراوە.

مەسعود سەرنی، كارگێڕ و وتەبێژی لقی یەكی پارتی دیموكراتی كوردستان لە دهۆك پێشتر بۆ‌ پەرەگراف وتی "لەگەڵ خۆپیشاندانی ڕاستەقینەداین نەك خۆپیشاندانی گێرەشێوێنی، ئەم جۆرەی دوەم پەكەكە و شاسوار عەبدولواحید ئەنجامی دەدەن، ئەوەش جێی قبوڵ نییە و دەستبەسەریان دەكەین، ئەوانەیشی بەناوی چالاكوان و ڕۆژنامەنوسەوە پشتیوانییان بكەن دەستبەسەریان دەكەین و ڕێگە بە نانەوەی ئاژاوە نادەین".

"هەر بڕیارێك لە پارێزگای دهۆكەوە دەدرێت بە هەماهەنگی لق و پارێزگار و پۆلیسە، ئەوانەی دەستبەسەركراون بەهۆی پشتیوانی خۆپیشاندانی گێرەشوێنەوە بووە" وتەبێژی لقی یەكی پارتی وای وت.

دەستەی مافەكانی مرۆڤ لە هەرێم بەدواداچونیان بۆ دۆسیەی دەستگیركراوانی بادینان لە نێویاندا بەدەل بەرواری نەكردووە.

محەمەد گۆمەشینی، وتەبێژی دەستەی مافەكانی مرۆڤ بۆ پەرەگراف وتی "نوسینگەی دهۆكی دەستەكەمان هیچ ڕاپۆرتی لەسەر دۆسیەی بەدەل بەرواری نەناردووە تا قسەی لەسەر بكەین".

پەرەگراف هەوڵیدا پەیوەندی بە نوسینگەی دەستەی مافەكانی مرۆڤ لە دهۆك بكات، بەڵام هەوڵەكان بێ ئاكام بون.

"ئەگەر باوكم هەڵەیەكی كردووە یان تاوانی هەیە دەمانوت دەبێت باجەكەی بدات، بەڵام ئەو هیچ تاوانێكی نییە و تەنیا تاوانی ئەوەیە داوای مافی خۆی و مووچەخۆرانی كردووە" كوڕەكەی بەدەل بەرواری وای وت.

ئاری دەڵێت، هەرجارە و تۆمەتێكی تر دەخەنە پاڵ باوكی، لە نێویاندا حیزبی بوون، لە كاتێكدا تەحەدا دەكات یەك ڕۆژ كاری حیزبی كردبێت.

ئێستا لە بەغداوە هەڵمەتێك بۆ ئازادكردنی ڕۆژنامەنو‌وس و چالاكوانانی دەستگیركراوی بادینان دەستیپێكردووە.

سەركەوت شەمسەدین كە بەهاوبەشی لەگەڵ غالب محەمەد، پەرلەمانتارانی كورد لە بەغدا هەڵمەتەكەیان دەستپێكردووە، وتی "هەڵمەتەكە بۆ پشتیوانیكردنی دەستگیركراوان و ڕفێندراوانی دهۆك، هاوسۆزییەكی زۆری پەرلەمانتارانی لە سەرجەم كوتلەكان جگە لە پارتی، بەدەستهێناوە".

ئەو هەڵمەتە سەرقاڵی ئامادەكردنی پڕۆژەیاسایەكە تا دادگایەكی تایبەت بە پێشێلكاری مافەكانی مرۆڤ لە عێراق و هەرێم، دابمەزرێندرێت.

بەپێی بەدواداچونەكانی پەرەگراف، هێزە ئەمنییەكانی دهۆك، بە ڕێگەی عەشایەری و هەڕەشەی ڕاستەوخۆ و ناڕاستەوخۆ، هەوڵی بێدەنگكردنی چالاكوان و خەڵكانی ناڕازیی دەدەن، بەتایبەت ئەوانەی لە تۆڕە كۆمەڵایەتییەكاندا ڕەخنە دەگرن یان بانگەوازی خۆپیشاندان دەكەن.

دەڤەری بادینان، لە مێژوی حوكمڕانی كوردیدا بەردەوام لە قازانج و هێزی پارتیدا یەكلابۆتەوە، پێش چەندین ساڵ یەكێتی و دواتریش یەكگرتوو، دوو ڕكابەری لاوازی ئەو حیزبە بوون، بەبێ زیادبون و هەڵكشان لە دەنگ‌و سەنگیاندا.

بەدەل بەرواری؛ مامۆستایەكی "بەهەڵوێست" لەودیو شیشەكانی زیندانەوە

2020-10-18 19:37:18

پەرەگراف

دوو مانگی ڕەبەقە لەودیو شیشەكانی زیندانەوە چاوەڕێی ئازادییە؛ بەڵام نە فشاری ئەمنی و سیاسی نە خەمی منداڵەكانی لە هەڵوێستەكانی ساردی ناكەنەوە؛ هێشتا ئەو هاوار بۆ مافی مافخوراوان دەكات.

بەدەل بەرواری؛ ئەو مامۆستایەی خەریكە ژمارەی پێوانەیی لە زیندانی هێزە ئەمنییەكانی پارێزگای دهۆكدا دەشكێنێت لەناو ئەوانەی كە تەنیا بەهۆی خۆپیشاندان بۆ داوای مووچەو چەند تۆمەتێكی نەسەلمێنراو، دەستگیركراون.

"تاكە داواكاریی ئەوەبوو لەڕێی ڕێكخراوەكان و كونسوڵخانەكانەوە هەوڵی ئازادكردنی بدەین، نەك دەسەڵاتداران، چونكە وتی بە ناهەق دەستگیركراوەو هەر ئازاد دەبێت" ئاری كوڕی بەدەل بەرواری، لەسەر دواین دیداری خۆی و باوكی وای وت.

بەرواری لە 19ی ئابی 2020، لە چوارچێوەی هەڵمەتێكی دەستگیركردنی ڕۆژنامەنو‌وس و چالاكوانانی بادیناندا ڕاپێچی زیندان كرا و لەو كاتەوە، دەستبەسەرە و دیارنیە كەی ئازاد دەكرێت.

ئەو خۆپیشاندانەی بەهۆیەوە دەیان كەس كەوتنە زیندان؛ لە زاخۆوە سەریهەڵدا و هەرزوو گۆڕا بۆ بارگرژی و بەهۆی تەقەكردن و پێكداهەڵپژانەوە، چەندین كەس لە مەدەنی و پۆلیس برینداربون، ئەوەش هاوكات بوو لەگەڵ خراپیی گوزەرانی خەڵك و كێشە داراییەكانی حكومەتی هەرێمی كوردستان، لە نێویاندا دواكەوتن و لێبڕینی مووچە.

"باوكم ئەمە پێنجەمین جارە دەستگیربكرێت، بێ بڕیاری دادگا، وائێستا 60 ڕۆژە لە زینداندایە بەهۆی داوای مووچەی خەڵكەوە" ئاری بۆ پەرەگراف وای وت.

بەدەل بەرواری لەو پێنج جارەی خراوەتە زیندان؛ لە هەر یەكێكیاندا 22 ڕۆژ، 16 ڕۆژ، دوو جاری سێ ڕۆژی و ئێستا زۆرترین ماوەیە بە دەستبەسەركراوی ماوەتەوە.

پاساوی هەموو ئەو كاتەی خراوەتە زیندان خۆپیشاندان و ناڕەزایی بووە.

ئاری، كە دوای 30 ڕۆژ لە دەستگیركردنی باوكی‌و بێنەوبەردەیەكی زۆر توانیویەتی بۆ تەنیا چەند خولەكێك بیبینێت، وتی "تا ڕادەیەك ڕەوشی تەندروستی باش بوو.. وتی هەر ڕۆژێك دێت و ئازاد دەبم، خەم لە من مەخۆن".

تائێستا دووجاریش بە تەلەفۆن بەدەل بەرواری توانیویەتی قسە لەگەڵ خێزانەكەیدا بكات.

"ئەوەی جێگەی نیگەرانیمانە لە چاكسازی زركای دهۆك هەموو زیندانییەك ڕۆژانی پێنج شەممە و دووشەممان دەتوانن كەسوكاریان ببینن تەنیا باوكی ئێمە نەبێت" ئاری وادەڵێت.

بەدەل بەرواری باوكی دوو كچ و سێ كوڕە.

"نەبونی باوك كاریگەری زۆری لەسەر ئێمە هەبووە، بە تایبەت لەڕوی داراییەوە، بێ ئەوەی هیچ كەس و لایەنێك هاوكاریمان بكات".

بەدەل عەبدولباقی، ناسراو بە بەدەل بەرواری، ساڵی 1965 لە دهۆك لەدایكبووە و دەرچوی كۆلێژی پەروەردەی بنیات بەشی زمانی كوردییە لە زانكۆی دهۆك، 28 ساڵە مامۆستایە‌و جێگری بەڕێوەبەری خوێندنگەی بەهدینانە لە دهۆك و لێپرسراوی ڕێكخراوی میللییە.

"بەدەل دوو داوای لەسەر بوو، دادگا لە هەردوو دۆسیەكەدا بڕیاری بێتاوانیی دەركرد، بەڵام هەر ئازاد نەكرا" بەوتەی خەتاب عومەر، سەرپەرشتی تیمی پارێزەرانی خۆبەخش لە دهۆك، كە دۆسیەی بەدەل بەرواری وەرگرتووە.

خەتاب بۆ پەرەگراف وتی، دادوەر وتویەتی بەدەل بۆیە ئازاد نەكراوە چونكە داوایەكی ئاسایشی لەسەرە بە تۆمەتی "لە تۆڕە كۆمەڵایەتییەكانەوە هەوڵی تێكدانی شیرازەی كۆمەڵایەتی داوە"، بۆیە بەدەستبەسەركراوی دەمێنێتەوە تا كۆتایی لێكۆڵینەوە.

بەپێی ڕاپۆرتێك كە پێشتر پەرەگراف بڵاویكردەوە، تەنیا لە ماوەی یەك هەفتەدا لە دوای ناوەڕاستی مانگی ئابەوە، لە بادینان نزیكەی 100 كەس دەستگیر كراون.

ئەو بارودۆخەی لە دهۆك گوزەرا، گەنجانی شارەكە بە ڕەشبگیری ناویان برد، چونكە وەك ئەوان دەڵێن؛ بە بێ فەرمانی دادوەر هەڵدەكوتنە سەر خەڵك.

لەدوایین هەنگاوی هێزە ئەمنییەكاندا؛ ئێوارەی 7ی تشرینی یەكەم 2020، ڕۆژنامەنووس و چالاكی مەدنی شێروان شێروانی، لەلایەن هێزێكی ئەمنییەوە لە ماڵەكەی خۆیدا لە هەولێر دەستگیركرا. پێچەوانەی ڕێكارە یاساییەكانیش، تا ئێستا پارێزەرو خێزانەكەی نازانن ناوبراو لەكوێیە و لەسەرچی دەستگیر كراوە.

مەسعود سەرنی، كارگێڕ و وتەبێژی لقی یەكی پارتی دیموكراتی كوردستان لە دهۆك پێشتر بۆ‌ پەرەگراف وتی "لەگەڵ خۆپیشاندانی ڕاستەقینەداین نەك خۆپیشاندانی گێرەشێوێنی، ئەم جۆرەی دوەم پەكەكە و شاسوار عەبدولواحید ئەنجامی دەدەن، ئەوەش جێی قبوڵ نییە و دەستبەسەریان دەكەین، ئەوانەیشی بەناوی چالاكوان و ڕۆژنامەنوسەوە پشتیوانییان بكەن دەستبەسەریان دەكەین و ڕێگە بە نانەوەی ئاژاوە نادەین".

"هەر بڕیارێك لە پارێزگای دهۆكەوە دەدرێت بە هەماهەنگی لق و پارێزگار و پۆلیسە، ئەوانەی دەستبەسەركراون بەهۆی پشتیوانی خۆپیشاندانی گێرەشوێنەوە بووە" وتەبێژی لقی یەكی پارتی وای وت.

دەستەی مافەكانی مرۆڤ لە هەرێم بەدواداچونیان بۆ دۆسیەی دەستگیركراوانی بادینان لە نێویاندا بەدەل بەرواری نەكردووە.

محەمەد گۆمەشینی، وتەبێژی دەستەی مافەكانی مرۆڤ بۆ پەرەگراف وتی "نوسینگەی دهۆكی دەستەكەمان هیچ ڕاپۆرتی لەسەر دۆسیەی بەدەل بەرواری نەناردووە تا قسەی لەسەر بكەین".

پەرەگراف هەوڵیدا پەیوەندی بە نوسینگەی دەستەی مافەكانی مرۆڤ لە دهۆك بكات، بەڵام هەوڵەكان بێ ئاكام بون.

"ئەگەر باوكم هەڵەیەكی كردووە یان تاوانی هەیە دەمانوت دەبێت باجەكەی بدات، بەڵام ئەو هیچ تاوانێكی نییە و تەنیا تاوانی ئەوەیە داوای مافی خۆی و مووچەخۆرانی كردووە" كوڕەكەی بەدەل بەرواری وای وت.

ئاری دەڵێت، هەرجارە و تۆمەتێكی تر دەخەنە پاڵ باوكی، لە نێویاندا حیزبی بوون، لە كاتێكدا تەحەدا دەكات یەك ڕۆژ كاری حیزبی كردبێت.

ئێستا لە بەغداوە هەڵمەتێك بۆ ئازادكردنی ڕۆژنامەنو‌وس و چالاكوانانی دەستگیركراوی بادینان دەستیپێكردووە.

سەركەوت شەمسەدین كە بەهاوبەشی لەگەڵ غالب محەمەد، پەرلەمانتارانی كورد لە بەغدا هەڵمەتەكەیان دەستپێكردووە، وتی "هەڵمەتەكە بۆ پشتیوانیكردنی دەستگیركراوان و ڕفێندراوانی دهۆك، هاوسۆزییەكی زۆری پەرلەمانتارانی لە سەرجەم كوتلەكان جگە لە پارتی، بەدەستهێناوە".

ئەو هەڵمەتە سەرقاڵی ئامادەكردنی پڕۆژەیاسایەكە تا دادگایەكی تایبەت بە پێشێلكاری مافەكانی مرۆڤ لە عێراق و هەرێم، دابمەزرێندرێت.

بەپێی بەدواداچونەكانی پەرەگراف، هێزە ئەمنییەكانی دهۆك، بە ڕێگەی عەشایەری و هەڕەشەی ڕاستەوخۆ و ناڕاستەوخۆ، هەوڵی بێدەنگكردنی چالاكوان و خەڵكانی ناڕازیی دەدەن، بەتایبەت ئەوانەی لە تۆڕە كۆمەڵایەتییەكاندا ڕەخنە دەگرن یان بانگەوازی خۆپیشاندان دەكەن.

دەڤەری بادینان، لە مێژوی حوكمڕانی كوردیدا بەردەوام لە قازانج و هێزی پارتیدا یەكلابۆتەوە، پێش چەندین ساڵ یەكێتی و دواتریش یەكگرتوو، دوو ڕكابەری لاوازی ئەو حیزبە بوون، بەبێ زیادبون و هەڵكشان لە دەنگ‌و سەنگیاندا.