بنەمای پەرەگراف متمانەیە

سەرۆكایەتییەكانی هەرێم خۆیان لە قەرەی توركیا نادەن

سەرۆكایەتییەكانی هەرێم خۆیان لە قەرەی توركیا نادەن


پەرەگراف

سەرۆكایەتییەكانی هەرێمی كوردستان، بە ڕوونی ئیدانەی لەشكركێشی توركیا ناكەن بۆ سەر ڕۆژئاوا و هیچ هەنگاوێكیان وەك هەڵوێستێكی فەرمی دژ بەو وڵاتە نەگرتۆتەبەر، لە زۆرینەی پەیامەكانیشیاندا تەنیا داواكارییە لە وڵاتانی تر تا دەستتێوەردان بكەن بۆ ڕاگرتنی شەڕ.

شەڕی توركیا دژی ڕۆژئاوای كوردستان، هەفتەیەكە بە چڕی بەردەوامیی هەیە و لەوكاتەوە، لە سەر ئاستی وڵاتانی جیهان و عەرەبی، پەیامەكان ڕوو لە توركیان و لەگەڵ ناوهێنانیدا، بە توندی ئیدانەی لەشكركێشییەكەیان كردووە، هەرێمی كوردستان نەبێت.

لە دەستپێكی شەڕەكەوە، تەنیا پەرلەمانی كوردستان بە فەرمی دوێنێ وشەی ئیدانەی دژی شەڕەكە بەكارهێنا، ئەویش بەبێ ناوهێنانی توركیا.

ئەوەش لەكاتێكدایە هەرێمی كوردستان، بازاڕێكی سەرەكی مامەڵەی بازرگانییە بۆ توركیا و سنورێكی بەرفراوان بە یەكترییانەوە دەبەستێت.

پەرلەمانی كوردستان، لە یەكەم پەیامیدا؛ دوای دەستپكردنی ئۆپەراسیۆنەكەی توركیا، تەنیا نیگەرانی نیشاندا و داوایكرد، شەڕەكە ڕابگیرێت و بە ئاشتی چارەسەری كێشەكان بكرێن.

دووەم پەیامی پەرلەمانی كوردستان، 15ی تشرینی یەكەم بڵاوكرایەوە، دوای كۆبونەوەیەكی پەرلەمان بە ئامادەبونی تەواوی فراكسیۆنەكان كە بە چەند ڕاسپاردەیەك كۆتاییهات.

لە یەكێك لە ڕاسپاردەكاندا پەرلەمانی كوردستان وشەی ئیدانەی بەكارهێناوە، بەبێ ناوهێنانی توركیا.

ئەوەش لە كاتێكدایە زۆربەی وڵاتانی جیهان، لە ئەوروپا و ڕۆژهەڵاتی ناوەڕاستیش، زیاد لە جارێك ئیدانەی لەشكركێشی توركیایان كردووە و ئەوەشیان ڕاستەوخۆ گەیاندووەتە نوێنەرانی ئەنقەرە لە وڵاتەكانیاندا.

بەڵام لە هەرێمی كوردستان تائێستا هیچ نیگەرانییەك بە فەرمی لەلایەن دەسەڵاتدارانی هەرێمەوە بە كونسوڵی توركیا نەگەیەندراوە.

جگە لەوەش توركیا چەندین سەنگەر و سەربازگەی لەنێو خاكی هەرێمی كوردستاندا هەیە كە بڕیاری پێشوتری پەرلەمان هەیە بۆ دەركردنیان و جێبەجێنەكراوە.

نێچیرڤان بارزانی، سەرۆكی هەرێمی كوردستان، كە لە سەردەمی سەرۆكوەزیرانی ئەودا هەرێم بە هاوپەیمانی ستراتیژی توركیا ناودەبراو ڕێككەوتننامەی ستراتیژیی وزە لە نێوان هەردوولا واژۆكرا، لە پەیامەكانیدا دەربارەی شەڕی سەر ڕۆژئاوای كوردستان، ئیدانەی لەشكركێشییەكەی نەكردووە، تەنیا بە نیگەرانی باسی لە ئۆپەراسیۆنەكە و مەترسییەكانی شەڕ كردووە بۆ ناوچەكە.

ئەوەش تەواو پێچەوانەی سیاسەتی توركیایە بەرانبەر وڵاتانی دراوسێ، بە تایبەت بۆ هەرێمی كوردستان، كە دوای ڕیفراندۆم سزای خستە سەر هەرێم و چەندینجاریش لەسەر دۆسیەكانی توركمانەكانی عێراق و كەركوك دەستتێوەردانی هەبووە و بە فەرمی و ڕاستەوخۆ قسەی بەرانبەر هەردوو حكومەتی هەولێر و بەغدا كردووە.

ئەنجومەنی وەزیرانی هەرێمی كوردستان، لە دەستپێكی ئۆپەراسیۆنەكەوە دووجار پەیامی بڵاوكردووەتەوە، بەبێ ئەوەی لە هیچ یەكێكیاندا ئیدانەی هێرشی توركیا بكات بۆ سەر ڕۆژئاوا.

لە یەكەمیاندا داوایكردووە توركیا وەك ئەندامێكی هاوپەیمانی نێودەوڵەتی لە شەڕی دژ بە تیرۆر، هیچ هەنگاوێك نەهاوێژێت كە كاریگەری نەرێنی لەو پێشكەوتنە بكات كە لە شەڕی دژی داعش بە دیهاتووە.

پەیامی دوەمیش، لە پەراوێزی كۆبونەوەی هەفتانەی ئەنجومەنەكەدا باس لە بارودۆخی سوریا كراو بەبێ ناوهێنانی توركیا، ئاماژە بە مەترسییەكانی شەڕ دەكات، كە دەرەنجامە نەرێنییەكانی تەنیا لە چوارچێوەی سوریادا نامێنێتەوە.

لاوازیی پەیامە فەرمییەكانی هەرێم لە كاتێكدایە، ئەمڕۆ هەشتەمین ڕۆژی هێرشەكانی توركیایەو دەیان هاوڵاتی مەدەنیی لە نێویاندا ژن و منداڵی كورد شەهیدو بریندار بوون‌و زیاتر لە 300 هەزار كەس ئاوارە بوون.

جگە لە سەرۆكایەتییەكانی هەرێم، زۆرینەی حیزبە كوردییەكانیش خۆیان لە قەرەی توركیا نادەن، تەنیا یەكێتی و گۆڕان وەك حیزب بەیاننامەیان لەسەر ئۆپەراسیۆنەكە هەبووە بە فەرمی.

هەرچی یەكێتییە لە بەیاننامەكەی مەكتەبی سیاسییدا، نیگەرانی لەبارەی ئاڵۆزییەكان نیشانداوە و داوایكردووە لەبری شەڕ، كێشەكان بە ئاشتی و دیالۆگ چارەسەر بكرێن.

بەڵام بزوتنەوەی گۆڕان، سەرەتای بەیاننامەكەی بە "جێبەجێكردنی ئۆپەراسیۆنە سەربازیەكانی توركیا بۆ سەر ڕۆژئاوای كوردستان بە توندی ئیدانە دەكەین" دەستپێكردووە، داواشیكردوە كەمپینی فراوان بكرێت بۆ دەربڕینی ناڕەزایی.

ئەمڕۆش لە كۆبوونەوەی سەرۆكی هەرێم لەگەڵ حیزبەكانی كوردستان، نەك ئیدانەی هێرشەكانی توركیا نەكرا، بەڵكو ناڕەزاییش پیشان نەدراوەو تەنها هەڵوەستە لەسەر ئەوە كراوە سیاسەتێكی واقیعیانە بگیرێتە بەر كە پاراستنی بەرژەوەندییەكانی گەل و خاكی هەرێمی كوردستان تیایدا پارێزراو بێت.

ڕاگەیەندراوی كۆبوونەوەكە دەڵێت "دامەزراوەكانی هەرێم و لایەنە سیاسییەكان هەموو توانا سیاسی و دیپلۆماسییەكانیان بخەنە ‌گەڕ بۆ هەرچی زووتر كۆتاییهاتن بە شەڕ و چارەسەركردنی كێشەكان بە ڕێگاچارەی ئاشتیانە و گفتوگۆ كە زامنی مافەكانی تەواوی پێكهاتەكانی سووریا بێت".

خۆپیشاندان و گردبونەوەی ناڕەزایی، لە شارەكانی هەرێمی كوردستان و زۆربەی وڵاتانی دونیا، ناوبەناو درێژەی هەیە، تا وڵاتانی زلهێزی جیهان ناچاربكرێن دەستتێوەردان بكەن بە قازانجی كورد.

چوار خۆپیشاندەر لە بەغدا كوژران

لە خۆپیشاندانەكانی ئەمڕۆی بەغدا "چوار" خۆپیشاندەر كوژراون. فەرماندەی ئۆپەراسیۆنەكانی بەغدا دەڵێت: 16 ڕۆژە بەكارهێنانی بۆمبی فرمێسكڕێژ ڕاگیراوە.

ئەمریكا سزای بەسەر 22 كۆمپانیا و كەسایەتیی دیكەدا سەپاند

وەزارەتی بازرگانیی ئەمریكا، 22 كۆمپانیا و كەسایەتیی خستە لیستی ڕەشەوە.

نێچیرڤان بارزانی سەبارەت بە سێ‌ بابەت گفتوگۆی لەگەڵ د. بەرهەم ساڵح كردووە

سەرۆكی هەرێمی كوردستان، لەگەڵ سێ‌ سەرۆكایەتییەكەی عێراق كۆبووەوە. 

سێ‌ ماددەی یاسای هەڵبژاردنی ئەنجوومەنی پارێزگاكانی عێراق لە بەرژەوەندیی كورد "هەڵوەشێندرانەوە"

سێ‌ ماددەی یاسای هەڵبژاردنی ئەنجوومەنی پارێزگاكانی عێراق كە لەلایەن كوردەوە تانەیان لەسەر تۆمار كرابوو، بە بڕیاری داداگای باڵای فیدراڵیی عێراق "هەڵوەشێندرانەوە".

سەرۆكایەتییەكانی هەرێم خۆیان لە قەرەی توركیا نادەن

2019-10-16 17:04:54


پەرەگراف

سەرۆكایەتییەكانی هەرێمی كوردستان، بە ڕوونی ئیدانەی لەشكركێشی توركیا ناكەن بۆ سەر ڕۆژئاوا و هیچ هەنگاوێكیان وەك هەڵوێستێكی فەرمی دژ بەو وڵاتە نەگرتۆتەبەر، لە زۆرینەی پەیامەكانیشیاندا تەنیا داواكارییە لە وڵاتانی تر تا دەستتێوەردان بكەن بۆ ڕاگرتنی شەڕ.

شەڕی توركیا دژی ڕۆژئاوای كوردستان، هەفتەیەكە بە چڕی بەردەوامیی هەیە و لەوكاتەوە، لە سەر ئاستی وڵاتانی جیهان و عەرەبی، پەیامەكان ڕوو لە توركیان و لەگەڵ ناوهێنانیدا، بە توندی ئیدانەی لەشكركێشییەكەیان كردووە، هەرێمی كوردستان نەبێت.

لە دەستپێكی شەڕەكەوە، تەنیا پەرلەمانی كوردستان بە فەرمی دوێنێ وشەی ئیدانەی دژی شەڕەكە بەكارهێنا، ئەویش بەبێ ناوهێنانی توركیا.

ئەوەش لەكاتێكدایە هەرێمی كوردستان، بازاڕێكی سەرەكی مامەڵەی بازرگانییە بۆ توركیا و سنورێكی بەرفراوان بە یەكترییانەوە دەبەستێت.

پەرلەمانی كوردستان، لە یەكەم پەیامیدا؛ دوای دەستپكردنی ئۆپەراسیۆنەكەی توركیا، تەنیا نیگەرانی نیشاندا و داوایكرد، شەڕەكە ڕابگیرێت و بە ئاشتی چارەسەری كێشەكان بكرێن.

دووەم پەیامی پەرلەمانی كوردستان، 15ی تشرینی یەكەم بڵاوكرایەوە، دوای كۆبونەوەیەكی پەرلەمان بە ئامادەبونی تەواوی فراكسیۆنەكان كە بە چەند ڕاسپاردەیەك كۆتاییهات.

لە یەكێك لە ڕاسپاردەكاندا پەرلەمانی كوردستان وشەی ئیدانەی بەكارهێناوە، بەبێ ناوهێنانی توركیا.

ئەوەش لە كاتێكدایە زۆربەی وڵاتانی جیهان، لە ئەوروپا و ڕۆژهەڵاتی ناوەڕاستیش، زیاد لە جارێك ئیدانەی لەشكركێشی توركیایان كردووە و ئەوەشیان ڕاستەوخۆ گەیاندووەتە نوێنەرانی ئەنقەرە لە وڵاتەكانیاندا.

بەڵام لە هەرێمی كوردستان تائێستا هیچ نیگەرانییەك بە فەرمی لەلایەن دەسەڵاتدارانی هەرێمەوە بە كونسوڵی توركیا نەگەیەندراوە.

جگە لەوەش توركیا چەندین سەنگەر و سەربازگەی لەنێو خاكی هەرێمی كوردستاندا هەیە كە بڕیاری پێشوتری پەرلەمان هەیە بۆ دەركردنیان و جێبەجێنەكراوە.

نێچیرڤان بارزانی، سەرۆكی هەرێمی كوردستان، كە لە سەردەمی سەرۆكوەزیرانی ئەودا هەرێم بە هاوپەیمانی ستراتیژی توركیا ناودەبراو ڕێككەوتننامەی ستراتیژیی وزە لە نێوان هەردوولا واژۆكرا، لە پەیامەكانیدا دەربارەی شەڕی سەر ڕۆژئاوای كوردستان، ئیدانەی لەشكركێشییەكەی نەكردووە، تەنیا بە نیگەرانی باسی لە ئۆپەراسیۆنەكە و مەترسییەكانی شەڕ كردووە بۆ ناوچەكە.

ئەوەش تەواو پێچەوانەی سیاسەتی توركیایە بەرانبەر وڵاتانی دراوسێ، بە تایبەت بۆ هەرێمی كوردستان، كە دوای ڕیفراندۆم سزای خستە سەر هەرێم و چەندینجاریش لەسەر دۆسیەكانی توركمانەكانی عێراق و كەركوك دەستتێوەردانی هەبووە و بە فەرمی و ڕاستەوخۆ قسەی بەرانبەر هەردوو حكومەتی هەولێر و بەغدا كردووە.

ئەنجومەنی وەزیرانی هەرێمی كوردستان، لە دەستپێكی ئۆپەراسیۆنەكەوە دووجار پەیامی بڵاوكردووەتەوە، بەبێ ئەوەی لە هیچ یەكێكیاندا ئیدانەی هێرشی توركیا بكات بۆ سەر ڕۆژئاوا.

لە یەكەمیاندا داوایكردووە توركیا وەك ئەندامێكی هاوپەیمانی نێودەوڵەتی لە شەڕی دژ بە تیرۆر، هیچ هەنگاوێك نەهاوێژێت كە كاریگەری نەرێنی لەو پێشكەوتنە بكات كە لە شەڕی دژی داعش بە دیهاتووە.

پەیامی دوەمیش، لە پەراوێزی كۆبونەوەی هەفتانەی ئەنجومەنەكەدا باس لە بارودۆخی سوریا كراو بەبێ ناوهێنانی توركیا، ئاماژە بە مەترسییەكانی شەڕ دەكات، كە دەرەنجامە نەرێنییەكانی تەنیا لە چوارچێوەی سوریادا نامێنێتەوە.

لاوازیی پەیامە فەرمییەكانی هەرێم لە كاتێكدایە، ئەمڕۆ هەشتەمین ڕۆژی هێرشەكانی توركیایەو دەیان هاوڵاتی مەدەنیی لە نێویاندا ژن و منداڵی كورد شەهیدو بریندار بوون‌و زیاتر لە 300 هەزار كەس ئاوارە بوون.

جگە لە سەرۆكایەتییەكانی هەرێم، زۆرینەی حیزبە كوردییەكانیش خۆیان لە قەرەی توركیا نادەن، تەنیا یەكێتی و گۆڕان وەك حیزب بەیاننامەیان لەسەر ئۆپەراسیۆنەكە هەبووە بە فەرمی.

هەرچی یەكێتییە لە بەیاننامەكەی مەكتەبی سیاسییدا، نیگەرانی لەبارەی ئاڵۆزییەكان نیشانداوە و داوایكردووە لەبری شەڕ، كێشەكان بە ئاشتی و دیالۆگ چارەسەر بكرێن.

بەڵام بزوتنەوەی گۆڕان، سەرەتای بەیاننامەكەی بە "جێبەجێكردنی ئۆپەراسیۆنە سەربازیەكانی توركیا بۆ سەر ڕۆژئاوای كوردستان بە توندی ئیدانە دەكەین" دەستپێكردووە، داواشیكردوە كەمپینی فراوان بكرێت بۆ دەربڕینی ناڕەزایی.

ئەمڕۆش لە كۆبوونەوەی سەرۆكی هەرێم لەگەڵ حیزبەكانی كوردستان، نەك ئیدانەی هێرشەكانی توركیا نەكرا، بەڵكو ناڕەزاییش پیشان نەدراوەو تەنها هەڵوەستە لەسەر ئەوە كراوە سیاسەتێكی واقیعیانە بگیرێتە بەر كە پاراستنی بەرژەوەندییەكانی گەل و خاكی هەرێمی كوردستان تیایدا پارێزراو بێت.

ڕاگەیەندراوی كۆبوونەوەكە دەڵێت "دامەزراوەكانی هەرێم و لایەنە سیاسییەكان هەموو توانا سیاسی و دیپلۆماسییەكانیان بخەنە ‌گەڕ بۆ هەرچی زووتر كۆتاییهاتن بە شەڕ و چارەسەركردنی كێشەكان بە ڕێگاچارەی ئاشتیانە و گفتوگۆ كە زامنی مافەكانی تەواوی پێكهاتەكانی سووریا بێت".

خۆپیشاندان و گردبونەوەی ناڕەزایی، لە شارەكانی هەرێمی كوردستان و زۆربەی وڵاتانی دونیا، ناوبەناو درێژەی هەیە، تا وڵاتانی زلهێزی جیهان ناچاربكرێن دەستتێوەردان بكەن بە قازانجی كورد.