بنەمای پەرەگراف متمانەیە

سەرۆكی فراكسیۆنی كۆمەڵ لە ئەنجوومەنی پارێزگای هەولێر دەستلەكاركێشانەوەی لە حیزبەكەی ڕاگەیاند

سەرۆكی فراكسیۆنی كۆمەڵ لە ئەنجوومەنی پارێزگای هەولێر دەستلەكاركێشانەوەی لە حیزبەكەی ڕاگەیاند
عەباس محەمەد، سەرۆكی فراكسیۆنی كۆمەڵی ئیسلامی لە ئەنجوومەنی پارێزگای هەولێر

پەرەگراف

سەرۆكی فراكسیۆنی كۆمەڵی ئیسلامی لە ئەنجوومەنی پارێزگای هەولێر دەستلەكاركێشانەوەی لە حیزبەكەی ڕاگەیاند. عەباس محەمەد دەڵێت: سێ‌ سەركردە و 70 كادیری باڵا و ناوەندیی كۆمەڵ دەستیان لە كار كێشاوەتەوە.

عەباس محەمەد، سەرۆكی فراكسیۆنی كۆمەڵی ئیسلامی لە ئەنجوومەنی پارێزگای هەولێر، لە كۆنگرەیەكی ڕۆژنامەوانیدا وتی، لەمڕۆوە هیچ پەیوەندییەكی بە كۆمەڵەوە نەماوە و دەچێتە پاڵ ئەو ئەندامە ناڕازییانەی كە لە ماوەی ڕابردوودا دەستیان لە كار كێشاوەتەوە.

بە قسەی ئەو كادیرەی كۆمەڵ، بەرپرسانی حیزبەكەی "دوای ڕازینەبوون بە ئەنجامی هەڵبژاردنە ناوخۆییەكانی حیزب لە مەڵبەندەكانی سێی هەولێر و 11ی دەوروبەری هەولێر، هەر لە یەكەم ڕۆژەوە كەوتنە دژایەتیی بەرپرس و ستافی نوێ، تا ناچار بە دەستلەكاركێشانەوەیان كردن".

سەرۆكی فراكسیۆنی كۆمەڵ لە ئەنجوومەنی پارێزگای هەولێر، هۆكارێكی دیكەی دەستلەكاركێشانەوەی بۆ "نەبوونی دادگەری" لەناو حیزبەكەیدا گەڕاندەوە و وتی "تا ئێستاش خەڵكێك لە چینی بەرزدا دەژین و ئامۆژگاریی خەڵكە ڕەشوڕووتەكە دەكەن كە ئارام بگرن قەیرانە".

عەباس محەممەد خیتابی كۆمەڵی ئیسلامیی بە داخراو ناوبرد و ڕەخنەی ئەوەی لە حیزبەكەی گرت كە دوای دەیان ساڵ خەبات، نەیتوانیوە لەسەدا 7ی دەنگی كۆمەڵگەیەكی موسڵمان تێپەڕێنێت و ئەنجوومەنی سیاسییەكەی خەریكی مشتومڕی حەرام بوون یان نەبوونی ئاگری نەورۆزە و لەسەر پرسی ئافرەتیش كێشەی هەیە، پێی وایە ئافرەت بۆی نییە ببێت بە بێژەری هەواڵ.

كادیرەكەی كۆمەڵ ئاماژەی بەوە كرد، حیزبەكەی "باكی بەوە نەبووە كە لە ماوەی مانگی ڕابردوودا سێ بەرپرسی باڵا و 70 كادیری باڵا و ناوەندی بە ئاشكرا وازیان لە كۆمەڵ هێناوە".

عەباس محەمەد ڕایگەیاند "لە ئەنجوومەنی پارێزگای هەولێریش وەكو فراكسیۆنێكی سەربەخۆ بەردەوام دەبم".

دەستلەكاركێشانەوەی عەباس محەمەد، سەرۆكی فراكسیۆنی كۆمەڵی ئیسلامی لە ئەنجوومەنی پارێزگای هەولێر، پاش ئەوە دێت كە سێ‌ ئەندامی سەركردایەتیی ئەو حیزبە كە دوانیان بەرپرسی مەڵبەندەكانی سێ‌ و یازدەی هەولێر بوون، لەگەڵ چەند گرووپێك لە كاتی جیا جیادا بەهۆی كیشەكانی ئەو دوو مەڵبەندەوە دەستیان لە كار كێشایەوە. بە قسەی عەباس محەمەدیش "كۆمەڵێك كادیری دیكە دەستیان لە كار كێشاوەتەوە، بەڵام نەیانویستووە ئاشكرای بكەن".

پێشتر پەرەگراف لە سەرچاوەیەكی ئاگادار لە كێشە ناوخۆییەكانی كۆمەڵی ئیسلامییەوە ئاشكرای كرد كە دەستلەكاركێشانەوەی بەرپرسانی ئەو حیزبە بە شێوەی گرووپ و دەستەی جیاواز درێژەی دەبێت. ئەو سەرچاوەیە ئەوەشی بە "پلانی بەرپرسە دەستلەكاركێشاەوەكان" ناو برد.

بەریتانیا لە بەرانبەر ڕاگرتنی كەشتییەكانی هەڕەشە لە ئێران دەكات

بەریتانیا ڕاگرتنی كەشتییە نەوتهەڵگرەكانی بە "قبوڵنەكراو" ناو دەبات و هۆشداری دەدات كە ئەو هەنگاوە "لێكەوتەی جیددی و كاردانەوەی توند"ی لێ‌ دەكەوێتەوە.

هەدەپە: هێرشی سەر دیبلۆماتكارە توركەكان لە هەولێر بە تووندی شەرمەزار دەكەین

هاوسەرۆكانی هەدەپە دەڵێن، قبوڵی ناكەن پەرلەمانتارێكيان بەهۆی ئەو هێرشەو بە بەهانەی ناوی برایەكیەوە بكرێتە ئامانج.

ئێران: بێسەروشوێنكردنی فڕۆكەیەكی بێفڕۆكەوانمان درۆ و بانگەشەی بێ‌ بنەمایە

سوپای پاسدارانی ئێران بێسەروشوێنكردنی فڕۆكەیەكی بێفڕۆكەوانی لە گەرووی هورمز لەلایەن ئەمریكاوە، بە "درۆ و بانگەشەی بێ‌ بنەما" ناو دەبات.

سەرۆكی فراكسیۆنی كۆمەڵ لە ئەنجوومەنی پارێزگای هەولێر دەستلەكاركێشانەوەی لە حیزبەكەی ڕاگەیاند

2019-05-15 12:43:51

پەرەگراف

سەرۆكی فراكسیۆنی كۆمەڵی ئیسلامی لە ئەنجوومەنی پارێزگای هەولێر دەستلەكاركێشانەوەی لە حیزبەكەی ڕاگەیاند. عەباس محەمەد دەڵێت: سێ‌ سەركردە و 70 كادیری باڵا و ناوەندیی كۆمەڵ دەستیان لە كار كێشاوەتەوە.

عەباس محەمەد، سەرۆكی فراكسیۆنی كۆمەڵی ئیسلامی لە ئەنجوومەنی پارێزگای هەولێر، لە كۆنگرەیەكی ڕۆژنامەوانیدا وتی، لەمڕۆوە هیچ پەیوەندییەكی بە كۆمەڵەوە نەماوە و دەچێتە پاڵ ئەو ئەندامە ناڕازییانەی كە لە ماوەی ڕابردوودا دەستیان لە كار كێشاوەتەوە.

بە قسەی ئەو كادیرەی كۆمەڵ، بەرپرسانی حیزبەكەی "دوای ڕازینەبوون بە ئەنجامی هەڵبژاردنە ناوخۆییەكانی حیزب لە مەڵبەندەكانی سێی هەولێر و 11ی دەوروبەری هەولێر، هەر لە یەكەم ڕۆژەوە كەوتنە دژایەتیی بەرپرس و ستافی نوێ، تا ناچار بە دەستلەكاركێشانەوەیان كردن".

سەرۆكی فراكسیۆنی كۆمەڵ لە ئەنجوومەنی پارێزگای هەولێر، هۆكارێكی دیكەی دەستلەكاركێشانەوەی بۆ "نەبوونی دادگەری" لەناو حیزبەكەیدا گەڕاندەوە و وتی "تا ئێستاش خەڵكێك لە چینی بەرزدا دەژین و ئامۆژگاریی خەڵكە ڕەشوڕووتەكە دەكەن كە ئارام بگرن قەیرانە".

عەباس محەممەد خیتابی كۆمەڵی ئیسلامیی بە داخراو ناوبرد و ڕەخنەی ئەوەی لە حیزبەكەی گرت كە دوای دەیان ساڵ خەبات، نەیتوانیوە لەسەدا 7ی دەنگی كۆمەڵگەیەكی موسڵمان تێپەڕێنێت و ئەنجوومەنی سیاسییەكەی خەریكی مشتومڕی حەرام بوون یان نەبوونی ئاگری نەورۆزە و لەسەر پرسی ئافرەتیش كێشەی هەیە، پێی وایە ئافرەت بۆی نییە ببێت بە بێژەری هەواڵ.

كادیرەكەی كۆمەڵ ئاماژەی بەوە كرد، حیزبەكەی "باكی بەوە نەبووە كە لە ماوەی مانگی ڕابردوودا سێ بەرپرسی باڵا و 70 كادیری باڵا و ناوەندی بە ئاشكرا وازیان لە كۆمەڵ هێناوە".

عەباس محەمەد ڕایگەیاند "لە ئەنجوومەنی پارێزگای هەولێریش وەكو فراكسیۆنێكی سەربەخۆ بەردەوام دەبم".

دەستلەكاركێشانەوەی عەباس محەمەد، سەرۆكی فراكسیۆنی كۆمەڵی ئیسلامی لە ئەنجوومەنی پارێزگای هەولێر، پاش ئەوە دێت كە سێ‌ ئەندامی سەركردایەتیی ئەو حیزبە كە دوانیان بەرپرسی مەڵبەندەكانی سێ‌ و یازدەی هەولێر بوون، لەگەڵ چەند گرووپێك لە كاتی جیا جیادا بەهۆی كیشەكانی ئەو دوو مەڵبەندەوە دەستیان لە كار كێشایەوە. بە قسەی عەباس محەمەدیش "كۆمەڵێك كادیری دیكە دەستیان لە كار كێشاوەتەوە، بەڵام نەیانویستووە ئاشكرای بكەن".

پێشتر پەرەگراف لە سەرچاوەیەكی ئاگادار لە كێشە ناوخۆییەكانی كۆمەڵی ئیسلامییەوە ئاشكرای كرد كە دەستلەكاركێشانەوەی بەرپرسانی ئەو حیزبە بە شێوەی گرووپ و دەستەی جیاواز درێژەی دەبێت. ئەو سەرچاوەیە ئەوەشی بە "پلانی بەرپرسە دەستلەكاركێشاەوەكان" ناو برد.