بنەمای پەرەگراف متمانەیە

سوپای پاسداران زانیاریی ورد لەبارەی هێرشەكانی بۆ سەر ناوچە سنوورییەكانی هەرێم بڵاودەكاتەوە

سوپای پاسداران زانیاریی ورد لەبارەی هێرشەكانی بۆ سەر ناوچە سنوورییەكانی هەرێم بڵاودەكاتەوە

پەرەگراف

سوپای پاسدارانی ئێران گرتەی ڤیدیۆیی تۆپباران و بۆردوومانی ئاسمانیی ناوچە سنوورییەكانی هەرێمی كوردستان لە دەڤەری باڵەكایەتیی بڵاوكردەوە و بە هێرش بۆ سەر "بارەگای گرووپە تیرۆریستییەكان" ناوی بردووە. سوپای پاسداران دەڵێت: لە هەرێمی كوردستان چاوەڕوان دەكرێت هۆشدارییەكانمان بە جیدی وەربگرێت.

سوپای پاسدارانی ئێران لە بەیاننامەیەكدا دەڵێت "بنكە و بارەگا و شوێنی مەشقی گرووپە تیرۆریستییەكانی دژی شۆڕشی ئیسلامی"ی لە ناوچە سنوورییەكانی ڕۆژئاوا و باكووری ڕۆژئاوای وڵات لەگەڵ هەرێمی كوردستان كردووەتە ئامانج.

بەپێی بەیاننامەی سوپای پاسداران، هێرشەكان لە ڕێگەی تۆپخانەكان و فڕۆكەی بێفڕۆكەوانەوە ئەنجام دراون و "ژمارەیەكی زۆر لە تیرۆریستەكان كوژراون و بریندار بوون".

سوپای پاسداران ئاماژەی بەوە كردووە "هێرشەكان بە وردی ئەنجام دراون و وێنەی شوێنی بۆردوومانەكان گیراون". هەروەها "گرتەی ڤیدیۆیی هێرشەكان"ی بڵاوكردووەتەوە كە تێیدا تۆپباران و بۆردوومان بە فڕۆكە دەردەكەون.

هێرشەكان بە كاردانەوە لە بەرانبەر كوشتنی فەرماندەیەكی كوردی سوپای پاسداران بە ناوی حاسڵ ئەحمەدی و دوو سەربازی دیكە ناوبراون، كە ئێوارەی سێشەمەی ڕابردوو كوژران، بەڵام هیچ كەس و لایەنێك بەرپرسیارێتیی خۆی لەو ڕووداوە ڕانەگەیاندووە.

سوپای پاسداران دەڵێت، هێرشەكان پاش ئەوە هاتووە كە هەرێمی كوردستان هۆشدارییەكانی لەبارەی ڕێگری لە بەكارهێنانی سنوورەكانی لەلایەن "گرووپە تیرۆریستییەكان" و كردنەوەی بارەگا بۆ مەشقكردنی ئەوانی بە جیدی وەرنەگرتووە و لەو ڕووە نەرمیی نواندووە.

"ئاسایشی نەتەوەیی و پاراستنی ئارامیی ئێران بە تایبەتیش دانیشتووانی پارێزگا سنوورییەكان، هێڵی سوورە. چاوەڕوانیمان لە هەرێمی كوردستان هەیە هۆشدارییەكان بە جیدی وەربگرێت و لەمە زیاتر ڕێگە نەدات خاكەكەی ببێتە پەناگا و شوێنی مەشق و پەروەردەی ڕێكخستنی تیرۆریستی"، سوپای پاسداران لە بەیاننامەكەیدا وا دەڵێت.

ئاژانسی هەواڵی تەسنیم جۆری ئەو فڕۆكە بێفڕۆكەوانەی ئاشكرا كردووە كە لە هێرش بۆ سەر بارەگاكانی حیزبە ئۆپۆزسیۆنە كوردییەكانی ئێران لە سنووری سیدەكان بەكار هاتووە.

ئاماژە بەوە كراوە فڕۆكەی بێفڕۆكەوانی موهاجیر ئێم-6 كە نوێترین و پێشكەوتووترین جۆری فڕۆكەی بێفڕۆكەوانی جەنگیی ئێرانییە و هەڵگری مووشەكی جۆری (قائیم)ـە، لە هێرشەكەدا بەكار هاتووە.

فڕۆكەكە توانای چاودێری و ناسینەوە و ئەنجامدانی هرێشی مووشەكیی هەیە و بۆ یەكەم جارە لە دەرەوەی سنووری ئێران بەكار دەهێنرێت. ئەم فڕۆكەیە توانای هەڵگرتنی دوو مووشەكی قائیمی لەژێر هەردوو باڵەكەیدا هەیە، كە مووشەكێكی زیرەكی ئاراستەكراوە.

ڕۆژی چوار شەممە تۆپخانەكانی سوپای پاسداران بە چڕی تۆپبارانی گوندە سنوورییەكانی سیدەكانیان كرد و بەهۆیەوە زیانی و گیانی و ماددی بەر گوندنشینان كەوت و بەشێكیشیان ماڵەكانیان جێهێشت.

لە تۆپبارانەكەدا ماڵی هاووڵاتییەك لە گوندی دێرێ‌ بەركەوت و بەهۆیەوە كچێكی 18 ساڵ گیانی لەدەست دا و دوو برایشی بریندار بوون.

لە بەردەوامیی بۆردوومانەكاندا، بۆ ڕِۆژی دووەم فڕۆكەی بێفڕۆكەوان بەكار هێنراوە. بەپێی هەندێك سەرچاوە بارەگاكانی حیزبی كۆمەڵەی زەحمەتكێشانی كوردستانی ئێران كراونەتە ئامانج، بەڵام تا ئێستا زانیاریی ورد و دروست لەبارەی زیانەكانەوە لەبەردەستدا نییە.

سەرۆكی پەرلەمان: پەسەندكردنی پڕۆژەیاسای پاراستنی بەرهەمی خۆماڵی ئامانجمانە

سەرۆكی پەرلەمانی كوردستان ڕایگەیاند، پاڵپشتیی هەر هەوڵێك دەكەن بۆ پاراستنی بەرهەمی خۆماڵیی

قوباد تاڵەبانی: پڕۆژە یاسای چاكسازیی دەسكەوتی هیچ كەس‌و لایەنێكی دیاریكراو نییە

قوباد تاڵەبانی ڕایگەیاند، پڕۆژە یاسای چاكسازیی دەسكەوتی هیچ كەس‌و لایەنێكی دیاریكراو نییەو بابەتێك نییە بۆ موزایەدەكردن.

خۆپیشاندەرانی بەغدا گەنجێكی 17 ساڵیان كوشت و بە ستوونی ترافیكلایتەوە هەڵیانواسی

خۆپیشاندەرانی گۆڕەپانی وەسبە لە بەغدا، گەنجێكی تەمەن "17"ساڵی تۆمەتبار بە "كوشتنی خۆپیشاندەران"یان لە ماڵێكدا دەستگیر كرد و كوشتيان.

چالاكانی چەمچەماڵ: گرنگی بە خزمەتگوزاری بدەن پێش ئەوەی خەڵك ڕێگەی دیكە بگرنە بەر

دەستەی پەیامی مەدەنیانە بۆ چارەسەركردنی كێشەكانی قەزای چەمچەماڵ، یاداشتێكی ئاراسستەی پەرلەمان و حكوومەتی هەرێم كرد.

سوپای پاسداران زانیاریی ورد لەبارەی هێرشەكانی بۆ سەر ناوچە سنوورییەكانی هەرێم بڵاودەكاتەوە

2019-07-12 21:53:50

پەرەگراف

سوپای پاسدارانی ئێران گرتەی ڤیدیۆیی تۆپباران و بۆردوومانی ئاسمانیی ناوچە سنوورییەكانی هەرێمی كوردستان لە دەڤەری باڵەكایەتیی بڵاوكردەوە و بە هێرش بۆ سەر "بارەگای گرووپە تیرۆریستییەكان" ناوی بردووە. سوپای پاسداران دەڵێت: لە هەرێمی كوردستان چاوەڕوان دەكرێت هۆشدارییەكانمان بە جیدی وەربگرێت.

سوپای پاسدارانی ئێران لە بەیاننامەیەكدا دەڵێت "بنكە و بارەگا و شوێنی مەشقی گرووپە تیرۆریستییەكانی دژی شۆڕشی ئیسلامی"ی لە ناوچە سنوورییەكانی ڕۆژئاوا و باكووری ڕۆژئاوای وڵات لەگەڵ هەرێمی كوردستان كردووەتە ئامانج.

بەپێی بەیاننامەی سوپای پاسداران، هێرشەكان لە ڕێگەی تۆپخانەكان و فڕۆكەی بێفڕۆكەوانەوە ئەنجام دراون و "ژمارەیەكی زۆر لە تیرۆریستەكان كوژراون و بریندار بوون".

سوپای پاسداران ئاماژەی بەوە كردووە "هێرشەكان بە وردی ئەنجام دراون و وێنەی شوێنی بۆردوومانەكان گیراون". هەروەها "گرتەی ڤیدیۆیی هێرشەكان"ی بڵاوكردووەتەوە كە تێیدا تۆپباران و بۆردوومان بە فڕۆكە دەردەكەون.

هێرشەكان بە كاردانەوە لە بەرانبەر كوشتنی فەرماندەیەكی كوردی سوپای پاسداران بە ناوی حاسڵ ئەحمەدی و دوو سەربازی دیكە ناوبراون، كە ئێوارەی سێشەمەی ڕابردوو كوژران، بەڵام هیچ كەس و لایەنێك بەرپرسیارێتیی خۆی لەو ڕووداوە ڕانەگەیاندووە.

سوپای پاسداران دەڵێت، هێرشەكان پاش ئەوە هاتووە كە هەرێمی كوردستان هۆشدارییەكانی لەبارەی ڕێگری لە بەكارهێنانی سنوورەكانی لەلایەن "گرووپە تیرۆریستییەكان" و كردنەوەی بارەگا بۆ مەشقكردنی ئەوانی بە جیدی وەرنەگرتووە و لەو ڕووە نەرمیی نواندووە.

"ئاسایشی نەتەوەیی و پاراستنی ئارامیی ئێران بە تایبەتیش دانیشتووانی پارێزگا سنوورییەكان، هێڵی سوورە. چاوەڕوانیمان لە هەرێمی كوردستان هەیە هۆشدارییەكان بە جیدی وەربگرێت و لەمە زیاتر ڕێگە نەدات خاكەكەی ببێتە پەناگا و شوێنی مەشق و پەروەردەی ڕێكخستنی تیرۆریستی"، سوپای پاسداران لە بەیاننامەكەیدا وا دەڵێت.

ئاژانسی هەواڵی تەسنیم جۆری ئەو فڕۆكە بێفڕۆكەوانەی ئاشكرا كردووە كە لە هێرش بۆ سەر بارەگاكانی حیزبە ئۆپۆزسیۆنە كوردییەكانی ئێران لە سنووری سیدەكان بەكار هاتووە.

ئاماژە بەوە كراوە فڕۆكەی بێفڕۆكەوانی موهاجیر ئێم-6 كە نوێترین و پێشكەوتووترین جۆری فڕۆكەی بێفڕۆكەوانی جەنگیی ئێرانییە و هەڵگری مووشەكی جۆری (قائیم)ـە، لە هێرشەكەدا بەكار هاتووە.

فڕۆكەكە توانای چاودێری و ناسینەوە و ئەنجامدانی هرێشی مووشەكیی هەیە و بۆ یەكەم جارە لە دەرەوەی سنووری ئێران بەكار دەهێنرێت. ئەم فڕۆكەیە توانای هەڵگرتنی دوو مووشەكی قائیمی لەژێر هەردوو باڵەكەیدا هەیە، كە مووشەكێكی زیرەكی ئاراستەكراوە.

ڕۆژی چوار شەممە تۆپخانەكانی سوپای پاسداران بە چڕی تۆپبارانی گوندە سنوورییەكانی سیدەكانیان كرد و بەهۆیەوە زیانی و گیانی و ماددی بەر گوندنشینان كەوت و بەشێكیشیان ماڵەكانیان جێهێشت.

لە تۆپبارانەكەدا ماڵی هاووڵاتییەك لە گوندی دێرێ‌ بەركەوت و بەهۆیەوە كچێكی 18 ساڵ گیانی لەدەست دا و دوو برایشی بریندار بوون.

لە بەردەوامیی بۆردوومانەكاندا، بۆ ڕِۆژی دووەم فڕۆكەی بێفڕۆكەوان بەكار هێنراوە. بەپێی هەندێك سەرچاوە بارەگاكانی حیزبی كۆمەڵەی زەحمەتكێشانی كوردستانی ئێران كراونەتە ئامانج، بەڵام تا ئێستا زانیاریی ورد و دروست لەبارەی زیانەكانەوە لەبەردەستدا نییە.