بنەمای پەرەگراف متمانەیە

كۆنگرەی یەكێتی؛ بەرهەم ساڵح ڕوو لە ماڵی مام جەلال‌و پشت لە كۆسرەت ڕەسوڵ

كۆنگرەی یەكێتی؛ بەرهەم ساڵح ڕوو لە ماڵی مام جەلال‌و پشت لە كۆسرەت ڕەسوڵ


پەرەگراف- سوركێو محەمەد

گفتوگۆی پشتی پەردەی باڵەكانی یەكێتی بەردەوامە بۆ ئەنجامدانی تەوافوقی پێشوەختە لەبارەی كۆنگرەی حیزبەكەیان كە وادەی دیارییكراو بۆ بەستنی كەمتر لە 3 هەفتەی دیكەیە، باڵەكان نزیكن لە ڕێككەوتنی كۆتایی‌و بەرهەم ساڵح چانسی بەهێزی هەیە ببێتە كەسی یەكەمی ئەو حیزبەو بۆ ئەو مەبەستەش پشت لە كۆسرەت ڕەسوڵ‌و ڕوو لە ماڵی مام جەلال هەنگاوی ناوە، پەرەگراف لەم ڕاپۆرتەدا دوایین زانیارییەكان ئاشكرا دەكات.

بەپێی بڕیاری فەرمیی یەكێتی، 7ی مانگی داهاتوو گرنگترین كۆبوونەوەی ڕێكخراوەیی ئەو حیزبەیە بۆ خۆنوێكردنەوەو گۆڕانكاریی لە شێوازی بەڕێوەبردن‌و لوتكەی دەسەڵاتی حیزب، ئەوەش وایكردووە لەسەر ئاستی ئۆرگانەكانی ئەو حیزبە بازاڕی تەكەتول‌و گروپ دروستكردن گەرم ببێت.

هەرچەندە كەس بە ئاشكرا باسی ڕێككەوتنی پێشوەختەی نێوان باڵەكان ناكات، بەڵام لەپشتی پەردەوە "هەمووان لەسەر تەوافوق كۆكن"‌و جیاوازییان لە شێوازو چۆنیەتی ڕێككەوتنەكەدایە.

بەرهەم ساڵح لە نێوان ماڵی تاڵەبانی‌و كۆسرەت ڕەسوڵدا

پەرەگراف لە چەند سەرچاوەیەكی ئاگادار لە دۆخی یەكێتی، زانیاریی ئەوەی دەستكەوتووە كە ناكۆكیی نێوان دوو باڵە سەرەكییەكەی یەكێتی كە ماڵی تاڵەبانی‌و كۆسرەت ڕەسووڵە، بووەتە "دەرفەتێكی زێڕین" بۆ بەرهەم ساڵح تا ببێتە كەسی یەكەمی ئەو حیزبە لە كۆنگرەدا، بەڵام هەردوو باڵەكە مەرجیان هەیە بۆ پۆستەكانی خوار كەسی یەكەم.

"ماڵی مام جەلال ڕازین بەوەی د.بەرهەم ببێتە كەسی یەكەم، بەڵام پێداگرن كە تەنها یەك جێگری هەبێت‌و ئەویش بافڵ تاڵەبانی بێت" سەرچاوەیەك كە ئاگاداری وردەكاریی‌و گۆڕانكارییەكانی ناو یەكێتییە وای وت، وتیشی "كاك كۆسرەتیش ڕازیی بووە كە دەست لە پۆستی كەسی یەكەم هەڵبگرێت، بەڵام مەرجی ئەوەیە دوو جێگری هەبێت‌و یەكێكیان بۆ شاڵاوی كوڕی‌و ئەوەی دیكەیان بۆ ماڵی تاڵەبانی بێت".

بەرهەم ساڵح كە ساڵی ڕابردوو لە پێناو پۆستی سەرۆك كۆماردا وازی لە حیزبە نوێیەكەی هێناو گەڕایەوە ناو یەكێتی، ئێستاش مانۆڕی چڕی دەستپێكردووە پۆستی یەكەمی ئەو حیزبە وەربگرێت، "كاك كۆسرەت لە هەنگاوەكانی د.بەرهەم‌و نزیكبوونەوەی لە ماڵی مام جەلال نیگەرانەو ئێستا پەیوەندییەكانیان لە دۆخێكی خراپدایە".

بەرهەم ساڵح لەناو یەكێتی كێشەی گەورەی لەگەڵ ماڵی مام جەلال هەبوو بەتایبەت ئەوكاتەی هێرۆ ئیبراهیم ئەحمەد لە گۆڕەپانەكەدا بوو، ئەو بەڕادەیەك لە كۆسرەت ڕەسوڵ نزیك بوو ساڵی 2016 پێكەوە ناوەندی بڕیاریان لەناو یەكێتی ڕاگەیاند، ئەوكاتەشی لە 2017دا بەرهەم ساڵح حیزبە نوێیەكەی دروست كرد(هاوپەیمانی)‌و دوای گەڕانەوەشی بۆناو یەكێتی لە 2018دا بەهەمان شێوە نێوانی خۆش بوو لەگەڵ كۆسرەت ڕەسوڵ، بەڵام ئێستا هاوكێشەكە گۆڕاوە.

"بەڕای شەخسیی خۆم لە كۆتاییدا د.بەرهەم دەگەڕێتەوە لای كاك كۆسرەت‌و ماڵی مام جەلالیش ڕازیی دەكات، ئەو زیرەكە لەو یارییانەداو هەمووان بەكاردەهێنێت، هەرچەندە لە ئێستادا نەیتوانیوە هاوسەنگیی ڕابگرێت لە نێوان دوو باڵەكەداو بەلای ماڵی مام جەلالدا ڕۆیشتووە" سەرچاوەكە وای وت.

لەبارەی ڕۆڵ‌و پۆستی كۆسرەت ڕەسوڵ لە داهاتووی یەكێتی دا، ئەو سەرچاوەیە وتی "بەپێی ئەوە دیاریی دەكرێت تەوافوق لەسەر چی‌و كام شێوازی بەڕێوەبردن دەكرێت، بەڵام ڕەنگە كاك كۆسرەت ببێتە سەرپەرشتیاری ئەنجومەنێكی نوێ بە ناوی دانایان یاخود پیران كە زیاتر ڕۆڵی چاودێریی‌و ڕاوێژكاریی دەبێت".

پەرەگراف لەگەڵ چەند ئەندامێكی سەركردایەتی یەكێتی قسەی كردووەو هەمووان تەئكید لە تەوافوقی پێشوەخت دەكەن لە پێناو "كۆنگرەیەكی سەركەوتوو".

ئەندامێكی سەركردایەتی یەكێتی وتی"ئۆرگانە جیاوازەكانی حیزب چەند پڕۆژەیەكیان ئامادە كردووەو دەبرێنە كۆنگرەوە لە بارەی هەیكەلییەت‌و بەڕێوەبردنی حیزب لە داهاتوودا".

ئەو ئەندامەی سەركردایەتی كە داوایكرد ناوی نەهێنرێت، وتیشی"كۆدەنگیی لەسەر ئەوە هەیە هەیكەلییەت‌و دامەزراوەكانی یەكێتی بۆ داهاتوو بەجۆرێك بن شوێنی هەمووانی تێدا ببێتەوەو ئەوانەی ناچنە سەركردایەتی‌و مەكتەبی سیاسی لە ئۆرگانی دیكە دادەنرێن‌و بەرنامەكە وەهایە كەس زویر نەبێت‌و لە حیزبەكە دوور نەكەوێتەوە".

هاوكات سەركردایەتییەكی دیكەی یەكێتی باسیلەوە كرد، پڕۆژەیەكی دیكە هەیە كەسی یەكەمی حیزب چەند جێگرێكی هەبێت، "هەریەكەیان بەرپرسی مەلەفێك بن‌و بە تەوافوق دابنرێت، وەك؛ بەرپرسی مەلەفی دارایی، بەرپرسی مەلەفی‌و ئەمنیی، ڕێكخستن‌و سەربازیی‌و كاروبارەكانی دیكەش بەوجۆرە مەلەفیان بۆ بكرێتەوە".

پەیڕەوی ناوخۆی ئێستای یەكێتی ئەوەی دیاریی كردووە كە ئەندامانی كۆنگرەی چوارەمی ئەو حیزبە كێ دەبن‌و نابێت لە هەزار كەس زیاتر بن، هەڵبژاردنە ناوخۆییەكانی ئەو حیزبە بۆ دیاریكردنی ئەندامانی كۆنگرە بەردەوامە بەرەو ململانێی تووند دەچێت ئەوەش لەگەڵ دەستپێكردنی هەڵبژاردنی مەڵبەندەكان.

بەرپرسێكی یەكێتی كە ئاگاداری وردەكارییەكانە بۆ پەرەگراف وتی "لە ئێستادا 550 كەس بە جێگیریی دیارن كە دەبنە ئەندامی كۆنگرە ئەوەش بەپێی پەیڕەوی ناوخۆ، هەڵبژاردن‌و ململانێكان لەسەر 450 ئەندامەكەی دیكەی كۆنگرەیەو لەو ژمارەیەش ڕێژەیەكی كەمیان دیارن‌و كورسییەكانیان دابەشكراوە بەسەر چەند ناوەندێكدا".

ئێستا دەسەڵاتی یەكێتی لای كۆسرەت ڕەسوڵ جێگری سكرتێری گشتیی یە، بەتایبەت لە نەبوونی هێرۆ ئیبراهیم ئەحمەد لە گۆڕەپانەكەدا بەهۆی خراپی دۆخی تەندروستییەوە، كۆسرەت ڕەسوڵ بووەتە بڕیاردەری سەرەكیی حیزبەكە‌و لە ماوەی چەند مانگی ڕابردوودا پلەی حیزبیی بۆ دەیان كادر لە مەكتەبەكانی یەكێتی لە ژێر ناوی "ئەندامی ئەنجومەنی مەكتەب" بەرز كردووەتەوە بە ئامانجی كاریگەریی دروستكردن لەسەر كۆنگرە، بەڵام ئەوە ناڕەزایی لێكەوتەوە.

ئەو بەرپرسەی یەكێتی وتیشی "بەهۆی ناڕەزاییەكانەوە بڕیاردرا ئەندامانی ئەنجوومەنی مەكتەبەكان بچنە هەڵبژاردنی ناو مەڵبەندەكان‌و لەوێوە كێبڕكێ بكەن بۆ ئەندامی كۆنگرە، لە مەكتەبەكان تەنها ئەندامی مەكتەبەكان دەچنە هەڵبژاردنی مەكتەبەكان‌و كێبڕكێ دەكەن بۆ ئەندامی كۆنگرە".

بەپێی پەیڕەوی ناوخۆی یەكێتی، پێویستبوو كۆنگرەی چوارەمی ئەو حیزبە لە مانگی 10ی 2013دا ببەسترایە، ئێستا 6 ساڵ بەسەر ئەو وادەیەدا تێپەڕبووەو هۆكاری سەرەكییش نەخۆشكەوتنی مام جەلال‌و دووركەوتنەوەی بوو لە گۆڕەپانی سیاسی لە كۆتایی ساڵی 2012‌و تا كۆچی دواییكردنی لە 2017 دا، تاڵەبانی بۆشاییەكی گەورەی لەناو یەكێتی دروست كردو لە نەبوونی ئەودا ناكۆكییەكان قووڵ بوونەوەو كێشەكان زیادیان كرد.

ناكۆكییەكانی ناو یەكێتی بەجۆرێكن هەر گروپەو دەیەوێت لە بەرژەوەندیی خۆی گۆڕانكاریی بكرێت‌و جومگە سەرەكییەكانی دەسەڵاتی حزبیی لای خۆی بێت وەك؛ پۆستی یەكەمی حزب، پارەو دەسەڵاتی میدیا.

ئێستا پڕكردنەوەی شوێنی تاڵەبانی‌و دانیشتنی كەسێكی دیكە لەسەر كورسییەكەی‌و وەرگرتنی دەسەڵاتەكانی، بووەتە خاڵی جەوهەریی ناكۆكییەكانی نێوان باڵە جیاوازەكانی یەكێتی بۆ كۆنگرەی نوێیان، بەڵام پێناچێت كەسی یەكەم لە ژێر هەمان ناونیشان "سكرتێری گشتیی"‌و بەهەمان دەسەڵاتەكانی مام جەلال پۆستەكە وەربگرێت.

ئەنفالكراوان؛ لە غەریبیدا كۆمەڵكوژكران‌و بەر لە ناسینەوە دەخرێنەوە ژێرگڵ

بەدوریی سەدان كیلۆمەتر لەزێدی خۆیانەوە، لە خاكێكی لمینی غەریبیدا كۆمەڵكوژكران و دوای سێ دەیە ڕوفاتەكانیان دۆزرایەوە.

ئەو پیاوەی بە گوێی ئۆجەلاندا چرپاندی

لە ڕۆژێكی بەهاری 2004، ئۆجەلان لە زیندانی دوورگەی ئیمراڵییەوە پارێزەرە ئەڵمانییەكەی بانگ دەكات و پێی دەڵێت، پەیامێكی زۆر گرنگی هەیەو..

زانیاریی نوێ‌و تایبەت/ نامەكەی كۆسرەت ڕەسوڵ دوای كۆبوونەوە بووە لەگەڵ ئێرانییەكان

نامەكەی كۆسرەت ڕەسوڵ بۆ سەركردایەتی یەكێتی، دوای كۆبوونەوەی ئەمڕۆی ئێرانییەكان بووە لەگەڵ جەمسەرە جیاوازەكانی ئەو حیزبە.

بەرهەم ساڵح لە ململانێی بوون بە كەسی یەكەمی یەكێتی "دەچێتە دەرەوە"

سەركردایەتی گشتیی یەكێتی لە كۆبوونەوەی ئەمڕۆیدا سیستمی هاوسەرۆكیی بۆ بەڕێوەبردنی حیزبەكەی پەسەند كرد، بەرهەم ساڵح ئەو پۆستە وەرناگرێت‌و لە ململانێكە چووەتە دەرەوە.

كۆنگرەی یەكێتی؛ بەرهەم ساڵح ڕوو لە ماڵی مام جەلال‌و پشت لە كۆسرەت ڕەسوڵ

2019-11-18 19:24:34


پەرەگراف- سوركێو محەمەد

گفتوگۆی پشتی پەردەی باڵەكانی یەكێتی بەردەوامە بۆ ئەنجامدانی تەوافوقی پێشوەختە لەبارەی كۆنگرەی حیزبەكەیان كە وادەی دیارییكراو بۆ بەستنی كەمتر لە 3 هەفتەی دیكەیە، باڵەكان نزیكن لە ڕێككەوتنی كۆتایی‌و بەرهەم ساڵح چانسی بەهێزی هەیە ببێتە كەسی یەكەمی ئەو حیزبەو بۆ ئەو مەبەستەش پشت لە كۆسرەت ڕەسوڵ‌و ڕوو لە ماڵی مام جەلال هەنگاوی ناوە، پەرەگراف لەم ڕاپۆرتەدا دوایین زانیارییەكان ئاشكرا دەكات.

بەپێی بڕیاری فەرمیی یەكێتی، 7ی مانگی داهاتوو گرنگترین كۆبوونەوەی ڕێكخراوەیی ئەو حیزبەیە بۆ خۆنوێكردنەوەو گۆڕانكاریی لە شێوازی بەڕێوەبردن‌و لوتكەی دەسەڵاتی حیزب، ئەوەش وایكردووە لەسەر ئاستی ئۆرگانەكانی ئەو حیزبە بازاڕی تەكەتول‌و گروپ دروستكردن گەرم ببێت.

هەرچەندە كەس بە ئاشكرا باسی ڕێككەوتنی پێشوەختەی نێوان باڵەكان ناكات، بەڵام لەپشتی پەردەوە "هەمووان لەسەر تەوافوق كۆكن"‌و جیاوازییان لە شێوازو چۆنیەتی ڕێككەوتنەكەدایە.

بەرهەم ساڵح لە نێوان ماڵی تاڵەبانی‌و كۆسرەت ڕەسوڵدا

پەرەگراف لە چەند سەرچاوەیەكی ئاگادار لە دۆخی یەكێتی، زانیاریی ئەوەی دەستكەوتووە كە ناكۆكیی نێوان دوو باڵە سەرەكییەكەی یەكێتی كە ماڵی تاڵەبانی‌و كۆسرەت ڕەسووڵە، بووەتە "دەرفەتێكی زێڕین" بۆ بەرهەم ساڵح تا ببێتە كەسی یەكەمی ئەو حیزبە لە كۆنگرەدا، بەڵام هەردوو باڵەكە مەرجیان هەیە بۆ پۆستەكانی خوار كەسی یەكەم.

"ماڵی مام جەلال ڕازین بەوەی د.بەرهەم ببێتە كەسی یەكەم، بەڵام پێداگرن كە تەنها یەك جێگری هەبێت‌و ئەویش بافڵ تاڵەبانی بێت" سەرچاوەیەك كە ئاگاداری وردەكاریی‌و گۆڕانكارییەكانی ناو یەكێتییە وای وت، وتیشی "كاك كۆسرەتیش ڕازیی بووە كە دەست لە پۆستی كەسی یەكەم هەڵبگرێت، بەڵام مەرجی ئەوەیە دوو جێگری هەبێت‌و یەكێكیان بۆ شاڵاوی كوڕی‌و ئەوەی دیكەیان بۆ ماڵی تاڵەبانی بێت".

بەرهەم ساڵح كە ساڵی ڕابردوو لە پێناو پۆستی سەرۆك كۆماردا وازی لە حیزبە نوێیەكەی هێناو گەڕایەوە ناو یەكێتی، ئێستاش مانۆڕی چڕی دەستپێكردووە پۆستی یەكەمی ئەو حیزبە وەربگرێت، "كاك كۆسرەت لە هەنگاوەكانی د.بەرهەم‌و نزیكبوونەوەی لە ماڵی مام جەلال نیگەرانەو ئێستا پەیوەندییەكانیان لە دۆخێكی خراپدایە".

بەرهەم ساڵح لەناو یەكێتی كێشەی گەورەی لەگەڵ ماڵی مام جەلال هەبوو بەتایبەت ئەوكاتەی هێرۆ ئیبراهیم ئەحمەد لە گۆڕەپانەكەدا بوو، ئەو بەڕادەیەك لە كۆسرەت ڕەسوڵ نزیك بوو ساڵی 2016 پێكەوە ناوەندی بڕیاریان لەناو یەكێتی ڕاگەیاند، ئەوكاتەشی لە 2017دا بەرهەم ساڵح حیزبە نوێیەكەی دروست كرد(هاوپەیمانی)‌و دوای گەڕانەوەشی بۆناو یەكێتی لە 2018دا بەهەمان شێوە نێوانی خۆش بوو لەگەڵ كۆسرەت ڕەسوڵ، بەڵام ئێستا هاوكێشەكە گۆڕاوە.

"بەڕای شەخسیی خۆم لە كۆتاییدا د.بەرهەم دەگەڕێتەوە لای كاك كۆسرەت‌و ماڵی مام جەلالیش ڕازیی دەكات، ئەو زیرەكە لەو یارییانەداو هەمووان بەكاردەهێنێت، هەرچەندە لە ئێستادا نەیتوانیوە هاوسەنگیی ڕابگرێت لە نێوان دوو باڵەكەداو بەلای ماڵی مام جەلالدا ڕۆیشتووە" سەرچاوەكە وای وت.

لەبارەی ڕۆڵ‌و پۆستی كۆسرەت ڕەسوڵ لە داهاتووی یەكێتی دا، ئەو سەرچاوەیە وتی "بەپێی ئەوە دیاریی دەكرێت تەوافوق لەسەر چی‌و كام شێوازی بەڕێوەبردن دەكرێت، بەڵام ڕەنگە كاك كۆسرەت ببێتە سەرپەرشتیاری ئەنجومەنێكی نوێ بە ناوی دانایان یاخود پیران كە زیاتر ڕۆڵی چاودێریی‌و ڕاوێژكاریی دەبێت".

پەرەگراف لەگەڵ چەند ئەندامێكی سەركردایەتی یەكێتی قسەی كردووەو هەمووان تەئكید لە تەوافوقی پێشوەخت دەكەن لە پێناو "كۆنگرەیەكی سەركەوتوو".

ئەندامێكی سەركردایەتی یەكێتی وتی"ئۆرگانە جیاوازەكانی حیزب چەند پڕۆژەیەكیان ئامادە كردووەو دەبرێنە كۆنگرەوە لە بارەی هەیكەلییەت‌و بەڕێوەبردنی حیزب لە داهاتوودا".

ئەو ئەندامەی سەركردایەتی كە داوایكرد ناوی نەهێنرێت، وتیشی"كۆدەنگیی لەسەر ئەوە هەیە هەیكەلییەت‌و دامەزراوەكانی یەكێتی بۆ داهاتوو بەجۆرێك بن شوێنی هەمووانی تێدا ببێتەوەو ئەوانەی ناچنە سەركردایەتی‌و مەكتەبی سیاسی لە ئۆرگانی دیكە دادەنرێن‌و بەرنامەكە وەهایە كەس زویر نەبێت‌و لە حیزبەكە دوور نەكەوێتەوە".

هاوكات سەركردایەتییەكی دیكەی یەكێتی باسیلەوە كرد، پڕۆژەیەكی دیكە هەیە كەسی یەكەمی حیزب چەند جێگرێكی هەبێت، "هەریەكەیان بەرپرسی مەلەفێك بن‌و بە تەوافوق دابنرێت، وەك؛ بەرپرسی مەلەفی دارایی، بەرپرسی مەلەفی‌و ئەمنیی، ڕێكخستن‌و سەربازیی‌و كاروبارەكانی دیكەش بەوجۆرە مەلەفیان بۆ بكرێتەوە".

پەیڕەوی ناوخۆی ئێستای یەكێتی ئەوەی دیاریی كردووە كە ئەندامانی كۆنگرەی چوارەمی ئەو حیزبە كێ دەبن‌و نابێت لە هەزار كەس زیاتر بن، هەڵبژاردنە ناوخۆییەكانی ئەو حیزبە بۆ دیاریكردنی ئەندامانی كۆنگرە بەردەوامە بەرەو ململانێی تووند دەچێت ئەوەش لەگەڵ دەستپێكردنی هەڵبژاردنی مەڵبەندەكان.

بەرپرسێكی یەكێتی كە ئاگاداری وردەكارییەكانە بۆ پەرەگراف وتی "لە ئێستادا 550 كەس بە جێگیریی دیارن كە دەبنە ئەندامی كۆنگرە ئەوەش بەپێی پەیڕەوی ناوخۆ، هەڵبژاردن‌و ململانێكان لەسەر 450 ئەندامەكەی دیكەی كۆنگرەیەو لەو ژمارەیەش ڕێژەیەكی كەمیان دیارن‌و كورسییەكانیان دابەشكراوە بەسەر چەند ناوەندێكدا".

ئێستا دەسەڵاتی یەكێتی لای كۆسرەت ڕەسوڵ جێگری سكرتێری گشتیی یە، بەتایبەت لە نەبوونی هێرۆ ئیبراهیم ئەحمەد لە گۆڕەپانەكەدا بەهۆی خراپی دۆخی تەندروستییەوە، كۆسرەت ڕەسوڵ بووەتە بڕیاردەری سەرەكیی حیزبەكە‌و لە ماوەی چەند مانگی ڕابردوودا پلەی حیزبیی بۆ دەیان كادر لە مەكتەبەكانی یەكێتی لە ژێر ناوی "ئەندامی ئەنجومەنی مەكتەب" بەرز كردووەتەوە بە ئامانجی كاریگەریی دروستكردن لەسەر كۆنگرە، بەڵام ئەوە ناڕەزایی لێكەوتەوە.

ئەو بەرپرسەی یەكێتی وتیشی "بەهۆی ناڕەزاییەكانەوە بڕیاردرا ئەندامانی ئەنجوومەنی مەكتەبەكان بچنە هەڵبژاردنی ناو مەڵبەندەكان‌و لەوێوە كێبڕكێ بكەن بۆ ئەندامی كۆنگرە، لە مەكتەبەكان تەنها ئەندامی مەكتەبەكان دەچنە هەڵبژاردنی مەكتەبەكان‌و كێبڕكێ دەكەن بۆ ئەندامی كۆنگرە".

بەپێی پەیڕەوی ناوخۆی یەكێتی، پێویستبوو كۆنگرەی چوارەمی ئەو حیزبە لە مانگی 10ی 2013دا ببەسترایە، ئێستا 6 ساڵ بەسەر ئەو وادەیەدا تێپەڕبووەو هۆكاری سەرەكییش نەخۆشكەوتنی مام جەلال‌و دووركەوتنەوەی بوو لە گۆڕەپانی سیاسی لە كۆتایی ساڵی 2012‌و تا كۆچی دواییكردنی لە 2017 دا، تاڵەبانی بۆشاییەكی گەورەی لەناو یەكێتی دروست كردو لە نەبوونی ئەودا ناكۆكییەكان قووڵ بوونەوەو كێشەكان زیادیان كرد.

ناكۆكییەكانی ناو یەكێتی بەجۆرێكن هەر گروپەو دەیەوێت لە بەرژەوەندیی خۆی گۆڕانكاریی بكرێت‌و جومگە سەرەكییەكانی دەسەڵاتی حزبیی لای خۆی بێت وەك؛ پۆستی یەكەمی حزب، پارەو دەسەڵاتی میدیا.

ئێستا پڕكردنەوەی شوێنی تاڵەبانی‌و دانیشتنی كەسێكی دیكە لەسەر كورسییەكەی‌و وەرگرتنی دەسەڵاتەكانی، بووەتە خاڵی جەوهەریی ناكۆكییەكانی نێوان باڵە جیاوازەكانی یەكێتی بۆ كۆنگرەی نوێیان، بەڵام پێناچێت كەسی یەكەم لە ژێر هەمان ناونیشان "سكرتێری گشتیی"‌و بەهەمان دەسەڵاتەكانی مام جەلال پۆستەكە وەربگرێت.